地產博客 > 文亮言 返回
瀏覽人次:27049    回應:35
文亮言

示威活動是否會令豪宅冧價

 

湯文亮博士

紀惠集團行政總裁
2019年7月18日

  我在星期二去了TVB做樓市速遞,主播話據外電報導。近日因為「逃犯條例」事件引致示威活動頻繁,不少富裕人士將資金撤離,香港樓價將會大跌。豪宅將會首當其衝,亦有外資投行話豪宅樓價將會下跌10%,主播問我的意見。

  外電報導資金撤離香港是一個不能否認事實,不過這亦證明在香港資金可以自由出入。在最近9日,香港同業拆息連續下降,一個月由最高峰的2.6%下降至1.8%。這證明不少資金離開之後又再進入香港,所以,拆息才會下跌。而事實上資金進進出出是正常商業活動,有錢人家擔心局勢變壞而將部分資金撤離亦是合情合理,但是他們並沒有賣樓,沒有人迫切性賣樓,樓價又怎會下跌?發外電的人可能不明白這件事,見到有資金離開香港,就假定那些資金由賣樓所得,多了富裕人士賣樓,豪宅價冧亦是合乎常理解釋。

  香港政府做了一件事穩定樓價,就是限制銀行對樓宇的按揭貸款。樓價愈高,借得愈少。換句話說,差不多所有豪宅如果不是Full Paid,其他都會採用低成數按揭。借錢不多,便沒有迫切性賣樓,樓價就不會大冧。除非「逃犯條例」通過,不少豪宅業主擔心國家要求他們解釋買樓資金來源。這樣的話,倒不如將豪宅賣走,將資金轉離香港為上策。現在條例不獲通過,他們沒有賣樓的必要。即使有一些示威活動,在他們來說閒事一件。在沙田新城市廣場一役中,示威者大傷元氣,估計示威活動亦進入了尾聲,他們更加不會賣樓。

  近日示威活動不但阻止「逃犯條例」通過二讀三讀,亦令到政府知道以後施政困難,明日大嶼填海計劃將會困難重重。所以早幾日發展局局長話不會輕易放棄,佢唔講大家都唔知道政府有意放棄。有時候我也不明白,官員們經常將那些機密公諸於世,好似以前的發展局局長鄭汝驊話搵地起樓如遠水救近火。即是話俾大家知政府冇地,樓價又怎會唔升。今次話不會輕易放棄即是放棄,沒有明日大嶼這個糧倉,樓價想唔升都唔得,又點會大冧?不過,近日經濟政治環境都不甚理想,樓價適當回調亦是合理的。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 主播 2019-07-18 08:58:21
如果主播把豪宅換成細價樓,估計博士會同意。
2. 真真薯片 2019-07-18 09:39:08
香港西面填海應該係中央既硬任務,冇得放棄,最多遲幾年,不過以香港正苦既往績,起好入伙真係差唔多2047
3. 起好入伙真係差唔多2047 2019-07-18 10:10:33
咁你有乜偈?
5. 三粒星 2019-07-18 11:09:31
三粒星身份證每人派一百萬港幣,非三粒星身份證每人派十萬港幣,促進社會和諧,刺激經濟。
6. 真真薯片 2019-07-18 11:11:14
產晒成個哥爾夫球場
7. 產晒成個哥爾夫球場 2019-07-18 11:15:16
淨係起公屋, right?
8. 向泛民说不 2019-07-18 11:35:33
真真,哥爾夫球場又可以提供几多供应啊。傻西。
9. To: 真真薯片 2019-07-18 11:40:53
那時,反對明日大嶼填海計劃同一批人將反對這種產晒成個哥爾夫球場安排。哈!!哈!!哈!!!
11. 真真薯片 2019-07-18 12:39:08
反對填海既人係支持產走哥爾夫球場,因為球場係權貴既象徵,球場有172公頃土地,同成個荃灣一樣大,如果居住密度同荃灣一樣,可以提供4萬五個單位,住十幾萬人,唔足以完全解決問題,但肯定可以起到非常重大幫助

至於產左起乜樓就問題不大,同荃灣一樣,乜都有比較好
12. To: 真真薯片 2019-07-18 14:15:53
我真的很懷疑反對填海既人係支持產走哥爾夫球場, 每次,都是同一批人反對任何建議提供更多的土地資源。別被泛民騙了, 球場不可能與成個荃灣一樣大。他們只是在談論荃灣的覈心部分。泛民是個超級騙子。
13. To: 5/F 2019-07-18 14:46:14
extreme suggestion!!!!
14. 乜都有比較好 2019-07-18 16:00:44
剷左起好之後如果唔係用黎派, 又會出黎搞事, 如果你攞去派, 有樓的人也會出黎搞事, 結論是, 乜都做唔到。林媽推唔到凶至稅同大愚係冇意志, 但有長官意志的話就會 17 億起條擺上 discovery channel 嘅橋, 結論是, 乜都做唔到等運到。
15. 真真薯片 2019-07-18 16:53:14
唔該你自己google舊新聞,睇返到底係咩人反對同支持產哥爾夫球場

荃灣同哥爾夫球場既面績,可以自己上google map睇,大約都睇到,唔通犯民勁到可以改到衛星圖片
16. 你自己google舊新聞 2019-07-18 16:58:10
盲反派攞咩黎交換?
17. 不知所謂 2019-07-18 17:15:44
我大把樓收租,所以唔希望個市亂,亦唔想學馬雲,要捐身家。
18. To: 真真薯片 2019-07-18 17:20:05
灣區,是香港十八區之一,位於香港新界的南部,與九龍相距約5公里,面積約6070公


19. 向泛民说不 2019-07-18 17:20:11
真真,其实本人吾反对铲走golf球场,只不过本人相信如果政府要铲走golf球场,你地饭民一定有人出来反对,同时,golf球场根本提供不了多少供应,你最终都系要填海,先有可能提高供应。

其实你地饭民狗为什么那么反对填海,97年港英系甘填海,点解当时你地吾反对。可以肯定的是如果玫瑰园计划放到今日,你们也会反对。真系神你,鬼有系你。

结论就是饭民狗根本只是配合主人美国佬搞破坏。正畜生。
20. 向泛民说不 2019-07-18 17:29:12
粉领golf最多都系大过坑口小小。计算埋古墓派,环保派,古树派,真系有几多地可以起楼啊,on dog dog。

本人不反对粉领golf,不过相信饭民狗根本就是要制造社会矛盾,所以咩都反对。
21. 真真薯片 2019-07-18 18:01:39
我講緊係大家熟悉既荃灣住宅區,即係由德士古道到愉景新城,麗城花園,對落葵涌唔計,呢個範圍就同粉巔球場參唔多大,果度住既人多唔多就自己諗

其實一地兩檢都過到,造地冇可能過唔到,咁都仲可以賴就冇野好講
22. TO: 真真薯片 2019-07-18 21:09:40
我很肯定,那個時候泛民垃圾會找一些反對它的理由。不要認為泛民垃圾有任何為香港做好事的意圖。他們只想給我們造成損害。
23. 真真薯片 2019-07-18 21:30:18
https://www.hk01.com/社會新聞/296918/土地大辯論-政府周三交代收回高球場-尹兆堅-應收回全部範圍

行政會議今日(19日)討論政府回應土地供應專責小組報告,以及民政事務局私人遊樂場地契約檢討報告,消息指,政府全面接納小組報告建議,包括收回部份粉嶺高爾夫球場發展。政府消息透露,發展局最快明日(20日)下午開記者會交代。

民主黨立法會議員尹兆堅指,現時約有150萬市民飽受房屋短缺的折磨,但政府僅考慮局部發展32公頃的高球場用地,對此感失望,「150萬港人嘅價值係低於2200個會藉。」他促請政府收回全部高球場。

24. 真真薯片 2019-07-18 21:31:24

https://news.rthk.hk/rthk/ch/component/k2/1438586-20190117.htm

石禮謙指民主派要求收回粉嶺高球場是製造更大社會矛盾

立法會辯論增加短中期房屋供應,改善公營房屋短缺問題的無約束力議案,包括促請政府引用《收回土地條例》大量收回新界棕地及閒置農地,並全面收回粉嶺高爾夫球場172公頃土地等。

地產及建造界議員、經民聯的石禮謙批評,民主派不斷要求收回粉嶺高球場,是製造更大社會矛盾。他說,《基本法》尊重市民有權買地,並非政府想收回便收回;郊野公園佔香港四成土地,建議政府收回郊野公園用地建屋。

法律界議員、公民黨郭榮鏗示,政府運用《土地收回條例》收回土地來興建公屋是絕對容許。對於新民黨立法會議員葉劉淑儀指粉嶺高爾夫球場的生態價值屬於全香港人,郭榮鏗回應說,市民能免費進入的郊野公園,才是屬於香港人,市民要付數千元進高爾夫球場一同享受生態價值,言論是「離地」及假仁假義。

25. 真真薯片 2019-07-18 21:35:36
https://www.hk01.com/政情/236696/土地大辯論-工黨質疑嚴重低估高球場建屋量-斥諮詢預設立場

【土地大辯論】工黨質疑嚴重低估高球場建屋量 斥諮詢預設立場


土地供應專責小組的公眾諮詢踏入尾聲,工黨今晚(17日)約見小組主席黃遠輝,批評諮詢預設立場。

工黨主席郭永健在會面前記者,要求當局闢出更多私樓地建資助房屋,並且收回粉嶺高爾夫球場建屋,質疑政府現時「吹淡風」不收回高球場,是為高球場續約鋪路。

26. 收回高球場, 不起樓供市民打球 2019-07-18 22:14:32

對於土地政策,我的立場是:我們不止是住宅樓宇不足,而是從商業樓宇、道路、停車場、文娛康樂設施、市肺……除了郊野公園過多之外,幾乎所有的土地,全都不足。


所以,我反對填平船灣淡水湖來建造住宅,因為儲水亦不足,同樣道理,我也反對用粉嶺高爾夫球場來起樓,因為,香港也欠缺高爾夫球場。簡單點說,大原則就是:既然所有的設施都不足,正確策略是追求增加,而非把A用途改為B用途。


很多人以為,高爾夫球場是富豪玩意,錯了,在全世界,高爾夫球是中產階級的體育活動,馬球才是貴族玩意。我的舅父在温哥華居住,他在香港是開車當司機,到了加拿大則是在三文魚罐頭廠當工人,每星期都打高爾夫球,水準還不錯,打過一次一桿進洞。


為甚麼香港人會以為高爾夫球是富豪玩意?皆因我們被地產霸權騎劫了,把所有先進社會認為是天經地義的設施,卻認為是奢侈。這就是我和朱凱廸的最大分歧:他認為香港人是豬,應該像豬一般的吃粗糧,一家四口住在400方呎的豬欄,所以政府大量興建公屋便足夠了,而我則認為,香港人是人,有資格吃肉、一家四口住在1,000方呎的房子,1,000方呎房子並非豪宅,而是基本人權。


同樣道理,打高爾夫球也是基本人權,是正常康樂活動,不是富豪玩意。


現時粉嶺高球場由香港哥爾夫球會管理,普通市民可以去打,但只限平日周一至周五晚上7時至10時,半小時收費80元,不用買球,任打,泊車免費。不過,打的人當然不多,普通市民去book球場,也會受到職員的少許刁難,皆因不是2,500名會員之一。


粉嶺高球場有供給職業球手去練習,但是學校就不易借到。屯門高爾夫球中心是康文署第一間給市民練習的高球場練習場地,市民也可以到大埔珀麗高爾夫球會,不過,設備和環境當然和粉嶺差得遠了。


有人說,粉嶺高球場可建4萬至8萬伙單位,《維基百科》則說,只能建2,000至1萬伙,我懷疑這段是由打手所寫。不過,我認為,收回粉嶺高球場,交由康文署管理,給公眾使用,才是孟子說的:「獨樂樂不如眾樂樂。」 

27. 十一哥 2019-07-18 22:22:37
太古城約莫22公頃、起咗61棟樓、大細12698單位、貴族波地172公頃、起公屋10萬個單位會好鬆動、喺港島未有地鐵之前、起咁大型嘅屋苑交通都攪得掂、路係行出嚟嘅、設身處地諗下…買唔起…捱貴租、排隊又等到埋單都冇個安居之所…果種心情…上咗岸就唔好凉薄、唔洗擔心推冧私樓…私樓由得我地飛沙走石啦!
28. 十一哥 2019-07-18 22:42:01
9官好多揸住磚頭等食糧、處理房屋問題…一定唔會真心增加供應、起條十9幾億嘅行人橋好積極…條數夠起千幾二千個公屋單位、大佬 ! 批地172公頃…都係要嚟滿足2千零個貴族咋 ! ! ! 如果十一哥冇早揸多少磚頭…今日沖鋒一定企頭排 !


29. 十郎 2019-07-18 22:49:20


      11哥 , 不如讓工廈免地價改建啦 , 欲竟全功 , 必需火攻。農地收平d都得 , 十月圍城 , 仲諗這麼多做乜吖 ?  除非冇心解決。


30. 十一哥 2019-07-19 08:15:54
十哥  9官肯全方位真做先算!沿住青馬幹線睇…地仲使要搵 ? 大把地熟到爛啦!現成幹線…交通冇洗頭痕、唔想做…首先要將簡單問題複雜化…引發爭議…將精力引去哎交、嘈交好易時日過…過程熱鬧精彩…回看就一事冇成。
31. 冇喇 2019-07-19 08:47:28
其实高速公路,封顶起楼得唔得
32. 十一哥 2019-07-19 09:33:22
呢度大家發下牙痕算嘞、9官點會唔知大把地手到拿來、佢地驚跌…冇擔心升㗎 !

33. 真真薯片 2019-07-19 09:59:28
真係冇乜好方法

除非搵阿爺幫手,係深圳最近香港既水域填海,填好後修改基本法,將個島劃入香港範圍

以南海造島既經驗,應該5年有地,7年入伙,10年有埋地鐵
34. To: 真真薯片 2019-07-19 10:28:41
你真的相信泛民垃圾今天所說的話嗎? 他們的信譽是零。當政府真的想要產晒成個哥爾夫球場時,他們將再次玩變臉反對這個行動。請理性地了解他們所作所為的歷史。
35. 十郎 2019-07-19 11:17:25


      片哥 , 其實諗一諗葵涌碼頭仲快喇, 太古城之前係船墺 , 可以一路搬一路起樓。唔做就啟德廿年 , 西九三十年 , 沙中線幾好笑 , 17億行人天橋。
你都知大學生畢業入政府 , 做兩個 “ 波蓆 ” 就夠年紀退休。


36. 做兩個 “ 波蓆 ” 就夠年紀退休 2019-07-19 12:37:33
文官統治好處係政策的延續
文官統治壞處係政策的延誤
37. 真真薯片 2019-07-19 12:41:39
依家d署長局長多數5,60歲

將心比己,你係佢都但求安穩等退休啦,有咩大項目,拖到臨退休果年先啟動,手尾留比下一手啦,想當年貪憎咪就最後一年宣佈復建居屋囉