正如其他网友指出,從financial economics既角度,利率放供求決定,但什甚決定供求?我就試用寻租與冒險呢個microecon既角度去分析乜野情況会令到好多人想去借錢而令利率拉高。
1. 你話 “冇资产,特別係冇楼既人会變成實質上既農奴为有资产既人服务”, 日本寻租机会夠低未? 你去問下佢地有楼係農奴定冇楼係農奴。
》如果你睇楼市圖,日本情況似97,就爆破一年升左6成,但其實只要你早一年买,你己經冇乜大礙,真係出事既只係事實上來89-90既成交。果班早就破左产,其他remort之後利息唔使一厘,但租金回報5-8厘,只要銀行唔執,完全可以養家。
你可再去下日本旅行,同導遊吹下水,其實日本係有好多家庭因为父母早年买左楼先可以養住D宅男腐女,冇仔女果班甚至係可以成日去北海道/沖縄玩唔使做。由於工作机会集中係大成市,日本二線成市人其實係流入东京,大部份收入去交租,平时多数係食罐頭過活,所以东京其實真係好多農奴。我認为大陸一線楼市都会东京後期化,初期唔会急挫因为槓桿冇日本當时咁高,之後会由人口流入頂住,有机会再講。
2. 你話:“由於D後生仔重有junk food, internet, smartphone, AV等去令佢地精神弱化”, junk food会令人精神弱化咩, 我就真係唔明有咩关係喇, 如果係真咁最弱化应該係你最崇拜嘅美國喎! internet 同 smartphone, 我就話可以令革命嘅机動效率更高, 更強化喇! AV另人弱化, 唔通係話你自己?
》弱化意思係唔会武力革命,好多数字顯示多左色情资讯同暴力遊戲会令罪案減小,美國係,日本係,而家最多呢D罪案正正係缺乏呢D既國家,如中东,非洲,印度。政权最有机会倒台係社会剛開放时,新资讯流入,年輕人,特別係男人,(當年64都係咁)想要又得唔到,而家其實多数國家都過左呢個危險期。
3. 你話 “人類生活改善係主要來自後者,但銀行反而只会替平錢比人买楼,想創业好多时都係要有間楼先有credit,後生仔冇楼想創业都好難”, 你新嚟㗎? 楼係secured asset, 借到平錢有咩出奇? 今日先係咩?唔通1厘息借一百萬卖花生咩? 畀你做銀行你又会點?
》我當然知到,只係唔想叉咁遠,海嘯後既新常態正正就係傳統金融机構作为资金中界既功能大幅退化,中國就出現以寻租为市既影子銀行,外國則係VC, PE, angel同crowdfunding等去填補空缺,由於呢個銀行做唔到呢D生意,政府又唔想佢地出事,可以既将來都係用低息去變相保貼佢地。
4. 你話 "至少到2020前中國人口老化加速前都唔会有事", 2020距离依家5年半, 人口有幾大改變? 有事都唔係关呢样嘢事喇, 唔講都知! 咁你又認为幾时至有問題呢, 到时嘅年齡分布同依家又有幾大分別?
》大陸既数冇人知,但大陸由文革死好多人,到老毛話人多好辦事一家生5個以上,又變成一孩政策(冇客观数字情況係點),呢個由人口红利變成勞工短缺未富先老既情況会係地球史上古往令來最急既人口劇變,由家家都唔駛養老到一对夫妻可能要養4-8個老人家可以係好可怕。另外都要睇外國会唔会再收緊移民,上年一年中國走左9百萬移民,多数係年輕同有能力既人,如果繼續收咁多人,中國5年就走左一半叻人(但個势係会收緊,中國自己亦打緊,不過係放佢地走定係直頭唔比走),会發展成點要睇下中國既汚染/食安/醫療問題可唔可以令人口老化速度減漫,等D後生仔同政府唔使養咁多。
5. 你話 “未來幾年總有一個國家会接力QE,世界經濟己經唔会有太大既變化”, 呢個係係願望定預期, 如果係預測, 又有咩理据?
接力QE係事實,亦有經濟誘因,先前講law of large numbers係統计學上既原因。
政治原因係世界多極化,西方弱左唔想理咁多,戰爭小形化,人口老化可以年輕人怕死難以武力革命等等。
6. 你25楼話 “銀行利息=乜都唔做就有既回報。 如果太高的話,咁好多人就真係乜都唔做,对經濟係好大鑊的。” 有幾大鑊? 80年代廿厘息係唔係人人唔洗做等收息呢? 你去問下你啲長輩先講喇!
事實上當年D人,夠膽买D股/楼,10年就唔使做,只係好少人真係有呢D錢,當时物質生活之缺乏係而家既人難以想像,而家唔同了,好多小投资者都大L把錢。當然,當时资金流通冇咁快,若真係有神奇力量可以令利息突升到咁高,全世界同香港人自己既资金就会流入香港銀行,存款係銀行既負債,如果銀行唔係自己缺錢的話,佢冇理由要送錢比存戶,佢自由亦冇必債仔会比咁高息佢,結果可能一兩個星期(甚至一兩日)就去返低息。
咁銀行会唔会缺錢?睇下大陸有冇放錢,再睇下PP之前D文。