【珍惜香港】睇見呢邊,回應成二百多個,真喺幾壯觀。呢排地產網好熱鬧,我响
另一邊講下
大師啫,諗住
精英文集嘅留言箱,應該會冷清啲啦,點知今日一睇,留言過百。
有人話我,唔知用乜招,
減少一個對手;真喺唔知點解,總要將簡單嘢複雜化。坦白講,我一向唔鍾意用地產網嚟 CHAT,所以唔會隨便回覆,
一定要有話題,先至出文。況且,自己對眼又唔太好,依家寫嘢已經越嚟越吃力,邊有條件同人鬥咀?遇到麻煩人,咪當佢透明囉!講乜對手唔對手?只不過,有啲長期留言者,我比較著意,有啲長嘢,真喺會為咗佢地寫,或者因為得到佢地嘅啟發而去寫。
我每次出文,都非常嚴謹,用得嘅定義,亦有根有據。就算我講
大師,呢種冇乜標準定義嘅名詞都好,都會舉一啲例子,就好似
白某人咁,令大家一睇就明白,我喺講緊邊類大師,而唔喺乜嘢
個人定義。
記得,
第一次開始講
投資定義,已經喺半年前。
真正嘅投資,喺增持有價值之物,同沽走即將喪失價值之物。而最重要,就喺持有果一段時間內,必須充分行使投資物嘅價值,以帶嚟最大嘅利益。呢個話題,
講咗成半年,有啲人,仲原地踏步,我真喺好累。上面果段,QUOTE 咗 N 次,咁大隻「沽」字都睇唔到,仲成日被演繹為,只買不賣。叫人放眼世界,人地就死咬住果一隻蚊。講到
投機領域嘅莊閒,又俾人演繹成,邊個回應者喺莊,邊個回應者喺閒,仲拋埋
網主同湯生出嚟,九唔搭八。所以話呢,有啲人,真喺唔可以再回覆。
講到莊閒,又令我聯想到有啲人,
睇細唔睇大。早前銀行同我講,以我依家嘅規模,不如搞隻基金,佢地會支持喎。我回答話,自己有排都未夠班,佢就彷彿好明白咁,話攞九號牌,的確好唔容易,仲叫我開始研究一下。跟住我同佢講,九號牌,小兒科,
呢啲技術問題,根本就唔喺問題。於是我解釋咗,乜嘢先叫做
夠班,點先喺搞基金嘅
首要條件,佢就恍然大悟。咁人地始終喺銀行家嚟嘛,一點就明,唔會周旋成半年都搞唔清嘅!
所謂,睇細唔睇大,
當中嘅細同大,唔喺人人搞得清。就好似我成日話,
物業嘅風險,從來都喺响業主嘅供款能力度,而唔喺响個樓價度。吓?咁即喺,供款能力,大過樓價?樓價成球球聲喎,每月供款,點都比唔上啦!其實好多嘢,唔可以單睇數字嘅。一個人,供樓、租樓也好,連埋一系列支出,總要有足夠
現金流收入,先至可以生存,可以生活。任何人,都要搵錢,
事業、生意,先喺最大嘅風險所在,應該集中火力响呢度,而唔喺去執著,依家供緊嘅自住樓,個價升咗定喺跌咗。
而我話嘅,
現金流收入,喺唔需要好強大,唔好成日,將我講過嘅嘢亂套。當日講開
債券投資,我話以倍大現金流,作為
抗風險嘅主要基礎,喺話
槓桿投資,唔可以用溢價收益作為投資嘅目標,寧願價格死牛不變,再以可觀嘅現金流回報,抗衡僅存嘅價格風險。點知依家俾人話我,
有強大現金流,先至乜價位都買得樓,又一個九唔搭八。我識得
果對老人家,擁有三間大單位,
收租淨袋唔夠三萬,而人地嘅物業,都喺靠自己嘅事業、生意,搵嘅錢,
一點一滴儲番嚟,邊算喺乜強大現金流?
同一股價,呢一球五號仔股票,同果一球五號仔股票,喺冇分別。
但每一間物業呢,都喺獨一無二,唔可以當成股票咁睇。今日,你有能力,又睇啱一個物業嘅,你唔買;幾年後,樓價跌一半,你想要嘅物業,未必再俾你搵得到,就算搵到,都未必跟個市一樣咁跌咗一半。況且呢,個樓價又冇保證,真喺會跌成一半喎!所以,點解我話,
物業嘅實用值,喺凌駕於樓價之上。好多嘢,唔喺淨喺睇錢,唔喺淨喺睇價,做人,真喺要識得分莊閒,認清乜嘢喺細,乜嘢喺大,
唔好睇細唔睇大。
講番呢個回應箱,瀏覽人次唔算特別多,但回應就成二百幾個。有啲嘢,糾纏太耐,就會淪為口舌之爭,令到睇果個,寫果個,都會覺得疲累。送隻曲鼓勵下大家,希望各位,大戰之餘,適可而止啦!
火影忍者:幾許戰役(Experienced Many Battles)