|
好提议,起两个人工岛,容纳100万人口,好过其他方案10倍!蔡老板有远见!
|
|
|
现在楼市起又难跌又难... 跌又难原因: 如何推跌佢...
|
|
|
中美谈判如果真系有转机,蔡老板就好准,个个都话中美贸易纠纷有排烦,起码1 年半载倾唔掂.侵侵唔系人咁品.楼价唔跌都唔得.
|
|
|
如果你问我,喺房地产政策应该向政府提议啲乜嘢意见,我会咁样答:
1 天之道,损有余而补不足,喺香港有余者系郊野公园及农地,而不足者系能起房屋、写字楼、文娱康乐、基础建设、医院、养老院用地。 2 相对搞乜嘢发展岩洞,去填海的成本低得多,为何舍易取难? 3 将全香港的楼价压下,蒸发佢哋嘅财富去帮助未能上车者置业,咁请问对拼手抵足捱世界多年先上件纳米者公平咩?
如果问我药方系乜,小弟会坚持己见,就系「亮剑计划」。 打后所有新供应嘅「面粉」,最少要有一半的补地价由小业主负责,咁样发展商的一手楼售价,便会贴近建筑成本加少少水平。
呢度请问蔡生,你哋商会嘅理事,如果有同政府作沟通,有无同主理房地产政策的官员反映呢个打房政策有几个盲点?
1 对自住客嚟讲,沽出自住楼去做租住等的风险大得很。 2 对持有多於一个物业的人来讲,他们就算估计后市会作出调整,但有何诱因去沽出旗下的物业避险? 3 对一个有楼换楼需要的家庭来说,喺一个买卖两闲的市况,人哋点样楼换楼去改善居住环境? 4 政府究竟知唔知,每一年有多少个「人头」进入合乎免交15%SD的资格(包括到达18岁合法买楼年龄;喺香港住够七年; 联名物业除名)?
依家政府呢个「打房政策」,根本系焗所有小业主长揸,如果有实际需要嘅人希望置业安居,喺2手市场揾合心水盘的难度好大,佢哋唯有帮衬发展商买一手,请问咁样公义吗?
喺97年嗰阵时,我曾经喺现场听过C老板讲过,一个成功的投资者,应该对市况好敏感,他们会於高位派货,低位吸纳。 但现在香港的打房政策将上述做法扭曲,搞得呢七八年,由阿猪阿狗到超级高手,全部成为来来曱甴屋,有入冇出!
咁二手盘源从何而来?
|
|
|
现在想推跌楼市话咁易啦,袛要超级大户召开召集嗰班退职旧太阳记者,连同一班沽楼大户宣誓连手行动,要推跌话咁易啦…
|
|
|
有冇进展睇一两日就知,我就话中美有倾好过冇倾!
[根据以往经验,两国官员预先约好一个时间会面,通常之前会有接触或倾好某些协议,等到双方会面时共同公布。笔者认为,这次美国财政部副部长马尔帕斯有可能向中方宣布,暂时押后对二千亿美元中国商品加徵关税。而根据消息,国家主席习近平及美国总统特朗普将於11月中旬举行双边会谈,中美谈判代表均希望在两国领导人会面前解决争议,不想贸易战完全失控。]
|
|
|
4楼亮剑兄,你讲嘅嘢政府应该都明,但系打压楼市政策系民望所在,边个够胆减辣,问责制之下,只有加辣,卖楼也好换楼也好,都被捆绑死,只有一手楼有得买,系新楼做主导!
|
|
|
专敬的学者 , 应该系 " 胼手胝足 " , 读作 " 平手之足 "。我是否吹毛求疪 ? 如果阁下是猪肉佬 , 就当我多事好了。
|
|
|
问:“ 将全香港的楼价压下,蒸发佢哋嘅财富去帮助未能上车者置业公平吗?”
答: 天之道,损有余而补不足,是故虚胜实,不足胜有余。其意博,其理奥,其趣深。 (节录自:《九阴真经》上卷)
其实亮剑兄自己应该有答案,你自己都识讲:损有余而补不足乃天道。楼价升凸,供应不足便是理由。哈哈哈!
|
|
|
以前市场一恐慌,业主争住出货。依家一恐慌,大家就争住入货,楂住层楼才有安全感。
这个现象,全拜多年来一大堆辣招所𧶽。
|
|
11.
实事求是 |
2018-08-22 21:16 |
|
亮剑兄的确有见地,只不过可惜,政府就系唔俾炒楼,所有买家都做长线投资者,咁都未尚唔系一件好事,长线可以赚大钱,短线赚唔到!楼价升快跌慢,都系打压楼市措施造成.
|
|
12.
引刀一快 |
|
2018-08-22 21:31 |
|
如果真系整个人工岛住100万人,等住又嚟多次八万五都得嘞,依家深圳罗湖嘅电梯楼都系5000零蚊尺,沙士果几年香港人喺深圳买餸,喺深圳瞓埋都得啫。
|
|
|
当年97楼市爆煲唔系因为八万五,系亚洲金融风暴冲击.刀兄好似睇嘢睇淡咗,香港大跌市唔系唔得,系要再来一个金融风暴至得!
|
|
14.
引刀一快 |
|
2018-08-22 21:58 |
|
问:“ 将全香港的楼价压下,蒸发佢哋嘅财富去帮助未能上车者置业公平吗?”
香港嘅价值,系由所有各个阶层嘅人共同创造嘅,如果香港冇嗮D冇楼嘅人,你D港楼系咪仲有咁嘅价值?要一部分人交贵租阻断上流机会去维持你嘅资产值,公平吗?
好友时常话楼系刚需,砖头系实物,咁楼价升跌都冇问题咯,如果你有十间屋 ,尺价跌一半你都仲系有十间屋啫,D后生买得起楼会对你影响好大咩?
如果郊野公园叫做有余,咁点解香港法例唔俾捕捉野生动物?咁有余就话之佢死,捉D赤麂、水獭、黑脸琵鹭、豹猫嚟食喇。以前睇到人地话要铲郊野公园,我会好愤慨,依家唔会。
|
|
|
香港政府采取高地价施政,价高者得,政府就没有公平的道德观去推跌楼价,任何个人高价买楼,地产商高价抢地,如果政府官员推跌楼价就是缺德...缺德者总会有恶报.
|
|
16.
自我陶醉 |
2018-08-22 23:47 |
|
引刀兄,
“如果你有十间屋 ,尺价跌一半你都仲系有十间屋啫,D后生买得起楼会对你影响好大咩?” 太苛求了,简直违反人性。
老子一早话你知,人性系喜欢在乞儿兜挪饭食,只有有道之人,先愿意将多出的与别人分享。
道德经原文是: 天之道,损有余而补不足。 人之道,则不然,损不足以奉有余。孰能有余以奉天下,唯有道者。
|
|
17.
引刀一快 |
|
2018-08-23 00:03 |
|
自我陶醉兄
奉天下唔容易,但最起码唔会怀住要其他人生生世世为驴为马嘅理念。
有高手话楼系刚需,唔睇价可以入市,兼且买咗唔卖,咁入市都可以唔睇价,点解买咗反而要睇价?真搲头,又唔卖,睇价做乜呢?
|
|
18.
引刀一快 |
|
2018-08-23 00:08 |
|
To 13楼 东成兄
我讲八万五嘅意思系供应充足,甚至供过於求嘅意思,不一定系爆,可以系阴跌,一次性造一块可以容纳100万人嘅住宅用地,同时加上大湾区嘅逐步融通,即使唔加埋我经常讲嘅浪,仲可以挺住呢个市民买唔起嘅价咩?
|
|
|
刀兄: 客观讲,香港楼价好难大跌,呢十年来买楼造就无数发达故事,量宽令银纸大贬值,楼价高淡友大蚀底,都唔知讲咩来安慰淡友,我都希望楼价回一回,大家开心啲.
|
|
20.
引刀一快 |
|
2018-08-23 05:41 |
|
东成兄
与其谂D说话嚟安慰淡友,不如研究下有冇淡友需要你安慰好过喇,睇淡港楼唔等於冇做嘢喎,比如买咗大湾区,咁年零嘅升幅就已经追过港楼喇。
呢十年香港的确出好多楼神、富豪,唔系点解呢度D淡友俾人围攻唧,不过唔知东成兄有冇留意大陆楼市,其实大陆都一样好多人无端端变咗楼神,而且数量多到惊人,不过好奇怪,连D农民都冇话自己财富几多几把炮,亦唔见有人耻笑别人租楼,唔知系咪怕俾人斗地主呢?
|
|