161.
歷史長河 |
|
2016-07-24 22:17 |
|
如果到今時今日還在以平均人工來睇樓市升跌,真是不明白世界發生緊咩事!香港樓市是有泡沬,不過是負泡沬。如果不是行政干預,CCL 現在應該在170 以上,所以港樓有-40 幾點泡沬。
|
|
|
香港的投資者買楼投資,通常會留意以下各點。
1有無首期 2供唔供得起 3單位合不合心水 4有無人租,以便幫忙供款 5供是否平過租,產生現金流。 6楼市打後幾年有無上升空間。 7租金收入在扣除利息、税費、折舊及攤消後,能否賺倒錢。 8層樓在幾年或十零年後,是否有自用可能,例如為小朋友「買定」。
但小弟認為不少人忽略左以下呢點。
自金本位喺70年代初被美國打入冷宮後,世界的貨幣政策便全憑執政者操控,你經濟好需求增加,咁貨幣供應當然增加啦;到經濟唔好通缩,理應收回市面上過多貨幣供應,但實際上各國政府係反而喺預期經濟會走弱前增加貨幣供應,以便頂住經濟!
如果,我話如果咋,大家在30年前有十萬元唔知點解放左喺床下底,昨晚畀工人摷左出嚟,請問呢十萬元的「購買力」折讓左幾多?
如果大家都知30年購買力的折讓係如何驚人,咁呢家如果你老闆當眾宣佈,只要入纸同我申請貸款,十年內每年只收你兩厘息,期間只要繼續捞就不用提早還錢,請問你會在申請表寫多少錢?
在此我想指出,你買任何有價資產,目的不是產生現金流,望資產升值,而係睇自然有無形之手為你「人為減債」!
你們試試想一想,你今天借銀行兩佰個,每年畀佢執兩厘息,到30年後如果還息不用還本,咁呢兩百個可以在30年後做得乜!
你買磚頭可自用或產生現金流,好大可能會有資產增值,但贏面都唔夠「負債」來得明顯。
|
|
|
你地係咪私底下有whatsapp或 wechat group之類, 可否加我 ……
在此多謝大家畀面,但小弟畢竟同黄網主係朋友,我不會在佢「地頭」搞事砸亂!
|
|
164.
回亮劍 |
2016-07-25 10:01 |
|
美國佬就係用緊 「負債」來贏多啲 如果美國佬執行債仔有利息收的政策 實質資產真係會升到上火星
|
|
|
161河兄,過去幾年港經濟專家說了不少泡沫,我也不知道有什麼尺度量度。
愚見認為,沒有泡沫的經濟令人失去憧憬,令人納悶,失去動力,不好玩。 因為泡沫可折、反射光,展現彩虹。
負泡沫可是新名詞喎,很難想像啊。
|
|
166.
TO無奈 |
2016-07-25 12:52 |
|
法子 《負泡沫》
2014年03月03日
現在的需求,一直只是被壓抑,但沒有消失,時間越長,累積越多。
如果價格太高,但無實際需求支持叫做泡沫。
現在是負泡沫,而且這負泡沫越來越大。
因為其邏輯剛好和泡沬相反
泡沫:
價格高於價值(需求),因為市場氣氛好。這差距還在增加中。
負泡沫:
價值(需求)高於價格,因為市場氣氛淡。這差距也是在增加中。
3D 只改變了市場的氣氛,並沒有改變市場的供求。(市場誤以為梁振英增加了供應,請見附表,梁振英上台後這兩年,供應比曾特首時更少)
這負泡沫將會爆破。
法子 負泡沫
|
|
167.
引刀一快 |
|
2016-07-25 13:03 |
|
呢個“負泡沫”理論都幾有趣,當中唔駛加埋購買力同展望。
男人個個都想學賭王,點解香港會性比失衡?負泡沫...........
|
|
168.
引刀一快 |
|
2016-07-25 13:32 |
|
30年都係咁低息?
30年樓會折舊,普洱、陳皮則上天價,咪話我知以前冇人儲呢D嘢呀。
點解成日叫人諗住三十年后?三十年中間呢?三十年開頭呢?
如果摣住200萬一直搞一門生意或者技術,三十年后不論成爲翹楚還是最終蝕光,必然係專業人士,而且拼搏過努力過,而一個單位收三十年租呢?
“1有無首期 2供唔供得起 3單位合不合心水 4有無人租,以便幫忙供款 5供是否平過租,產生現金流。 6楼市打後幾年有無上升空間。 7租金收入在扣除利息、税費、折舊及攤消後,能否賺倒錢。 8層樓在幾年或十零年後,是否有自用可能,例如為小朋友「買定」。 ”
花時間寫咁多項,但係漏咗: 1,樓市打後幾年會唔會下跌?會唔會大跌?
2,如果份首期唔買樓,會唔會有其他發展?
3,樓係唔識走動嘅,往後當地社會發展勢頭如何?
|
|
169.
引刀一快 |
|
2016-07-25 13:42 |
|
“ 如果不是行政干預,CCL 現在應該在170 以上 ”
呢一年完全同意!撤BSD的話,CCL一定上180,不過往後會點?
“如果到今時今日還在以平均人工來睇樓市升跌,真是不明白世界發生緊咩事!”
我又真係唔明白發生緊咩事,工資水平係實體經濟嘅重要參數,咩時候可以忽略不計?唔該指教下,如果話實體經濟唔好工資又唔上,而樓價可以升天的話,會唔會有其他類似嘅投資項目?
|
|
170.
歷史長河 |
|
2016-07-25 14:30 |
|
發現一個真理:通常樓市爆升跡象在爆升前的一個月左右時間內會顯現出來。反之也對。哈哈。
|
|
171.
引刀一快 |
|
2016-07-25 14:39 |
|
|
172.
小師妹 |
2016-07-25 17:25 |
|
樓市沒有如果,話有的肯肯定吹水當秘笈,好打有限。突如其來的英國脫歐,樓評界借勢轉軚者眾,上個月還言之鑿鑿「樓價跌跌跌」,今日已經變成「樓價GoGoGo」,最感無所適從的應該是一班樓市邊緣人,一旦入市的決定被「如果樓市咁咁咁」的意見影響,就真的糟糕了。 絕對明白小人物人微言輕的道理,眼見多年來樓市上落起伏,偶爾會借用李超人的金句,建議有需要買樓有能力就要去馬,意見不被接納亦無可厚非,因為基層員工的見解都是無水準的,公司高層廢話連篇才是大道理。再加上「憎人富貴厭人窮」是遺傳基因級別的存在,叫人買樓就一定是地產打手,講樓市不可能無啦啦食瀉藥般勁跌三五七成,就是從未買過樓的一廂情願死儍仔。
多年前已有這個想法,買樓是一項投資,投資涉及風險,風險不是人人可以承受。換言之,不是每個人都有買樓的能耐。現今社會的問題是,無能耐的一群「憎人富貴」,錯過機會的人就更加「憎人富貴」,連買樓是甚麼都未知的花生友都要「憎人富貴」一番,結果是有些真心熱血的人跑出來反霸權,花生友就在九里遠距離表示無限量支持。 自問社會公義代表的就推舉這些人造英雄,聲嘶力竭地宣揚無產階級造反有理,出事了賠上前程的只是那些真心熱血的人,九里遠花生友繼續食花生,社會公義代表則利用他們的不幸去繼續造文章。 「講嘢九唔搭八,有病就去睇醫生啦!」可能大家都恥笑着。社會真的再沒有公義了嗎?還是錯過了機會的一群在「憎人富貴」呢?與其浪費時間叫小人物去睇醫生,又或詛咒沙士重臨樓價勁跌,不如做好自己,應花才花,大花筒月月清,機會永遠都遇不到。
記者:伍志輝
|
|
173.
引刀一快 |
|
2016-07-25 23:51 |
|
跌跌跌,遲來還是要來。 GoGoGo,再Go唔高得耐。 等等等,要平等下無害。 追追追,硬搏有自唔在。
|
|
174.
HW1 |
2016-07-26 00:56 |
|
香港仍然有唔少人都好似引刀咁,活在1997-2003樓市插水的陰影之下,仍然没有走出來,仍然以為租樓最稳陣,租樓曰曰賺。在這個QE無限的時代,唔買樓真是沒有風險?
|
|
175.
引刀一快 |
|
2016-07-26 03:34 |
|
風險?對冇樓人士嚟講,關鍵在樓價同租價嘅比例,對投資者嚟講,就係對未來嘅預測。
|
|
176.
忍唔住要回引刀 |
2016-07-26 10:22 |
|
花時間寫咁多項,但係漏咗: 1,樓市打後幾年會唔會下跌?會唔會大跌? 樓市跌又點?唔買樓, 唔使租咩? 我買左樓一年....慳左一年租....層樓跌左20萬...有咩問題?
2,如果份首期唔買樓,會唔會有其他發展? 首期唔買樓有咩好做? 做定期?低過1%息;買外幣?過去美元強勢, 好多外幣都輸錢;買BOND?好多CREDIT RATING好既 都好低YIELD, 有D NEGATIVE YIELD; 買股票? 好多港股PE 低過10X 都無得升, 買中資股, 人仔低, 股價好大機會低; 自己做生意?打緊工, 無時間攪, 而且都無咩好攪;
3,樓係唔識走動嘅,往後當地社會發展勢頭如何? 我深信香港一塊福地, 無乜天災, 只有人禍., 有自由, 有制度....如果唔係, 引刀兄, 你就會長居大陸, 唔使返黎香港啦
|
|
177.
引刀一快 |
|
2016-07-26 11:18 |
|
1,樓市打後幾年會唔會下跌?會唔會大跌? 樓市跌又點?唔買樓, 唔使租咩? 我買左樓一年....慳左一年租....層樓跌左20萬...有咩問題?
按你假設,慳一年租,但係提前俾利息,總數要俾多20萬嘅30年息。租樓,首期可以揸喺手上多一年,問題仲係要攷慮會否大跌。
2,如果份首期唔買樓,會唔會有其他發展? 首期唔買樓有咩好做? 做定期?低過1%息;買外幣?過去美元強勢, 好多外幣都輸錢;買BOND?好多CREDIT RATING好既 都好低YIELD, 有D NEGATIVE YIELD; 買股票? 好多港股PE 低過10X 都無得升, 買中資股, 人仔低, 股價好大機會低; 自己做生意?打緊工, 無時間攪, 而且都無咩好攪;
唔係嘛?賣豬皮蘿蔔都可以係事業嚟嘅喎。打緊工可以岀嚟自己做老細啫,全民金融唔係好事。
3,樓係唔識走動嘅,往後當地社會發展勢頭如何? 我深信香港一塊福地, 無乜天災, 只有人禍., 有自由, 有制度....如果唔係, 引刀兄, 你就會長居大陸, 唔使返黎香港啦
唔係話香港會有天灾戰亂,而係香港同大陸,正在一個此消彼長嘅過程中,收租佬只會留意每年幾多留學生來港,你睇睇依傢每年幾多人返大陸讀書喇,香港軟實力其實一直下降,就算keep得住,大陸一樣會趕上嚟,兩地條件距離縮窄,而交通又越來越便利,當一定比例嘅人好似引刀咁唔一定要住香港嘅時候,情况會改變。
|
|
178.
忍唔住要回引刀 |
2016-07-26 12:04 |
|
1,樓市打後幾年會唔會下跌?會唔會大跌? 樓市跌又點?唔買樓, 唔使租咩? 我買左樓一年....慳左一年租....層樓跌左20萬...有咩問題?
按你假設,慳一年租,但係提前俾利息,總數要俾多20萬嘅30年息。租樓,首期可以揸喺手上多一年,問題仲係要攷慮會否大跌。
每個月俾銀行既利息大約$6000.....其實係低息環境供樓....真係輕鬆好多.......因為大家都想捉緊低息既尾巴.....供得幾多得幾多.....遲下加息.....樓價平20% 都補唔返......因為你要計埋租樓既支出.....2009-2010年買樓既人....已經上晒神枱....利息H+0.8.....樓價普遍200 - 400萬....
2,如果份首期唔買樓,會唔會有其他發展? 首期唔買樓有咩好做? 做定期?低過1%息;買外幣?過去美元強勢, 好多外幣都輸錢;買BOND?好多CREDIT RATING好既 都好低YIELD, 有D NEGATIVE YIELD; 買股票? 好多港股PE 低過10X 都無得升, 買中資股, 人仔低, 股價好大機會低; 自己做生意?打緊工, 無時間攪, 而且都無咩好攪;
唔係嘛?賣豬皮蘿蔔都可以係事業嚟嘅喎。打緊工可以岀嚟自己做老細啫,全民金融唔係好事。
打緊工, 要全職出黎做老闆, 機會成本好高.......剩係公司既醫療福利...成家人已經每個月要額外俾幾千蚊....而且我試過...PART TIME 攪D小生意....賺左D就算....因為要發大黎攪....要好大既COST....要租鋪....請人.......
3,樓係唔識走動嘅,往後當地社會發展勢頭如何? 我深信香港一塊福地, 無乜天災, 只有人禍., 有自由, 有制度....如果唔係, 引刀兄, 你就會長居大陸, 唔使返黎香港啦
唔係話香港會有天灾戰亂,而係香港同大陸,正在一個此消彼長嘅過程中,收租佬只會留意每年幾多留學生來港,你睇睇依傢每年幾多人返大陸讀書喇,香港軟實力其實一直下降,就算keep得住,大陸一樣會趕上嚟,兩地條件距離縮窄,而交通又越來越便利,當一定比例嘅人好似引刀咁唔一定要住香港嘅時候,情况會改變。
當你講既野成真.....香港最多同深圳睇齊.......依家深圳既樓都已經唔平......何況....作為一個有承擔既香港人....應該係去諗點樣可以繼續做好成個香港既任何事, 包括經濟, 政治, 福會保障, 教育, 醫療.....唔係下下都咁灰....要諗跳船.........你可以跳得幾多次,?
|
|
179.
引刀一快 |
|
2016-07-26 12:19 |
|
1,09年我話要買樓,俾朋友撳住咋。
2,搞事業唔一定要租鋪,仲有好多做法嘅,前提係睇餸食飯。
3,你將大陸睇得細咗,未來十年,北向由深圳、東莞、廣州,西向去到澳門,沿途都會好快捷,依傢坐大巴去高明,居然有人試過兩粒鐘,以前係4日。 香港好但係大陸唔差嘅時候,反差細咗,人嘅舒適區就會擴大,港樓剛需未必係越來越大嘅。
|
|
180.
歷史長河 |
|
2016-07-26 12:38 |
|
|