地產論壇
登入名稱
密碼
頁數:
茶餐廳亂話(463)不識愁滋味的大學講師
瀏覽人次:13030    回應:7
茶餐廳亂話(463)不識愁滋味的大學講師
 
湯文亮博士
紀惠集團行政總裁
2019年2月2日

  由於昨晚打了一場很劇烈羽毛球,今早跑步只是略舒筋骨,天陰陰,跑完步去到茶餐廳,聽到老闆同一位大學講師討論關於負資產,大學講師叫老闆不用擔心,雖然現在突然之間出現了262宗負資產,這對於樓市來說,根本沒有影響,如果一定話有影響,只是心理上有影響,老闆問我大學講師是否說得對,老實說,在現階段,對與錯很難作出判斷,我只能話大學講師仍然年輕,少年不知愁滋味,現在的262宗對樓市的影響實在不大,如果樓市跌多10%,我敢肯定最少有5,000宗負資產出現,而一般分析員都認為樓市最低限度跌多10%,做得大學講師,多少都有一些公信力,在樓市下調之際,負資產出現,應該叫買樓的人三思而後行,已經有物業的業主千祈唔好脫期供樓,而非話負資產只有心理上影響,老實說,今次負資產來勢洶洶,而負資產出現會令到樓價下跌,樓價下跌又會令到更多負資產出現,只是心理影響,少年不識愁滋味而已。

茶餐廳亂話(463)不識愁滋味的大學講師
1. 湯瑪斯
2019-02-02 09:23
心理影響可以好大鑊!
大家都知道一個人身體有病,癌症都有得醫!但一個人一旦心理有病,極難醫!而且隨時發作。哥哥患抑鬱症跳樓死大家應該記憶猶新!
2. 湯瑪斯
2019-02-02 10:09
博士上年同朋友的賭局過兩日就可以埋數了。我留意到今年一月份上半月樓價升咗2點幾%,下半月跌咗0點幾%,估計今年一月份升咗約2%。咁博士應該係贏咗約0.4%。不過按西曆埋數博士就輸咗1.6%。
呢個賭局最有趣嘅係博士嘅朋友在半年前點都估唔到樓價會跌咁多,所以准博士將龍門搬到農曆年尾。咁而家博士算係贏定輸?我個人認為既然雙方你情我願修訂合約,按照合約精神,博士贏!
不過作為朋友之間嘅交往,博士可以宣佈自己雖然贏咗,不過為了多謝朋友准佢搬一次龍門,感恩圖報,不旦不用朋友請食飯,反過來博士請朋友食飯,咁樣大家都會好開心!
3. 湯瑪斯
2019-02-02 10:19
修正:
估計今年一月份樓價跌咗約2%!
4. 湯瑪斯
2019-02-02 10:23
我留意到今年一月份上半月樓價跌咗2點幾%,下半月升咗0點幾%,所以估計今年一月份跌咗約2%!
5. To 1,2,3,4樓
2019-02-02 11:09
雖然你叫Thomas,但應該是女性。
6. 真真薯片
2019-02-02 16:43
大學講師成世人都係學校入面風流花活,當然唔知愁知味,對大學講師同正苦官黎講,所有社會問題都只係數字,你住劏房住1年定10年,對佢地黎講只差個0字,對市民黎講就係10年人生,靠正苦同學者,你死左十次佢都未幫到你
7.
2019-02-03 06:41
美國又放風唔加息,又可能放水
咁多大陸人排隊買
咁多錢泊係香港
34萬人等上車。
只要人人有工開,唔被追loan, 捱過後,樓市長遠都係升

唔能夠應該有人俾10%首期上車,而樓市不能跌多於10%。
過去十幾年己經升左400%,有冇諗過人工追唔上樓市升幅既人既感受?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。