地產博客 > 敢說亮話 返回
瀏覽人次:21422    回應:16
敢說亮話

茶餐廳亂話(548)示威到了尾聲,經濟開始轉壞

 

湯文亮博士

紀惠集團行政總裁
2019年7月19日

  茶餐廳老闆話很久沒有同我捉中國象棋,不如來一次三局兩勝,輸家當然要請食飯。我話冇問題,近30年我都未輸過,因為我根本冇同人捉棋。老闆既然要請我食飯,我當然卻之不恭。

  原來老闆的棋藝很勁,我勉強才可以1比1打成平手。到第三盤,我處於下風,只差一步,老闆就可以贏我,但我有一個殺著,就是可以不停將軍。如果唔懂得捉棋的人會認為是和局,但我認輸,就算我可以無了期將軍而令到老闆不能夠用最後殺著,我都是輸,因為長將作輸,於是去「友和」食日本餐。老闆帶兩枝14代去,好似佢用的錢多過我很多。

  近日香港市面淡靜,一般人認為是受到示威活動影響。其實,除了越南之外,整個亞洲都受到中美貿易戰影響而經濟轉壞。新加坡的情況比香港還要差,所以,大部分亞洲地區的居民準備過一個經濟寒冬,台灣應該是最差的地方,如果蔡小姐當選,情況更加衰多二錢重。因為除了零售消費減弱之外,仲要向美國買軍火,那些空姐又唔生性,不斷罷工,長榮睇怕都唔捱得幾耐。香港亦唔見得會比其他地區好,我擔心經濟轉壞的時間太長,年輕的示威者反而會成為經濟下滑的替罪羔羊。其實,有沒有示威,香港的經濟都正在轉壞,或者示威活動令到情況更加惡劣。

  茶餐廳老闆問我示威活動幾時會完,我認為過了今個星期應該會告一段落。今個星期遊行口號並不著重五大訴求,而是獨立調查,而且負責人傾向和平行動,估計示威活動會依時散去,不會有什麼激烈沖擊行為。那些示威者策劃者亦知道,已經搞了很多次遊行,連立法會也被佔領,政府亦不為所動。長此下去,示威就會變成一個擾民活動,做生意的人生意減少,自不然將怨氣轉到示威者身上,就算做多幾次示威,政府都不會回應,而且示威愈多,會做成警權愈大,更多示威者被拘捕,這是長將作輸的道理。所以,現在暫時結束激烈示威活動是正確的做法,溫和的當然可以繼續進行,但溫和的不會收到效果,簡直是浪費彈藥。不過,就算示威活動結束,大家唔好以為經濟就會好轉。而事實上有沒有示威活動,經濟正在開始轉壞,好彩一般香港人沒有過分借貸,兩三年低潮應該可以捱得住,超過三年就很難講。大家可能唔相信,但過多幾個月,大家就可以感受到經濟轉壞的情況。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十郎 2019-07-19 12:24:06


      6月尾特襲會 , 一個話放過華為 , 一個話買大豆 , 股樓精神一震。都話左佢地揸流攤啦, 高興得太早。

      米講話係流攤 , 真料都有排捱 , 所謂醫番都嘥藥費。比個喻 , 豬肉榮停工幾個月 ,三個月後有番豬 , 做一年都唔夠三個月蝕 , 有可能執埋笠 , 永久拜拜。即係話聽日貿易戰打完 , 起碼捱兩年。仲要睇下手瓜夠唔夠硬。

2. 真真薯片 2019-07-19 13:28:51
表面上貿易戰係休戰,但係2000億25%關稅毒藥繼續食,你話冇影響就一定係假既,問題係影響幾時浮現
3. 問題係影響幾時浮現 2019-07-19 13:45:29
減息先定係賴債潮先?
4. 十郎 2019-07-19 14:11:31


      賴債已經係進行式啦 , 如果浮出水面就PK喇。

5. Au 2019-07-19 14:34:31

好一句"長將作輸",高見也。

👍👍👍

6. 如果浮出水面就PK喇 2019-07-19 14:37:30
大眾相信減息會伴隨住印公仔紙, 然後發達啦, 禾對此沒有疑問或保留, 只是公仔紙相信會印俾自己人, 大江東去浪淘盡, 又有一批風流人物化作千古。
7. 向泛民说不 2019-07-19 14:45:58
真真,你擔心咩呢?大陸的生產手機全世界佔了50%以上。目前大陸生產的手機零件只有30%左右是國產。現在被你美爹制裁,所以大陸會加緊國產取代,這種取代估計每年會給大陸生產零件的生意額不斷提高。

反而老美真係要擔心啦,在過幾年,當中國手機國產率超過70%之後,老美肯定輸。

仲有有人話大陸生產iphone,大陸生產Iphone只是幫了減少失業,對中國經濟其實唔係很多好處。中國從一支iphone中最多都係10元美金。但是華為P30就接近100元美金。
8. 向泛民说不 2019-07-19 14:48:53
十郎,我真係懷疑香港非洲豬瘟係飯民狗放的。大陸非洲豬瘟發生的時候,剛剛是中美貿易戰開始的時候,而香港的非洲豬瘟是引渡條例發生的時候發生。邊有甘多巧合。

不過香港人涯貴豬就唔好賴人。你又話衛生,要求又多,供應當然下跌,唔高興可以賣冰鮮豬,或者巴西豬。
9. 十郎 2019-07-19 15:14:43


      如果印多d銀紙 , 就能安然渡過難關, 這樣駛乜審慎理財呢 ? 銀紙印黎比有辦法借平錢的人 , 普通人準備捱超高通賬吧 , 高通賬又帶來高利率。呢個係我其中一個諗唔通嘅問題 , 另一個係如果脫鈎後 , 港元兌美金是升定係跌。

11. 向泛民说不 2019-07-19 19:20:11
十郎,根据老美的玩法,应该是先炒高股市,港币,然后在高位突然估空。很多国家自由兑货币之后,都出现这个问题。
12. 真真薯片 2019-07-19 20:23:16
十郎兄,

脫勾後港元升定跌呢個問題好複雜,我都唔識睇,我覺得人為既野無冇得估,例如奧巴馬時美國被降級,結果美元係升,你真係估佢唔到

所以如果脫勾,冇人知企左定企右,但係你冇論如何都會企左係一邊,然後財富大轉移,結果係睇你命水
13. 十郎 2019-07-19 21:36:47


      片哥 , 點解我咁頭痕 , 因為人壽保險用美金計價 , 如果港元升就幾折收數 , 如果預左港元升 , 我就借美元買港元。

14. 引刀一快 2019-07-19 22:18:18
唔想講,都要講。


小心,香港可能唔再係一國兩制嘅典範,過去一直以香港做模範俾台灣睇,阿爺急住收台灣,策略可以係將香港嘅繁榮作為條件,轉移俾台灣交換更緊密聯繫。
祈禱吧。
15. 真真薯片 2019-07-19 22:43:52
十郎兄,既然估佢唔到,分兩份買都係一個方法
17. 向泛民说不 2019-07-20 09:30:14
十郎,港币不会被逼升值,因为政府不敢接受挑战。不过就有可能被逼贬,今次暴徒仍然唔肯停止,其中一个原因就是攻击港币。逼解放军出动,同时欧美制裁中国,资金外流。这或者就是金主,外国势力的目的。香港现在有数万亿外汇,如果成功攻击港币,估计香港损失数千亿。
18. 十郎 2019-07-20 12:54:09


      17樓 , 幾萬億在金管局 , 不是香港人的。銀行唔夠錢問金管局 “借”來用 , 借係要比息金管局。一樣會推高息口。