地產論壇
登入名稱
密碼
頁數:
小市民知道地產商不知的事
瀏覽人次:16971    回應:15
小市民知道地產商不知的事
 
湯文亮博士
紀惠集團行政總裁
2019年2月3日

  由於突然之間有262宗負資產出現,電視台立刻四出搵人做訪問,地產公司的高層當然是走不開,當採訪員將問題問完之後,答案令他很奇怪,地產公司高層話負資產根本不可怕,在政府嚴控之下,一般人買樓可以借的按揭成數不高,負資產的個案根本很少,市民是自己嚇自已,採訪員都唔知怎樣回答,不過在下一個訪問,另一位記者訪問一個普通年輕人,她一語道破話近年有不少人都是採用地產商的高成數按揭或者問財務公司借錢買樓,只要樓價稍為回落10%,那些人便會變成負資產者,如果樓市繼續下跌,負資產會愈來愈多,在收工之後,兩位記者食宵夜時閒談,他們都很奇怪點解一個年輕市民知道負資產的事比一個地產公司的高層為多,其實,高層並不是不知道,他點會將真相說出來,自己倒自己米。

小市民知道地產商不知的事
1.
2019-02-03 06:44
自住又供得到,樓價升跌唔使理
銀行大把錢,供到唔會call loan.
2. 望東樓
2019-02-03 09:05
標題是否應該改為『大眾心照、地產商不宣嘅事實』
呢類新樓應該無二手成交,所以暫時唔會正式變成負資產?
又如果人頭按係經由地產商旗下財務經手,斷供物業會唔會直接由地產商回收私了而非公開拍賣以免搞亂一手供應?
3. 李澤西
2019-02-03 09:07
港元兑美元又跌近7.85,當銀行體系結餘跌剩100億(舊年跌咗千幾億,現時只剩700),銀行就會狂加息。哈哈
4. 死傻仔
2019-02-03 09:58
新年d人唱錢派利是。派完又7.85?
5. 望東樓
2019-02-03 10:22
三樓你搞錯咗啦,有萬億俾金管局收埋咗,美電係7。85最少要停留半年先可以吸乾啲閒錢。

當然金管局玩嘢夾息都未嘗不可。
6. 雲在青天水在瓶
2019-02-03 17:16
對於20幾歲的年輕人來講,03年的記憶,更多的是停留在帶口罩、停課、行郊野公園上。而他們父母的回憶,则是8萬5、負資產、七一遊行、反董建華。

《漢謨拉比法典》至今廣為人知的一條法令是這樣的:

「如果建築師建造的房子倒塌了,並導致房屋主人死亡,那麼建造房子的建築師應該被處死。」

因此,我們的行為決策必須要有一個代價。你獲取好處,同時就需要付出成本。上一代人種下的因,也會是下一代人要承受的果。

97-03熊的殺傷力,以及過度反8萬5和反負資產的結果,是董、曾兩屆政府都放緩和縮減土地供應,曾政府到2007年美國減息和量寬前夕,仍不敢增加土地供應。以至於梁、娥兩屆政府掘地三尺搵地,也不能解渴!等娥政府增加房屋供應落實後,樓市的局勢又已改觀。

娥政府有必要做好準備,熊出沒注意!
7. 靠自己
2019-02-03 20:58
把置業的寄望放在政府身上,只會一次又一次的誤判樓市,一次又一次的失望,

8萬5,孫九招,CY辣招,現在又到娥六招,又那一次不是好心做壞事?

阿娥真的有本事控制到樓市?我有好大疑問?
8. 李澤西
2019-02-03 21:26
迷信樓市只升不跌的人,始終要付出代價,不可怨天尤人。

遏抑樓價從來係政府責任,正如要遏抑米價一樣,因為要保障民生,不能任人抬價擾亂市場。哈哈
9. 真真薯片
2019-02-04 03:44
雲兄,林鄭既增加土地供應,除左填海之外,我睇唔到邊一樣特別有料到

我相信填海必定成事,因為填海有如港豬澳大橋,係中央既硬任務,但亦有如港豬澳大橋一樣,十幾廿年走唔甩,咁填海造島完成之前,正苦何來供應?靠錦上路大西北夠食廿年?
10. 李澤西
2019-02-04 09:55
未來三、四年一手私樓供應有九萬三千伙,係供應高峯期,包你食滯。哈哈
11. 無氣勢
2019-02-04 21:16
20年前口號都話一年8萬5,現在人口多咗咁多,口號淪落到四年才9萬3,無氣勢,嚇得邊個?

所以只好搞一大埋辣招阻人入市
12. 李澤西
2019-02-04 21:39
8萬5係假,9萬3係真。有冇氣勢,問地產發展商就知,點解要劈價賣樓?儍仔迷信冇藥醫。哈哈
13. 真真薯片
2019-02-05 01:33
對於一手供應量,689前期,每年大幾有一萬至萬二個單位供應,後來689搞左一輪推地,今日變成每年萬六至萬八個,依家林鄭搞64轉73,私樓地4變3,即係少左四份一,我估未來10年每年私樓供應大約萬三四個,比貪憎時期多,比今年少,呢個係好客觀既估計

而另一邊,居屋每年就會由2000,加到5000左右

在下唔係香港,祝大家新年快樂
14. 湯瑪斯
2019-02-05 05:06
淡友話未來幾年九萬三供應充足,好友話供應不足,邊個啱?
15. 李澤西
2019-02-05 09:31
現時只係貨尾新樓都9千幾,排緊隊過咗年開賣幾個盤加埋都6000,每年萬三只係隨口噏,冇數據支持亂估。

今年落成一手樓係三萬,未來三年每年約兩萬一千,加埋九萬三,係發展局每季公布數字。

千祈唔好隨口噏當秘笈。哈哈

恭喜發财
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。