1. 亮剑 2018-10-03 15:39:15
|
蔡生写得好精彩,小弟不才亦举出另外几个例子。 众所周知香港无乜货品要抽关税,所以香港成为购物天堂。 但香港政府为了打击「需求」,有几样嘢要「抽重税」,包括汽车首次登记税,燃油税及烟草税。 香港一直奉行低税率政策,咁点解香港政府又向以上货品徵收惩罚性税率? 归根究柢就系政府唔希望有咁多人买车、揸车及吸烟! 喺政府重税大棒之下,无可否认「需求」受到一定压抑,但「市场价格」有冇回落呢? 事实上徵收重税的效果,只不过系赶绝一些「边缘人仕」,等佢哋唔能够去「享受」如斯贵价的消费,不过对有能力又唔志在嘅人来说,佢哋就在畀正常价格外,仲要承担惩罚性税收,咁呢样「产品」的价格会「平咗」定「贵咗」,答案是否好清晰?
|
2. 香港土著 2018-10-03 16:39:56
|
燃油、烟草、车,三样东西税前都贵左?税前是否比外国贵?
|
3. 基层市民 2018-10-03 17:17:39
|
减印花税有道理,楼价可以平啲.10几年前楼价冇咁高,因为成本低,投资者赚少少就卖走,唔似宜家果啲资深投资者,揸系手死都唔放,一放盘赚钱就要倍倍声,其实唔系咁有社会责任.
|
4. 实事求是 2018-10-03 17:27:43
|
非常赞同楼上基层兄睇法. 以前果啲投资者,赚5-10万都放手,宜家嘅投资者,有5成至1倍利润都唔肯卖,话系赚少少唔够俾手续费,当然最贵系政府印花税.
|
5. 东方成竹 2018-10-03 17:39:35
|
1楼亮剑兄好见解,形容得好贴切,比蔡老板仲生动,加徵印花税同加烟草税,加汽车税有异曲同工之妙,有能力嘅消费者冇影响,冇能力者唔好消费,或者等政府资助打救. 加印花税楼价贵就系必然,当局或者就系想这样?
|
6. 楼市中哥 2018-10-03 19:17:36
|
无高税收又何来高储备? 无钱又点起大白象?
机本上是环环相扣
|
7. 蔡粉 2018-10-03 19:21:35
|
蔡老板好文章,望林郑读到此文,减印花税,舒解我哋换楼的成本。
|
8. 泡沫爆破 2018-10-03 19:39:06
|
|
9. 幻想曲 2018-10-03 20:29:08
|
异想天开减加徵印花税事项就如幻想曲随口唱二篁...
|
10. 十一哥 2018-10-03 21:57:02
|
私家车、吹烟、油税、唔系民生必须、有银冇银…要叹就一样比咁多、住系社会稳定之本、买一层当你自住、第二层先抽重水、外来者就直情系炒或者当泊车…抽水更唔洗锡住。 抽足成半/3成水、都栏唔住购买力、咁唔抽又会点呢? 呢十零年QE焗到低息、再加大陆呢几十年耕耘亦到咗收成期、实体经济已经唔够位运转咁大嘅资金、08风暴更令资金更谨慎、投资选择小咗…钱又多咗…冇乜稳阵过买砖头、呢点系有银士嘅直觉本能。
|
11. 自然一派 2018-10-04 01:26:56
|
坦白遘,蔡生文章只系讲事实,政府当然唔会听,冇人会期望政府减辣. 淡友梗系想啦,一减辣就系楼价下跌嘅时候.
|
12. 地产人 2018-10-04 01:29:45
|
辣招只有加冇可能减,民望最重要!现时高官一定唔会减辣,万一减咗楼价再升谁负责?打份工啫,抟呢啲,咪玩啦!
|
16. 等一等 2018-10-05 00:00:59
|
现在并非买楼买股的好时机...无论如何不要听人点,停一停,等一等.
|
17. 香港 2018-10-05 11:10:14
|
景气,只要从slow down迈向recession甚至depression,将呈现"百业俱衰"的现象,届时财富不只是重新洗牌,而是更多人向下沉沦,只有深谙分析者才会在下行中成为赢家。 然而,这些懂得"未雨绸缪",具有远见者,总是呈现"少数中的少数",绝对多数人只会随波沉沦...
|
18. 自然一派 2018-10-05 11:55:54
|
印花税系楼价贵嘅原因,正确!
"记得十几廿年前,香港楼市非常蓬勃,当年的买楼印花税最高徵收率只是楼价的2.75%,如今时移世易,连首次置业者的印花税也高达4.25%,买楼成本已不可同日而语。而投资者的印花税是15%,海外买家更高达30%,有人形容这样高的买楼印花税,简直是乱世用重典,将楼市当成乱世,将买家施与重刑。"
|
19. 引刀一快 2018-10-06 05:05:15
|
燃油、烟草、车,三样都唔系香港生产嘅,香港消耗量比起全世界根本无足轻重,点会影响到价格?用嚟比喻港楼辣招,概念错。
换一个角度,试下全世界统一跟香港税率,咁消耗量一定会大幅下降,但系生产成本大幅会上升,税前价格未必会跟随需求而大降。
但系,在一定范围内,由於资源制约减少,港楼起得越少,成本就会越低,所以港楼同燃油、烟草、车,根本系完全唔同概念。
燃油、烟草、车,重税系抑制需求,而唔系防炒,相反,辣招原意系以防炒去满足需求(真正居住需求),又系两码事。
|
21. 要承受 2018-10-06 11:27:39
|
|
22. 东成 2018-10-06 14:18:39
|
引刀兄:
辣招大加印花税,事实证明咗买卖楼宇成本大增,政府肥了自己库房,加大负担害咗市民,尤其系上车或换楼嘅市民.果批冇父干嘅基层人士,宜家有几多个上到车?
我点解赞同蔡老板文章,系佢讲出理据,言之有理,又唔怕人批评,就算一啲无厘头嘅恶意攻击,佢都处之泰然.呢种至系百花齐放,言论自由嘅香港精神,其他嘅,真系唔敢置评.
|
23. 基层市民 2018-10-06 21:30:42
|
现时印花税咁重,的确系高成本高楼价,政府印花税收入大增几倍,当然唔会减辣,都系自私嘅政府!
|
24. 香港土著 2018-10-07 00:32:19
|
22楼逻辑好得意。十年间咁多因素令楼价上升,如何得出结论楼价贵就系因为辣招,所以冇辣楼价就唔会咁贵??当初冇出辣招楼价更高得唔得呢?
|
25. 引刀一快 2018-10-07 00:51:37
|
|
26. 东成 2018-10-07 01:23:53
|
24楼土著兄:
本人没有讲冇辣招楼价就唔会升,只系强调印花税倍升肥咗政府,更重要嘅系基层市民如果冇父干,系唔系更加难上车先?辣招帮唔到市民,起码来讲帮唔到基层市民,只系帮到有家底嘅人. 本人嘅睇法冇问题,系阁下理解错咗啫.
|
27. 引刀一快 2018-10-07 14:58:06
|
东成兄
香港楼价高,基本因素系供应不足,供应不足嘅诱发原因系辣招之前太多大陆人恰埋眼抢货。抢,自然乜都唔够喇。香港有冇人瞓街?三十万公屋轮候,基本上都系有瓦遮头。 几年前抢完,依家会唔会走?睇落去就知。
|
28. 东成 2018-10-08 00:47:24
|
27楼引刀兄:
阁下平时嘅评论都算有玟路,但今次所言差矣.香港系国际都市,自然应吸引世界各地资金进入,咁样可以带动香港经济繁荣,同埋制造就业机会,令香港与伦敦纽约齐名,繁华都市楼价都系比较高.
好多国家及城市千方百计想吸引外国移民,吸引外资进入投资,买楼买办公室等等无任欢迎.本人觉得香港政府推行多项地产辣招,已经保障本土人优先,如果楼价太高,应该将楼市分两个市场,就好似蔡老板所讲,起多啲公屋居屋,照顾基层市民嘅住屋需要,而唔系照顾佢地嘅买楼需要.
如果系入息太低人士,就冇可能要令佢地全部都买到楼.要稳定楼市,就要搵多啲地起多啲楼,起多啲公营房屋.而唔系拒绝外资买楼,迫资金流向其他国家.
|
29. 引刀一快 2018-10-08 01:40:23
|
东成兄
已故新加坡总理李光耀先生,曾经讲过香港嘅最大问题,就系背负十三亿同胞嘅感情。
敏感嘅部分唔详述,恐怕依家最佳解决办法,就系喺大湾区造一块飞地,10000-30000公顷,咁可以撤嗮所有辣招。
反过来一问,如果阿爷真系批块大飞地俾香港,解决嗮香港住屋问题,兼可以高效促进大湾区经济发展,你地会支持还是抗议?
|
31. 同意 2018-10-08 13:51:06
|
一定冇人做蚀本生意啦 所以政府应该对发展商收极利得税 呢d唔系叫俾税社会,系叫还
|
32. 东成 2018-10-08 18:23:06
|
我支持大陆拨一块地俾香港,足够基层人士居住,咁就皆大欢喜!
|
33. 赚与亏 2018-10-08 22:44:50
|
投资理论必有赚与亏:
我们几乎天天都看到传媒以大幅标题报道某某人卖楼亏损。香港到底有多少人愿意亏蚀卖楼?又是谁在卖楼?难道每一个卖楼的人都现金周转不灵,急着筹钱用而不得不蚀让? 非也,卖楼大亏蚀只是传媒为了吸引眼球而努力报道的新闻。实际上,卖楼亏蚀的比率很低,也因为很低,每一宗亏蚀个案都成了传媒争相报道的内容。 二手蚀让只属少数 根据中原地产的数据,今年第一季二手楼成交的个案有3,004宗,其中帐面获利者占2,910宗,获利比率高达96.9%。换言之,只有仅仅的3.1%的二手楼买卖,原业主是亏蚀的。而且,帐面获利超过50%的二手楼原业主占69.4%,这是很高的比率
|
34. 泡沫爆破 2018-10-09 00:28:36
|
泡沫爆破好快实现,3成左右跌幅喺年底前(或者农历年底前)见到,风水佬骗你十年八年,我们只系讲几个月,大家见证一下就知.冇所谓,都系估下啫,无须太认真.
|
35. 睇你唔起 2018-10-09 09:43:18
|
26. 泡沫爆破 2018-09-04 14:21:17 | |
| 真爆煲了,内部资料显示,年底跌3成,唔信问下专家啦,所有分析员专家博士教授都系一致认同大冧市来到!
一个月前言之凿凿话有内部资料显示年底跌3成,今日又话“都系估下啫唔使认真”,重将(爆煲)期延长到农历新年,黑心淡讲野如同放屁。 |
|
36. 事与愿违 2018-10-09 12:53:52
|
通常用得“实现”一词,一般来说是愿望,或者是对人们有贡献的大目标,如海底隧道通车,实现市民直接揸车过海的方便。
话泡沫爆破好快实现,其实唔系分析只系许愿,可惜事与愿违,还有两个月会跌3成?发下梦就可以。
许个咁嘅愿望,果然系黑心。
|
37. 泡沫爆破 2018-10-09 14:22:52
|
楼上35楼: 大家都有言论自由,守护香港嘅核心价值,各有各睇法.社会系多元化. 乱咁骂人,我睇唔起你就真,又唔见你去骂罗加聪&沈大师?
|
38. 更加睇你唔起 2018-10-09 16:16:23
|
哈哈!好意思搬言论自由,香港核心价值出来粉饰你的屁话。
睇好睇淡并冇问题,系你造谣先抵畀人闹,唔使转移视线,你一月前话内部资料来自何处?
|
39. 杯 2018-10-09 16:39:05
|
港楼自开埠以来都系行紧上升轨 由阿爷嗰代几万一间,老豆嗰代几十万一间 到而家上车要几百万
我问一个问题就知你究竟系咪识野 过去三十年,呢五个数字边个升幅最大?
全球发达国家通胀 全球发达国家楼价 香港gdp 香港股市 香港楼市
如果你唔知有几多增长系受惠於经济增长,又点会知有几多升幅系受惠於人口增长+政策?
过去经济虽然系处於长期上升通道 但会有周期,就算未来十年可以维持上升通道 一样会调整去通道底部 呢个系全球资本主义制度下嘅经济法则 就连内地咁积极干预市场都避唔到周期性调整 每一个市场都会有中期中型调整 每个经济周期都会有一次大型调整
点解系今年? 股市系经济嘅验身报告,对经济极敏感 股市半年前已析出十年来最大型嘅调整讯号
点解要将股市同楼市挂勾? 股市>经济>楼市,虽然系隔左一重山 短期上落当然各有各走 但如果经济基本面动荡,就会影响楼价好深
今年同2008、2016有咩唔同? 当时有好多人睇淡、卖楼 我就叫人买楼,自己都有买楼,到今年先睇淡 08年美国开始QE,中国4万亿救市方案,低息 用泡沬救经济,足以支撑经济同楼价 15年股灾本质系内地股市大户夹杀散户 唔影响经济基本面,但今次相反 全球收水,资产价格调整保经济
点解过去十年都唔应该卖楼? 自从SSD、BSD推出,短炒楼已无利可图 因为一出一入成本已经系楼价嘅10%以上 短线获利又要收5-15%税 如果经济基本面冇变,根本得不偿失
今年应唔应该卖楼? 其实好睇每个人风险管理 有人减磅,有人睇长线,有人进取食波幅 如果黎紧楼价跌30%,你会点? 有冇能力炒波幅?有冇能力strong hold?
有几点要留意
赚得最多嘅人,都系由经济下行周期完成后、上升通道底部争持物业 赚得最快嘅人,都系经济上升周期末端,市场充斥亢奋情绪时持有物业 1997年买楼嘅人,大部分要到2011年先返到家乡 上升周期底部买楼嘅人,可以利用升值去争持更多物业
无论你系啱啱投身社会定炒楼王,反问自己 你由几时开始预视到QE可以推动楼价? 你98金融风暴/08海啸同今年股市赚钱定蚀钱? 你由今年几月开始感受到楼市转势? 如果以上答案唔出色,你对市场嘅睇法都系废话
|
40. 果然黑心 2018-10-09 17:02:43
|
一般负面消息如:
交通意外随时(发生) 经济衰退将(来临)
点都唔会讲(实现),之前又话(吐气扬眉),乜人嚟㗎……
|
41. 泡沫爆破 2018-10-09 17:12:36
|
每个人都有自己嘅观点同理据,网上讲下自己睇法有咩问题?讲爆煲我唔系第一个啦. 部分楼市好友只顾自己嘅利益,唔接受楼价下跌嘅事实,唔能够接纳唔同声音,表现咗自私及冇风度!
|
42. 标题党日日发功 2018-10-09 18:02:55
|
淡友的分类forevergo @2018-8-31 06:42 PM #1 1.黑心淡:成q日希望楼价冧,业主bbq,尽管自己完全无能力买,佢地只求揽炒,希望人地陪佢地pk,为淡友中最废最黑人憎一类。
2.被动淡:呢类淡友其实心知楼价大跌机会缈茫但有头发边个想做癞痢,因为无能力/追唔到楼价而出尽力唱淡只求可唱到跌,呢类人唔太贪心,如楼价跌到买得起时即会买入。
3.真心淡:内心坚定的相信楼价会跌5,7,9成,尽管睇错市多年仍永不放弃,通常性格比较固执,呢类人有目标,如楼价跌唔到佢心水价位佢地宁愿永远唔买。
4.AA淡:打份工,无乜好讨论
5.赌博淡:呢类人曾经有过楼但抵受唔到诱惑,中途落车沽空自住楼后,为希望楼价下跌平仓以赚取差价,佢地唱淡目的只求再上返车,通常都系赌徒。
6.分析淡:呢类人知识水平较高,会作多样资料搜集,以数据去量化楼市,呢类人唔会同自己斗气,当市场再度炽热时往往早著先机快人一步入市。
7.路过淡:呢类淡友只系经过地产版,留低一句 "哗,有排跌"
"好快跌3成"
"而家买楼永不番身" 其实纯粹路过,同入庙拜神冇分别,呢类淡友平时无乜留意楼市,亦无乜住屋须要,自己都唔知自己讲紧乜,分分钟转头已经唔记得自己留过言。
大家一齐讨论下仲有乜淡友种类?
|
43. 无聊时 2018-10-09 20:41:23
|
无聊时刻,楼市升降动向未明,争呦无噅,今天好心情,上网刨刨马经,串几注六环彩,Q三串七玩哈好过...何需咁伤神呢???
|
44. Janniewong 2018-10-09 23:35:50
|
这遍文章太精彩了,写出了现政府干预自由买卖市场所带来的后遗症。
|
45. 鄙视黑心 2018-10-10 08:16:28
|
41楼,表达意见当然冇问题,系无中生有先抵畀人插。
|
46. 回马枪 2018-10-10 10:42:23
|
穷寇莫追,人哋买楼你买楼,同人不同命,实力不足者不宜追逐,一个回马枪就会单挑落地...
|
47. 十郎 2018-10-10 11:02:02
|
穷寇莫追 , 哈哈哈哈。
文中意思 , 可以改成 " 穷人莫追 " 。
|
48. 假传战果 2018-10-10 11:43:01
|
有人在两军交锋打得性起下,就急忙发出捷报,话坐叮当时光机睇到三个月后A将被B将一枪刺死,A国割让三至五成国土。
三个月后如果冇发生,就话车我X噏啫,无须太认真㗎。
|
49. 舍神 2018-10-10 15:54:40
|
"当局一方面以拍卖形式高价卖地,另一方面想地产商低价卖楼"
以上听落好似矛盾, 但其实是很合理的! 有买有卖才有市! 拍卖,政府是卖家时当然要"高价", 是很合理的! --- 正确公平地说, 不是"高价"而是"市价", 并无偏重那一方! 卖得出先系价!
"想地产商低价卖楼" --- 推多d地,上述两个"市价"自然会回落!其实一点都冇矛盾!
|
50. 冇风湿 2018-10-11 08:27:32
|
|
|