|
21.
有殻蝸牛 |
| 2014-06-26 12:50 |
|
搵答案前先要攪清楚個問題。到底政府認為樓價基本因素太強不可能下跌，擔心樓價過高影響民生？認為樓價基本因素不足以支持樓價，擔心泡沫形成爆破時影響貫經濟？
如果係前者，先唔講買賣私樓係咪民生問題，增加供應先係長治久安嘅辦法，今日送樓俾80後，咁到90後00後又點算？短期增加公營房屋比例長期開發土地先係務實解決住屋需求做法，辣招副作用太多，樓價跌多幾個%已經重挫香港。如果真係要協助市民上車，最簡單係放寬借貸，5%首期免stress test仲上唔到車咩？但係為左短期協助小部份市民滿足置業製造真正嘅泡沫值得咩？
如果係後者，我唔長氣講，只係問一個問題:如果預期樓價有下行風險，仲協助實力不足嘅市民上車，同佢地有仇咩？
我認為政府推辣招唔係想壓抑樓價而係壓抑成交，目的唔係解決任何經濟民生問題而係解決政治問題，大家都唔置業無能力置業嘅人咪開心唔鬧政府囉。而呢個只係不負責任嘅做法。
|
|
|
|
|
|
23.
有殻蝸牛 |
| 2014-06-26 13:10 |
|
D人一邊話樓價有泡沫會大跌，一邊話擔心樓價高買唔到樓要壓抑樓價，根本就自相矛盾。大跌仲上車？過幾年會好平仲駛咩壓低個價丫，真係等多兩年都唔得？
要求同推出辣招嘅根本係硬好。
|
|
|
|
to 19/f 懶人兄, 同意, 若是唐唐做,可能真係會順利啲,因為內部會講好晒數... to 21/f 蝸牛兄, 你說的也很有道理,多謝意見.. 我自己愚見,正苦只需起多些公屋, 幫助基層, 其餘則由市場自行運作,積極不干擾,並勉之 !
|
|
|
25.
有殻蝸牛 |
| 2014-06-26 13:33 |
|
有心做仲有好多嘢可以做。
讓樓價短期自由向上，因勢利導大幅加速市區重建，解決舊樓安全問題同時中期大增供應。
增加公營房屋比例，特別係增建居屋高折扣全部綠表，解決公屋富戶問題、公屋供應問題、社會向上流動困難問題同置業問題。起一間兩家人得益。
仲有好多好多方法，辦法總比困難多。
|
|
|
|
係人都要啦依d, 做到至得架, 你問下果d排緊隊上樓既人, 佢地要邊一區既公屋先啦. 九成九話要住市區呀.
|
|
|
27.
To 25 |
| 2014-06-26 14:20 |
|
|
|
|
一齊裝香啦，香港樓市..............\]/
|
|
|
|
條氣最唔順既就係私人既細單位, 新既就起晒新界, 公屋就要起啟德. 即有錢上車就要住市郊, 人多夠窮成日嘈唔夠福利既就住市區. 你個士多啤利蘋果橙.
|
|
|
|
有智障人士話，香港周圍有好多机埸，有排都未飽和，而因為要保障中華白海豚的生存空間，所以反對政府起第三條跑道喎！ 香港因緣際會，做咗亞太地區的航空樞紐，最主要的原因係航線遍佈世界各地而且班次頻密。 中國有过百个机埸，国际机场都超過三十个，他們同世界各地談判航權，例如同XX，公平D你一班我一班，當一星期各開一百班，咁攤起來咪每个中國國際机埸平均只分得6班机？ 那麼你朝头早要是走咗一班机，下一班直航机就可能就係明天或後天！ 但成个香港只得一个国际机场，就算打折只各開十班，都可開得倒成弍拾班去XX，即每天平均係開成三班呀白痴仔！ 你班粉腸將第三條跑道拉倒，咁边有空間再開新線、再加多D航班？ 你香港国际机场隻碟得丁屎咁大，咁学乜人做航空樞紐?
|
|
|
|
|
|
32.
有殻蝸牛 |
| 2014-06-26 14:40 |
|
To 25/F & 26/F
我只係普通80後，無自大到以為我一個人可以提出完美治港嘅方法，你地有更好嘅方法亦不足為奇。我想講嘅係，正如13/F所講，批評容易唔講有建設性嘅提議係無用嘅。
辦法有好多，但係唔會完美，問題係大家想考慮整體利益解決經濟民生問題，定係驚左小部份自私自利嘅人，所有政策為左小部份人服務？如果符合整體利益，但係部份人特別得益又係咪接受唔到？
多謝你地願意思考同反駁。
|
|
|
|
要保護野生動物既最有效方法就係所有住係城市內既人都死鬼晒佢。把口話要保護海豚, 但又要繼續享受住係城市所得到既便利. 正一係藝人.
|
|
|
34.
廢佬 (To: 32/F) |
| 2014-06-26 14:48 |
|
依家香港既社會氣氛就係唔望自己富貴, 望人地閉翳過自己麻. 如有政策大家都得益, 但特別得益果班冇自己份, 梗係反對啦, 因會一樣繼續跑輸俾人麻.
|
|
|
35.
有殻蝸牛 |
| 2014-06-26 14:59 |
|
費老(我唔想叫你做廢佬)，每個社會都有呃綜緩搶福利爭資源嘅人，做好自己先，當多數人以整體利益為重嘅時候，普選就對香港有利。可能我太樂觀啦，不過瑞士公投都反對到超高嘅最低工資，市民嘅素質唔係永遠不可能提升嘅。
|
|
|
36.
To 35 |
| 2014-06-26 15:12 |
|
好不幸地, 納稅人在這裡是少數, 多數人的整體利益就是如何從少數的納稅人身上找利益.
|
|
|
|
你真係幾樂觀, 我就同係相反, 幾悲觀香港既前景, 你睇下依家香港走左同想走既係d咩人, 黎左同準備黎既係d咩人, 就知將來香港人既質素會提高定下降. 要培育一代有質素, 有公民意識, 肯為整體利益去犧牲既, 起碼要花三四十年, 即兩三代人. 戰後香港, 要到八十年代, 至有一班能幫香港搵錢既一代人. 因九七走左一大批. 換黎每日150個從大陸黎既, 而香港又冇權審批既人黎. 我唔敢講依班全部低質素, 但回歸後既情況有眼睇, 連清潔運動到要由頭做過. 周邊城市已進步唔少, 但香港好似又要從頭黎過. 好快大家會再見到清潔龍同垃圾蟲做宣傳.
|
|
|
38.
Or Sir |
| 2014-06-26 15:27 |
|
這三個月忙於買賣樓宇。過完年後按博士之言，逢三退一。誰知，賣完之後，御用agent，說有筍盤，當時是三月初，話說賣家因買了新樓，不想繳付擁有二層樓的稅款，因此急售，看了十分喜歡，高層單位，裝修整潔，即還價，誰知這個旺了我十年的agent, 竟能將我的還價叫低十萬元，成交價還比銀行估值低二十多萬，比市價低三十萬。這屋苑現時十分缺盤，租務活躍，一星期內，樓盤必定能租出，回想三月份是低谷期，買賣兩閒，又有什麼高人及組織說樓價會跌三至五成，大師又話必跌。我什麼都不信，只信自己的感覺及所見。今天又有同事說為了租樓兩頭跑，加埋5.96%人工，都吾夠業主加租，只恨當年賣了樓等樓價跌！
|
|
|
|
|
|
|
|
App下載
