樓市大起大落對任何住係香港嘅人都無好處！由其係呢種大起大落係由政府同政棍所做成！  
CY拋出首 2 年起 35,000 個公屋單位，下星期可能又拋出居屋每年 2 萬 個，再下星期話私樓唔夠，要起夠 3 萬！
          
樓市能承受得起嗎？可能有好多人未試過負資產，係度講風涼話，「自住唔使理樓價起跌，只係數字遊戲------」
          
如果層樓 300 萬買翻來，借左銀行 200 萬，只用 4 成樓下入息供樓，重有成年儲備預左供款，做好風險管理未？
但層樓如果數年間跌落去 100 萬，唔好話未試過，大把真實個案，又剛剛又發生係講風話嘅人身上，你哋會點做？
          
通常樓價趺成咁，會有一個「越窮越見鬼現象」- 利息上升、經濟衰退、失業率上升肯定係主菜，走唔甩。
就算有工做都會減人工，加上銀行每月加你樓按利息，合稱「雙鬼拍門」。   
本來好穩健嘅財務會忽然間惡化，儲蓄好快消耗曬。     
          
如果樓市向下行係两叁年間嘅事，咁碌住信用卡頂當都重得，但如果唔係點先-----  
去到呢個地步，你會睇倒報紙同電視新聞報今日又有幾多人無左個飯碗，股票市場又跌左幾多點---- 
負資產業主每日早上嘅希望係仲有工返！！我都試過負資產嘅味道，嗰種渡日如年感覺，真係非筆墨所能形容！
          
身邊就有好友因為係 97 年細屋換大屋，點知樓價狂跌變負資產，供唔掂層樓加上失業，終於做左空中飛人！！
          
依家歐豬、美國同日本經濟係點？路人皆見，爆大鑊唔係會唔會嘅問題，而係幾時發出黎嘅問題！！ 
          
依家最大鑊嘅係香港民生派在立法會係 30 比 0 ，小業主同中產無人代表發聲，我哋現在仲係度等運到，
咁第時「民意代表」就會同我哋做決定！！      
          
唔好話我烏鴉口，依家為爭立法會議席及特首寶座嘅候選人，都會狂開期票，候選人甲叫 3 萬 5 ； 
乙會叫夠 4 萬；丙會執輸嗎？最低消費 5 萬起碼！！重係講緊公屋咋！！！   
          
如果今次歐、美、日相繼爆大鑊，合理推斷發生日期係 2013 - 2015 年左右，同香港呢兩年新增建屋量出奇地夾！
到時外圍經濟衰退、銀行相繼倒閉、惡性通貨膨脹引發全利率急升----重加上香港各類樓宇落成量大升！
最低消費樓價跌 5 成起碼！！重有樣杰係 97-03 年利息處於下降軌，今次係上升軌-------  
          
我想 CY 同董伯伯最初都係想啲樓價平少少，當幫吓人，點知係跌 7 成先收倒科，重要係呀爺幫先埋倒尾！

王先生不必擔心, CY當選的機會是零.

整個商界都知CY是傻的, 當年他將大量土地幾百蚊呎賣俾地產商, 到今時今日他也認為無問題. 中央不想搵個傻子治港, 對中央來說香港還是很有戰略價值的.

CY還想借助KCOBA (英皇舊生會)造勢, 但其師兄弟們有誰真心支持他呢?

Mr. Wong,

I am sorry to hear your sad experience. I hope the current polical phemonenon is temporary which will be put in order when there is/are a political force(s) truly presenting middle class' voices (instead of misusing) in future.  What need to do at this stage is keeping sufficient savings to prepare for combating all the possible impact.

Meanwhile, rather than worrying whether CY will be elected, I more concern what TT compromises in upcoming days to secure sufficient votes. 

若果負資產純粹由經濟衰退造成，我等業主無話可說，只怪自己投資不當！

若果負資產是由政府不理後果、胡亂出招所造成，業主將死不瞑目！

防患於未然，業主不要再沉默了！

如果今次歐、美、日相繼爆大鑊，合理推斷發生日期係 2013 - 2015 年左右，同香港呢兩年新增建屋量出奇地夾！
到時外圍經濟衰退、銀行相繼倒閉、惡性通貨膨脹引發全利率急升----重加上香港各類樓宇落成量大升！
最低消費樓價跌 5 成起碼！！重有樣杰係 97-03 年利息處於下降軌，今次係上升軌-------  

王先生擔心太多了, 不用想得那麼灰. 你假設的情景我認為一個也不會發生~~開開心心過聖誕吧!

CY 之所以有今日的成就，就是因为他有一个不认命的妈妈，勤劳的工作，命运抓在自己的手里，点解已经却到处派福利，打击新一代的意志，将不劳而获变成公义。

CY，你点对得住你妈妈。

自從 97 年之後，我都嚴守按揭供款在入息 2 成之下，家層樓只剩下成多未償還樓按貸款！ 
就算真係外圍爆大鑊，我兩公婆失埋業，利息升多一倍，我同老婆走去做七仔都應該供得掂層樓！ 
          
但香港會唔會再有人燒炭、跳樓、食 2 手飯-----就唔敢包！！因為 CY 為左人人都買倒樓，真係乜都夠胆死！！！

王先生

就算CY万一头头也不用太灰,香港人一齐赶佢落台就是了.

老董不就是吗?

係香港一窮二白嘅人------政府免費俾層樓拒住！     
         
揾得果一萬幾千嘅-----政府會起公屋招呼拒地！     
         
揾萬幾两萬嘅-----置安心計劃攪緊，新居屋計劃就黎公佈祥情，重有唔少補左地價， 
只賣百幾弍佰萬嘅 2 手公屋及居屋可供選擇！     
         
揾两三萬嘅------新界唔少私人樓重係 2百幾，分 30 年供只係一萬銀上下，絕對唔過份！ 
         
揾三萬銀樓上嘅------已經係香港最 TOP 嗰 2 成人，重要政府幫有無攪錯？？？  
         
大家請對號入座，買一層你可負擔得起嘅樓，記住要做好風險理，   
請求大家不要好高騖遠，抱人有我亦要有心態，供一層遠超自己入息能力嘅樓，  
這不單會使到不自量力者惶惶不可終日，輕者自傷其身其心，重者引致金融機構大量壞賬！ 
         
真係白啲都要講一句，樓唔係個個人都要擁有一層先叫做公平！   
美國金融海嘯點來？咪政棍希望人人都可做業主囉！    
銀行順水推舟，將好多無供款能力嘅人都招攬埋！     
借錢俾拒地去買樓同換樓，然後將這些次按夾埋優質貸款賣通街！   
無論冰島漁夫，牛頭角順嫂，同樣為此埋單，而不少銀行更因此周轉不靈，要政府上埋身先止得吓咳！
但現在好多國家連政府都俾「後金融海嘯」攪到一戙都冇，要四出揾水救火！  
         
金融海嘯起因就係美國政府好心做壞事，想幫窮人買樓，終於攪出個「大頭佛」出來！ 
令到業主破產、次按債券變廢紙、銀行大量倒閉、政府債臺高築、最終債務遺約---- 
第時我哋啲仔女讀大學果陣就會將這段「歷史」大書特書！    
         
政府保証港人有其居所，係合情合理，但是否人人都應該擁有私人物業？係幫拒定害拒？請三思！！

回11

回應業主,

發覺你的見地非常好.

其實97年樓災, 主因是業主承担不起供款, 很多業主只是預留兩年錢供樓, 他們期望兩年入高價將樓買給接棒者, 從而賺取高回報.

所以, 減樓按成數和限在入息三成, 便能夠將心存僥倖的業主趕走, 留下真正業主, 樓市也會更加健康發展的.

这样高达和无壳的一定把你标签为

地产霸拳

呵呵呵

高地價政策惹的禍

本人住馬鞍山某私人屋苑，中上價物業，現已少了買家夠首期，還要五成下？反對！

最實際都係 (5) 樓 "防患於未然，業主不要再沉默了！"

下次一定要出來投票, 把福利主義趕走.

biu---現在政府房屋政策，好比見到一件衫爛左，政府想補破爛，正路吖！但拒哋係剪爛呢件衫另一「忽」黎補喎！！
          
例如係東涌有幾幅地，一塊公開發售左，私人發展商當然埋位規劃，    
拒哋會因應市場情況、供求、市民負擔能力等因數，將呢個地盆劃出唔同大細嘅單位出黎！但政府因應政客所求，
要起多啲細單位供人上車！！！！咁一條街之外嗰塊地就俾政府攪左成限尺限量地！後果會係點？？ 
          
首先第一幅地嘅買家唔使驚人頂爛市，會將所有單位改劃大則，以爭取利潤最大化！！  
小單位同 3-4 房以上大單位，將會兩極化已經係市場共識，專心劃大則，揾大錢，真係發過豬頭！ 
政府無形之中就咁醒左大約 10 億俾第一個發展商，飽曬！！執唔執多劑都無所謂啦！！   
          
第二幅地攪限尺，發展商重唔壓你價？咁政府庫房又唔見左拾幾億，呢個發展商劃細則就劃細則囉， 
同第一幅地面對唔同客路，就算同時開盤都無有怕，地價成本有平，有數圍！！！  
          
第三幅地本來係全海景，應該係最值錢嘅，但用黎起公屋，變相減低東涌私樓末來供應量！  
投倒頭兩幅地嘅發展商真係穩如泰山，賺硬！！！      
          
又例如政府用收緊按揭成數方面着手，限制買家進場，從銀行體系信貸安全黎講，非常合理！ 
但這樣一刀切之下，準業主如果唔係有大筆錢做首期，咪焗住同發展商買一手樓囉！  
因為只有大孖沙先有錢借俾小業主做弍按，市場儲埋嘅購買力，發展商納曬！！   
          
最後講到 SSD，邊個業主可以俾倒 2 年交易期與買家？咪又係發展商----   
          
政府越攪嘢，發展商越容易賺多啲錢，睇倒曬政府房屋政策係幾咁低能！

biu---點解希臘政府攪到債臺高築，除左超高福利支出之外，希臘政府唔能夠有效向高收入人仕抽足稅係關鍵！ 
作為高收入人仕無一招半式逃稅方法旁身，唔能夠叫得做醒目仔，咁點先可以抽足呢班人嘅稅呢？不如参考吓香港。
           
係香港有 300 多萬個勞动人口，6 成勞动人口不用繳交薪俸稅，而 8 成多薪俸稅收由約 6% 的勞动人口承擔！ 
約 1.1萬人年薪超過 300 萬，實際稅率 14.80 %，稅基狹窄極為過份，如果呢班人玩逃稅，政府稅收少好多！ 
           
但香港政府聰明地通過高地價政策，係賣地、改變土地用途、厘印費、土地印花稅、差餉、地稅、物業稅及 
短期買賣物業利得稅當中抽取每年幾百億！有時每年這些稅費收入重多過薪俸稅！   
           
以上「千抽萬稅」全都是冲着「富有階層」而來，其實係變相嘅薪俸稅！    
           
係香港當你月入超過 3 萬大元以上，你就變相要交呢啲「薪俸稅」，越揾得多、越住得豪，咁你就越交得多呢啲稅！
話之你買定租，咁睇落又幾公道喎！        
           
可能你會話香港咁攪法，會做成貧富不均，但另一方面又可解讀為政府幾咁愛護低下階層，唔會去滾攪拒地！ 
不單止唔使納稅，重有拾幾樣福利，包括醫療、房屋、教育----一應俱全，仲有大把錢剩，幾多國家流緊口水！ 
           
廢除高地價政策唔係唔得，不過請教吓你 biu，點做第一次同第二次財富再分佩好嗎？