|
茶餐廳日誌（308）支持建制就可以令樓價下跌
|
|
|
|
|
茶餐廳日誌（308）支持建制就可以令樓價下跌
湯文亮博士
紀惠集團行政總裁
2018年3月29日
今早跑完步去到茶餐廳，有熟客問我是否支持建制，我話政治中立。不過，希望有一些反對聲音，但千祈唔好為反而反。熟客話我誤會了，我成日講細價樓爆煲。如果支持建制就可以令樓價下跌，他自己亦知道不合邏輯，立刻話不是他說，而是我的老友蔡志忠講。熟客可能不知道，蔡老闆是400億物業投資者，又點會 教人如何令樓價下跌？可能他最近公私務都很繁忙，代他執筆的人摸不通他的意思，以為支持建制就可以令樓價下跌，我相信全屬手民之誤。
在香港現在有幾多人希望樓價下跌，很少，反之希望樓價上升的就很多。如果話支持建制就可以令樓價下跌，即是叫人唔好支持建制。蔡老闆點會如此倒算？雖然話支持建制，可以令施政不受到阻撓，收地如此，填海又如此，但我又唔見到建制一定會推行一些有利樓市措施。在曾蔭權推出BSD，CY推出BSD、DSD時，立法會差不多一致通過。當時我又唔見到建制提出反對，要求政府增加供應。若非陳茂波單拖取消勾地，以招標替代，現在中原指數可能已經去到250點。所以，支持建制不一定可以令樓市下跌，但若果不支持，任由泛民否決增加土地供應議案，樓價一定會上升。熟客問是否應該支持建制？我沒有回答，我不能夠影響他的政治取向。
|
|
茶餐廳日誌（308）支持建制就可以令樓價下跌
|
|
|
|
|
我時常話 , 人講你就信 , 輸銀死你。其實我這個人好易呃 , 我竟然相信凸區政府真心解決居住問題 , 該死 , 現在青年懷念港英管治 , 殊不知當時係冇民選議員 , 係有官守議員同非官守委任議員 , 例如匯豐大班等 , 實際上是精英制管治 , 先不討論有利定有弊。當時管治的確有效率 , 說填海就填海 , 說租管就租管 , 現在就車前倒後 , 姿姿整整 , 幾陣鑼鼓都未上到花轎。CY拖五年 , 777都係拖五年十年謝幕罷了 , 唔通會坐言起行 ? 殺敵措手不及嗎。
都係用番之前一句安慰下燙房戶同胞 , 忍耐下啦 , 你見上帝之前會上到樓既。
|
|
|
|
十哥 改為…見上帝之前唔肯定上到樓、但見上帝~之後~就一定上到~位~
|
|
|
|
其實回歸後只係由英國精英換成本土精英, 分別在於英國精英渣完你之後仲有返少少道德底線, 起返堆公屋居屋出黎比你叫做有瓦者頭, 而本土精英就全無底線, 居屋全停, 就算復建數量同定價都以唔影響私樓為大前題, 樓價無限gogogo, 一唔惦就賴黃絲, 要阿爺打救, 今日朝野黃藍都係地霸同一陣線, 藍絲扮搵地, 黃絲負責反對, 裡應外合實際就係度拖時間, 其間高官藍絲就炒樓密密賺
係中國, 無論幾有錢既富豪都要接受比阿爺完全管住既命運, 雙馬都唔例外, 唯獨是香港地霸可以控制香港正苦朝野黃藍通吃, 搵特首做擋箭牌頂住市民同阿爺自己係背後做吸血鬼, 不過新阿爺既特性係你估佢唔到, 佢一定有辦法整治班人, 所以超人切脂退休走人, 真正走得摩冇鼻哥
|
|
|
|
講真現今政府由啊爺任命。啊爺唔做，唔通巿民有影響力？
|
|
|
|
十一哥----------上文我特意省去一段 , 就是你閣下提醒我 , 政府的虛招 , 我被政府騙了 ! 我強調係20萬戶燙房戶 , 希望佢地上位之前上到樓。
|
|
|
|
|
|
8.
向泛民说不 |
| 2018-03-29 12:53 |
|
4楼，你老友饭民有没有比政府机会。当年老董的科技港，物流港，好有前詹性，结果还是被拉下台。 但是我们隔壁的深圳已经是科技港和物流港。 唔好咩都赖。
|
|
|
|
估下阿爺會唔會攞軍地出嚟，指定起公屋吖哪？係就精彩囉！九龍塘+石崗夠止咳啦！
|
|
|
10.
真真薯片 |
| 2018-03-29 14:30 |
|
|
|
|
我左望望 , 右望望 , 凸區政府的最大成就 , 就是將木屋區從新發揚光大 , 出年可能賺2700億 , 歡迎網友舉出政府有另外大成反駁在下 , 多謝先。
|
|
|
|
十郎兄咁活化工廈算唔算?
大角咀，葵涌都有工廠變成劏房住人，工廈而家有價有市。
|
|
|
|
哈哈哈哈 , 收貨收貨 , 講真話 , 因 為冇晒工業 , 工廈多數冇工開 , 火災機會唔會大過住宅 , 城規話驚怕交通負擔不起 , 藉口來 , 往日咁多工人返工都頂得順。希望凸區政府將佢發揚光大 , 可解燃尾之急。
|
|
|
14.
真真薯片 |
| 2018-03-29 16:42 |
|
十郎兄,
香港特衰正苦最大既成就, 係完美落實“有社會主義特色既資本主義”, 一方面大力推行社會主義特色既官方壟斷制度, 同時有資本主義特色既去到盡定價, 港鐵領匯地霸齊齊加加加, 全世界唯香港獨有, 簡直係人類史上既成就, 勁過大力推廣劏房啦
|
|
|
15.
向泛民说不 |
| 2018-03-29 16:48 |
|
薯片，没可否认，老董信错人。本人也越来越讨厌超人家族。赚了香港人前，却没有为香港人做过咩事，跟着用什么财技掏空香港。 但是你不能抹杀老董的前瞻性。他被拉下台之后，曾特首上台停止了这些计划，重新了高地价政策，停建居屋。同时深圳慢慢成为了科技港和物流港。其实97年之前，深圳的南山科技园已经开始啦。不过是政府主导，当然也有官商勾结。但是非常成功。同时台湾的新竹科技在85年开始，现在台湾自认是科技港。香港就在曾特首上台之后，就完全停止了科技港和物流港计划。今日香港的产业只有金融和服务业。
|
|
|
16.
樓市初哥 |
| 2018-03-29 16:54 |
|
"社會主義特色既官方壟斷制度, 同時有資本主義特色既去到盡定價"
神級解釋
|
|
|
|
真真兄 ---------- 給你提醒左 , 交通費好Q貴。
|
|
|
|
9個官心聲、我地自問係最優秀嘅公公團隊、咁9叻嘅人才…人工就…人地街外揾一年我地就要做9年、揸莊天文數字…不過旦家鷄見水…唔舐得、今日識時務…夕陽就無限好、為將來打算…正係負責任嘅行為、高官定9官都係一句啫…當官根本係浮雲。
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論；
- 禁止以名稱/暱稱/綽號/同音字等批評或映射任何人士、機構、公司；
- 禁止發佈有關招聘、推銷、廣告等內容；
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供，大部份回應/留言是即時上載，少部份未註冊為會員的回應/留言會經我們的系統過濾，所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限，故不能完全監察
所有留言，若讀者及用戶發現有留言出現問題，歡迎以留言或電郵方式與我們聯絡(admin@property.hk)，我們有權刪除/堵截任何留言 （刪除/堵截留言前不會作事先警告及通知）， 如有任何爭議，本網站管理員擁有最終的詮釋權 。
|
|
App下載
