1. 真真薯片 2017-05-22 10:33:16
|
港楼最大既购买力, 就系之前楼价劲升, 升出黎既果浸财富
6, 7年前买楼, 闲闲地升一倍以上, 当年买300万楼, 比100首期, 供200, 依家供剩150, 但系层楼变左600, 即系可以再按150出黎, 做首期一开二, 呢个就系楼市最强购买力之源
15%辣税打击业主买2套房, 业主用人头+一约多伙应对, 一约多伙被ban, 人头仲可以用, 依家再截水源, 不过在下认为今次截水源力度未够, 因为楼价升幅太大, 可以按4成都仲系好多钱, 今次有效, 迟d降到3成, 2成, 就会见效
至於发展商2按, 息贵+减折扣, 依家新盘开价已经高, 仲要少攞优惠+比贵息, 早买左楼既业主走去买, 其实系比发展商赚埋自己层2手楼既升幅
|
2. Tony lam 2017-05-22 10:59:52
|
科技资讯发展、最震鷄嘅就系中产、国泰一下切几百中高层…解释哂、佢地自己知自己事、当中供紧楼嘅都几头痕、好多所谓本事技术经验…冇佢地唔得…原来系假象嚟、真做生意…边洗养咁多贵口人手、开咗头…高收入嘅打工仔…小心喇 !
|
3. Tony lam 2017-05-22 11:20:24
|
辣椒最大作用系…困住班赢钱赌仔喺赌场、唔比叻仔过咗孖宝即散水、焗佢地唔加注都要座耐D…戥住个场面、新落场嘅就要袋够筹码…仲要抽咗重水先比座低。
高入息打工仔…要筹首期嘅才俊、就要睇份工系唔系冇你唔得嘞 !
|
4. 十郎 2017-05-22 11:47:28
|
所以我话过,到入伙潮才会见真章。到时如果出现挞定,上唔到会等等意外,就影响卖楼气纷。现在一定要顶到入伙之后,地产商惜售?睇过点!
现时差不多已经全民欠债,我说过节衣缩食必矣。“节衣“ 我就唔知,“缩食“ 就发生紧。一年前早茶尚墟䧟,现在疏疏落落,未致小猫三四。谷楼价,摧经济,是啥道理?🤔🤔🤔
|
5. 浪子心声 2017-05-22 12:28:19
|
非常认同十郎哥的睇法,过去两年和现在都多是卖远期楼花,实质供应还未到位,当入伙潮到时就是供应到位时,这时楼市才见真章。
但今个周末,新盘好似只卖得二十多个,改进了的三辣招似乎已足够了,7月1日后楼市可能已经可以初见真章了!
|
6. Tony lam 2017-05-22 12:31:07
|
香港地方细、又喺正刀锋口、个人投资…要上善若水、享受风浪嘅乐趣…而唔系比浪涛吞噬、而家大环境系通街平钱、但楼价已经升到食咗平钱嘅红利、高位运行冇悬念、但而家价位入市…就要守到天荒地老。
政府7・1之后嘅房屋政策…减辣…一定…系幻想、地产要维持高位运行…方可保政府入息、但点令基层唔好噪动 ? 一定系强化公营房屋供应、分隔公私营群体、私营各自修行、基层又冇洗绝望。
|
7. 真真薯片 2017-05-22 13:05:56
|
过去几年一手楼成交量系万三至万五, 所以之后既入伙量都系每年万三至万五
当然一定会有人供唔起, 问题系有几多, 仲要系放租后都供唔起然后变成笋盘比人压价卖, 仲要睇放卖果段时候市场气氛, 如果市好, 呢d盘静鸡鸡走左都冇人觉, 如果市差, 就大字标题
在下认为早几年万五蚊尺以下卖既新盘, 入伙后比人斩仓既数量应该唔多, 不过近排卖两三万蚊尺既新盘, 防守力就相对低得多
|
8. 浪子心声 2017-05-22 13:22:36
|
Tony哥讲得好,加多点关於楼市转势在即的因素,人民币贬值已完毕,甚至有可能会升,基本上内地走资问题已解决,所以15%DSD+15%BSD已足够令投资需求大减,资金有可能转向股市,下半年港楼成交继续减少,无得升甚至要跌的机会甚大,反而股市就有机会大旺。
|
9. 浪子心声 2017-05-22 13:31:44
|
真真兄,不要这么乐观啊!上年加人工不足3%,万五蚊尺啲楼要租俾中产,到新盘入伙来临时,嗰啲纳米楼唔易租得好价钱,实力不足投资者好容易出事,急速大跌就真系出现机会唔高,但慢慢阴跌又回来,阴跌几年除时出现,大家有心理准备就得喇!
|
10. 十郎 2017-05-22 13:37:05
|
为咗悭15%税,借人头,网上闻有穿校服签字买楼。唉。
三十供完尘与土,八千日后要维修。财哥仔,请勿追。管理费,减一减。
露营渴望咕噜肉,闲时喝饮水沟雪。待重头,收拾旧砖头,呜呜呜!
|
11. 十郎 2017-05-22 13:40:52
|
|
12. 真真薯片 2017-05-22 13:44:08
|
肯租纳米楼既人比唔起钱(中区例外), 纳米楼的确缺乏承接力, 要跌都跌先
但系万3, 4蚊尺, 600万以下既两房新楼, 供应唔多, 二手同价, 需求大, 在下睇唔到可以跌到去边, 最多市唔好跟大市跌一成半, 到时候可以等博士信号入市
|
13. 浪子心声 2017-05-22 14:01:15
|
真真兄,不要对纳米楼有太大期望啊,纳米楼是香港楼市新产品,可说是豪华劏房,单位超细但尺价高、管理费高,要有好回报,就要租俾中产,但中产有很多选择,唔同穷人一定要租劏房。纳米楼跌一成半你就入,我话跌三成都入唔过,到时大把好选择,有物理由简纳米楼来投资啊?
|
14. 引刀一快 2017-05-22 17:09:02
|
供得起,三个字好好听!当你发现,你系供得起,人地系捞得起,知道几惨。
|
15. 汤玛斯 2017-05-22 17:22:34
|
「全家都是负资产者」,咁即系「阖家负资产」!听落好得人惊!
|
|