陪女友去九江会琴友,佢又要喺南昌停留几日同当地闺蜜相聚食饭,一个星期来都冇睇新闻。反正唔习惯上百度搜索,觉得好浪费时间,就用微信向香港朋友问下近况。原来上星期一恒指跌穿咗一万五,睇来朋友听咗边个大淡友网红,话恒指今年表现咁凄惨,万七点都系底啦,谂佢一定入咗啲货,依家几日唔见咗百分之十几,唔妈妈声至出奇。
其实股市越跌得急,博佢强力反弹嘅成功概率就越高,不过我觉得尽量避免以为自己艺高人胆大,自己做大闸蟹。果然个朋友星期二一早同我讲咗声音仲未消失,恒指真系反弹,一连三日到星期五至回返。当然,世界上冇人有睇准最低位又能果断入货,又短炒到最高点出货,但系恒指万五点,确系兵家必争之地。呢度嘅兵家,当然系指大盘同金管局啦。因为最近有唔少传闻,话有大地产公司俾银行 call loan。呢阵楼又卖得唔好,股市又咁残你叫班友去边度搵值得抵押嘅资产俾银行?我又睇清下恒指星期二到星期四呢三日嘅详细走势图,俾人一种有人托市嘅感觉,所以三四日从最低到最高点升咗成千五点,似乎今次反弹已经告一段落,除非依然仲有喺山头匿埋嘅羊咩自己出来供献。
依我估计,港股要触底重启升势,依家依然系一厢情愿。依家点金融大鳄喺日经道指甚至印度股市啱啱至玩到兴高采烈,如果来香港见到恒指一池死水,点会有好心情呢?今次香港地产股市双跌,对整个香港人嘅财富嘅冲击可能远远超过好多人嘅想像。喺大学上堂学咗少少经济知识,如果加上少少实战经验,头脑唔发热嘅话,对於香港整个经济嘅气氛,会有一定嘅感受嘅。依然嘅股市氛围,唔系用 PE 可以解释得清楚嘅,睇来系大市对香港整体经济前景,发生咗巨大而深远的改变。