|
1. 打工仔 Andy 2017-11-23 09:42:51
|
企鵝仔的確强勁! 沽樓買股=準備瞓街 沽股買樓=保留實力
|
|
2. 醒目仔沽腾讯買樓 2017-11-23 10:19:40
|
料圖片 買家趁新盤加價前 變現430萬入市四房戶 香港文匯報訊（記者 梁悅琴）港股步向3萬點，又誕地王、樓王，長實隨即將荃灣海之戀‧愛炫美四房戶加價幅度上調至5%，有買家趁股王騰訊昨日升近430元時沽出1萬股，套取430萬元作為買入長實於荃灣的海之戀‧愛炫美一個約2,470萬元四房戶的部分首期。新地於南昌站匯璽II原價加推119伙，於本周六推售首批321伙。 長實地產投資董事郭子威昨表示，因應市況氣氛熾熱，決定將荃灣海之戀．愛炫美四房戶最高加價幅度由原定3%上調至5%，加價將於12月12日起生效，未來累積加價空間料逾15%。長實集團高級營業經理封海倫指，該盤將於本周五推售24伙，即供折實售價1,504.5萬元起，呎價16,086元起。海之戀系列目前尚餘220伙待售。利嘉閣按揭為該盤引入H+1.28厘按揭計劃，現金回贈為1.7%。港置夥經絡按揭為該盤引入H+1.3%，現金回贈達1.7%。 「騰訊逾500元買多一間」 消息指，昨日有持股王騰訊的買家趁海之戀．愛炫美四房戶加價在即，又見昨日下午騰訊升至近430元，決定沽出1萬股，套取430萬元，並只用了3分鐘決定以約2,470萬元買入海之戀．愛炫美第3A座47樓A室四房戶，面積1,162方呎，呎價21,260元，套股金額作為換樓首期之用。據悉，該買家表示，如果騰訊升逾500元，會再買多一間海之戀．愛炫美四房戶。
|
|
3. 13億人 2017-11-23 10:27:06
|
如何讓一個個千萬富豪，在大冬天熬夜去戶外排隊呢？答案是搶房。
上週南京有10個限價樓盤3000幾個單位同時開賣，必須全額付款或8成首期按揭，吸引萬幾人連夜排隊。因為是限價樓，更多有關係的人到處找領導要批條。
唔知博士對大陸的恐慌性搶房有何看法呢？
|
|
4. 套牆紙買磚頭 2017-11-23 10:29:37
|
香港人始終熱愛的是磚頭，而不是牆紙。套股換樓才是王道。在香港磚頭才是眞正的財産。國泰，盈科，匯豐，Espirit,都曾經是股王。
|
|
5. 浪子心聲 2017-11-23 10:32:14
|
基於一樓的留言，香港股市還沒有「買股必賺、股市只升不跌」的「思想病毒」，睇嚟香港股市還會繼續升的可能性非常高，一啲「泡沫」都無！
|
|
6. 民间智慧 2017-11-23 10:35:49
|
|
|
7. 自我陶醉 2017-11-23 10:41:35
|
投資永遠都係去弱留強，就算沽股換樓都睇下沽咩股呀! 沽強留弱，無論買咩，都只會是輸家。沽騰訊換樓？ 哈哈哈！
我有位朋友$18時入咗兩萬股騰訊，在$250時受唔住誘惑沽了一萬股換樓，結果？ 層樓仲供緊，再執少二千萬囉！
其實投資同賭博只是一線之差，點解股票咁多人輸錢，理由好簡單，買嘅人大部份係賭徒，呢啲人雖然買股票，但根本唔知股票為何物，只知道股票是一啲號碼，見人哋賺錢，或在收音機、報紙聽到個號碼就買，當買六合彩，連買嘅係咩股，做咩生意，賺定蝕，行業前景如何，全部都唔知，仲驚輸唔死，諗埋點樣槓桿法，未學行先學走，唔輸就有鬼。如果你用做生意心態投資股票又會有咩分別？
一、唔識的行業唔會做 二、冇錢賺的行業唔會做 三、行業前景差唔會做 四、唔會同信唔過嘅人合股做生意 五、你自己盤生意，唔會連業績同發展大計都不聞不問
再問下自己，你今日開間公司，明日有人出兩成溢價叫你賣盤，你又會唔會賣？ 明日公司市值跌一成，你又會唔會賣？ 又若果有人出個價買你公司，呢個價你經營多二百年都賺唔到，你又賣唔賣？
結論係買股輸嘅人有三種，懶、笨、貪。若然三樣都有，就恭喜哂! 買樓係你唯一出路。除非你好好命，否則千祈唔好做生意。哈哈哈！
|
|
8. 打工仔 Andy 2017-11-23 11:12:16
|
自醉兄 說得對, 無論股或樓, 炒價只會少赚, 股長揸可賺可輸, 樓長揸賺多輸少, 小弟揸樓大多十年八年以上 !
補充, 小弟未有炒股, 是輸家, 呵呵 !
|
|
9. 路人XXX 2017-11-23 11:17:54
|
其實 騰訊過去一年真係唔係升好多... 大把有實力既股升得多過佢。市盈率咁高仲持有，同聽到個號碼就買有咩分別?我唔知音樂幾時停，只有全能既神才知道，但係我相信已經差不多要停了。
樓同騰訊我都唔會買，因為2個都好高，差在一個仲顛緊，一個就顛到差不多，企響天台等跌.... 如果真正叻既投資者，呢個時候應該獲利，慢慢增持保本既資產，例如公用股咁囉。 多講無益，信不信由你...
|
|
10. 自我陶醉 2017-11-23 11:34:57
|
|
|
11. 浪子心聲 2017-11-23 12:40:06
|
To 路人XXX兄：
雖然香港樓市和股市在價格上都同時處於歷史高位，但從「行為經濟學」角度分析，香港樓市和股市就處於非常不同的情況，香港樓市充滿「買樓必賺、樓市只升不跌」的「思想病毒」，樓市「思想泡沫」非常明顯，相對股市就折然不同，很多香港市民對買股票還有很大戒心，很多港人還未入市，從以上多個留言反映，好多港人都無「買股必賺、股市只升不跌」的思想病毒，因此香港股市在行為經濟學上是沒有思想泡沫，所以股市就算有調整亦應是輕微。從國際和中國經濟發展大形勢分析對股市都有利，因此從「傳統經濟學」和「行為經濟學」分析，香港股市應可繼續看好。
以上只是個人分析，我都係咁講「信不信由你！！」
|
|
12. 無奈 2017-11-23 12:47:08
|
|
|
13. 自我陶醉 2017-11-23 12:50:50
|
浪子兄，
你講嘅股市病態的確未出現，但相信明年就會見，到地產網多咗股神時，就一定要小心了。 呵呵！
|
|
14. 鳥5 2017-11-23 13:02:48
|
3/F，上面而家二手係出繄事，二手低市價4成~冇人成5係新聞。。上面發展商果D係表像。今年第二季已經爆爆地鑊
|
|
15. 浪子心聲 2017-11-23 13:21:26
|
多謝自醉兄的認同，你的回應令我產生一個有趣的想法，當我寫一啲留言或文章關於香港股市不利時，而又受到大量人身攻擊，股市的思想泡沫就應相當明顯，這是不是一個好指標呢？
|
|
16. 路人XXX 2017-11-23 13:30:59
|
浪子兄，所以咪話" 差在一個仲顛緊，一個就顛到差不多，企響天台等跌...." 你估下邊個打邊個?
我都無話股市已經到頂或者接近，不過騰訊就肯定接近了。我講緊既音樂停就講緊騰訊~ 唔信? 放工聽下收音機財演答D散戶，有幾多個散戶沽盡手上股票入哂騰訊。有幾多個公公婆婆打去問尋日買騰訊，今日幾多蚊放好....
仲話買騰訊好既人，同佢地有咩分別?!
|
|
17. 路人XXX 2017-11-23 13:33:46
|
我一直有留意自醉兄既文章，本來都覺得佢言之有物~
但係今日仲叫人買騰訊，同個D話樓市升上火星之流又有咩分別....
|
|
18. 自我陶醉 2017-11-23 13:39:10
|
浪子兄，
理論上是對的，但在這裡大部分人不買股，你的假設可能會出現bias。 還有，這裡有些人是對人不對事的，其實無論你寫咩，都會被人攻擊，這辦法可參考但未必可靠，還是留意飲茶、食飯、坐車的人在談什麼比較好，其實我只係講股票投資成敗的一般分別，但唔係叫人現價才買騰訊， 千祈唔好誤會。
|
|
19. 引刀一快 2017-11-23 14:45:29
|
To 3樓
大規模離婚買房、溫州炒房團、杭州樓爆限售.....等等等等，大陸房事最興隆嘅，就係江浙地區。
對房事態度最實在嘅係珠三角，所以最後先至癲升，初時有人話北上深冇廣，依傢你話呢？
會唔會搞長三角大灣區，就先睇粵港澳大灣區得唔得。粵港澳得，長三角都未必得。
|
|
20. 自我陶醉 2017-11-23 14:47:01
|
路人XXX
對不起，我從來唔會聽財演分析股票。
請問我幾時叫過人入騰訊？ 至於你賣唔賣，看你是什麼價入和以什麼心態持有，如果你上星期入博執幾蚊，一早要走喇! 你估我朋友$18入，現在二千幾，佢怕唔怕會跌？ 1973年個市仲癲幾十倍，以你嘅投資標準，X哥當時也應該沽清長實了，對嗎？
|
|
21. 路人XXX 2017-11-23 15:06:12
|
點解講到 騰訊，自醉兄都變左LYC~
你講$18唔怕跌個例子同D樓霸講自己五十年前話自己幾廿萬買層樓唔怕跌有咩分別? 如果預左長查，根本唔駛考慮短期升跌。如果你0係度講長查，對唔住我答錯咀。
你既回應，雖然無講叫人買，但字裡行間一片看好，如果現價仍一片看好騰訊，我覺得的確是有些問題。
仲有我無叫人放哂D股票，係叫人分段減持風險資產，增加保本資產。例如由 8高風險:2保本 變做 7:3，升到35000又轉 5:5之類。最後5成你中意40000點再放D又得，股災之後當長查又得...係咁既意思。
仲有講到對人不對事~我由始至終POST左100MSG 有99個都係支持你的，只是呢2日見你不斷讚騰訊，就忍不住要出下聲...
|
|
22. 路人XXX 2017-11-23 15:17:48
|
忘了說~聽財演講股，唔係聽佢點表演，係聽D人問咩，同留意飲茶、食飯、坐車的人在談什麼一樣，不過我唔會坐車，聽收音機方便些而已...
|
|
23. 引刀一快 2017-11-23 15:38:30
|
騰訊已經綁架咗幾億中國人嘅生活同工作，唔上淘寶買嘢仍然可以生活，冇咗微信同QQ，工作同社交都round埋。
進而，國家保安、維穩都依賴咗佢。
|
|
24. 香港土著 2017-11-23 15:51:02
|
其實，何解股樓一定要係二元分化零和遊戲呢？一個投資組合，基本上應該有齊股樓債，按市况調節各項比重。
賣股買樓，賣樓買股，得一注籌碼，根本就係低手投資行為。一貫觀點就係，低手就要有自知之明，唔知就要輸，買甚麼都一樣。
|
|
25. 浪子心聲 2017-11-23 16:10:50
|
我感覺討論股票好過討論樓市，有好多有建設性的回應，回應意見不同是好事，能知道多一個不同的觀點，事情便能越辯越明，路人XXX和自醉兄的觀點都有道路。
我個人對騰訊近幾個月的急升都有點特別的感覺，大眾真的有可能只對騰訊這一隻股票產生思想病毒，「買騰訊必賺，騰訊只升不跌」，但在身邊的人，又唔覺得好多人敢現價入市買騰訊，可能我的接觸面少，識人不多，但現階段我還是不太感受到有很多香港人感染到「買騰訊必賺，騰訊只升不跌」的思想病毒。
這裡人多，想聽聽大家身邊人對騰訊的感覺，希望能得更多的訊息。
|
|
26. 自我陶醉 2017-11-23 16:38:52
|
路人XXX兄
如果有人廿萬買咗樓，我絕對唔會叫佢沽，因為對佢哋現價已經飛出咗太陽系，除非香港有重大改變或有更好路數。 對於樓市，由此至終我討論的只是現價係咪值得買，和是否有比買樓更佳的投資選擇。
所有投資都有地心吸力，我唔相信有嘢係只升不跌，包括騰訊和樓。講到騰訊應否減持，我唔會從佢升咗幾多睇，反而我會從生意角度及技術角度考慮是否值得持有，除非你手上只有騰訊，就算要減倉，我也不會選最強勢的股來減持，只有兩個情況我才會考慮減持，一是業務層面轉差，二是跌破50天線或上升軌。但如果你問我現價是否值得入市，好老實，不論股或樓我都唔覺得值。
|
|
27. 民間智慧 2017-11-23 17:44:18
|
|
|
28. 港股撐港樓破頂再破頂 2017-11-23 17:54:55
|
市場消息指，港股大勇節節上升，帶挈資金套股換樓，市場消息指愛炫美今日錄得最少三宗套股換樓個案，其中一宗更是靠升市火車頭騰訊發圍，據悉該買家睇中一伙兩房，樓價約900萬元，昨日先行沽出部分騰訊已湊夠5%定金即約45萬元，即落定買入愛炫美。 長實地產投資董事郭子威表示，愛炫美昨錄數宗投資者入市個案，部分更是套股換樓，預期港股繼續爆升，將加快樓市成交氣氛，以及加速樓價上升
|
|
29. CD ROM 2017-11-23 18:41:33
|
浪子兄有關 "思想病毒" 既論點有趣, 小弟來插嘴兩句.
Assume此論點是正確的, 但我也不認同樓市中毒. 因為以我既觀察, 迷信樓價只升不跌既人當中, 大部分都係無樓同買唔起樓, 他們都不是持份者. 反而有樓既, 特別係投資者, 係咪如你所言那麼迷信呢? 我認為是-ve的, 他們似乎比你想像中既風險管理做得充足.
當然, 大家接觸既人不同, 各自都可存在很大既誤區, 因為pool確實太少了...
|
|
30. 浪子心聲 2017-11-23 19:13:18
|
CD-ROM兄的論點非常正確呀！
若要科學化證明香港人已大多感染這思想病毒是需要做個統計先得㗎 ！但這對一般市民來說實在太難了，所以在現實中，我個人多會從傳媒或如自醉兄所言留意飲茶、食飯、坐車的人在談什麼，從而感受社會的現象。
我個人的體現是如果我講吓香港樓價有機會跌，我身邊的朋友、家人、同事等等都會覺得我有點傻傻哋，尤如早幾個月前有位C9叫專家去食糞一樣的感受，所以我只會在論壇表達這些睇法，在現實生活中真有難以啟齒的感受！
但若講下股市會跌，就感受完全不同，好多人會認同股市會跌係好正常啫，投資股市風險係好大嘅！！
|
|
31. 香港土著 2017-11-23 20:02:47
|
炒家/投資者唔認為樓市只升不跌係因為冇得炒。
散戶/羊太認為樓市唔會跌係因為太聰明... "一百個人買所以錯機會細左！"
|
|
32. LC 2017-11-23 21:23:14
|
靠樓退休既人我見唔少，聽到人買股票發達既人，我又好似唔識得有幾個，可能win 股發達既人特別低調，發到好似畢菲特噤都係坐二手車。
|
|
33. 路人XXX 2017-11-24 10:55:37
|
CD ROM 的朋友圈全是強大的投資者 早1,2個月我就試過去商場洗手間開大，聽到出面清潔叔叔同某人講佢岩岩用左成副身家買層樓比個仔，做左地產商按足9成半，個個月供樓都猛猛緊咁囉...之後聽聽下仲聽到佢個仔好似仲讀緊碩士TIM。父慈子孝...
|
|
34. 路人XXX 2017-11-24 10:58:45
|
根住去KFC食早餐，仲聽到一台公公婆婆講緊買樓必升，收租實賺咁囉。
|
|
35. 史路比 2017-11-24 12:25:07
|
To 路人XXX兄：
你話買公用股是穩,但不一定岩的,例如香港的2電一煤,現在的利潤管制下投資回報好像是9%,一年股東回報咪約等於賺晒咪就9%以下羅.你又知唔知與大市同步即是輸的啦,那些樓市專家話. 但人家騰訊一年翻倍哦,上市以來翻600倍哦,倒後開車,人家現在沽出騰訊再買公用股都贏幾條街.
小弟都有2電.公用股2017年回報確實不如2800
|
|
36. 史路比 2017-11-24 12:34:41
|
TO 32樓 LC 雖然小弟都認同在香港買樓賺錢比股票易迪，不過那些股票專家又會反駁話：炒股炒成首富的，人人都知道有。但炒樓炒成首富的，卻未曾出現過。
|
|
37. 路人XXX 2017-11-24 12:45:37
|
回35~ 重點是"慢慢增持"，2016-2017年第四季之前持有公用股=傻的，告訴你我全是高增長股票，連一點公用股都無。 到了第四季，我現在主要仍是高增長，但已經增加公用股比例，差不多只有2成是公用股。到了2018,2019會更多。有一天當個市掉2000點，連續掉三天，你就知道9.9%盈利總比倒蝕好...
|
|
38. 路人XXX 2017-11-24 12:53:53
|
99.9%既人輸錢者係咩野?? 有0.1%既人賺大錢囉，咁簡單都唔明。 買樓都可以，不過要在樓市低位，想盡辦法借盡做到95%以上按揭，有1000萬就買2E既樓，唔係個個人識 (03買，當升左6倍加上按揭是120倍了，1000萬變12億)。現在既不是樓市低位，又不可以低息借95%，暫時想靠佢發達就難了。LC講得岩，想用佢養老相信還可以的....哈哈哈
|
|
39. 史路比 2017-11-24 13:21:10
|
TO 路人XXX 兄
想會計賬面上唔輸錢又唔難，小弟又講下自己的故事 大概2012年中，小弟持有2個物業，那時未曾看博士文章，身邊有有多餘的100萬人仔，聽那些樓市專家話振英哥上台後樓會跌的，所以就把當時可以買一個2房單位首期的100人仔拿去大陸做定期，年息為5.25%，5年期，預算有2年時間俾振英哥訂打擊樓市政策，跟住會跌2-3年，錢回來的時間就剛剛好，又保本又超越租金回報的3.5%。 今年年中終於取回本金與利息，這筆錢剛好能填上2014年小弟投資另一個單位的辣招稅。一個保本賺錢的策略就令東九三寶與小弟無緣了。
|
|
40. 路人XXX 2017-11-24 13:42:58
|
回39~ 講極唔明，算巴啦。不適當時間做不適當既野，聽信不適當既搖言。2012年根本唔應該做保本，2015年就應該做，2016,17年就唔應該做保本。你可能會話馬後炮係人都識。咁我講埋你聽2018應唔應該做LAW，唔係馬後炮啦掛。其實我都唔係好慣派錢，都係個句，信不信由你，派比你要唔要由你。
|
|
41. 自我陶醉 2017-11-24 17:22:32
|
40樓 路人XXX 兄，
同意出年係超高危年，高位入市真係要睇路。
|
|
42. 儍牛 2017-11-25 08:35:52
|
陶醉兄，年年你都話高危，有邊一年你話唔高危呢？ 信你幾年前唔買樓果D人而家就真係高危⋯⋯
🐮
|
|
43. 自我陶醉 2017-11-25 09:22:16
|
傻牛呀傻牛，2014年我係呢個地產網最牛嗰個，一早就話樓市2015會破140，乜你唔知咩？ 哈哈哈！
|
|
App下載
將騰訊全數沽清，賺了大錢，他們會將資金投放在一些被認為是低水的股票，發掘另外一隻騰訊，買樓對於他們來說，是一個非常愚蠢行為，而在股市賺到錢的人自視很高，一定不會做買樓這種愚蠢行為，所以，大家千祈唔好以此理由來解釋股市升，樓市會跟著上升，而事實上有一些打算買樓的人會以股市作為參考，當日買樓的錢可以買兩萬股騰訊，今日只能買一萬，心理上覺得樓價是很抵，即使多付一些也沒有問題，結果做成樓價上升。