今早去到茶餐廳,老闆話有很多人一早已經叫佢問我,今晚應該買那一隊。我都知道老闆第一時間會問我,甚至連早晨都唔講就問我。我亦都明白,今早俄羅斯贏了埃及3:1,我已經連贏六場。現在就算唔賭波的一都會問我買那一隊,言猶在耳,隔離有位揸住菜籃師奶都問我。老實說,我都唔知道她是否知道一隊足球隊究竟有幾多人,反而世界杯在俄羅斯舉行她就會知道。因為電視有講,但評論員會將雙方出場球員讀出來,但沒有話每一隊有十一個球員。
師奶問,當然要用師奶語言答。我於是話,買西班牙,今晚可以加餸。其實理由很簡單,買葡萄牙與西班牙都沒有分別,但如果西班牙唔贏,有機會連續兩屆世界杯在分組賽出局。西班牙佬的心靈很脆弱,今晚不勝無歸,何況對方沒有C朗。