今早去到茶餐廳，老闆問我不患寡而患不均點解，我話好似有少少錯，應該是不患寡只患不均，意思是少唔緊要，最緊要是大家一樣，以分身家來解釋就最啱，老豆瓜咗，子女分到的身家少一些都唔緊要，最緊要是大家都差不多，但如果大部分子女都有一份身家，其中一兩個有幾份，其他子女就一定會大吵大鬧，所以，做老豆的都唔敢在未死前公布，死後由律師代勞，我們睇戲都睇得多，當律師公報之後，一定有子女不滿意，叫老豆做死老嘢。
我見到老闆沒有出聲，於是問老闆的意思是不是不患貧而患不安，即是最近有公屋租戶放棄公屋買綠置居，收樓之後才感覺到欠債，每月供款的壓力，想退休都不敢，搞到成日唔安樂，仲話現在再有得揀，都唔會買綠置居，老闆話明白，不過，不患寡而患不均是由一位經濟學家所講，我聽到老闆這樣說立刻話應該是我搞錯，當我沒有講過。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
差不多，但如果大部分子女都有一份身家，其中一兩個有幾份，其他子女就一定會大吵大鬧，所以，做老豆的都唔敢在未死前公布，死後由律師代勞，我們睇戲都睇得多，當律師公報之後，一定有子女不滿意，叫老豆做死老嘢。