新聞資訊 > 科網熱潮 返回
瀏覽人次 : 10846
科網熱潮
城市脈搏:手持iPhone隨時置業
(成報) 2011年4月8日
  依家做代理,要勝人一籌,唔單只要有腦,仲要用高科技去增加自己公司競爭力,最近就有一間外資代理行,推出全新iPhone及iPad應用程式,咁有咗呢個程式,蘋果迷就可以輕易喺手機上,無論係購買或租用物業,都好易搵到自己鍾意嘅物業。啲用家只要用iPhone或iPad,就可以從GPS系統,搵到自己附近閣下物業,捕捉市場最新資訊,有咗呢種新程式,用家可以以地圖或找尋選項搵到現有香港物業,又可以以地圖或列表形式檢閱物業所在地區、價錢及面積,仲可以圖片、陳述及互動地圖檢視物業嘅詳細內容。

  呢啲程式即Apps備有英語、簡體中文及繁體中文選項,間公司負責人話:「我哋全新iPhone及iPad程式,旨在要配合最新嘅智能手機科技,令想置業人士可輕鬆簡易地找尋我哋啲物業資訊。」