前排各大媒体报导，话系中环太子顶楼嘅 Sevva 酒吧做到明年五月租约满，就唔续约关门大吉。我仲以为睇错，真系唔系几相信自己嘅两只眼球。不过旧年就有唔少嘅金融界外籍朋友，因为上头业务调整，又有做商务律师会计师外籍朋友，相继举家离港返美利坚合众国，话暂时冇计画会返来香港做嘢。因为大家见面多在放工后食晚饭饮酒，好少打烂沙煲问究竟。自三年前新冠疫情搞到鸡飞狗跳，其间返香港好唔方便夹飞机票超贵，又怕坐飞机中招概率高，就叠埋心水唔出门。
今年疫情隔离放松，就鸡咁脚返香港，当然又北上神州大地趴趴走啦。先以为经济历经三年嘅惨痛失血，取消隔
离后经济会有报复性反弹，睇来只不过系一厢情愿。旧年入冬恒指跌到万四反弹，好彩啲吹水朋友一早就转换阵地去咗炒道指，应该避咗凶趋咗吉。依家恒指系二万点楼下冇坚持几耐，又拾级而下。班靠金融市场揾食嘅朋友今年 IPO 冇生意，拍乌蝇，又难怪呢间以佢哋呢班友做完大 Deal 之后，一齐庆祝有靓佣金落袋，习惯聚会饮香槟饮靓红酒嘅 Sevva。
既有上流社会嘅气派，又有三百六十度系晚霞同维港嘅色彩里沉醉金迷。正如 Sevva 读音，甚似法文嘅 Savoure，细腻玩味红灯映绿酒嘅时光。据说呢间餐厅酒吧嘅名字 Sevva 源自梵文 Seva，意思系无私的奉献。呢间位於东方之珠东方华尔街嘅香港中环，虽然第二十五层楼顶低啲，但有无敌海景，俾人有俯视世界嘅气慨。Sevva 个名亦有俾人印度苦行僧嘅神秘味道，几啱系金融市场打滚嘅 Golden Boy 口味。餐饮系 Fusion 风格，餐厅设计自成一格，既温暖舒适，又有真正豪华生活品味。据说酒吧老板娘话顾客量已经恢复到疫情前，但佢似乎对於香港嘅未来有新嘅睇法。唔知系唔系佢以前喜欢 Fusion，系高脚杯品尝波尔多列级酒庄，唔习惯很快将来可能要干茅台酒而兴趣索然。
App下载
