地產博客 > 文亮言 返回
瀏覽人次:23118    回應:44
文亮言

圍堵詢問處是否中了反間計

 

湯文亮博士

紀惠集團行政總裁
2019年7月17日

  在幾次示威行動之後,搞手見反應未如理想,於是以網民身份發起圍堵行動。首先是在中銀不斷攞錢存錢,企圖癱瘓中銀的正常商業行動。我撰文叫大家千祈唔好做。

  首先,這是很無聊行為。雖然癱瘓了中銀,但那些參與行動的人亦損失不少時間。雖然是合法,但中銀亦有權取消戶口。如果有在中銀做按揭的客戶有更大風險,因為銀行隨時有權要求客戶還錢,況且是網民發起,連邊個做阿頭都唔知。正是精人出口,笨人出手。癱瘓中銀隨時變成癱瘓自己,結果中銀什麼事也沒有發生。我以為一般人都比較理性,不會太容易受別人的說話影響,原來我又錯了。

  星期日沙田新城市廣場發生警民衝突事件,有示威者質疑管理處點解放警察入新城市廣場。又有網民發起圍堵新城市廣場詢問處,要求管理處解釋。管理處只派出七個文質彬彬的職員來應付過千人的詢問,而他們表示沒有權力解釋,亦不知道箇中因由,請各位填寫表格。我唔知道點解真係有人會填表格,因為一定要填上詢問人的身份證以及聯絡電話地址,咁樣做即是將自己的資料交給詢問處。如果警方申請,新城市管理處一定要將那些資料交給警方,而事實上警方早已向法庭申請取得新城市中心當晚的錄影帶,向詢問處質詢的人估計以後會很麻煩,他們或者會被要求協助調查。如果他們有理有據,表示當晚在中心內晚飯,警方的行動騷擾他們,這或者可以解釋得通。如果是無緣無故走去詢問,我估計是會有麻煩。在鏡頭所見,有不少媽媽不辭勞苦在詢問處等候答覆,很有可能她們的子女當晚參加了中心內的暴力示威活動。現在知道警方有權取得當晚錄影帶,今次真的是震過貓王。事實上我有理由相信那些媽媽是中了伏,號召的網民根本不是示威者,或者有可能是警方的反間計,叫各位自投羅網,去詢問處繳交個人資料。今次有可能再次捲入示威風暴。總之,無論如何,如果是由網民發起,又冇錢收,千祈唔好做。如果衰左,就會被人笑笨人出手。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 講返樓市 2019-07-17 11:17:04
博士,你都係講返樓市啦!
2. 講返樓市啦 2019-07-17 11:33:35
上一回鬥地主好似漏左 sundae 
3. 阿發 2019-07-17 11:38:22
博士都係講樓比較好睇。
4. 球迷 2019-07-17 11:39:56
有機會
連登仔都有咁講, 話老母出左去填左野仲要冇帶罩
而家驚緊..叫人唔好去..不過比人當係鬼
5. 十一哥 2019-07-17 12:03:34
老湯冇得自由噏、扮民持住人多…橫行欺凌…就點都得。

6. 亞Q 2019-07-17 12:12:03
政經兩樣都影響樓市 ! 低B嘅人單睇一樣 !
7. 向泛民说不 2019-07-17 12:23:01
博士为什么要为暴徒漂白。成班暴徒已经像白连教那样啦。
根本极端者只会越来越端,不可以用正常人的逻辑。
8. Stephen Wong 2019-07-17 12:30:51
無事不可對人言,只要合法,怕什麼?
9. 真真薯片 2019-07-17 13:06:01
的確係一個局,兵不厭詐,利用戰場上既部署去達成政治目的,歷史上非常常見,蘆溝橋事件都差唔多,可惜香港人基本上唔讀歷史
10. 自我陶醉 2019-07-17 14:05:14
走去問新地佢都唔想有人去搞佢個場,防暴警察進場已經係無奈,去圍人詢問處又可以點? 基本上呢啲已經係流氓嘅行為。

其實參加呢啲活動嘅風險越來越高,有細路朋友要去,真係要好好勸阻。

至於收錢搞事呢個講法,真係好難成立,呢啲並唔係街邊流氓,一個大好前途大學畢業生,要收幾多錢先可以彌補放棄一世前途嘅害失? 咁貪錢點會計錯數?
11. 向泛民说不 2019-07-17 14:14:15
自醉,就是因为收钱先危险啦,肥佬黎已经去了美国接受嘉许啦。吾好当看不到。

你说的对,这星期应该是最危险啦,暴徒放风话要杀警啦,当然到时未必会杀警,不过分分钟暴徒放冷枪杀自己友嫁祸比差佬。这就是伪旗。暴徒现在肯定是越来越极端。乌克兰就是这样的剧本。

反对派用了成日动员去围詢問處,如果是反间计,一早叫停啦。不过又是那句话,极端派只会越来越极端。
12. 收錢搞事 2019-07-17 14:25:36
卒仔應該冇, 大判肯定有。
13. 吾好当看不到 2019-07-17 14:46:33
老飯, 老泥去左賺外匯, 你都有份分贓, 係唔係應該頒個章俾佢?
14. 自我陶醉 2019-07-17 15:29:01
向飯,

所以我咪話高危囉! 細路仔唔識世界,就算一場相識,都盡量勸下佢唔好搞事。

你個講法冇得輸喎! 無論邊邊有事,總之唔關警察事,冇得輸! 最好再幫危殆嗰兩個祈下福,望佢長命百歲㖭!否則講咩都冇用。

不如你勸下黨友唔好用“壽終正寢”, 改用“永不超生”喇! 信我,效果會好好多㗎!  最少令住X季酒店嗰班安心啲,社會就自然會平靜啲。


12樓

全港九新界都知,個大判咪係個肥佬囉! 哈哈哈!

15. 肥佬 2019-07-17 15:42:07
佢係總承建商, 不是大判。
16. 向泛民说不 2019-07-17 16:05:33
自醉,你以为今时今日林郑话收回,班暴徒就会收货。

暴徒出来行,当然要还啦,差佬执法,错咩啊。入去商场有咩问题啊?香港差佬已经比较宽容。

班暴徒现在要的其实就是政府无条件投降。

不过林郑还而要想想是不是比有条件特赦。正如博士讲现在好多暴徒都好惊。因为唔知道几时被捉,落案。
17. 十郎 2019-07-17 16:16:17


      豬肉榮就黎破產喇 , 攪掂左豬肉榮單野先 , 得唔得 ?

18. 班暴徒现在要的其实就是政府无条件投降 2019-07-17 16:22:59
葡萄係要流血製造事端, 唔係要你投降。
19. 自我陶醉 2019-07-17 16:32:05
向飯

我相信做以下3件事可以緩和現時情況:
1. 撤回
2. 成立有公信力獨立調查
3. 承諾重啟政改

最難唔係1 係3。
20. 十郎 2019-07-17 16:34:34


      佢地講明係和平示威 , 求其派幾個亞sir攔下車就得啦 , 派得多都冇用。你地有冇見佢地搶野吖 ? 冇吖馬。佢地冇人玩、 瘺野玩就會散架啦。

21. 求其派幾個亞sir攔下車就得啦 2019-07-17 17:05:52
啲黃6 司機響鞍支持, 連車都唔攔啦, 自己搞掂啦。
22. 向泛民说不 2019-07-17 17:24:52
10郎,d人犯法,差佬吾好理他们。他们会返屋企的。系吾系甘啊。
23. 向泛民说不 2019-07-17 17:31:21
自醉真系厉害了,果然是暴徒那一派,嘴里叫反暴力。实际就是饭民那边。

一旦出所谓的公信力独立调查,差佬的士气马上崩溃。到时还边有差佬敢执法。同你一直鼓吹的高层有问题一样。饭民叫公信力,就是要找理由证明警方错。鸡蛋里取鸡骨。

至于政改,饭民接吾接受831方案,吾接受的话,重启来都无用,不要叫什么无筛选了。台湾总统都要经过老美筛选啦。仲有老美也有工具令吾听话的总统下台。你叫阿爷无筛选。

如果根据你的建议,你不如直接叫独立啦。独立--你就咩都得。不过独立之前,问过老解先。
24. 十郎 2019-07-17 17:31:24


      係噃 ! 佢地一沖入地霸廣場 , 指輝罐即刻叫收工 , 駛乜入去打到斷手斷腳 , 仲要比人質疑警察入傷場。

      派咁多亞sir , 立法會一樣失守被拆 , 地霸廣場安然 , 就公仔畫出腸 , 要智取 , 係唔係 ?

25. 豬肉榮 2019-07-17 18:00:01
誰是豬肉榮?
26. 十郎 2019-07-17 18:17:05


      臨鄭同一哥真係唔夠振英哥老奸巨猾 , 應該配合佢地令市民諸多不便 , 最好搵唔到食。依家攪到媽咪出埋黎 , 何苦呢 ! 上次小巴佬、民間申請清場。好心搵番個似樣d嘅豬葛亮啦。


27. 向泛民说不 2019-07-17 18:18:16
10朗,商城是九龙城寨阿,差佬无权去执法啊。on dog。
狗罩暴徒都犯了非法集结,差佬有权抓他们。入去商城是抓犯。至于暴徒咬手指,罪加一等。
28. 十郎 2019-07-17 18:23:33


      去街市大聲叫豬肉榮 , 有好多人會應你。豬肉榮好慘 , 冇貨賣仲要交租。

29. 自我陶醉 2019-07-17 18:29:12
向飯

你嘅講法只係反映一個心態: 心虛!  問心無愧怕咩人查,依你講法應該連警察投訴科、監警會都應該解散。
30. 去街市 2019-07-17 19:19:58
哦,我仲以為係第二個添,不過我覺得遲早都係要改賣冰鮮豬㗎啦
31. 真真薯片 2019-07-17 20:13:09
醉兄

我就認為如果正苦肯改字眼做撤回條件,發個聲明話“收回612暴動定義”,然後成立調查委員會查晒兩邊,將用咩罪告612原威者既責任推比委員會,再炒一兩件司局長,咁樣起碼7-8成和理非收貨,冇左民意支持,勇武派就唔成氣候,再搞事都冇人支持,好似佔中後期咁,可以全部拉晒冇人投訴
33. 自我陶醉 2019-07-17 21:03:33
薯片兄

我有諗過政改應否提,但如果沒有政改,泛民應不會同激進派割蓆,政改其實係一個交換條件,要泛民去遊說激進派。

現在嘅社會問題,基本上是沿於小圈子操控和對政府不信任,唔改變政制一切照舊,過幾年又會再有下一次暴亂,問題根本無法解決。 

阿爺應該問問自己仲想唔想收回台灣,睇見香港回歸二、三十年越搞越窩,講過又唔認數,連聯合聲明都變歷史文件,台灣人仲會唔會信中共? 佢哋民主選舉咁多年,會唔會突然自投羅網? 香港咩都要靠大陸,就算有民主又可以起到咩飛腳?治國靠嘅係德政唔係武力,我都係嗰句“得民心者得天下”! 

35. 引刀一快 2019-07-18 06:39:11
自我陶醉兄

以依家嘅事態發展,收台灣未必再好似以往咁,以香港作為一國兩制嘅樣板,而係以香港嘅繁榮作為獎品,俾台灣取代香港。
36. 十一哥 2019-07-18 08:44:50
甲醇飲多咗嘞 ! 當日紅毛賊係靠惡搶嘅、97嘔番D賊贓出嚟、條醉貓仲未醒…為虎作倀…聯合聲明、都係同刀刀一路…契弟一世。
37. 自我陶醉 2019-07-18 09:52:27
香港呢班擦鞋狗嘅所謂邏輯同智商,真係唔到你唔服! 連老細着皮鞋波鞋都未知,就準備定鞋油,靠呢班廢柴去管理香港,真係得啖笑。

呢頭話30年期票可以壓低香港地價,嗰個話個仔俾人搶咗幾十年,所以現在要去呃番。現在我有2個問題要問呢班擦鞋狗:

1. 香港由投地至開發完成,成個週期用幾多年? 30年又等於幾多個開發週期? 有冇可能30年後嘅所謂供應會推低現在地價?

2. 你三十年前唔生性將個仔輸咗俾人,三十年後,個仔由養父母養育成人,仲生性到在生父有事時一直出手幫助,生父現時有氣有力,有財有勢,要養父還仔,養父話如果你同意簽一份協議承諾繼續對個仔好,唔傷害,唔剝削佢自由,我就還個仔俾你,生父不但答應了,仲張份協議公之於世。 但攞番個仔後,佢就同養父講,其實嗰份協議係歷史文件,一啲意義都冇! 個仔係我嘅,我要打就打,要鬧就鬧,關你外人Q事? 咁講到底合理嗎? 

38. 咁講到底合理嗎? 2019-07-18 10:09:21
oh, no, 當年夫人坐響疢罐左上角, 鄧公響右上角同佢講你唔還下午解放軍就操入黎收返, 就哩一 part, 我唔會睇到養父咁神聖, 因為佢都響養子同生父身上掘左唔少礦, 美其名叫保管, 其實永久唔還, 法律上稱為盜竊。
39. 木子 2019-07-18 10:09:45
每個人都有自己的政見, 可以自由講,這才是香港。
40. 自我陶醉 2019-07-18 10:10:06
我夠膽講今時今日,阿爺比呢班廢柴更開明,唔好俾呢小撮人用幾十年前紅胃冰思維去破壞香港核心價值!
41. 向泛民说不 2019-07-18 10:26:56
自醉,仲咩L联合声明啊,英国佬自己越来越穷。越来越废,你中挂住他,好心用下脑,人望高处,水向低流,不过畜生除外。

97年之后,因为实行所谓的选举制度,结果是不可能有超过10年的planning,导致了香港没有了产业和土地不足。90年,港英的玫瑰园计划,从97年开始供应,直到了今日我们仍然在受惠。

民主不能改善民生,过去那20年,所有国家实行民主制度的都证明吾work,最主要的就是没有办法有超过10年代planning。港英的玫瑰园计划,放到今天,可以保证你也反对。反而是独裁的港英制度和新加波,中国经济却不断发展。不要自欺欺人。不过最近饭民狗还不停止游行,开始怀疑背后金主要打残香港的金融市场。这是饭民金主的目的。
42. 导致了香港没有了产业和土地不足 2019-07-18 11:06:56
肥彭話係阿爺唔俾賣地, 驚夾帶屍逃
但阿爺當初可能都冇諗到, 原來個個唔發展望可以發達又真係發左達
43. 向泛民说不 2019-07-18 14:36:49
自醉,普选问题,阿爷只会接受831方案。什么无筛选方案,阿爷一定吾会接受,这是国家安全,你美爹打华为用的理由。你美爹其实更加无理取闹。

一旦实行无筛选的普选方案,到时上位的多数是老美养的傀儡。这是不可能接受的。到时有人在香港洗黑钱,老美要求调查,老美傀儡会配合。但是中国要求,香港老美傀儡不会答应。就像google一样,老美可以要求google等给信息,google会配合,但是如果阿爷要求google给,google会反对,所以google一直不能进入中国。这是国家安全。

吾好当阿爷傻啦。
44. 向泛民说不 2019-07-18 14:40:47
42楼,你将时间搞错了,不要造谣。无错肥彭上台时,得确是限制每年只能卖50公顷土地。但是到了95年之后,就已经开放,导致港英在最后几年大幅卖地,结果97年之后,供过于求的问题,楼价下跌。

不过今日政府卖地好像仲小过当年的50公顷。当年卖50公顷,已经令楼价从86年升到97年。
45. 自我陶醉 2019-07-18 15:19:30
你慳啲喇向飯! 阿爺都開始知道你班友廢到冇影,自己檢討下喇! 哈哈哈!
46. 向泛民说不 2019-07-18 17:07:14
自醉发烂渣啊。你地饭民就真系废啦。不过看这星期你地饭民升cup。香港警察是专业的,对于犯法的一定打击。