依家潮流興點樣清理低端人口，而唔係點樣㩒低城市嘅樓價、物價去迎合佢哋/我哋。

林鄭玩真共產？送屋俾你？浪子兄樂觀得有點極端了吧？！

浪子兄，一山多面。

容小弟分享一個小故事：

月頭應邀到老友鄉下食梅菜宴，大霸王飛車都用咗5小時。第一個節目，揀樓，3500呎居住面積。話說條村被收地，村民人人有份，除送免費新樓單位外，老友袋1800萬人民幣。

故事就係咁簡單，村民怎可能對黨不感激流涕？怎可能不擁護這個政權？又點會想個局面亂呢？請留意，嗰度係廣東，深圳飛車去都要4-5小時車程嘅地區。

當人人話將會支爆嘅時候，似乎，仲有相當遠嘅一段距離。

1800萬身家呢類「新中國新階層」，每一次收地就會產生一班。黨有乜所謂呢，反正d錢都係印出來的。換咗10年前，俾200萬都俾多佢啦，點解今時今日會俾到1800萬呢？

剩下來到我有興趣嘅問題，呢班人嘅錢會點使呢？

另一個我關心嘅問題，如果「新中國」唔繼續狂印錢，掂唔掂呢？

遠在香港，你感覺到生活嘅通漲嗎？坦白講，我唔多覺。如果有朝一日「新中國」嘅通漲傳咗過嚟，大家點睇？

都係方向問題。有冇睇過民國末年國民黨通脹時期嘅物價？

區區林鄭，大勢之下有何作為？唔使向中央低層叩拜嘅時候，咪得閒就講幾句漂亮話氹吓大眾市民囉！反正民望低，兌唔兌現倒冇所謂。

係得我老友先至以為自己賺咗㗎咋！依家揸住1800萬，以為多過以前嘅200萬，哈哈！可憐連祖宗山墳蝕埋都仲未知。

高位入痛苦一時，方向錯痛苦一世！唔自強而信毛共，慘淡必然。當然最尾都係要補一句，目前做嘢，審慎啦。哈哈！

博士話小心加息，係咪預測到大通漲降臨呢？

芳兄眼光果然有別於刀兄，佩服。

好來都未見過這麼多高水準和有建設性的回應留言，希望大家繼續以這樣的心態客觀地表達個人睇法，令地產網的公信力和水平更上一層樓。

回看上面多篇回應，主要觀點為對林太有否權力和能力解決香港住房問題，我個人都接受現今香港特首的權力相對比過去20年下降了不少，過去中央對港政策真的以基本法讓香港以「一國兩制、港人治港、高度自治」管治香港，因此特首對香港的發展方向有非常大的空間。但我個人認為近期在習主席年代已改為「中央全面管治香港」，特首沒多大空間為香港定立發展方向，特首主要責任是執行中央給她的指令和發展方向，這樣對我來說是更容易瞭解香港的發展趨勢，因為只要知道中央的意向就能知道香港會點走，特首的考慮是她的執行力，林太在參選特首前已接受過中央的執行力測試，還記得「西九博物館」嗎? 她能在短時間內完成這任務，中央才接受委任她為今界特首。

在香港樓市發展趨勢的分析，我們只要知道中央在這方面的取態就可以，中央的取態應是「樓是用來住、不是用來炒」，尤其是民生住房必須供應充足，穩定社會和民生。而特首的考慮就是她能否完成這任務，她的空間就是如何增加土地和樓宇供應，這方面分析就會有點主觀了，首先林太是否有心完成這任務，我的分析結果是她「有心有力」，這不是我對她的寄望，而是從她過去作為發展局局長和政務司司長的表現，我個人認為她是個典型的香港公務員，只要方向明顯，她應能完成任務，加上她的個性是鬥心強，不容易放棄，我睇到佢為咗完成這任務，心急到不得了，不過唔知大家睇唔睇到喇！

浪子，林鄭的决心，市场睇唔好，特區財經高官陳家強也睇唔到。所以樓價地價破頂潮陸續有来。明年今日，中原指数會升到180左右。心急的不是林鄭，而是等待上車的買家。

真係天真過天真嬌，五十幾歲啦大佬!!!

邵看樓市：香港樓市點解有排升？
12月15日

坊間為什麼很多樓市評論員都錯判走向？筆者認為，他們考慮的時間軸比較短，用1到2年的時間去估樓市升跌，查實一個國家或城市一旦形成趨勢，是可以三、五十年，甚至上百年計算。 

美國自1860年南北戰爭結束後，一次大戰後奠定為全球一哥地位，其樓價上升至今已有60倍，至今仍在上升軌，主要城市曼克頓、紐約更不止此數，仍在完美的上升軌之中。 

如讀者認同中國未來將可取代美國成為全球GDP最大的國家，2017年現佔百分之17，預計2040年會達到百分之40，中國的房地產延續美國的模式，即中國自1979年改革開放30年後仍會有上百年的上升軌。 

香港連同北京、上海、廣州及深圳是中國五大龍頭城市，樓市肯定只會大漲小回，並不可能出現爆破。香港由於背靠祖國，其經濟增長肯定如跑車一樣飛馳，但香港人的收入只有少部分人能跟上，大部分人只是單車的速度，遠遠追不上跑車，燈尾也不可能見到。 

所以，筆者奉勸有能力買自住樓的人應儘快上車不要蹉跎，以免形勢落後於人。 

資深測量師 邵志堯

好淡實力距離越拉越遠，要反敗為勝談何容易。

2014年M3到逹11萬億，而2017第三季已經狂升至13.5萬億。1997年才3万億。

基建落成效應，恆指破32000大關後氣勢如虹，加上明年港股下半年同股不同權開始實施，大把有份量股票會在港上市。失業率會進一步下調。林鄭有大的本事，新的供應也要在多年後才見到。 浪子佢然認為2018下半年就影響到樓價。唉！看来2018年又會是浪子失落的一年，因為中原指數會直撲200大關。

真係爆笑，如果個個征地都1800萬，咁中國D高鐵可以開去火星喇，烏坎單嘢咪又係廣東，D上“紡”新聞封住曬啫。有冇得賠，睇下邊個拆囉。

刀兄別來無恙！

千祈唔好中三奶奶計，通常一個女仔話好憎你，佢一定喜歡你；通常一個女仔喜歡你，佢一定會話坐隔離個男仔好似幾好喎來激你，哈哈！

浪子兄，你有以上經歷吧！哈哈！

認同浪子兄所言，觀察一地之經濟走勢，先由政治領袖之取態入手。政治指導經濟，國情也。

但問題係，你點樣解讀呢d政治領袖。「中央的取態，樓是用來住，不是用來炒」，真的嗎？字面含義就是這樣嗎？你信嗎？呵呵！

浪子兄知道十九大時，國內所有電視播放得最多的洗腦畫面是什麼嗎？是習總一段講話的小剪影 - 「我心中最關注的，還是貧困的廣大人民」。幾星期後，你也該看到北京發生了什麼事吧？然後是天津，然後，是各地⋯⋯

(當時小弟正雲遊北疆，乃親身經歷，非網言。)

至於歷屆財金官員嘅講話我就唔再舉例了。權貴權威說一你信一，說二你信二？浪子兄似乎並不明白，公佈的政策不是政策，而台上的，都是戲子！特朗普話打肥仔金講都講到口臭了，信權威言行而落注嘅，大部份都輸錢！

當年才疏氣盛，就係信老董，結果瀨完一鑊又一鑊，大家唔會忘記老董點樣無賴法吧？「唔再講就唔存在」，埋葬咗幾多去迎合乜港物港嘅有為青年？一代人嘅往事唔想提了，唔提就唔存在，但漸漸了解，政治係乜嘢一回事。願共思考之！

浪子兄一定要學吓刀兄，雖千萬人吾往矣，千祈唔好俾d反對意見阻礙咗發文發言，反對、批評係刺激進步嘅原動力。余期待之！

聖誕將至，預祝各位網友有個快樂嘅聖誕節！

蓄芳兄

刀兄高見，方言謊言！

好多網友包括小弟，間唔中都會用118調侃刀兄，不過只係開個玩笑增添情趣。望返轉頭，其實當時刀兄係tip中嘅。任何預測，都容許有上下10%嘅上落，但最後果句，刀兄肯定都係細細聲用陝西話講，大家聽唔清楚：「到位就要掃啦！」

我有個老友就係睇頭唔睇尾，結果白交租兩年，次次上來我度食飯都媽叉刀兄，我有即場同你平反㗎，哈哈！

刀兄不妨又開個盤，等大家又玩吓吖，呢次我實撐你！

蓄芳兄

什么是118？

有個白痴淡淡話中原指數會跌到118點，自以為是樓神，一早就沽咕香港自住樓等跌，結果搞到要番大灣區餵蚊。

哈哈。真是傳神。大灣區多蚊多蟲多窮人。

給浪子

97年金融風暴，2008年的金融海嘯，分别導致樓價調整七成及三成，這些大跌原因，都是由一些非可預測的因素構成，至於可預測的冧市因素如高樓價等因由，從未令樓市跌逾一成半。

　　作為一個買家，除非確信18年必有大事件發生，如美國攻打北朝鮮，又或香港會出現嚴重疫情等世紀大事，否則就應按自己能力順流而行事，那些可能出現的小波幅，其實也不需太介懷。