地產論壇
登入名稱
密碼
頁數:
樓可以住,亦可以炒
瀏覽人次:10319    回應:15
樓可以住,亦可以炒
 
湯文亮博士
紀惠集團行政總裁
2019年3月12日

  習主席一句「樓是用來住,不是用來炒」,就判了物業投資者死刑,這句金科玉律亦確定樓價上升是因為有人炒樓,我認為習主席不了解民情,如果有自住單位的人唔炒樓,就很難提高住屋質素,而炒樓的意思並不是經常或者大量買賣物業,而是在適當的時候將自住單位賣走,再買入更優質的住宅單位,提高個人的生活質素,所以,樓是可以用來住,亦可以用來炒,只要是樓換樓,不但不會令樓價飆升,而且還可以調節樓價。

  在國內,尤其是在廣州深圳,很多月入大約萬多元人民幣的本科畢業生,他們可以在沒有父幹的情況下,擁有一個200至300萬元人民幣的自住單位,所用的方法就是買買賣賣,在適當的時候賣走自住的舊單位,連本帶利用作買新樓的首期,在薪金上升,樓價上升的情況下,他們不太吃力就可以不斷提高住屋質素,如果唔准買買賣賣,他們只能永遠屈居於一個小單位,其實他們是換樓,不是炒樓。

  香港人早在3,40年前就用這種方法不斷提高個人的生活及住屋質素,如果懂得用,就算一個收入不高的勞工階層或者的士司機,都可以擁有類似太古城的住宅單位,但自從金管局實施樓價愈高,借得愈少的逆週期措施,再加上壓力測試,香港人已經很難換樓,沒有換樓這個梯階,令到大多數業主都要住在小型單位,導致小型單位樓價急升,上車的人則愈來愈困難,唯有愈住愈細,地產商為了迎合大眾需要,唯有推出那些不是人住的納米樓,大家可以睇到一個結果,如果政府准許市民邊住邊炒,則可以提高生活質素,如果唔准,市民唯有愈住愈細,不過,我相信習主席炒的意思並不包括換樓的人,但難免有人矯枉過正,樓只准住,不准炒,結果是令到市民的住屋質素下降,不過,當權者並不知道,就算知道都唔會承認錯誤。

樓可以住,亦可以炒
1. 向引刀‧土著‧自醉‧浪子‧阿井 說不
2019-03-12 09:40
「樓是用來住,不是用來炒」,但卻忽略最精景的後半句話,就是「也可用來租俾,土著,自醉,浪子」這類有首期,但過不了壓力測試的混蛋,。



2. 引刀一快
2019-03-12 09:44
大陸剛剛本科畢業有萬幾蚊,係好少數,剛讀完博士都未有咁多,一般都係做上幾年嘢先有萬幾蚊。
我前幾個月,同一個朋友食飯,佢講起換屋,的確,適時地買買賣賣,加上呢幾年廣州樓價升勢,手上物業大概值1500,佢十幾年前嚟廣州,身邊只係得一隻皮箱。
3. 阿豬
2019-03-12 11:22
深深感受到換樓的困難
明明人工加了不少
但仍只可以困在現有的細單位
很不甘心
4. 真真薯片
2019-03-12 11:46
大陸樓最大作用係用黎吸收多印出黎既錢同用黎抵押貸款,係金融工具,如果唔係大陸樓吸晒d錢,以大陸既印錢速度,人民幣早就崩潰
5. 引刀一快
2019-03-12 11:55
所以就係要買買賣賣囉,果D係真錢。
7. 雲在青天水在瓶
2019-03-12 22:23
投資與投機,是一對難以分辨的孖生兄弟。

如果投資標的物升得急且快,原先想長線投資的,可能會沽出套現,投資變為投機。

如果投資標的物升得緩慢,甚至估值回落,想短線投機的,可能變為長線持有,投機變投資。

作為管理者,應該做好各種金融行為的規範和管控,住還是炒,無為而治吧。
8. 大陽春
2019-03-16 13:18
樓當然是以用來炒為主的,那些幾年前在「以為」高位沽樓等跌然後打算在低位補番倉之人,美其名曰是避免樓泡,其實是在向下炒。這一批人絕對是炒家。

如果是要打擊炒賣,政府也應該出招禁這班人入市。

當然市场已狠狠地教训了他们。
9. 引刀一快
2019-03-17 10:13
前幾年放港樓轉大陸樓嘅,升幅跑贏嗮港樓喇,點樣狠狠地教訓呀?
10. VII到核爆
2019-03-17 11:46
賣香港自住樓轉大陸樓?收租金夠冚香港租樓租金?定層大陸樓自住朝朝晚晚過關返放工咁休閒?當大人唔介意咁仔女返學又點?

講升值?有邊個盆三年前同香港樓面值相同,又今日升值高過港樓?有冇真實例子?

最重要係,大陸二手樓好多時有價冇市,新樓搏命起二手樓唔似香港樓咁吃香,而且國內人只愛買新樓,買二手都要全新毛坏未用過,毛坏即係冇裝修不能出租收租金,當裝修咗以大陸樓租值,收五年租金未夠冚裝修條數,當你層二手賣得出收齊錢隨時拖你成年。

係儍淡死雞撑飯蓋,同人地講儍人公園係世外桃園,蝦正常人冇興趣去遊覽,任佢點吹D人都懶得去考究。

佢真係當自己係大灣代言人,其他人唔知大陸樓乜嘢料。
11. 引刀一快
2019-03-17 14:07
傻,你自己上網睇睇喇,17-18年,即係我日日唱好大灣區俾人話煩果段時間,珠三角升5成至倍半都有,點樣唔跑贏?
放港樓就係賣自住?你估個個都學你得一間咩?理解能力低可以川弓白芷燉魚頭喎,哈哈哈
遲得十零廿年連海關都撤埋,你水人天價買嘅納米劏房可以養白鴿。
12. 引刀一快
2019-03-17 14:12
VII到核爆果位仔仔,你地做咗香港地產界總代言人好耐喇,人家唱好就反而睇唔慣呀?真係戇IX到海嘯。
13. VII到核爆
2019-03-17 16:49
8樓講得好清楚講嘅係賣自住樓炒跌班人,市場亦係狠狠教訓緊佢地。

不過你就好喜歡創作,將個人想像當做事實。

首先,你絕對冇真實例子,只係一廂情願假設呢班人會賣走自住樓後轉大陸樓,而呢班人個個冇買錯艇貨人人賺錢,重一定賺多過繼續自住的港樓,扣埋多年租金和交易使費仍然有SO。

另外,當有一半賣自住樓轉你所謂必賺嘅大陸樓,另外50%嘅人唔通享受緊市場慰藉?

你亦迴避港人在香港生活,賣走自住樓轉大陸樓要面對的生活不便,不切實際。
14. VII到核爆
2019-03-17 16:57
至於你又假設我只有一間自住樓,又假設8樓兄說的向下炒人仕個個唔係賣自住樓,人人最少有兩層,只係賣走其中一層換貨,如果係咁8樓兄都唔會話佢地畀市場教訓啦?

好奇怪你咁中意假設,最喜歡將對手想像成弱者,乜你好叻咩?
15. 大陽春
2019-03-17 18:36
引刀好明顯上對深圳一無所知。現時深圳整體樓價低於2016年高峰期。
16. VII到核爆
2019-03-17 19:35
深圳2009年直情(囈)你買樓,我做人衰心軟,不過以後唔會了。

引刀在大陸(粤十條)出台時,唔知做咗大灣樓代言人未呢?

引刀屈我水人買天價納米劏房,原來無中生有係儍淡強項,佢同(對食)伴侶互相取暖,改擊好友,加埋網主hold住好友回應留言出唔到,好友當然唔夠你地玩,整整下咪得你班陀地淡棍喺度歌頌丁春秋,一言堂當真理。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。