地產論壇
登入名稱
密碼
頁數:
經濟轉壞才可以解决今次危機
瀏覽人次:13232    回應:21
經濟轉壞才可以解决今次危機
 
湯文亮博士
紀惠集團行政總裁
2019年9月26日

  由「逃犯條例」引發的示威活動已經超過三個月,經濟亦明顯轉壞,但示威者認為經濟轉壞並不是他們做成,只是一個週期現象,就算沒有示威活動亦會轉壞,不過一般市民是不會理會,他們會認為經濟轉壞是由示威者做成,老實說,我同意示威者的說法,甚至可以說他們做了替罪羔羊,但亦無可否認,沒有連續不斷的暴力示威活動,經濟雖然轉壞,幅度亦不會太大,大多數企業以及香港人都可以承受得起,現在就難講,因為大家都唔知道今次逃犯條例危機幾時可以得到解決,唯一可以做的事就是採用節流措施,關掉不賺錢的分店或者部門,解僱薪金與工作表現不相符的員工,務求令到企業能夠生存,才有翻身的一天。

  有老友問怎樣解决今次危機,大家睇武俠小說或者李時珍《本草綱目》,不時會睇到以毒攻毒,我講大家未必會相信,政府要解決今次危機,一定要用「以毒攻毒」,就算讓經濟繼續轉壞,當大家發覺生活困難,「逃犯條例」的危機自然會解決,所以,政府首先不應做好人,見到庫房有錢立即派200億,以為派錢可以收買人心,其實並不然。在政府宣布派錢之後,不少和理非叫政府錢可以唔派,不如答應五大訴求,老實說,是政府自己攞架嚟丟。

  香港經濟好,大家都認為一切是理所當然,即使自由度是全世界排名第三,但仍然嫌言論不夠自由,不停搞示威活動和罷工,當經濟下滑,大企業裁員,中小企結業,失業率飆升,不滿政府的人可能會修心養性,示威活動就會減少,但政府官員宅心仁厚,見到經濟下滑立刻提供支助中小企計劃,金管局亦要求銀行放寬對中小企貸款,政府這樣做一定會減少中小企結業的數字,失業人數亦會減少,但同時令到示威活動繼續下去,這代表那些支援計劃其實是變相支持示威活動,與政府的要求相反,或者,政府今次是好心做壞事,不過我始終認為政府官員不明白,只有經濟轉壞才可以解决今次危機。

經濟轉壞才可以解决今次危機
1. G
2019-09-26 10:13
講到以毒攻毒,警察作出拘捕前,為甚麽不先打開雨傘?

2. 十一哥
2019-09-26 10:26
過氣老簾~藍燈籠~話齋...班喪屍变畜生咁打人,都係比9官煽嘅啫!
4. 十郎
2019-09-26 10:49


       推倒重來 , 破壞性建設。哈哈哈哈哈哈。

      200億在政府心目中 , 唔算錢 , 只夠做12條元朗行人天橋 , 做人或者做政府 , 都要攪下門面工夫 , 米比人又話獸心, 乜都唔做 , 見死不救。



5. Hongkonger
2019-09-26 10:52
完全同意。永遠都是好心做壞事,死性不改,苦了市民。
6. 十一哥
2019-09-26 12:11
阿爺辦事…層次點會咁易睇通、今次由得香港自殘…毀國旗舉鬼旗、極盡侮辱、就係特登借香港…強化現代8國聯軍亂扃…扭轉老表暴發招積嘅心態、令國內新生代同仇敵愾…更加團結、更加自强 !

7. 呢次我好認同博士既意見
2019-09-26 12:19

大部分人都輕視今次既威力,我既意見同博士一致,仲有影響會更深遠。今次香港有難

8. 路過
2019-09-26 12:30
絕對認同博士講法,依一世代年青人我相信好大部份都仲認為老豆啲錢係櫃員機㩒出黎既,唔到有一日老豆無錢交租,逼佢地唔讀書早啲出黎做野,結果要做洗碗,擔泥,俾人呼呼喝喝,佢地係唔會醒既,當然唔包括個班食飽飯無屎痾既二世祖啦
9. 路過
2019-09-26 12:35
To 6樓 你又講我啱喎,我人依家身在北京,同一啲內蒙既後生仔傾過,佢地都唔係好明白點解搞成咁,佢地都話內蒙好似香港咁,都唔駛去北京打工,同埋都認為中國要令十幾億人溫飽絕非容易既事,所以我相信香港人都係因為食得太飽所致
10. 十郎
2019-09-26 12:56


      十一哥 , 佢地真係睇少中共 , 亞爺熟讀兵書,美國從未勝過 , 敗就有份。游擊戰起家 , 敵來我走 , 敵走我追。曹劌論戰 ,不與一鼓衝 , 報仇何需早。陰陰濕濕才惡頂。

11. 鳥5
2019-09-26 13:11
先死而後生之局呀
12. 同意博士觀點
2019-09-26 13:18
只有一埸大蕭條才可以令港人反省。
13. 舍神
2019-09-26 13:35
同意!
呢一代食飽無憂米,的確要知乜叫生活艱難!

14. Hongkonger
2019-09-26 14:01
可惜黄屍大多是鐵飯碗人仕(收入與經濟無關的),例如,議員丶公務員丶老師丶記者丶社工丶醫生丶護士丶無工作者(學生丶失業人仕(部分稱“自由工作者”))丶上了岸人仕(包括天富N代)丶移了民人仕(好不容易能證明自己移民决定正確)。
15. 十郎
2019-09-26 14:54


      歐陽蜂才有辦法做得到。

16. 十郎
2019-09-26 15:19


      我一直相信加墳文公平公正 , 失誤係無能無心之失。自從金魚缸冧機 , 害到鐵鏍絲唔見廿9幾億 , 咁樣點到我唔信 !都係果句 , 人講你就信 , 輸很死你。

17. 鳥5
2019-09-26 15:26
既然大家有準備 ,就一鑊熟一齊 受靶 啦, 至死而後生之局。。 暫時睇唔到咩變化
18. 家丁
2019-09-26 15:37
我都好想有錢派,可是,以事論事就唔應該派免日後破壞更甚。既然共渡艱難,
要控制支出,如參舆破壞公物人士要判社會服務,修路鋪磚、清潔牆汚、建馬路鐵欄及掃街; 缺席嚴重学生要紀律處分,免浪費公帑
19. 小弟
2019-09-26 15:39
博士,請問現在可以換樓嗎?細換大
20. 新抱仔
2019-09-26 19:48
同意,現在是先死後生之局
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。