终於可以出院了！ 

事缘昨天出席「单车百万行」，这已经是我第三年参与这项活动了。开跑之前，大会一再通过广播提醒参加者，一定要先转低波，因为首段开始，就是一条长命斜。不过既然已经跑过了两次，而每次的路线，又是完全一样，我当然不认为自己会有什么问题的。 

为了待一位迟到的朋友追上来，这次我分了两段完成了那条长命斜。我们在高处拍了些照，准备进入第二阶段，就是向下滑进南湾隧道。就在我们再次出发之前，我忽然感到一阵不适，这不适的感觉，挥之不去，且越发强烈。我已经不能站立，继而坐了在地上，之后更连坐也不成，躺了下来。在旁的急救人员给了我氧气，又为我量血压，他们说我血压急降，必须送院。 

我被抬上了救护车，送进了仁济医院。其实我在抵达医院之前，已经渐觉回复，我听到了急症室的工作人员，纷纷谈论著我的个案，说什么「单车友」比赛其间不支倒下送了进来。看来此消息已经传遍了整个急症室。这也难怪，始终是公开活动，若稍有差池，是会上新闻的。但我真的想向他们澄清一下，这不是什么比赛，而是慈善活动，为博爱医院筹款的，不是斗快，只为跑毕全程。不过一想起自己这次连十份之一路程也跑不过，已经那么丢人了，我还是保持沉默好些。 

抽过了血，做过了心电图之后，一位医生来到我面前，说为防我有潜在心脏问题，要留院观察及再作检查。坦白说，这可是我有认知以来，第一次住院，而我又是一个在生活细节上，颇为麻烦的人，心想这回要教我好受了！留院这一晚，自然发生了一些趣事，不过那些都是更丢人的事情，我当然不会写出来。 

我被送进了一间很大的病房，这里有好几个区，而我所在的区就有九张床位。我见同区的病人，都是八十高龄以上，有做过大手术的，有吊著盐水的，也有被插著大喉，奄奄一息的。护士把一张写著「牀上休息」的纸牌，挂在我牀后上方，我不禁苦笑，这算是什么？我入院，是为要睡到出院吗？看来，我所谓的不好受，对比这里其他病人而言，已经是帝王式享受了！留院一晚，除了做心电图、抽血、量血压之外，就是吃跟睡；心想，待检验报告出来，第二天见过主诊医生，没什么问题，就应该可以出院了吧？ 

大叫大嚷的男病人

这里的医护人员，对每位病人都很友善。我实在佩服他们的专业，在这样的工作压力下，还能够保持著那份幽默感。我入院不久，就听见邻区远处，传来了一位男病人的喊叫声。他应该是精神或情绪有问题的，不断地大叫大嚷，一时苦诉自己的姊姊绝不会如此对他，一时怒斥附近的医护人员，叫他们不要靠近，一时，又发出没什么意义的惨叫声，长达数小时，一阵又一阵，句句不同，阵阵新鲜。一个病人，何来如此中气，真是殊不简单。而周围的工作人员，却若无其事，是已经见怪不怪了吧？不过相信他应该是被绑住双手的，因为我听到有医护人员对他说：你踢到我的话，就连你双脚也绑起来！ 

到了第二天清早，他又开始大叫大嚷了，过一阵子后，竟然还唱起歌来呢！我听得出，是王菲的《约定》。唉！留院这段期间，这应该算是我惟一的娱乐了。我隐约听到有人说，好像是医生叫那病人唱歌减压的，如果属实，那么他的精神或情绪问题，应该不算太严重，至少他还会服从医生的说话。接著，他的歌声，又持续了数个小时。 

很难想像，王菲的《约定》，在一位老粗男口中大声喊出，是何等滑稽。不过我亦很佩服他，一个字也没有唱错，又没有走音。他的音准及对歌词的记性，使我有点怀疑他是否真的精神有问题。而正当附近的医护人员，都在谈笑著这位病人的时候，一阵莫名的感动，忽然间涌了出来，这种感动，难以用笔墨形容。我想起了很多往事；我想，如果这次不幸过不了，我身边的人会怎么样？我想，如果有一天，我像那位男病人一样的崩溃了，我眼中的世界，又会变成怎样？我会否如他一样，大声唱歌？ 

王菲的《约定》，我听过了很多次，却只有这遍，才令我涌出了那份感动。有时候，我们或会俯瞰世界，批判脚下的世人，但我们有否想过，在人群眼中看到的我们，却是同等渺小？正如我们取笑一些自己不了解的人，纵使在我们眼中，他们行为怪异，但我们知道他们的背景吗？体会他们的苦衷吗？我们什么都不知道，取笑什么！ 

对方眼中的世界

没有体谅别人的心，就没有评论他人的资格，而真正的体谅，并不是以自己的眼光去看对方，而是要从对方的眼中看出来。有些人，喜欢藉冷酷的比喻，批判羊群，嘲笑羊群，以此博取了掌声，就自以为天下无敌。他们不知道，自己是何等肤浅、何等无知，看见了人家眼中的木屑，却忽略了自己眼中的大梁。 

正如我在告别篇内提到，要看得穿沙皇，就先要设身处地，由他眼中看出来，再从心去了解他的处境。同样地，要知道抛出「终极辣招」的「某人」是谁，亦要从「某人」的眼中看出来。话说当时「某人」问汤生「楼市会唔会冧」，这正正表示了出招的目的，并不是要楼价下跌。如果你只懂取笑「终极辣招」，是向尸体开枪，却看不出人家的目的，原来就是要向尸体开枪的话，那么你就如何某仁一样，差了一点点。但不要看轻那一点点，这其实是天地之别！ 

记得河兄曾经把我一篇名为《成魔之路》的回应，放了上专栏。当时我写那篇回应，是要借淡友为例，告诫一些好友，但河兄只放上了回应的前部份，而剔除了后面最重要的一点点结语，整篇文章，就失去了原来的意义，这就是所谓，天地之别了。其实，好友也好，淡友也好，如果不能从对方眼中看出来的话，两者之间，又有何分别呢？在亳无体谅的基础之上，所谓是、非、黑、白，又有何意义呢？ 

早前，汤生写了一篇《救得一个得一个》，这标题使我联想起一些人，常把自己立於高地，说什么救得一个得一个。这个世界，总有人买楼，亦总有人租楼，不是每一个人，都适合做你自己认为是最适合做的事情。我们极其量分享自己的经验及看法，是成功之道也好，失败体验也好，亦只能给予别人作为参考，谈不上什么救得一个得一个。买楼置业，不是每一个人都适合，如果你不能从对方眼中看出来，从心去了解他的本质及处境，就强行要他买楼，你或许不是救他，而是害了他呢！ 

爱的底线

人生最痛苦的，莫过於救不了自己最爱的人，亲眼目睹预见但不愿见的事情发生，却什么也做不了。试问连最爱的人也救不了，还谈什么救得一个得一个？ 

然而，真正的爱，是以体谅为基础的。倘若你爱一个人，却不懂从对方眼中看出来，爱，可以变成害。反之，如果你不去体谅爱你的人，那么，你今天为对方带来的痛苦，势将以几何级扩大，再转化成你将来的痛苦。 

2015 年 12 月 4 日，我写了一篇回应。虽然我曾经说过，告别专栏这个决定，可以追溯至那天，但其实触发我那篇回应的，却是跟这个网站，完全没有关系的一个人。当时的一部份内容，转回书写后是这样的： 

爱，是一种感觉，但其实，也是一个过程。

与其去考虑，你可以得到几多、拥有几多，
不如想清楚，你愿意付出几多、承受几多。

人，就是那么该死。原来，所谓底线，恍惚，没有最低，只有更低。

绝对不能触及的，才可算是，真正的底线，一旦触及，就不能回头。

或许要得到解脱，就惟有让人家，去触及自己，真正的底线。 

如今，又过了三年。如果被爱者，不能从付爱者的眼中看出来，从心去了解付爱者的痛苦，纵使后者为了前者，最终付出了生命，对前者而言，也只不过是后者咎由自取，是活该的。倘若你是付爱者，到了如此地步，你还会继续爱对方吗？还是会再等，等到对方终於恍然大悟那天的来临呢？可是，没有保证，那一天，一定会在你生命完结之前来临啊！ 

面对现实吧！解脱，对付爱者而言，是太奢侈了！ 

因为爱，是没有底线的！ 

所谓，光阴似箭，唔经唔觉，告别资深会员专栏，都已经有一年零两个多月，其实呢段期间，我又唔喺完全冇写嘢嘅。我出过两篇文章，第一篇，喺半年前嘅《致香港工程师学会的信》，由於喺一封公开信，所以破例放咗上专栏。而第二篇呢，就喺俾 72/F 形容为「散文」嘅《约定》。 

再谈买楼嘅对错

近呢一年，我除咗间中返嚟回应箱，睇下有冇人揾我麻烦之外，都已经好少上呢个地产网。既然今日有 MOOD 写少少嘢，梗喺先 SCAN 下呢度，有乜嘢题材，点知，原来又喺啲楼价升升跌跌、好淡互片之类嘅闷蛋嘢。不过我觉得「闷蛋」果啲，唔知点解，从来都喺大众嘅焦点，恒久不变。话说，最近汪生出咗个题为《未来 18 个月楼市升 30%》嘅访问，即时惹起全城热话，汤生第日就跟手写咗篇《楼市可以立刻上升 30%》，仲寸爆业界所谓评论员，赢果阵大吹大擂，输就话乜嘢「假跌」喎！几日后，汪生可能想为自己嘅言论降下温，於是就出咗篇《楼市升完一样会跌》，叫人唔好因佢过往嘅准确而盲目追随啦，但文中亦有强调「真升」呢个词。之后我又见汤生响《真相是最重要》一文中，重提 18 个月内上升 30% 嘅言论，仲话有人同佢讲，楼市喺「真升」唔喺假升，叫佢唔好唱淡楼市添。 

有时睇下啲砖家博弈，你一言，我一语，都真喺几富娱乐性。不过希望大家明白，我唔想收律师信，所以一定要郑重声明，上一段提及果两位砖家嘅言论，好大可能只喺各自表述，互相之间喺冇任何关系嘅。所谓博弈，都只喺我自己假想出嚟啫！其实，升升跌跌，真真假假，真喺咁重要咩？如果有砖家睇错市，有读者做错决定，咁错嘅，就一定喺读者自己，而唔喺砖家。你买楼唔买楼，睇嘅，喺你自己嘅需要同能力，唔喺睇啲砖家点估个市。如果有任何人问我点睇，我都只会抛返我告别篇呢一句出嚟： 

《后市楼价究竟喺升定喺跌，从来都唔应该作为用以衡量今日买楼决定是否对错嘅标准》 

以上呢一句，比任何楼市评论更重要。记得我以前曾经话过，过份聚焦楼价，只会令市场原来嘅走势，去得更急，真心想楼市降温嘅话，唔喺去唱好，亦唔喺去唱淡，而喺乜都唔好唱，当佢透明。如果啲市民大众，对楼价嘅升升跌跌、好淡嘅互片，都喺同我一样咁，觉得「闷蛋」嘅话，个楼市就唔会咁波动。不过现实归现实，要大家当个市透明，当然喺冇可能。就睇最近有报导话，依家嘅港楼，贵绝全球，平均都要近 K 万。呢份报导出咗之后，我彷佛幻听到，全港各区，都充满著惨叫声。我冇夸张，真喺惨叫声，唔信？你可以 GOOGLE 一下，睇睇啲报导同一众嘅回应点写。 

砖头嘅缘份、租楼嘅命格

其实我有啲唔明，港楼贵绝全球，算乜嘢新闻？好似唔饮唔食几多年啲咁嘅废话，都唔知听咗几多年，有乜咁新鲜？你有你个市升升跌跌，我有我嘅生活同忙碌，如果你唔喺短期内要买楼，咁呢啲噪音，又关你乜事？但如果你真喺想买楼嘅话，咁就唔该你亲身落区巡视一下啲放盘，唔好懒到净喺识得睇埋啲乜叉报导同听埋啲乜叉砖家乱吹。全港十八区，住宅物业，有新有旧，有大有细，高层低层，有海景、山景、路景、楼景，唔同间隔、用料嘅质素等等。消费者有权选择，唔好俾啲 AA 误导，思考清楚，自己实际上需要啲乜嘢，能力方面，首期上、供楼负担上，得唔得。睇唔啱嘅，又或者能力上唔适合嘅，就下回请早。买楼唔喺买菜，切忌心急，个盘走咗，即喺同你无缘，今次攞足经验，下次就更加识得拣，个转数仲会快啲。能力范围内嘅，买贵咗，唔算笨，买错咗先至喺笨。 

有人话，买楼，就算为自住，都喺一项重大嘅「投资」，一定要做足功课喎！但如果你嘅所谓「功课」，唔喺我上一段讲果啲，而喺好似买股票咁，走去搜集埋啲经济、市场数据，评「估」一下个后市，「估」计一下个 TIMING 啱唔啱，喺唔喺入市嘅最佳时机，咁我谂我唔使睇你个相，都知道你喺乜嘢命格。我可以好肯定咁同你讲，你同砖头无缘，所以你未买楼果阵，啲楼价会喺咁升，到你呢头出手买咗呢，果头个市就会跌，到时候你梗喺会自作聪明，谂住「止蚀」沽咗佢啦！但你唔沽由自可，呢头沽，果头个市就升返。 

哈哈哈！喺咪俾我批中哂呢！不过唔紧要，呢个世界，总有人买楼，亦总有人租楼。既然你同砖头无缘，夹硬要你买，都只喺会害咗你，倒不如一世租楼住就算。做人，最紧要开开心心，所谓，天下之大何愁无处容身，何必咁执著呢？ 

不忘初心

本来今次返嚟，冇谂过写砖头嘅，但结果都喺忍唔住写咗一大堆。我话觉得「闷蛋」啫，转个头，又话几富娱乐性，做人，有时都几矛盾。72/F 话，想睇鸿文，唔喺散文，其实我真喺唔知道，点先至算鸿文。我写嘢，从来都喺谂到乜就写乜，大众嘅口味，我唔太关心，THAT'S WHY 我唔会喺一个成功嘅专栏作家，告别专栏，果然喺一个正确嘅决定。 

讲到成功嘅专栏作家，响呢个网站，当然喺非汤生莫属啦！记得当年，一篇《细价楼将会在三个月内爆煲》，令到汤生响一夜之间爆红，之后出报纸专栏、出镜接受访问、做节目，最近仲响 TVB 见到汤生现身耀才嘅广告入面添。所谓，成功非侥幸，有得必有失，但相信汤生所得嘅，一定比佢所失嘅多。虽然我见汤生，不时话自己「被人闹」，但我又唔多觉佢成日俾人闹喎，或者多得呢个网站嘅「镜子」功能，啲过火言论都已经被禁哂。 

其实，今日汤生有名有利，亦不忘初心，肯响呢个网站，每日出几篇文章，都已经算喺咁，大家真喺唔应该苛求太多。我既唔喺汤生嘅读者，更加唔喺佢粉丝，但都好佩服佢嘅恒心同耐力。日日写文，可以有乜题材？只能就当下嘅时事，或者就身边发生嘅事情，写下意见，舒发一下感受，而呢啲意见、感受，随心而发，每日都可以唔一样，甚至会有矛盾。就算今日，觉得个市会升，咁听日呢，又可以觉得个市会跌，有乜咁出奇？总之呢一刻，喺真实嘅感受，下一刻，个感觉唔同咗，一样喺咁真实，又冇呃人，有乜问题？所以我认为，大家对汤生嘅文章，以及对其他评论员嘅文章，都应该抱住同一个心态，就喺当「散文」咁去睇。各位睇嘅，其实都喺散文，散文当明灯嘅话，就真喺十条命都唔够死啦！ 

十条命都唔够死

记得一年前，汤生写过一篇《汇丰150元不是梦》，话保守估计，汇丰三年内可以去到 150 蚊。之后佢仲举咗一对年轻夫妇嘅例子出嚟，话佢地将本来打算买楼自住果千二万首期连印花税，全数入哂汇丰，收息交租好过买楼。如果你问我，点睇呢对夫妇，好简单，佢地就正正喺我早前提过嘅果种「命格」，同砖头无缘，只能够一世租楼。不过都喺果句，有财有息，NO PROBLEM 嘅，天下之大何愁无处容身嘛！ 

大家唔好误会，我举呢个例子出嚟，绝对唔喺要润汤生，反之，我喺想趁呢个机会，为佢讲返几句公道说话啫。因为当时的确有啲朋友，对佢果两篇文章，非常不满，话点解作为砖家，竟然叫啲准上车人士唔买楼走去炒股。要知道，香港喺一个言论自由嘅社会，每个人都有发表个人意见嘅权利，冇人叫你盲跟。如果你睇咗汤生嘅文章，唔经大脑就走去瞓身入汇丰，到依家都仲未返家乡嘅话，咁喺你自己傻仔，关汤生乜事？再者，只喺过咗一年啫，家阵仲有两年，边个够胆死话，汇丰上唔到 150？有赌未为输嘛！ 

仲有，当时汤生真喺亲自大手咁入咗货，证明佢唔喺老点跣啲读者，呢方面，球叔可以做证。佢话汤生响星期四，即喺 3 月 1 日早上，入咗约 200 万股汇丰，而当日嘅最低价喺 77.15，即喺现金值约 1.5 亿港元。球叔所讲嘅，应该喺真确，唔喺就已经收咗律师信啦！嗱嗱嗱，1.5 亿，呢啲就喺叫做 SCALE，你冇咁嘅实力走去跟，就真喺十条命都唔够死。 

坦白讲，当时中美贸易战，正正喺开紧波，众所周知，个股市唔会有运行，我都觉得有啲奇怪，点解汤生会响果个时候，走去入大蓝筹。ANYWAY，始终喺人地嘅私人投资，唔太方便评论。只喺汇丰呢只嘢，加埋 2018 年咁波动嘅市况，令我联想起，当年嘅青姐。有人甚至响 YOUTUBE 上咗个《汇丰狂潮》添，睇完只觉唏嘘，皆因 5 号仔，对於好多香港人，细至师奶阿叔、大至富豪级，心目中，都有果份情意结。记得上次汇丰跌到 50-53 果阵，我打咗个比喻，话假设有个联「汇」机制，保证汇丰嘅股价，低唔过 50，高唔过 100，结果当时个最低位，守住咗响 44.5。今次汇丰由 60.35 嘅低位跟随大市反弹，都叫做升返咗啲，但仍然喺跑输大市，或者喺 UNDER 英国脱欧嘅阴影啦。不过如果英国，真喺硬脱欧嘅话，汇丰 50 元，可能真喺不是梦！ 

汇丰狂潮
 
题外话，我又揾到青姐另一段 YOUTUBE 片，解释佢点解要喊，片里面竟然见到，老 C 个唛头喎！又令我谂起最近汤生一篇《老C一年内会不会复出》嘅文章。中原作为全港最大地代，人地退唔退休，点会喺为咗啲乜 Q 牙骹战咁儿戏？所以话，睇散文，唔好太认真，仲要将散文当明灯嘅话，就真喺十条命都唔够死！ 

赠庆、赠言

真喺唔好意思，认识我嘅人都知，股票呢家嘢，我从来唔 BUY。咦？砖头，我话「闷蛋」，股票，我又唔 BUY，咁即喺点？即喺话，写完一大抽嘢之后，都仲未入正题罗！ 

记得八个月前，有 FACEBOOK 网友请我分享一下贸易战之下香港及中国嘅前景，我话须要考虑一下，呢度又有人话，等咗我成年。睇嚟，真喺唔应该再拖，不过，再一次唔好意思，因为呢个前言，实在写得太长，我要稍作休息，下一篇至开始入正题。 

话时话，《十条命都唔够死》呢个主题，都真喺几衰。但希望大家明白，淡市写衰嘢，即喺赠庆；好市写衰嘢呢，就喺赠言。近排个市都表现得唔错，恒指重上三万点，从旧年十月底嘅低位，已经反弹咗超过两成。如果你手头揸住只唔知乜股，升得果两成几，就以为自己拣中咗件荀马，咁你未免开心得太早。李泽巨话，外围风大浪大，但从来，股市都喺首当其冲，而楼市只喺守尾门。与其咁担心个楼市，倒不如先担心一下个股市啦！ 

自 2008 年金融海啸以嚟，香港再冇经历过，真正嘅金融风暴，大家究竟知唔知点解？话说，陈总十月退任，关於佢嘅功过，坊间都喺聚焦埋啲乜嘢「逆周期措施」，而林奋强仲更加话，金管局有负香港人，抵闹添！我谂各位搞错哂，金管局嘅全名，喺「金融管理局」，唔喺「楼市管理局」喎！ 

其实，如果唔喺多得金管局，真正嘅金融风暴，早就已经嚟咗至少两次啦！

（待续 ...）