地產論壇
登入名稱
密碼
頁數:
2018年樓市升或跌
瀏覽人次:13809    回應:7
2018年樓市升或跌
 
湯文亮博士
紀惠集團行政總裁
2019年1月8日

  在2018年初,我與一班老友談論當年樓市,我話先升後跌,最後2018年樓市會微跌,不過在2018年上半年,樓價已經升超過10%,而且完全沒有下跌跡象,一班老友知我一定會輸,准我搬一次龍門,在結算日期延至農曆年底,八月之後樓市的形勢開始逆轉,中原指數連續下跌了13星期,我以為有所轉機,原來只是一場空歡喜,到了12月底,中原指數最後一次公布,樓價雖然從高峰時下跌了6.5%,但全年仍有5.6%升幅,我見到即使搬了龍門,在一個月之內,樓價不可能下跌5.6%,願賭服輸,於是擺下認輸宴。

  在席間,一班老友竟然不認為我是輸了,如果搬龍門,我的勝算甚大,就算沒有搬龍門,雙方亦只是五五波,就算現在當他們贏,都是勝之不武,我覺得很奇怪,我想認輸都唔得,原來,他們覺得中原指數未能反映樓市真實情况,這亦難怪,中原指數只不過是用作參考,如果要知道樓市真正走勢,一定要以差餉物業估價署的指數作凖,不過,差估署的指數只是去到11月,所以,暫時未能接受我認輸,晚飯張單就放在酒樓,當差估署有最新的指數時,誰人輸誰人負責埋單。

  差餉物業估價署最新數字,在11月底,樓價比最高峰時下跌了7.2%,但樓價仍然有3.9%升幅,只要在12月,樓價下跌超過3.9%,全年樓市就出現跌幅,我就會反敗為勝,一班老友認為是有機會,因為在11月份,樓價下跌了3.5%,而凱匯在12月份推售,搶去了不少購買力,令到二手樓不但冷清,而且成交價一跌再跌,超過3.9%亦不出奇,所以,唔敢食我的認輸宴,老實說,他們的確幾均真,不過,他們有一個疑問,如果差估署的指數顯示2018年樓價下跌,而中原指數則有5.6%升幅,究竟出現了什麼問題,我認為沒有問題,中原指數反映中原的成交價,這表示中原物業代理為出售物業的業主爭取到好價錢,區區5.6%差距,根本不是問題,不過,要宏觀看整體樓市,就一定要睇差餉物業估價署的指數。

2018年樓市升或跌
2. 這表示中原物業代理為出售物業的業主爭取到好價錢
2019-01-08 09:15
咁仲有人搵 Lucy 買嘅?
4. 鳥5
2019-01-08 10:43
博士你冇輸,新樓平手要追到17年中,大掉頭係 矇糊,有23成既成交耍追到 17年頭。。 棺材盤, 冇乜點跌 因為根本冇人買肯比7拆。。。。賭一個升十幾週其年,掉頭年。。。係5公平。。不過坐下都係估你中。。
5. 鳥5
2019-01-08 10:51
中原指數 係事實之部分 唔係事實之全部 有件事 我係想質疑97年 之後嘅樓 亦即華 中原指數100個percent 係代表什麼 97年一百個percent係37年前嘅新樓 大家 諗一諗 有冇真係有冇真係睇下, 唔好人話係 你話係 就當咗真係.... 樓係有折舊新樓成本 會check係貴咗... 後跌係正常, 不過中原指數 經理人指數 目標創造成交, 點去 理解 入面嘅數字, 就係閣下嘅事
6. 自我陶醉
2019-01-08 11:21
有貨嘅最緊要自己睇番手上嘅貨咩環境,指數升跌基本上冇咩參考價值。指數一升一跌都幾好呀,各取所需,個市好唔好任AA噏。
7. 湯瑪斯
2019-01-08 12:12
博士同朋友打賭之項目,事前沒有說明用那一較客觀的指數,當出現小小差距時,就有可能出現按這一指數博士險勝,按另一個指數博士險輸的情況。差餉物業估價署的數據較客觀,它下次出數據,按西曆12月結算,博士即使輸1%都係輸。不過他的朋友在上年中見樓價沒有下跌跡像,竟讓博士將結算搬至農曆年底,他的朋友似乎認為樓價不會跌到年底。這一情況,我認為博士應該以西曆年底來結算。當搬樓門之事係玩下。咁樣大家做朋友會開心的。花少少錢(對博士的身家來說),大家開心!幾好!博士的朋友一定會大讚博士。博士表面輸,其實內裏贏!
8. 望東樓
2019-01-08 14:05
如果打和平手就我請。
9. 真真薯片
2019-01-08 20:27
暫時未係咁多人唱老屍既指數唔準,再唱多兩野,老屍就真係捉蟲

不過地代擺明就係冇誠信,呢樣唔係一早講好左嫁咩
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。