物業代理不宜向政府挑戰
|
|
|
物業代理不宜向政府挑戰
湯文亮博士
紀惠集團行政總裁
2017年8月11日
陳茂波較早前發網文,提醒市民置業風險,尤其是細價樓,不但樓價已經升了很多,而且在未來三至四年的接近十萬個單位供應中,超過七成是細價樓,即是每年有萬八個細單位,超過去年的總銷售量,而今年即使在上半年有超過九千個單位售出,但全年銷售量亦未必有萬八個,司長還未提及細價樓銀主盤的供應量,而細價樓在過去幾年升幅比中型單位及豪宅高出很多,升得高就有機會跌得深,司長在網上亦只不過提出善意警告,但物業代理立刻發炮還擊,我覺得他們不應該挑戰政府。
現在每日都會有人在族群發放樓市訊息,全部都利好消息,不利消息則欠奉,但當日他們一反常態,竟然提及財政司長撰文提醒市民置業風險,但同時話一個細價樓地盤98個單位即日沽清,老實說這不是挑戰又是什麼,政府官員是有責任提醒市民置業風險,物業代理亦有權促銷新樓盤,這個新樓盤開價與二手樓相若,比其他同區新樓盤平15%,只得98個單位,即日沽清又有何難,何必以此挑釁政府,而那些統一發放訊息點解又沒有提及不少新樓盤銷售成績並未如理想,其實已經有多少誤導市民,不過,那些訊息又沒有下款,都唔知道是誰人發放,據估計,應該是由物業代理行發出,就算今日物業代理吒叱風雲,都唔好挑戰政府,難道他們唔記得去年有兩個月見紅,老C立刻要求政府撤招兼減少供應,如果要發放訊息,好與壞的消息都要提及,亦要提醒市民置業風險,這才是正確做法。
|
|
物業代理不宜向政府挑戰
|
陳司長其實唔洗擔心, 98000呢d野, 升市冇人信, 跌市自然有人信, 事實上推唔推到98000, 唔到陳司長話事, 係發展商話事
大陸之前都有講, 總理說的不算, 總經理說的才算, 道理係一樣
|
|
|
政府要限拎左入伙紙/批左預售,一年內賣唔完,按地價一個%收空置稅,兩年內賣唔完,按更高%收稅,咁就迫哂啲供應量出黎,又唔使自己落手賣居屋增加供應
私人持有第二個單位都最少15%稅啦,你起左成千個單位賣出就唔收姐,唔肯賣收番稅都合理
|
|
|
題外話,政府可以拎呢啲稅款去大起公屋,幫番基層。 不過如果個稅重的話,估計地霸都係契弟走得摩架啦
|
|
|
粉絲兄,
其實想逼發展商散貨, 唔洗搞空置稅, 政府由今日起收起所有地唔賣, 全部地用晒黎起居屋, 同時撤銷屋居申請者入息限制, 同埋起靚少少, 售樓過程商業化少少
每年有兩萬個冇入息限制, 包裝靚靚既新居屋, 10000蚊呎推出市場, 減返5000蚊呎建築成本, 政府仲賺緊5000蚊呎, 但係就盡吸全城剛需購買力, 私人發展商即刻拍晒烏蠅, 肯定立即腳軟, 劈價賣樓走得摩冇鼻哥啦
辦法就係度, 正苦敢唔敢做?
|
|
|
政府參建居屋始終太多野要考慮,可以推左空置稅先,最多講明兩年後睇市況決定撤唔撤招。
|
|
|
發展商囤貨, 正苦仲要免佢地交大筆差響, 仲指意正苦推空置稅? 在下已經畫公仔畫出腸, 唔差在寫埋個箭咀寫明“此乃腸也”, 引用博士琴日既金句去解釋條腸係邊 :
所以只是做一些門面工作便算了,或者是政府與地產商之間,大家心照不宣
|
|
|
政府很多招可用. 如薯片前輩所說, 最簡單就是所有已批入伙紙的住宅, 在12個月內未出售的, 发展商就要负责正常交差響. 不知为什麼政府不做?
|
|
9.
to 5F |
2017-08-11 14:17 |
|
你呢個係爛仔吵架亂吹就得吹, 政府表面係要平衡各方利益 , 賣地有收入又有人代起增供應係三贏, 唔賣地, 政府要啃曬所有成本, 除非有無限本錢, 根本做唔到, 最切實反而係不停賣地, 同地產商鬥多錢, 但又要小心太多供應會一下推冧個市, 畢竟資產格(泡沫)係用黎支撐大半個經濟...唔冧得
|
|
10.
博士粉絲 |
2017-08-11 14:36 |
|
高成數按揭有利增加供應,政府隻眼開隻眼閉可以理解。
調反轉既情況,仲做門面工作,就無話可說了
|
|
11.
博士粉絲 |
2017-08-11 15:12 |
|
|
|
地代可能只因為發展商近期難去貨,尤其是細單位,因此發展商加大佣金俾地代走貨,所以地代只是非不得意下要挑戰政府。高佣之下必有勇夫。
|
|
13.
真真薯片 |
2017-08-11 18:48 |
|
9樓, 我叫正苦唔賣地用d地起居屋直接賣, 唔係派, 正苦係有錢收的, 依家市況賣一萬蚊呎去貨冇難度, 扣5000蚊成本, 相當於5000蚊地價賣地, 如果5000蚊賣地比地霸, 地霸自己要賺5000, 結果就要賣萬五, 為左保證賣到萬五, 地霸會囤貨, 供應永遠唔達標, 港人繼續冇樓住, 乜野唔賣地正苦要食晒所有成本, 閣下閱讀理解考試攞幾多分?
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論;
- 禁止以名稱/暱稱/綽號/同音字等批評或映射任何人士、機構、公司;
- 禁止發佈有關招聘、推銷、廣告等內容;
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察
所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。
|
|