我个人认为未来两年楼价只会平稳向上, 买来自住既你, 真系要把握机会, 早买旱享受, 岩价岩心水就要去马, 经验分享如下 :
1) 业主实力强大, 好多都系低位买入, 就算未来两年内加息1%, 物价租金齐上升, 收租回报一定高於供款, 根本无必要平卖, 3年SSD + DSD , 盘源会越来越少, 以致出现追价抢盘, 继续成交量跌, 但价反升.
2) 趁而家息低, 银行为左吸客, 基本上间间行都主推 H plan +1.7 Cap 2.15 , 可谓史上最笋按揭计划, 未知几时cut Offer, 一般最少都两年罚息期, 头几年主要系供紧利息, 反正短期内都唔会转按, 好应该趁未加息前早啲开始供, 可以俾少好多利息, 对於上车人士, 供楼可以逼自已储钱, 银纸真系会贬值, 当去到400万先叫上车盘时就后悔莫及.
3) 好多人会觉得供应多价会跌, 无论发展商高价买地或者低价买地, 都一定会包装成豪宅出售, 以现今建筑成本加上华丽装潢, 你真系觉得佢地会平卖俾你 ? 记住, 无奸不成商, 无一个发展商唔会赚到尽.
4) 最不幸既系连香港政府都系一个超级大财团, 政府本身都系利字当头, 以当今建筑成本, 卖地干手净脚增加库房收入好定系蚀钱起公屋养住一班低收入人土好呢 ? ... 好! 当佢突然良心发现啦, 起返啲公屋, 一班有能力买到上车盘既朋友, 已经过左最低上限, 再睇下公屋轮候册, 根本唔够啲新移民同单双非人士争, 因为你唔够人地穷, 唔够人地懒, 亦唔够人地面皮厚, 好多唔做野报伤拎综援. 唔好太高估我们既政府.
5) 好又讲下居屋, 居屋根本系一个局, 根本无平到, 唯一好处系可以做9成按揭又唔使俾保金 (以现时制度) , 但问题来啦, 一来上车客既你有无绿表资格买 , 二来就算你有资格以绿表价买, 政府系唔会益市民, 个卖价系会参考市场价, 再计算折扣率, 即系根本无平到俾你, 又当你真系买左, 人望高处, 我唔相信你会住一世, 或者有左小朋友想换大屋, 将来你想卖都非常难易手, 自由市场买卖亦需要补超高地价.
6) 97后香港人口急剧膨胀, 住屋问题同贫富悬殊只会越来越严重, 需求有増无减, 你有能力都唔买楼, 好多人争住买, 只要个价平少少, 就会有人抢, 跟住个价又回升返, 呢个情况会不断重覆发生. 好多人成日比较 97楼市高峰尺价, 认为楼价已见顶, 无错而家尺价已追过97位, 但唔好忘记, 现时人均收入对比 97时期, 再计算供款能力, 加上银行压力测试, 其实现时个楼价好多人都供得起, 根本不足以爆破, 楼价仍有很大上升空间.
7) 我在这四年间拥有了三个物业, 无打算卖, 因为供款额低. 收租高回报, 租金向上升, 回报就更高, 咁点解我要卖 ? 仲要平卖 ? 唔系想晒啲咩, 相信比我更有货既 discuss好友真系多不胜数. 我只系想俾未上车又1516既朋友知道业主们既心态, 同埋现实有几残酷, 市场系永远唔会跟住你行, 只有你跟住市场去走. 唔好等我地既无能政府会为你做啲乜, 将来你想点过系要靠你自己, 命运始终掌握喺自己手里面.
话毕...
[ 本帖最后由 jimmykiss 於 2014-6-5 03:22 AM 编辑 ]