地產論壇
登入名稱
密碼
頁數:
業主要有攬炒的準備
瀏覽人次:18473    回應:38
業主要有攬炒的準備
 
湯文亮博士
紀惠集團行政總裁
2019年9月2日

  有租客以講笑的形式話為了響應零售業協會的提議,要求我減租五成,我亦以同樣態度回應,我減租其實是害了他,因為勇武者現在準備攬炒,就算開門做生意,三日唔埋有兩日示威,隨時又會出現三罷,做多一日生意就蝕多一日,如果可以,不如暫時結業,遣散所有員工,三兩年後局勢如果可以平靜下來再考慮重出江湖,到那時候,租金又平,人工不但平,而且仲勤勤力力,不如休息兩三年,老友話唔得,有一班老伙計跟著搵食,唔可以攬炒,我話既然係咁,就冇辦法,唯有希望唔好被攬炒。

  其實,舖位業主已經比較好一些,而事實上不時有一些小型單位業主會被租客要求唔好追租,否則就攬炒,意思在單位內燒炭,該單位立刻會變成凶宅,樓價即插50%,業主立刻變成負資產者,有一些業主聽到之後不敢收租,或者靜靜地將那個單位連租約賣走,但是那些業主最後會發覺,新業主收租是沒有問題,所謂攬炒,只不過是租客恐嚇業主,不過,亦有機會發生,所以做業主的一定有攬炒的準備,如果怕被租客攬抄,不如唔好做業主。

  世界上有大多數業主都很好人,他們認為現在時勢不佳,與租客共度時艱亦不為過,不過,他們不知道一件事,就是那些出租物業有向銀行借錢的話,業主是無權減租,或者是先要得到銀行同意,就算銀行同意業主減租5%,為期6個月,如果在6個月之後,租客交回原有租值就沒有問題,如果租客話經濟繼續下行而決定結業,銀行是不會以原有租金計算,是會以減租50%後的租金計算,有機會向業主追收差額,業主最後是方便了別人而害了自己,倘若業主最初不減租而租客選擇結業,銀行不會將租值下調,亦不會向業主追收差額,這個微妙情況並不是太多人了解,不過減租並非不可行,但要等經濟環境降到谷底,租客只要捱多一段時間便可以見到曙光,業主才可以考慮減租,但幾時到谷底,這是一個問題。

業主要有攬炒的準備
1. 十一哥
2019-09-02 11:45
唔好同人地攬炒…揾路走、外夷話要尊重兩百幾萬人訴求、咁…衹要攞得個BNO、起碼有3百幾萬人~強烈訴求 !…英霉帝收留。

下段啟示…失之桑榆…收之東隅、
英國樓市有商機 ! 信英帝有仁義道德嘅…就快D瞓身嘞 ! 十X哥果然有先見之明、十一哥今次好認真…唔係講笑㗎 ! 

爭D唔記得提下刀刀…今次係跳出大灣嘅千載之機。

2. 新抱仔
2019-09-02 11:57
事情要發生,終究是改不了
3. 我有一計
2019-09-02 12:04
我有一計:如果業主減租五成,財爺可以津貼租金五成。這一計非常有較,希望考慮我的一計。
4. 路過
2019-09-02 12:48
其實今日個亂局,完全係香港人既性格所致,乜都鐘意試底線,樓價鐘意試底線,賺錢鐘意試底線,老細鐘意試員工底線,員工又鐘意線番老細底線,捕魚鐘意試底線,政府同市民又鐘意互試底線,最終攬炒,結論香港人缺乏同理心,簡稱自私
5. 鳥5
2019-09-02 13:33
劈樓,或加按自住物業,補差價。No  choice... 反正減租朝一定出。。
6. 鳥5
2019-09-02 13:35
減 槓桿..A 銀行 唔做 B銀行做... 你唔劈就第二個劈。 套現能力高個件走貨先。。。 撤退
7. 鳥5
2019-09-02 13:39
刀兄,又話ccl升。。早一日,C生 話(乜,乜,乜)年尾跌15%.. 咪又係喺我講嗰啲入面。。。 鋪鋪中, 冇辦法
8. 鳥5
2019-09-02 13:41
十一哥, 有見地。。 你超都好多物業喺嗰邊
9. 鳥5
2019-09-02 13:41
睇數嗰邊係可以重鎚嘅.. 嗰邊係超賣
10. 鳥5
2019-09-02 13:43
10月31号。。 不論英磅 股票 嗰日開始可以入貨重鎚都冇問題。 不過要快 唔識就買指數。。 而家先響嗰邊買樓 搞得嚟啦為遲咗
11. 鳥5
2019-09-02 13:46
論投資。 香港資產價格見頂, 本身真係死罪。 水向低流
12. 鳥5
2019-09-02 13:47
  1. 論政局 我覺得係冥冥中 平衡 貧富拉平。。
13. 鳥5
2019-09-02 13:51
十一哥 唔好諗啦 ,買番啲英國股票基金先 。。10月31號。 套現能力又高 。。易出而入。。 又唔使咁進取 成個人過埋去嘅。。。
14. 鳥5
2019-09-02 13:53
我就唔信專家 不過鋪鋪中。。 應該都唔會點 離題。。
15. 鳥5
2019-09-02 13:56
我提醒你.. 四叔畀大陸打劫出咗好多地.最近有發展商我收到風都有呢個跡象 .....目標得一個(土地持有人)。 冇地? 5好畀人點?
16. 鳥5
2019-09-02 13:59
更正... 係我估估下. 根據大清律例.. 估下 應該唔使畀人殺頭嘅... 不過坐下估十舖中八舖。 自己諗
17. 鳥5
2019-09-02 14:13
十一哥,而家要開始Looking先。Feeling 越驚越好。 買入之前驚。Good experience
18. 鳥5
2019-09-02 14:20
十一,加小小金。 咁就更加very good
19. 鳥5
2019-09-02 14:28
十一哥,英國。。我 忍唔住要讚下你... 當地民意調查 英國人英國人係好有決心.. 似當年韓國際金融風暴👍
20. To 4樓
2019-09-02 15:29
我已有回到內地生活的打算,香港,算了吧!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。