地產博客 > 文亮言 返回
瀏覽人次:16920    回應:60
文亮言
搵地小組並没有完成任務
 
湯文亮博士
紀惠集團行政總裁
2019年9月16日

  當大家的注意力集中在政府於憲報刊登新樓空置稅,地產建設商會立刻表示不滿意,認為在修例運動之後百廢待興,政府沒有理由在這段時候刊登憲報,因為如果新樓空置稅在立法會獲得通過,將會在憲報刊登三個月之後實施,以現在情況來看,增加供應是事在必行,立法會唔敢唔通過。

  地產建設商會同時表示,如果現在推新樓空置稅,本來受修例事件影響正在下跌樓市會急速下跌,引發銀行向客戶追收按揭欠款而做成骨牌效應,情況就好似沙士時期一樣,甚至有過之而無不及,我認為這只不過是語不驚人死不休,現在的業主根本沒有過份借貸,又不能持有太多物業,即使樓價下跌,只要按期還款,銀行是不會向客戶追收欠款,在2003年沙士的時候不會,在2008年環球金融海嘯時,銀行亦只不過向物業投資者追收差額,一般市民是不會受到影響,但地產建設商會的話透露了一個軍事機密,就是樓價會持續下跌,老實說,他們是不應該將這個機密說出來,買樓的人知道樓價會下跌又點會買樓,這個機密對樓市負面影響比新樓空置稅大得多,商會可能沒有留意。

  政府另一個打算就是向農地業主強行買地,已經有地產商表示,土地如果是用作興建公營房屋,他們是不會反對,換句話說,政府的房屋問題在今次因修例而引發的暴力示威活動之後就應該可以得到解決,這算是一個比較美滿的結局,有老友問我,當日林鄭上任後不久成立搵地小組,究竟有沒有向政府提及如果要快狠準解決房屋問題,一定要向農地業主埋手,我都唔記得搵地小組的18個選項,有沒有包括向農地業主買地,就算有都不是重點提及,而現在政府提出這個買地計劃,無形中是摑了搵地小組一巴,做了接近18個月硏究,開了唔知幾多次大辯論,始終交唔到功課,雖然小組主席立刻表示買農地可能要經過司法覆核,這又有什麼出奇,這是正常過程,明日大嶼亦要填海,搵地小組責任是話俾政府知道如何搵地,至於用什麼方法就交由政府處理,不過,亦不能夠話搵地小組要負上這個責任,而是錯在政府,未有搵到適合人選。

 

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2019-09-16 10:07:57
一玩揾地小組...十一哥就肯定論述…枉...軟揮啦!開個壇比你地消磨下咁解啫!
2. 十一哥 2019-09-16 10:23:24
而家又再玩嘢,仲係唔聚焦跳過現成即食嘅貴族波地...反而跳去收農地嘅中期議題,班9官真係該誅。
好奇怪...班反民倒轉聚焦攻击班指令執行者嘅公差,班發号施令嘅9官就遍体無傷...尤其一哥...真情隱咗形!
出嚟見人嘅最高都係腫景C...都啱嘅...唔識走位点撈得起呢?

3. 乜春 2019-09-16 10:27:29
『政府的房屋問題在今次因修例而引發的暴力示威活動之後就應該可以得到解決,這算是一個比較美滿的結局』

地產霸權背後支持班“黑衣”出來破壞,以爲搞到正苦唔得閒,忘記立「空置税」;點知正苦反客爲主,推「空置税」再加「土地收回條例」。今次好睇過戲。哈哈
4. 十一哥 2019-09-16 10:32:30
好肯定班前朝魚業...特登玩阿爺,成單嘢...擺明眉來眼去好有互動!
阿爺点會睇唔通...只係放縱佢地玩大D,正好趁機剷起班魚業份子啫!
5. 真真薯片 2019-09-16 10:55:45
假設十月通過空置稅,三個月後即明年一月實行,咁地霸就要後年一月交報告講有幾多單位空置,交稅,由上年娥六招提空置稅到後年一月報稅,拖足兩年半,林鄭都算幫到盡了

林鄭上台後,我日日係度鬧點點唔用土地收回條例同埋收哥爾夫球場起樓,果陣時比人鬧到反艇,果陣建制陣營有100個理由反對,但係依家又支持,如果建制陣營可以有返多d邏輯,正苦既支持度應該會高返唔少
6. 我有一計 2019-09-16 10:59:19
我有一計:如果搵地小組看到我的訊息,可以考慮到火星去開發土地。我的這一計非常有效,希望你們認真考慮考慮。
7. 忍者 2019-09-16 11:09:15
其實今次示威真係幫咗想上車或上樓既市民。林鄭早前已表明今次示威同房屋問題有關,變相用示威活動做籌碼同地產商討價還價,邊個地產商夠膽say no?
9. 引刀一快 2019-09-16 11:27:12
要解缺,最理想就係飛地。
10. 十一哥 2019-09-16 11:30:49
一計哥  唔洗玩到離鄉別井咁遠去火星、現成有一計…基於普世價值觀…公平/公正/公開…應該討論一下…收回山頂打落D單楝屋…石澳…淺水灣…深水灣x哥球埸…壽臣山等等低効用地、咁係創造最多最系~討論空間~嘅妙計…妙計哩 ?


11. To 5 2019-09-16 11:33:26
片哥, 收球場解決唔到地閥作梗嘅問題, 反而存貨又少一塊, 事實上也不容易收, 如果你可以有返多d邏輯,正苦在打硬仗既支持度應該會高返唔少
12. 鳥5 2019-09-16 11:35:05
其實 王 遠輝重點係要政府家可以快啲起, 就增加效率減少唔合作萬收地 。。不過睇番佢話而家政府千三蚊呎要加啲。。 千七蚊呀四叔賣。。咁即係新鴻基畀多三四百。 即係已經標準 化咗千七蚊呎 農地。。 即係阿爺定。 至於銀行call loan講唔講都做緊㗎啦。。 過埋今年audit 出年要定call窿數。。咪同我與是差唔多 12個月內 掹棚
13. 鳥5 2019-09-16 11:39:36
黃遠輝題嘅十萬公傾。。。 仲有重置居屋計劃, 租務管制條例 ,過渡性房屋。。。 大把招數都未出。。。 不過在下覺得最 堅就銀行Call窿, 呢個係商業決定 流動性陷阱...
14. 鳥5 2019-09-16 11:40:51
刀兄, 飛地 阿爺不樓搞緊㗎啦 政策優惠引起上嚟 但係社會成本高
15. 鳥5 2019-09-16 12:11:00
😷😷😷哈哈
16. To 13 2019-09-16 12:50:34
鳥哥, 本土不是冇地, 不過人人都話要與生俱來有一間, 就唔夠, 如果人人睇餸食飯, 放任資本主義, 又唔安樂。黎緊可能四人家庭有四百零呎公屋, 大概係咁計數, 幾年前話要取締劏房, 改變人間地獄, 公屋解決唔到根本無可取締, 舊區也無法改造。
17. 湯瑪斯 2019-09-16 12:52:12

地產建設商會的話透露樓價會持續下跌,其實係希望政府唔好收空置稅。講到樓價下跌,博士喺2018年底估計今年內銀主盤將增加十倍(上年底銀主盤約90,十倍就係900),重話銀主盤過百就係樓價下跌的徵兆。今年初銀主盤果然過百,但一直沒有大量增加。好多人會話博士又估錯。

不過最近聽聞好多銀主盤賣唔出,加上未來幾個月可能會有裁員潮,銀主盤只增不減,有經濟學家估計未來幾個月會增至數百個十。雖然未必有九百個咁多,不過如果暴增幾倍,博士今次就錯唔哂!

18. 湯瑪斯 2019-09-16 12:54:11
地產建設商會的話透露樓價會持續下跌,其實係希望政府唔好收空置稅。講到樓價下跌,博士喺2018年底估計今年內銀主盤將增加十倍(上年底銀主盤約90,十倍就係900),重話銀主盤過百就係樓價下跌的徵兆。今年初銀主盤果然過百,但一直沒有大量增加。好多人會話博士又估錯。

不過最近聽聞好多銀主盤賣唔出,加上未來幾個月可能會有裁員潮,銀主盤只增不減,有經濟學家估計未來幾個月會增至數百個十。雖然未必有九百個咁多,不過如果幾個月內暴增幾倍,博士今次就錯唔哂!

19. 真真薯片 2019-09-16 13:33:29
收高球地後“存貨又少一塊”都係唔應該收高球地既理由?

請問收乜野地唔會導致“存貨又少一塊”?如果咁既理由都成立,咪乜地都唔洗收,只可以填海?咁樣既邏輯水平同人講邏輯,實在令人佩服
20. 十一哥 2019-09-16 14:04:52
乜都衹存不用、揾銀唔好洗、飲食唔好疴、境界高 !

21. To 19 2019-09-16 14:09:24
如果你記憶力好, 應該記得大半年前有一位退休副處, 提議過正苦應該明明白白講清楚, 所有農地如果唔耕田又唔起晒樓到 2047 將一毫子唔賠收返晒, 你試試諗吓一屆正苦得果三幾年命, 精力應該放響邊度。
22. 係希望政府唔好收空置稅 2019-09-16 14:13:03
爺報咪講左囉, 時代海城兩個商場一年賺內地人百幾億, 連一支旗都護唔到, 仲講有咩貢獻可以攞出來。
23. 鳥5 2019-09-16 14:27:14
21F, 實際公屋 大概係十萬左右。。。 輪候冊條數 其實同實際係 有分別㗎呢個人為呀 李易地而處諗下就知。。。
24. To 20 2019-09-16 14:31:06
幾年前林鄭話係制度問題, 那是禾不能同意的回覆
內地的多快好省, 特事特辦, 夠好了吧, 又滋生這樣那樣的問題, 又係唔好
一百個人有一百萬個理想, 然則何以而樂耶?
25. 十一哥 2019-09-16 14:39:04
關鍵點係農地係私產…有業權…好多有營生…面又廣、貴族波地係權貴私授…冇業權…交誼身份象徵…得果千零命吧、緩急先後咁明顯、呢頭黃火未熄…果頭又辣陀地、除非真係想玩謝香港啦!

26. 好多有營生 2019-09-16 14:46:33
走罅話自己耕田順便起多棟的大有人在, 賣散嘅就係咁, 劏場亦如是, 集中在地閥的, 自己年報寫有幾多幾多, 上門拍門數手指攞便是。
27. 鳥5 2019-09-16 14:47:26
十一哥, 金鐘罩已經穿咗。 樓市爆煲全世界都係得一樣嘢。。 信貸違約。  同 供求其實冇乜關係。。。 97供求相當緊張 85000一出其實只係政策根本冇出過街... 當年都係住得迫... 但係同而家 一樣, 都係冇人瞓街。。。 
未上車 千祈唔好上車
28. 鳥5 2019-09-16 14:51:06
明日大嶼可以唔使諗住 嗰個係軟著陸計劃 而家阿爺嗰個係PlanB 硬 著陸 劃。。。
29. To 23 2019-09-16 14:52:30
鳥哥, 此刻多多都唔夠, 冇地談何融合? 你明的
30. 易地而處諗下就知 2019-09-16 14:54:59
鳥哥, 資助環保L 同講獨實在是一線之差, 打擦邊球, 險過剃頭也。
31. 鳥5 2019-09-16 15:02:20
十一哥, 今日加咗兩塊刀片 打靶熊 29100.  打靶 價
32. 鳥5 2019-09-16 15:03:57
香港 住宅樓市最後一個跌嘅地方 死梗
33. 路過 2019-09-16 18:38:21
其實香港人都係衰格架啦,唔見棺材唔流眼淚
34. 鳥5 2019-09-16 20:27:23
29F, 實際真實申請公屋,情況其實冇咁多。 邊個大學生而家一開波就申請假啦。。。 煲大咗就緊㗎啦... 你計大概係五萬間.. 劏房戶就會好舒服㗎喇.. 
35. 鳥5 2019-09-16 20:28:23
3 年, 唔係你諗到宇宙
36. 鳥5 2019-09-16 20:31:19
而家唔係利有農地呀。。 講得白啲係阿爺 幫政府 打劫呀! 幫政府... 高地價政策買最貴賣曬... 而家玩修平地呀... 土地持有人輸到甩轆... 未上車千祈唔好上車
37. 鳥5 2019-09-16 20:41:01
十一哥, 而家有啲新界地主樓都唔自己喺城福劈咗畀人㗎啦。。。 形勢已經唔同曬
38. 鳥5 2019-09-16 20:42:09
水滾呀出年仲 水滾
39. 鳥5 2019-09-16 20:45:44
丁 權單官司出咗之後 ,好多人都想設退㗎喇。。 隨時千七蚊呎 爭住收
40. 鳥5 2019-09-16 20:50:00
家債到7成。 金管局 應該見ccl 130 先至會放按揭 乘數。。唔使諗啦 出年跳崖
41. 鳥5 2019-09-16 20:51:00
出年銀行去槓桿. 梗 㗎啦
42. 鳥5 2019-09-16 20:52:05
得嗰 D D gdp... 銀行點會唔去槓桿啦唔好玩啦
43. 鳥5 2019-09-16 20:59:31
日本人係樓價大跌後先瞓街 自己幻想下... 咩叫供求... 美國 都係樓價大跌後先瞓街。。。 不過當年香港 走有骨氣 玩空中飛人。。。 未上車千祈唔好上車.. 出年再講後年嘅嘢。。 講嘢領先2年太遠沒有意義
44. 引刀一快 2019-09-17 01:43:54
鳥5兄

經典,樓價跌完先瞓街。


45. 十郎 2019-09-17 02:03:43


      其實我不知呼籲過幾多次 , 容許市區工業大廈 ,例如柴灣、 新埔崗、黃竹坑、官塘等 , 優惠補地價或者放寛地積比 , 用來改建住宅 。你話慳番幾多時間、基建、交通、money。


46. 十郎 2019-09-17 02:06:46


      果班廢柴 , 水唔到心口都冇知腳。


48. 十郎 2019-09-17 02:31:26


      我夠資格講歷史 , 香港40至70年代 , 多數幾伙人一齊住板間房(即係E家嘅劏房)、木屋、徙置區、艇屋、籠屋、床位、閣仔。港英交還時 , 基本上全部冇晒。


49. 十郎 2019-09-17 02:40:57


      E家市區的工廠大廈 , 已經名存實亡 , 裏面劏房多過工場  。既成事實嘅野 , 睇到都詐盲 。政府容許違法 , 就唔許改建。無奈。





50. 十郎 2019-09-17 02:44:38


      艇屋即係現在的 “ 愛蝶灣 ”  。
51. 十郎 2019-09-17 03:07:29


      1984年中英聯合聲明草簽時 , 筲簊灣由成安街直到馬會診所 , 由山腳到山頂是木屋區 , 大約包括, 成安村、聖十字徑村、富斗崫村、淺水碼頭村等 , 南安街對出海面是艇屋。柴灣新成街是 “ 玄武宕 ” 木屋區。到1997年交還時 ,13年間可以做好晒。明日大愚 ,傾13年都未必有成果上馬。

52. 十郎 2019-09-17 03:21:17


      同時完成的有 , 官塘雞寮、大坑蓮花宮、石硤尾7層徙置區、大窩口、大窩坪、柴灣7層徙置區等不計其數。

53. 十一哥 2019-09-17 09:25:21
十哥   似唔似…英帝敗走前馴養咗班魚業份子…玩新老細呢?

好似小説情節…江洋大盜打家劫舍…搶咗D細路…養大做爪牙呢?

54. 十一哥 2019-09-17 09:35:27
雀仔  轆七生死七 ?  贏面好高 ! 不過從來唔沾D家嘢。

55. 十郎 2019-09-17 09:49:28


      雀仔-------我懷疑你係一隻烏鴉 , 沙地被爆 , 有可能滞脹添。

56. 上車客 2019-09-17 09:50:47

43/F 鳥哥你講買了樓的還是未買樓的?

老實說, 雖然自己上了車, 但我是公務員, 不怕裁員或供不起, 雖然可能有機會經濟不景會減人工, 但準時供款相信銀行不會call loan. 最壞的情況也不會訓街. 

其實香港人底厚, 買樓比得4 5成首期, 即使跌3 成應該仲捱得住。跌5成就沒什麼可能。

57. 銀行不會call loan 2019-09-17 12:35:30
抵押品跌價補倉, 天下皆然, 至於是否要找清, 不一定, 因為抵押品價值不是零, 除非帳戶出現問題, 總之 call 極都仲有得找, 咪 ok 囉。
58. 沙地被爆 2019-09-17 12:37:20
十哥, 油價低迷對頁岩油同出口都冇好處, 美帝梗要加價又加銷量又砌生豬肉一次過滿足三個願望。
59. 十郎 2019-09-17 14:03:13


      58樓--------呢一樣野 , 老美真係駕輕就熟。後果就如你所講  , 谷高油價 , 跟住呢 ?高通脹前往高息。仲有冇得減呀 ?

      順便請教下 , 低息點解樓價升 ?80年代22厘都升爆燈喎。


60. 80年代22厘都升爆燈喎。 2019-09-17 15:24:23
唔敢話請教, 試回
大量嘅需求追逐有限的銀紙同背後的商機, 等唔切自己賺唯有去借, 息率走上 (直到足夠高開始蠶食自己幻覺為止)
點解借都要上, 因為預期價格向上, 同時預期自己賺得到
鳥哥話頭老闆少利錢多, 以前真係賺到
通脹前往高息, 直到足夠高, 或發現實際根本冇需求, 開始蠶食自己幻覺為止
當貨幣政策人為令息率足夠低, 博奕將回報變成追逐相對回報同 certainty (把握)
雞碎都係錢, 人人買間屋做老闆, 所以利錢薄, 樓價升倍幾租都加唔到三成
至於咩條件下爆, 木宰羊
當年劏 dot com, 概念曾經令人望穿秋水, 然後...
62. 十郎 2019-09-17 18:58:45


      👍👍👍👍👍👍

      野唔怕貴 , 最怕無錢。
      息唔怕高 , 最怕無景。
      賭唔怕輸 , 最怕無運。

      咁樣低息減息係代表有景定無景 ?明白晒。

63. 低息減息係代表有景定無景 ? 2019-09-18 13:20:12
老鮑點解要變鴿? 唔係因為阿爺放水佢就要放架喎, 阿爺睇住經濟規模黎放架喎。