惡人先告狀

　　打風後回到公司開會，有同事話在打風期間，租客要求立刻做一些維修，我們實在冇辦法派到工作人員去處理，租客很唔滿意，發了一封信，要求我們賠償損失，否則就唔交租，這些惡人先告狀的事，收租業主就見得多，例如話水渠淤塞，業主冇進行維修，他們就理直氣壯唔交租，我們都遇上唔少，我的做法就是以和為貴，我會同租客講，如果出律師信告我們，就要有心理準備我們不會續約，租客聽完，大多數會話萬事都可以協商解決，事情一定可以解決，發律師信只是律師的意見。

　　租客惡人先告狀就事少，一個國家惡人先告狀就件事，日本在8月24日唔理其他國家反對，將處理過的核污水排放入太平洋，中國立刻全面禁止日本海產進口，如果中國只佔1-2%，日本根本唔會理，但中國去進口的日本海產佔日本出口量22.5%，全世界排第一，香港排第二，有19.5%，而排第三是美國，不過就大幅萎縮，代表美國表面上支持日本，其實就離棄日本，而日本得到美國支持，以為自己是做對了，於是打算告上WTO，老實說，畀個天WTO做膽，都唔敢要求中國進口日本海產，萬一日本附近的放射性元素超標，令到很多中國人得到癌症，WTO就責無旁貸。

　　真係唔怕一萬，只怕萬一，有一隻放射性元素「氚」近日大幅提高輻射量，雖然日本話仍未到達安全的下限水平，核處理水仍然是安全的，但只不過排放了10日，就已經令「氚」大幅上升，多一兩個月，就到達安全水平上限，就算日本夠膽告上WTO，WTO都唔會受理，日本人只是打下咀炮，唔會真係採取行動，難道日本人唔知道是自己理虧。