正如其他網友指出,從financial economics既角度,利率放供求決定,但什甚決定供求?我就試用尋租與冒險呢個microecon既角度去分析乜野情況會令到好多人想去借錢而令利率拉高。
1. 你話 “冇資產,特別係冇樓既人會變成實質上既農奴為有資產既人服務”, 日本尋租機會夠低未? 你去問下佢地有樓係農奴定冇樓係農奴。
》如果你睇樓市圖,日本情況似97,就爆破一年升左6成,但其實只要你早一年買,你己經冇乜大礙,真係出事既只係事實上來89-90既成交。果班早就破左產,其他remort之後利息唔使一厘,但租金回報5-8厘,只要銀行唔執,完全可以養家。
你可再去下日本旅行,同導遊吹下水,其實日本係有好多家庭因為父母早年買左樓先可以養住D宅男腐女,冇仔女果班甚至係可以成日去北海道/沖縄玩唔使做。由於工作機會集中係大成市,日本二線成市人其實係流入東京,大部份收入去交租,平時多數係食罐頭過活,所以東京其實真係好多農奴。我認為大陸一線樓市都會東京後期化,初期唔會急挫因為槓桿冇日本當時咁高,之後會由人口流入頂住,有機會再講。
2. 你話:“由於D後生仔重有junk food, internet, smartphone, AV等去令佢地精神弱化”, junk food會令人精神弱化咩, 我就真係唔明有咩關係喇, 如果係真咁最弱化應該係你最崇拜嘅美國喎! internet 同 smartphone, 我就話可以令革命嘅機動效率更高, 更強化喇! AV另人弱化, 唔通係話你自己?
》弱化意思係唔會武力革命,好多數字顯示多左色情資訊同暴力遊戲會令罪案減小,美國係,日本係,而家最多呢D罪案正正係缺乏呢D既國家,如中東,非洲,印度。政權最有機會倒台係社會剛開放時,新資訊流入,年輕人,特別係男人,(當年64都係咁)想要又得唔到,而家其實多數國家都過左呢個危險期。
3. 你話 “人類生活改善係主要來自後者,但銀行反而只會替平錢比人買樓,想創業好多時都係要有間樓先有credit,後生仔冇樓想創業都好難”, 你新嚟㗎? 樓係secured asset, 借到平錢有咩出奇? 今日先係咩?唔通1厘息借一百萬賣花生咩? 畀你做銀行你又會點?
》我當然知到,只係唔想叉咁遠,海嘯後既新常態正正就係傳統金融機構作為資金中界既功能大幅退化,中國就出現以尋租為市既影子銀行,外國則係VC, PE, angel同crowdfunding等去填補空缺,由於呢個銀行做唔到呢D生意,政府又唔想佢地出事,可以既將來都係用低息去變相保貼佢地。
4. 你話 "至少到2020前中國人口老化加速前都唔會有事", 2020距離依家5年半, 人口有幾大改變? 有事都唔係關呢樣嘢事喇, 唔講都知! 咁你又認為幾時至有問題呢, 到時嘅年齡分佈同依家又有幾大分別?
》大陸既數冇人知,但大陸由文革死好多人,到老毛話人多好辦事一家生5個以上,又變成一孩政策(冇客觀數字情況係點),呢個由人口紅利變成勞工短缺未富先老既情況會係地球史上古往令來最急既人口劇變,由家家都唔駛養老到一對夫妻可能要養4-8個老人家可以係好可怕。另外都要睇外國會唔會再收緊移民,上年一年中國走左9百萬移民,多數係年輕同有能力既人,如果繼續收咁多人,中國5年就走左一半叻人(但個勢係會收緊,中國自己亦打緊,不過係放佢地走定係直頭唔比走),會發展成點要睇下中國既汚染/食安/醫療問題可唔可以令人口老化速度減漫,等D後生仔同政府唔使養咁多。
5. 你話 “未來幾年總有一個國家會接力QE,世界經濟己經唔會有太大既變化”, 呢個係係願望定預期, 如果係預測, 又有咩理據?
接力QE係事實,亦有經濟誘因,先前講law of large numbers係統計學上既原因。
政治原因係世界多極化,西方弱左唔想理咁多,戰爭小形化,人口老化可以年輕人怕死難以武力革命等等。
6. 你25樓話 “銀行利息=乜都唔做就有既回報。 如果太高的話,咁好多人就真係乜都唔做,對經濟係好大鑊的。” 有幾大鑊? 80年代廿厘息係唔係人人唔洗做等收息呢? 你去問下你啲長輩先講喇!
事實上當年D人,夠膽買D股/樓,10年就唔使做,只係好少人真係有呢D錢,當時物質生活之缺乏係而家既人難以想像,而家唔同了,好多小投資者都大L把錢。當然,當時資金流通冇咁快,若真係有神奇力量可以令利息突升到咁高,全世界同香港人自己既資金就會流入香港銀行,存款係銀行既負債,如果銀行唔係自己缺錢的話,佢冇理由要送錢比存戶,佢自由亦冇必債仔會比咁高息佢,結果可能一兩個星期(甚至一兩日)就去返低息。
咁銀行會唔會缺錢?睇下大陸有冇放錢,再睇下PP之前D文。