|
1. 打工仔 Andy 2017-11-23 09:42:51
|
企鹅仔的确强劲! 沽楼买股=准备瞓街 沽股买楼=保留实力
|
|
2. 醒目仔沽腾讯买楼 2017-11-23 10:19:40
|
料图片 买家趁新盘加价前 变现430万入市四房户 香港文汇报讯（记者 梁悦琴）港股步向3万点，又诞地王、楼王，长实随即将荃湾海之恋・爱炫美四房户加价幅度上调至5%，有买家趁股王腾讯昨日升近430元时沽出1万股，套取430万元作为买入长实於荃湾的海之恋・爱炫美一个约2,470万元四房户的部分首期。新地於南昌站汇玺II原价加推119伙，於本周六推售首批321伙。 长实地产投资董事郭子威昨表示，因应市况气氛炽热，决定将荃湾海之恋．爱炫美四房户最高加价幅度由原定3%上调至5%，加价将於12月12日起生效，未来累积加价空间料逾15%。长实集团高级营业经理封海伦指，该盘将於本周五推售24伙，即供折实售价1,504.5万元起，尺价16,086元起。海之恋系列目前尚余220伙待售。利嘉阁按揭为该盘引入H+1.28厘按揭计划，现金回赠为1.7%。港置伙经络按揭为该盘引入H+1.3%，现金回赠达1.7%。 「腾讯逾500元买多一间」 消息指，昨日有持股王腾讯的买家趁海之恋．爱炫美四房户加价在即，又见昨日下午腾讯升至近430元，决定沽出1万股，套取430万元，并只用了3分钟决定以约2,470万元买入海之恋．爱炫美第3A座47楼A室四房户，面积1,162方尺，尺价21,260元，套股金额作为换楼首期之用。据悉，该买家表示，如果腾讯升逾500元，会再买多一间海之恋．爱炫美四房户。
|
|
3. 13亿人 2017-11-23 10:27:06
|
如何让一个个千万富豪，在大冬天熬夜去户外排队呢？答案是抢房。
上周南京有10个限价楼盘3000几个单位同时开卖，必须全额付款或8成首期按揭，吸引万几人连夜排队。因为是限价楼，更多有关系的人到处找领导要批条。
唔知博士对大陆的恐慌性抢房有何看法呢？
|
|
4. 套墙纸买砖头 2017-11-23 10:29:37
|
香港人始终热爱的是砖头，而不是墙纸。套股换楼才是王道。在香港砖头才是眞正的财産。国泰，盈科，汇丰，Espirit,都曾经是股王。
|
|
5. 浪子心声 2017-11-23 10:32:14
|
基於一楼的留言，香港股市还没有「买股必赚、股市只升不跌」的「思想病毒」，睇嚟香港股市还会继续升的可能性非常高，一啲「泡沫」都无！
|
|
6. 民间智慧 2017-11-23 10:35:49
|
|
|
7. 自我陶醉 2017-11-23 10:41:35
|
投资永远都系去弱留强，就算沽股换楼都睇下沽咩股呀! 沽强留弱，无论买咩，都只会是输家。沽腾讯换楼？ 哈哈哈！
我有位朋友$18时入咗两万股腾讯，在$250时受唔住诱惑沽了一万股换楼，结果？ 层楼仲供紧，再执少二千万罗！
其实投资同赌博只是一线之差，点解股票咁多人输钱，理由好简单，买嘅人大部份系赌徒，呢啲人虽然买股票，但根本唔知股票为何物，只知道股票是一啲号码，见人哋赚钱，或在收音机、报纸听到个号码就买，当买六合彩，连买嘅系咩股，做咩生意，赚定蚀，行业前景如何，全部都唔知，仲惊输唔死，谂埋点样杠杆法，未学行先学走，唔输就有鬼。如果你用做生意心态投资股票又会有咩分别？
一、唔识的行业唔会做 二、冇钱赚的行业唔会做 三、行业前景差唔会做 四、唔会同信唔过嘅人合股做生意 五、你自己盘生意，唔会连业绩同发展大计都不闻不问
再问下自己，你今日开间公司，明日有人出两成溢价叫你卖盘，你又会唔会卖？ 明日公司市值跌一成，你又会唔会卖？ 又若果有人出个价买你公司，呢个价你经营多二百年都赚唔到，你又卖唔卖？
结论系买股输嘅人有三种，懒、笨、贪。若然三样都有，就恭喜哂! 买楼系你唯一出路。除非你好好命，否则千祈唔好做生意。哈哈哈！
|
|
8. 打工仔 Andy 2017-11-23 11:12:16
|
自醉兄 说得对, 无论股或楼, 炒价只会少赚, 股长揸可赚可输, 楼长揸赚多输少, 小弟揸楼大多十年八年以上 !
补充, 小弟未有炒股, 是输家, 呵呵 !
|
|
9. 路人XXX 2017-11-23 11:17:54
|
其实 腾讯过去一年真系唔系升好多... 大把有实力既股升得多过佢。市盈率咁高仲持有，同听到个号码就买有咩分别?我唔知音乐几时停，只有全能既神才知道，但系我相信已经差不多要停了。
楼同腾讯我都唔会买，因为2个都好高，差在一个仲颠紧，一个就颠到差不多，企响天台等跌.... 如果真正叻既投资者，呢个时候应该获利，慢慢增持保本既资产，例如公用股咁罗。 多讲无益，信不信由你...
|
|
10. 自我陶醉 2017-11-23 11:34:57
|
|
|
11. 浪子心声 2017-11-23 12:40:06
|
To 路人XXX兄：
虽然香港楼市和股市在价格上都同时处於历史高位，但从「行为经济学」角度分析，香港楼市和股市就处於非常不同的情况，香港楼市充满「买楼必赚、楼市只升不跌」的「思想病毒」，楼市「思想泡沫」非常明显，相对股市就折然不同，很多香港市民对买股票还有很大戒心，很多港人还未入市，从以上多个留言反映，好多港人都无「买股必赚、股市只升不跌」的思想病毒，因此香港股市在行为经济学上是没有思想泡沫，所以股市就算有调整亦应是轻微。从国际和中国经济发展大形势分析对股市都有利，因此从「传统经济学」和「行为经济学」分析，香港股市应可继续看好。
以上只是个人分析，我都系咁讲「信不信由你！！」
|
|
12. 无奈 2017-11-23 12:47:08
|
|
|
13. 自我陶醉 2017-11-23 12:50:50
|
浪子兄，
你讲嘅股市病态的确未出现，但相信明年就会见，到地产网多咗股神时，就一定要小心了。 呵呵！
|
|
14. 鸟5 2017-11-23 13:02:48
|
3/F，上面而家二手系出繄事，二手低市价4成~冇人成5系新闻。。上面发展商果D系表像。今年第二季已经爆爆地镬
|
|
15. 浪子心声 2017-11-23 13:21:26
|
多谢自醉兄的认同，你的回应令我产生一个有趣的想法，当我写一啲留言或文章关於香港股市不利时，而又受到大量人身攻击，股市的思想泡沫就应相当明显，这是不是一个好指标呢？
|
|
16. 路人XXX 2017-11-23 13:30:59
|
浪子兄，所以咪话" 差在一个仲颠紧，一个就颠到差不多，企响天台等跌...." 你估下边个打边个?
我都无话股市已经到顶或者接近，不过腾讯就肯定接近了。我讲紧既音乐停就讲紧腾讯~ 唔信? 放工听下收音机财演答D散户，有几多个散户沽尽手上股票入哂腾讯。有几多个公公婆婆打去问寻日买腾讯，今日几多蚊放好....
仲话买腾讯好既人，同佢地有咩分别?!
|
|
17. 路人XXX 2017-11-23 13:33:46
|
我一直有留意自醉兄既文章，本来都觉得佢言之有物~
但系今日仲叫人买腾讯，同个D话楼市升上火星之流又有咩分别....
|
|
18. 自我陶醉 2017-11-23 13:39:10
|
浪子兄，
理论上是对的，但在这里大部分人不买股，你的假设可能会出现bias。 还有，这里有些人是对人不对事的，其实无论你写咩，都会被人攻击，这办法可参考但未必可靠，还是留意饮茶、食饭、坐车的人在谈什么比较好，其实我只系讲股票投资成败的一般分别，但唔系叫人现价才买腾讯， 千祈唔好误会。
|
|
19. 引刀一快 2017-11-23 14:45:29
|
To 3楼
大规模离婚买房、温州炒房团、杭州楼爆限售.....等等等等，大陆房事最兴隆嘅，就系江浙地区。
对房事态度最实在嘅系珠三角，所以最后先至癫升，初时有人话北上深冇广，依家你话呢？
会唔会搞长三角大湾区，就先睇粤港澳大湾区得唔得。粤港澳得，长三角都未必得。
|
|
20. 自我陶醉 2017-11-23 14:47:01
|
路人XXX
对不起，我从来唔会听财演分析股票。
请问我几时叫过人入腾讯？ 至於你卖唔卖，看你是什么价入和以什么心态持有，如果你上星期入博执几蚊，一早要走喇! 你估我朋友$18入，现在二千几，佢怕唔怕会跌？ 1973年个市仲癫几十倍，以你嘅投资标准，X哥当时也应该沽清长实了，对吗？
|
|
21. 路人XXX 2017-11-23 15:06:12
|
点解讲到 腾讯，自醉兄都变左LYC~
你讲$18唔怕跌个例子同D楼霸讲自己五十年前话自己几廿万买层楼唔怕跌有咩分别? 如果预左长查，根本唔驶考虑短期升跌。如果你0系度讲长查，对唔住我答错咀。
你既回应，虽然无讲叫人买，但字里行间一片看好，如果现价仍一片看好腾讯，我觉得的确是有些问题。
仲有我无叫人放哂D股票，系叫人分段减持风险资产，增加保本资产。例如由 8高风险:2保本 变做 7:3，升到35000又转 5:5之类。最后5成你中意40000点再放D又得，股灾之后当长查又得...系咁既意思。
仲有讲到对人不对事~我由始至终POST左100MSG 有99个都系支持你的，只是呢2日见你不断赞腾讯，就忍不住要出下声...
|
|
22. 路人XXX 2017-11-23 15:17:48
|
忘了说~听财演讲股，唔系听佢点表演，系听D人问咩，同留意饮茶、食饭、坐车的人在谈什么一样，不过我唔会坐车，听收音机方便些而已...
|
|
23. 引刀一快 2017-11-23 15:38:30
|
腾讯已经绑架咗几亿中国人嘅生活同工作，唔上淘宝买嘢仍然可以生活，冇咗微信同QQ，工作同社交都round埋。
进而，国家保安、维稳都依赖咗佢。
|
|
24. 香港土著 2017-11-23 15:51:02
|
其实，何解股楼一定要系二元分化零和游戏呢？一个投资组合，基本上应该有齐股楼债，按市况调节各项比重。
卖股买楼，卖楼买股，得一注筹码，根本就系低手投资行为。一贯观点就系，低手就要有自知之明，唔知就要输，买甚么都一样。
|
|
25. 浪子心声 2017-11-23 16:10:50
|
我感觉讨论股票好过讨论楼市，有好多有建设性的回应，回应意见不同是好事，能知道多一个不同的观点，事情便能越辩越明，路人XXX和自醉兄的观点都有道路。
我个人对腾讯近几个月的急升都有点特别的感觉，大众真的有可能只对腾讯这一只股票产生思想病毒，「买腾讯必赚，腾讯只升不跌」，但在身边的人，又唔觉得好多人敢现价入市买腾讯，可能我的接触面少，识人不多，但现阶段我还是不太感受到有很多香港人感染到「买腾讯必赚，腾讯只升不跌」的思想病毒。
这里人多，想听听大家身边人对腾讯的感觉，希望能得更多的讯息。
|
|
26. 自我陶醉 2017-11-23 16:38:52
|
路人XXX兄
如果有人廿万买咗楼，我绝对唔会叫佢沽，因为对佢哋现价已经飞出咗太阳系，除非香港有重大改变或有更好路数。 对於楼市，由此至终我讨论的只是现价系咪值得买，和是否有比买楼更佳的投资选择。
所有投资都有地心吸力，我唔相信有嘢系只升不跌，包括腾讯和楼。讲到腾讯应否减持，我唔会从佢升咗几多睇，反而我会从生意角度及技术角度考虑是否值得持有，除非你手上只有腾讯，就算要减仓，我也不会选最强势的股来减持，只有两个情况我才会考虑减持，一是业务层面转差，二是跌破50天线或上升轨。但如果你问我现价是否值得入市，好老实，不论股或楼我都唔觉得值。
|
|
27. 民间智慧 2017-11-23 17:44:18
|
|
|
28. 港股撑港楼破顶再破顶 2017-11-23 17:54:55
|
市场消息指，港股大勇节节上升，带挈资金套股换楼，市场消息指爱炫美今日录得最少三宗套股换楼个案，其中一宗更是靠升市火车头腾讯发围，据悉该买家睇中一伙两房，楼价约900万元，昨日先行沽出部分腾讯已凑够5%定金即约45万元，即落定买入爱炫美。 长实地产投资董事郭子威表示，爱炫美昨录数宗投资者入市个案，部分更是套股换楼，预期港股继续爆升，将加快楼市成交气氛，以及加速楼价上升
|
|
29. CD ROM 2017-11-23 18:41:33
|
浪子兄有关 "思想病毒" 既论点有趣, 小弟来插嘴两句.
Assume此论点是正确的, 但我也不认同楼市中毒. 因为以我既观察, 迷信楼价只升不跌既人当中, 大部分都系无楼同买唔起楼, 他们都不是持份者. 反而有楼既, 特别系投资者, 系咪如你所言那么迷信呢? 我认为是-ve的, 他们似乎比你想像中既风险管理做得充足.
当然, 大家接触既人不同, 各自都可存在很大既误区, 因为pool确实太少了...
|
|
30. 浪子心声 2017-11-23 19:13:18
|
CD-ROM兄的论点非常正确呀！
若要科学化证明香港人已大多感染这思想病毒是需要做个统计先得㗎 ！但这对一般市民来说实在太难了，所以在现实中，我个人多会从传媒或如自醉兄所言留意饮茶、食饭、坐车的人在谈什么，从而感受社会的现象。
我个人的体现是如果我讲吓香港楼价有机会跌，我身边的朋友、家人、同事等等都会觉得我有点傻傻哋，尤如早几个月前有位C9叫专家去食粪一样的感受，所以我只会在论坛表达这些睇法，在现实生活中真有难以启齿的感受！
但若讲下股市会跌，就感受完全不同，好多人会认同股市会跌系好正常啫，投资股市风险系好大嘅！！
|
|
31. 香港土著 2017-11-23 20:02:47
|
炒家/投资者唔认为楼市只升不跌系因为冇得炒。
散户/羊太认为楼市唔会跌系因为太聪明... "一百个人买所以错机会细左！"
|
|
32. LC 2017-11-23 21:23:14
|
靠楼退休既人我见唔少，听到人买股票发达既人，我又好似唔识得有几个，可能win 股发达既人特别低调，发到好似毕菲特噤都系坐二手车。
|
|
33. 路人XXX 2017-11-24 10:55:37
|
CD ROM 的朋友圈全是强大的投资者 早1,2个月我就试过去商场洗手间开大，听到出面清洁叔叔同某人讲佢岩岩用左成副身家买层楼比个仔，做左地产商按足9成半，个个月供楼都猛猛紧咁罗...之后听听下仲听到佢个仔好似仲读紧硕士TIM。父慈子孝...
|
|
34. 路人XXX 2017-11-24 10:58:45
|
根住去KFC食早餐，仲听到一台公公婆婆讲紧买楼必升，收租实赚咁罗。
|
|
35. 史路比 2017-11-24 12:25:07
|
To 路人XXX兄：
你话买公用股是稳,但不一定岩的,例如香港的2电一煤,现在的利润管制下投资回报好像是9%,一年股东回报咪约等於赚晒咪就9%以下罗.你又知唔知与大市同步即是输的啦,那些楼市专家话. 但人家腾讯一年翻倍哦,上市以来翻600倍哦,倒后开车,人家现在沽出腾讯再买公用股都赢几条街.
小弟都有2电.公用股2017年回报确实不如2800
|
|
36. 史路比 2017-11-24 12:34:41
|
TO 32楼 LC 虽然小弟都认同在香港买楼赚钱比股票易迪，不过那些股票专家又会反驳话：炒股炒成首富的，人人都知道有。但炒楼炒成首富的，却未曾出现过。
|
|
37. 路人XXX 2017-11-24 12:45:37
|
回35~ 重点是"慢慢增持"，2016-2017年第四季之前持有公用股=傻的，告诉你我全是高增长股票，连一点公用股都无。 到了第四季，我现在主要仍是高增长，但已经增加公用股比例，差不多只有2成是公用股。到了2018,2019会更多。有一天当个市掉2000点，连续掉三天，你就知道9.9%盈利总比倒蚀好...
|
|
38. 路人XXX 2017-11-24 12:53:53
|
99.9%既人输钱者系咩野?? 有0.1%既人赚大钱罗，咁简单都唔明。 买楼都可以，不过要在楼市低位，想尽办法借尽做到95%以上按揭，有1000万就买2E既楼，唔系个个人识 (03买，当升左6倍加上按揭是120倍了，1000万变12亿)。现在既不是楼市低位，又不可以低息借95%，暂时想靠佢发达就难了。LC讲得岩，想用佢养老相信还可以的....哈哈哈
|
|
39. 史路比 2017-11-24 13:21:10
|
TO 路人XXX 兄
想会计账面上唔输钱又唔难，小弟又讲下自己的故事 大概2012年中，小弟持有2个物业，那时未曾看博士文章，身边有有多余的100万人仔，听那些楼市专家话振英哥上台后楼会跌的，所以就把当时可以买一个2房单位首期的100人仔拿去大陆做定期，年息为5.25%，5年期，预算有2年时间俾振英哥订打击楼市政策，跟住会跌2-3年，钱回来的时间就刚刚好，又保本又超越租金回报的3.5%。 今年年中终於取回本金与利息，这笔钱刚好能填上2014年小弟投资另一个单位的辣招税。一个保本赚钱的策略就令东九三宝与小弟无缘了。
|
|
40. 路人XXX 2017-11-24 13:42:58
|
回39~ 讲极唔明，算巴啦。不适当时间做不适当既野，听信不适当既摇言。2012年根本唔应该做保本，2015年就应该做，2016,17年就唔应该做保本。你可能会话马后炮系人都识。咁我讲埋你听2018应唔应该做LAW，唔系马后炮啦挂。其实我都唔系好惯派钱，都系个句，信不信由你，派比你要唔要由你。
|
|
41. 自我陶醉 2017-11-24 17:22:32
|
40楼 路人XXX 兄，
同意出年系超高危年，高位入市真系要睇路。
|
|
42. 儍牛 2017-11-25 08:35:52
|
陶醉兄，年年你都话高危，有边一年你话唔高危呢？ 信你几年前唔买楼果D人而家就真系高危⋯⋯
🐮
|
|
43. 自我陶醉 2017-11-25 09:22:16
|
傻牛呀傻牛，2014年我系呢个地产网最牛嗰个，一早就话楼市2015会破140，乜你唔知咩？ 哈哈哈！
|
|
App下载
将腾讯全数沽清，赚了大钱，他们会将资金投放在一些被认为是低水的股票，发掘另外一只腾讯，买楼对於他们来说，是一个非常愚蠢行为，而在股市赚到钱的人自视很高，一定不会做买楼这种愚蠢行为，所以，大家千祈唔好以此理由来解释股市升，楼市会跟著上升，而事实上有一些打算买楼的人会以股市作为参考，当日买楼的钱可以买两万股腾讯，今日只能买一万，心理上觉得楼价是很抵，即使多付一些也没有问题，结果做成楼价上升。