地產論壇
登入名稱
密碼
頁數:
茶餐廳亂話(451)打機好過打架
瀏覽人次:12967    回應:7
茶餐廳亂話(451)打機好過打架
 
湯文亮博士
紀惠集團行政總裁
2019年1月7日

  今早去到茶餐廳,見到一個江湖大佬食早餐,佢主動走埋嚟同我傾計,我有小小驚,因為近日江湖又出現腥風血雨,我唔知道佢有沒有仇家,如果有的話,很容易殺錯良民,江湖大佬知我心意,佢話茶餐廳對面就是警署,絕對不用擔心有人會尋仇,而事實上現在要搵人出來廝殺都很難,並不是金錢問題,一來現在的青少年大多數都是潺弱書生,二來他們話打機好過打架,打機還可以被其他人視為一項正職,隨時可以玩電競而出人頭地,而打架最多就是被大佬輩讚兩句,如果受傷或者被警察捉到,反而會被大佬話咁唔小心,或者走得咁慢,下次自己要識執生,香港人是好醒目,唔會有下次,甚至一次都唔會做,所以,要搵人撐場都很困難,不過,那些南亞裔人的只會見錢開眼,邊個俾錢多就跟邊個,全無道義可言,所以,打架的事,可勉則勉,對外又可以宣稱以和為貴,現在,不少大佬輩都做了正當商人,如果問他們江湖事,大多數會話不彈此調久矣。

茶餐廳亂話(451)打機好過打架
1. 江湖大佬
2019-01-07 10:58
難得啲 AA 手下響售樓廠打得咁落力, 讚又冇彈又冇錢又冇牌又冇, 爭啲乜咁開心?
2. 真真薯片
2019-01-07 11:44
早幾日劈完友就係差館門口燒車,邊個話差館對面就安全?

以林鄭既管治作風,警察裡頭應該有高層要咩鑊,唔會好大鑊既,呢世冇得升者
3. 真男人
2019-01-07 11:49
十年前已預言,黑社會收埋咁多南亞靚遲早連堂口都畀佢地接管埋。
4. 香港土著
2019-01-07 12:01
可能... 收水對經濟影響所及開始入肉。AA地霸有摩擦,古惑仔又互斬,如此熱鬧真係long time no see。除左錢銀瓜葛,想像唔到其它原因。
5. 除左錢銀瓜葛,想像唔到其它原因。
2019-01-07 12:15
幾時有南亞 AA 加入白熱化? 照睇楊柳腰港產臘腸 AA 唔夠人爭啫。
6. 引刀一快
2019-01-07 14:04
呢度班AA唔好再話大灣區唔好嘞,依家到處打擊“黑惡勢力”,夠膽郁下都拉人兼封艇。

講到道義,可能已經慢慢淡出中國文化,就算係香港人都有D走樣,正是忠義兩難存,香港人咁奉公守法,多少同義氣有抵觸。

十幾年前,有部戲叫“女人香”,片末阿爾柏仙奴侄仔俾老師審,事緣佢姪仔見到同學犯校規,但唔肯做二五仔,老師要罰佢,阿爾柏仙奴就以道義為由作辯護,我諗,如果放喺今日香港社會,恐怕未必得到觀眾認同,香港人尊重法律,但係唔識轉彎。反觀珠三角嘅人,就會靈活好多。
7. 舍神
2019-01-07 17:10
嘩....... 我一直以為, "機" -- 係聰明仔整畀蠢仔打的。打到佢地腦殘腦退化!
乜乜電競"運動"簡直係up得就up!
一直認為呢樣都算係不義之財,對年輕人為禍不淺。

今日才知,原來也有造福社會的一面! 哈哈!

今時今日 camera 多過交通燈,真係搵鬼幫你劈友!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。