|
|
陳德霖不入地獄，誰入地獄
湯文亮博士
紀惠集團行政總裁
2015年2月4日
金管局陳德霖話樓市如果繼續飆升，會推出逆週期措施。陳總的說話其實是表達政府無奈之處，CY較早前講，如果樓價繼續飆升，市民有要求，立法會又通過的話，政府會繼續出招。現在，莫講話立法會不會通過加辣，甚至連要求政府出招的市民都不多。有人或者會不明白，一向以來，一直都有聲音要求政府出招壓樓市，但他們可能未能察覺，要求政府出招的聲音越來越少，大家唔好奇怪，因為那些人當中，有不少在過去一,兩年已經買了樓，做了業主，又怎會要求政府出招壓樓價，咁樣做，即是倒自己米，世界上沒有如此愚蠢的人。
要求政府出招的人不多，政府就沒有理由出招，但樓價狂飆，在絕殺一招未出之前，陳德霖唯有抱著“我不入地獄，誰入地獄”心態推出逆週期措施，雖然，有關措施尚未公開，但我會相信是針對對細價樓，包括收緊細價樓按揭成數，暫停按揭，甚至管制財務公司借錢，如果細價樓為此而下跌，那些細價樓業主一定罵到陳總反肚，不過，若果陳總唔出招，由另外一位官員出招，情況會更差。
張炳良雖然三番四次說不會推出租管，但請勿忘記，瑞士佬夠話唔會離開歐元，但言猶未矣，已經脫勾，保證，官員點會保證，就算有官員肯保證，他們多數會加上一句，若果在情況不變，就一切不變。倘若細價樓樓價急升，租金亦急升，張炳良就會以形勢有變而推出租管。辦法很簡單，就是現在月租二萬元以下的住宅，租客有權以原租金延長五年，五年後，什麼供應也應該到位。如果出此下策，細價樓就會急跌。陳總亦應該知道此事，故此公開發表將會推出逆週期措施，一番苦心大家又不明白，仲罵到佢飛起，有時，做官真的是很難。
有人認為，租管是會推高租金，這點亦沒有錯，但最少現在租住的人可以享受五年低於市值租金，五年以後，供應大增，租金可能比現時還要低，不過，租管就會大傷樓市元氣，推出之後，樓市都唔知道幾時可以復原，那些最近買了細價樓的人就慘了，豪宅，中型住宅亦會有跌幅，但相比細價樓就溫和得多。若果陳總大膽推出制止細價樓飆升的逆週期措施，目的是希望可以令樓價下跌，繼而阻止張炳良推出租管，實在市民之福，更加不應怪責陳德霖。
|
|
|
| |
| |
|
|
|
|
|
1. e_kam 2015-02-04 09:40:05
|
如果設租管但單位可免差餉差地租同免稅。其實可以諗諗。
|
|
2. 小弟子 2015-02-04 09:47:25
|
假設租金管制實行咁複雜，收緊細價樓按揭成數，暫停按揭〈銀行食西北風〉的管制措施亦不可能。結果樓市方向會是‧‧‧‧‧‧？
|
|
3. KY 2015-02-04 10:05:12
|
香港絕無可能行租管。 政府只要加稅就可以令物業無利可圖，何必行租管？
|
|
4. 中女社社長 2015-02-04 10:05:41
|
陳總在一個非常不合適既時間發表這樣的言論! 三月曾俊華即將發表財政預算案, 手頭有現金打算置業者, 在這一個月時間內會不會發狂不問價買樓?
|
|
5. 吾明大師 2015-02-04 10:10:25
|
其實點解政府吾撤曬所有招，任由市場自行調整，過份升高自然會爆破，買樓既人參與得，自然要食得咸魚抵得渴，冇理由輸打贏要。股票爆升，又吾管，茶記狂加，又吾管，交通費，又吾管，下刪一萬字，偏偏要管制樓市。
|
|
6. 政府大哂? 自由市場已死? 2015-02-04 10:17:13
|
如果政府可以出好似博士講既不平等租務條約,咁香港買樓既人真慘, 呢個所謂自由市場真係唔知係咩市場? 所有措施本來已經對買樓既人唔公平, 政府過去唔起樓, 唔增加供應, 就要出呢的咁奇怪的措施? 咁我有個比博士更好既SUGGESTIONS, 香港樓從呢刻開始, 只可以跌, 唔可以升。其實博士的建議同呢個一樣。不如香港只起公屋, 或者去返共產主義啦! 我其實係博士的FANS, 但博士呢排用太誇張的方法去提醒市民唔好入市, 但呢的講法或觀點就太誇張或奇怪,對嗎? 我還是希望PP兄能給更多數據去分析,謝謝!
|
|
7. 打工仔 Andy 2015-02-04 10:21:27
|
如果真的〝租客有權以原租金延長五年〞, 就在訂立租約時, 將估計五年後的租金加上通脹% 攤分在合約內計算！ 又或者只定兩年死約, 到期業主收回單位自用(重租), 舊客想繼續租就要重新訂約！
|
|
8. 木子 2015-02-04 10:22:01
|
To: 6/F
原因是政府官員比任何一個湯博士網友的智慧都要低
我轉一個師兄的故事:
有個國王看見國民在食樹皮, 命令士兵多種樹, 但忘了無米食才食樹皮, 是要種米非種榭
香港官員一樣, 細價樓狂熱就去起更多細單位, 應增中大單位供應予以疏導才是王道
|
|
9. 小弟子 2015-02-04 10:22:37
|
3樓 KY，「政府只要加稅就可以令物業無利可圖」；要立法會同意通過議案才可行，待議政制 制度下 ─ 搞得嚟，蚊嘟瞓囉‧‧‧
|
|
10. 木子 2015-02-04 10:26:02
|
還有政府有低B的概念:
細單位 與 細價樓 沒有一定的關係
|
|
11. 亮劍 2015-02-04 10:29:22
|
我幾日前講：「請大家緊記，楼市在井噴果時出現的買家有……」現作出補充
1 租住等……呢班人原本係業主，但他們誤信饞言，喺 09年中~14年頭，沽自住去做租客等低位回购，因為他們喺沽自住嗰陣，挖埋一大筆，呢家應仲剩下唔少，你想換楼向上流，應該沒戲！但求其整翻間細碼平淡倉自住，還是有希望的，他們畀政府及所謂「磚家」老點同玩弄咗幾年，佢哋現在唔會再信任何人，因為呢家係「恐慌性補淡倉。」
2 邊緣人……通常政府喺樓市在高不可攀之際，鬼整佢都會傻下傻下，派錢及賣有折扣的「平楼」畀人，等佢哋收声，有便宜誰不去爭埋一份？如此這般就送佢哋一程！ 3 富爸媽……歌仔都有得唱，世上只有爸媽好，唔通兩小無猜，初出茅廬可草百幾個？呢度當然係家長們的財富效應啦！香港有百多萬個業主，大半唔使供楼，要佢哋學人「資助」 D 细路 FP 4 件红山就話無計啫，但叫佢哋「 暫時 」度住一百幾拾個幫手畀首期，我估條龍由尖沙咀排到上水都似。
4 換楼客……人哋真係有實際換楼需要，咁同一時間高買高賣，問題不大喎，呢年幾能夠楼換楼者，銀行應該同你計過算過，驗屍咁驗，呢班能夠順利過關者，這次就算個市「詢眾要求」回少少，你哋最多只係輸機會成本，入少少肉不傷筋骨，淡定有錢剩！
5 草根客……香港有好多「有為年輕人」，佢哋嘅父母因為各類原因而要入住政府的資助房屋，所以不能受惠於呢幾拾年的財富增值浪潮，呢班年輕人輸在起跑線，這数年唯有死慳死抵，每日提早返工以便節省車費；每日帶飯返公司叮來食；仲用緊 Nokia 手機……每月成萬咁儲已好多年，現在唔少人的红部仔已有例如 4~50 個，但他們儲一万之時，他們的目標物業就升10 萬，呢個月係咁，下個月又來多次，沒完沒了……請問呢班草根發唔發癫？最終二選一： 不問世事排資助屋。 不問價上件迷你劏房！
打後半年井噴隨時爆發，陳德霖只能控制佢嘅規模，但不能阻礙佢出現。 因為呢幾年政府各高官的公信力已消耗殆盡！
|
|
12. 日租日日賺 2015-02-04 10:30:39
|
以前睇粵語長片 , 長期租管是否製造了很多再分租的包租婆？
|
|
13. 打工仔 Andy 2015-02-04 10:32:00
|
又或者在訂約時, 要租客簽定租約時自動放棄〝租客有權以原租金延長五年〞才租。
|
|
14. JJ 仔 2015-02-04 10:40:11
|
博士，想問一句：「D 招辣到咁，冇人買樓，到時會否有人願意去買地起樓？」傻仔最多只做一次，你估下次有冇人走去投地？
若然今日是供不應求，冇新供應，又如何解決供不應求？誰說今天是供不應求的尾聲，CY？老實說，我不信。如果今天政府手上有500公頃熟地係手，我就驚！
老實說，我楂雞碎咁多貨，我願意做陳德霖、租管的實驗品，我有信心在 3 輸的 parties中（業主、租客、政府），我不是最慘的一個
|
|
15. 政府大哂? 自由市場已死? 2015-02-04 10:41:43
|
TO 打工仔:
你睇清楚湯博士講既建議係租客有權以原租金延長五年, 並不是從簽五年新租約, 重簽五年業主當然會狂加租。 所以我先咁大反應, 咁既租管如果能夠實施, 真係唔止干預, 係控制。咁我先建議政府收番香港所有私人物業, 全部變成(公屋), 政府定立一千年不能加租條約都得。
邊有咁既野架, 北韓?
|
|
16. P牌仔 2015-02-04 10:45:20
|
博士，我真的不太想講，我認為有必要去想想你文章的邏輯連貫性
|
|
17. 路人W 2015-02-04 10:52:22
|
其實，點解阿湯博士唔帶頭成立一個香港業主黨呢，專責為全香港100多萬業主發聲，如果阿湯生肯帶頭，我一定第一個俾錢俾地方支持。
|
|
18. 打工仔 Andy 2015-02-04 10:54:07
|
如果cy真係實行這個政策, 就不如共產啦！ 真係要〝共鏟〞佢先得, 哈哈哈！
|
|
19. Peter Paker 2015-02-04 11:00:45
|
我有預感今個星期五會有 announcements
|
|
20. 惜緣 2015-02-04 11:04:12
|
蘇軾《題西林壁》：「橫看成嶺側成峰，遠近高低各不同； 不識廬山真面目，只緣身在此山中。」
|
|
21. 奶師仔-- 曾淵滄幼時租管的故事, 大家看看! 2015-02-04 11:17:12
|
筆者對投資的認識始於買樓，出生於一個中產家庭，父親是一名知名度很高的中醫，收入不比西醫差。可惜，筆者10歲的時候，父親逝世了。他一生不懂得何謂投資，家中餘錢全都存入銀行，沒有買樓，沒有買股，居住的地方是租來的，從筆者的爺爺開始租用。 以租維生知置業之理 父親逝世後，留下一點現金及一筆人壽保險金。不久，有人向母親建議把手上的現金用來購買一間小洋房收租，小洋房售價2萬元（新加坡元，下同），連同家具租給駐新加坡的英軍，每月租金200元，年回報率12%，還不錯。之後，租金每兩年調整一次，租金收入是當時筆者家最重要的收入來源。因此，筆者年紀小小，就已經明白買樓收租的道理。 筆者的大哥是父親前妻所生，比筆者大15歲。父親逝世時他已大學畢業，當一名中學教師。不久之後，他結了婚，自己買了一個半獨立洋房，搬出租用了數十年的市區舊屋。 棲身危樓辨租管之弊 大哥搬走後，母親房屋的一半空間租出去，當起二房東。當二房東的利潤很不錯，理由是新加坡在第二次世界大戰後實行租金管制，租金凍結於二戰結束時的水平，永遠不能加。因此，我們每月付26元租金予大業主，當二房東分租一半面積出去，收租200元。因為位置在市中心，而且是商住兩用的房屋，因此出租予商人當辦公室，晚上下班後也很清靜，不妨礙自己的生活。也因此，筆者年紀輕輕就明白租金管制對大業主如何不公平。 當然，大業主收的租金太少，因此絕對不會付一分錢來維修這幢只有3層高的舊屋，一到雨天，家中到處漏水，木質地板蛀了有洞，可以清楚看到樓下的一切。十多年之後，變成危樓，也不得不搬走，搬到新加坡政府興建的組屋。這也是租金管制法的另一個結果。受管制的房屋，很容易變危樓。
|
|
22. 大寶二寶 2015-02-04 11:26:40
|
回社長，
同意，我兩日前已講過。如果佢要出招，就即講即生效，依家有机會樓價再谷多一浸，唔衰攞黎衰。
做咩要講番租管？依家細價樓狂升唔係收租佬做成。係用家剛性需求同辣椒做成。関收招佬咩事件？如果入埋佢地數真係又出錯招，又越行越遠咯。
就算你出租管，都冇有怕。用自住理由收番隻金豬擺返一排再揀客出租，吹咩？到時冇人賣豬，樓價唔跌，租金照升，死未？真係諗清楚先好出蕉呀！
共勉之，哈哈！
|
|
23. 小弟小 2015-02-04 11:31:21
|
全世界貨幣戰一觸即發，貨幣供應增加及低息環境下，香港有如溫水烹蛙，不持有實物將會只有貶值一途。
 
人行傳出招 打貨幣貶值戰 信報財經新聞 – 6時前今年1月15日起，瑞士、印度、丹麥、加拿大等央行陸續減息，歐洲亦啟動量寬，全球貨幣貶值戰不斷升溫，澳洲央行昨天加入戰圈宣布減息25個基點，澳元應聲急挫至6年新低。據彭博引述知情人士報道，人民銀行已做好政策準備，以應對上半年國內外因素對人民幣滙率可能產生的變數，避免出現熱錢大規模流出和短期套利行為，措施包括擴大美元兌人民幣滙價日間波動區間，以及透過每日中間價的設定來引導人民幣滙率適度貶值。 「中國證券網」引述人行前貨幣政策委員余永定表示，央行可適度下調滙率中間價，並擴大滙率波動區間，相信此舉有助抑制套利活動、增加資本外逃成本，並有利提高出口競爭力。 或擴波幅 調低中間價 回顧上月15日至今，人民幣中間價累計下調0.27%，美元兌人民幣市價貶值約1%，但同期人民幣兌歐羅、澳元、韓圜分別升值2.6%、4.9%及0.4%。因強美元周期已確立，人民幣相對其他貨幣更「堅挺」，不少市場人士認為，去年末季出口開始放緩的中國須透過貨幣貶值恢復競爭力，由此形成人民幣貶值預期。其中，中信証券首席經濟學家諸建芳指出，為紓緩人民幣有效滙率（人民幣兌一籃子貨幣）升值壓力，上半年美元兌人民幣或須貶值3%至5%。 儘管市場共識人民幣年內將貶值，專家和學者對上述報道提出的兩項方案有不同看法。中國社會科學院經濟研究所研究員袁剛明說：「人行絕不會有這種消息透露出來，應該是有些學者建議可採取讓滙率貶值的政策。」在他看來，外滙佔款減少，已顯示資金外流風險嚴峻，若央行再釋放明顯貶值訊號，恐令人民幣遭拋售，資金加劇外流。 恒生指暫非出手時機 按人行公布的2014年「金融機構人民幣信貸收支表」數據，去年12月底，外滙佔款餘額約為29.41萬億元人民幣，較11月減少1184億元，並指出人行「斷然不會」此時擴大波幅，因貶值預期加上波幅增加，只會令人民幣滙價更波動，是央行不願見到的。 恒生銀行人民幣業務發展部主管顏劍文則表示，人行雖受外圍貨幣戰壓力，暫還獨善其身，不會直接調整滙率政策，因人民幣貶值預期太強，代價是資金加劇流走，他認為人行寧願優先選擇減息、調降準備金等內部工具來刺激經濟。 針對擴大美元兌人民幣滙價波幅的方案，摩根大通上月底發表研究報告指目前不是適當時機，按前兩次（2012年4月及2014年3月）擴波幅經驗，人行會選擇市場滙價接近中間價時出手，近期人民幣卻多次跌至波動區間下限。
|
|
24. 引刀一快 2015-02-04 11:37:19
|
“我們每月付26元租金予大業主，當二房東分租一半面積出去，收租200元。”
點解大業主唔搵佢分錢？唔分可以踢佢走啫。唔租出去都得咯。
|
|
25. 亮劍 2015-02-04 11:40:04
|
有老友同小弟講：「我知你亮劍對香港楼市的識見，比好多財演同所謂磚家都強，但呢個政府就算你講的全部係事實，结論全部都正確，畀出來的药方如何精彩，但佢哋唔會聽你支笛，你不如死咗條心，慳翻啖氣把啦！你知否甚麼是牛皮燈籠？」 人生得一知己死而無憾，何況現在仲有一班！ 老友們真係講得對，其實我真正係「牛皮燈籠」！ 但人在做、天在看，你叫我亮劍見死不救，小弟實在過唔倒自己果關、實在做唔出呀！
|
|
26. 「口裏說不;行動卻很誠實...」 2015-02-04 11:45:04
|
「口裏說不;行動卻很誠實... 有食力...怕咩呢...」 大潭紅山半島昨日早上率先開售，發售22伙，推售單位定價介乎1,999.1萬至4,735萬元。項目於上午10時開始登記，先處理A組大手買家組別，據了解，最終有21枱客到場揀樓，氣氛不俗。資深投資者湯文亮女兒湯振玲亦有到場，最終購入4伙，均屬3座，包括頂層A、B室，以定價計涉資9,016.7萬元。 另有兩名買家分別購入3伙，有買家購入3伙1座單位，以定價計涉1.17億元，以金額計算則屬最大額；另有5組買家購入兩伙，最終項目全日成功售出21伙，變現約6億元，未能售出的單位為1座14樓B室連裝修單位，料發展商短期內便會加推。 本報昨天向湯文亮查詢，他指女兒入市屬私人投資。湯文亮近日曾撰文認為現時購入細價樓的買家屬「衝動」，他回應指近期細價樓的價錢，與紅山半島折讓不大，故認為樓盤首批價錢有水位，單位將作收租用，料回報率有3%。
|
|
27. 山高雲低 2015-02-04 11:51:07
|
博士說二萬樓下的租金五年內不可加。那二萬樓上的租金可以加嗎? 要是我是業主，我會不會先收回再以20001出租予新租客呢? 如此，豈不是變成最低租金等於20000起步? 豈不死得人多???
|
|
28. 新上車 2015-02-04 11:54:06
|
To 樓上, 冇錯, 再唔係咪雙倍租金, 但每兩個月有一個月租金回贈囉. Prepay 半年就送半年加 iPad mini. 哈哈
|
|
29. 打工仔 Andy 2015-02-04 11:57:10
|
|
|
30. 大寶二寶 2015-02-04 12:01:49
|
回26
又講呢单嘢？ 唔好再提喇，要解釋都已講哂啦。
共遠之，哈哈！
|
|
31. 師奶仔 2015-02-04 12:05:37
|
租管的話, 我實叫到高一高; 預埋5年內的升幅, 哈哈!!
政府要是再加太多管制, 香港僅餘可以搞得起 的'房地產' 都會壽終正寢! 甚至一命嗚乎! 哀哉! 哀哉!
香港完旦了
|
|
32. 山高雲低 2015-02-04 12:14:52
|
JJ兄: 放心，政府不致於蠢到出租管這一招。因為租管一出，天下大亂。 博士說:「倘若細價樓樓價急升，租金亦急升，張炳良就會以形勢有變而推出租管。」 只是戲話。是怕他蠢，叫定他不要蠢。 因為博士又說出真相:「租管就會大傷樓市元氣，推出之後，樓市都唔知道幾時可以復原」 即是一條死路，你盲丙種來????????
|
|
33. 貪婪的人 2015-02-04 12:36:44
|
支持湯博士 如果唔係啲業主太貪婪 相信亦唔需要政府出手 政府不嬲專重自由市場 但啲業主太狼死 政府迫於無奈唯有出手!
|
|
34. 貪婪的人 2015-02-04 12:36:50
|
支持湯博士 如果唔係啲業主太貪婪 相信亦唔需要政府出手 政府不嬲專重自由市場 但啲業主太狼死 政府迫於無奈唯有出手!
|
|
35. 八十後 2015-02-04 12:44:32
|
|
|
36. 路人 2015-02-04 12:56:29
|
今時今日咁嘅服務點得架？ | 類別: | 封租.追租.收樓.租務 |
|
| | 題目: | 甚麼是生約？業主是否有權不續生約的租期？ |
|
| | 作者: | 葉謝鄧律師行 |
|
| | 內容: | 生約是指租客有權以協議的租金，再續租該單位，換句話說，業 主無權不續生約；當然，如果租金下降，低於協議的生約租金，租客寧![]() 願不要生約的權利，再與業主達成租用協議，所以生約基 本上都是對租客有利的。 要知更多：WWW.FE.HK 律師代表業主追租、快速申請封租令或收樓令 |
|
|
37. TO 33樓 2015-02-04 12:57:57
|
to: 33 樓
業主何來貪婪之理? 33樓請搞清楚, 為什麼至今, 樓價仍然是升到這個水平? 政府沒有做好工作, 提供足夠供應是大忌. 有資金在手的人去投資自保, 尤其在金融海潚之後, QE水浸..令銀紙貶值. 不知33/F是否業主, 抑或租客. 做人必須要有量度, 不可以吃不到的葡萄是酸的.
|
|
38. N 2015-02-04 13:30:53
|
講真政府真係多魚，呢輪購買力消耗曬市場自不然平靜。如果細價樓都管埋，普羅大眾上車真係無望。就算比你推冧個市，D人都係上吾島車，經濟轉差可能工都冇埋。成日聽埋D习民講，我上車前咪打2份工。冇錢學咩人上車
|
|
39. N 2015-02-04 13:30:55
|
講真政府真係多魚，呢輪購買力消耗曬市場自不然平靜。如果細價樓都管埋，普羅大眾上車真係無望。就算比你推冧個市，D人都係上吾島車，經濟轉差可能工都冇埋。成日聽埋D习民講，我上車前咪打2份工。冇錢學咩人上車
|
|
40. 打工仔 Andy 2015-02-04 13:51:47
|
所以, 我是這樣寫： 又或者只定兩年〝死約〞, 到期業主收回單位自用(重租), 舊客想繼續租就要重新訂約！ 又或者在訂約時, 要租客簽定租約時〝自動放棄〞租客有權以原租金延長五年才租。
|
|
41. 長毛粉絲 2015-02-04 14:29:16
|
香港不是梁振英錯，而是公務員的錯。有鬼佬在的時候，鬼都變了人；鬼佬走了以後，人都變回了鬼。香港人繼承了中國人的優良傳統，自私和功利。一有了權，就為自己服務！香港的房屋問題，完全是公務員搞出來的大頭佛。我是大頭佛的得益者，但我都要罵鬼！
|
|
42. 小弟子 2015-02-04 14:36:41
|
假如 張炳良 推出租管：講咗咁耐，政府推出新的租務管制措施 ，使唔使立法會通過呀？！提出議案先講喇‧‧‧！
|
|
43. 無形的手 2015-02-04 15:11:03
|
無形的手始終是無形的手,左手右手根本沒分別,就是干預了自由巿場應有秩序~唉...連地產投資界老手都有如斯奇異的想法..難怪我們的嘉誠要遷冊了...
|
|
44. 亮劍 2015-02-04 15:15:34
|
小弟發覺政府真的好驚十下十下，每次出招壓楼市，都係 CCL嗰陣的指數，比對一年内的平均價，升咗一成果陣。
例如 CCL 喺 09 年 7 月 27 日到 8月 2 日嗰期，已經開始升穿一年平均價一成呢條死線。
直到同年 10月12日~18日果期，政府見呢個指數比一年 CCL 平均升咗 15.11%，真係是可忍孰不可忍，所以果斷在 10月24日出「減 20 M以上豪宅的按揭成数到6成」，打嚮打房第一槍！
開第一槍之後，楼市並無回落，所以政府再喺 10年2月25日，再「加 20 M嘅豪宅 SD」。
CCL 喺連吃兩招悶棍後，升幅回咗「只係少少」，最新報的 CCL，大多比 1 年平均價升一成，因此政府继續在 10 年 4月 28 日出 「9 招 12 式」及「一手楼銷售規管」，呢嘢勁囉，因為呢鑊打到發展商咩一聲！ CCL 自此真的回應政府訴求， 當堂好似打了懵仔針咁，真的升得慢了好多，政府乘勝追擊，再喺同年 8 月 14 日出埋「 3招 14式」加「禁楼花摸售」！
我最記得果陣，阿堅叔上電視電台鬼揸，曾蔭權就滿面春風，成為強烈對比。 点知 10 年 11月 1日到 7 日果期 CCL，又升破 1年平均 10 %，呢次權哥發爛渣了！ 佢立即叫伙記做嘢，呢次喺 10 年 11 月 20日出 「SSD」！
正當曾蔭權躊躇滿志之時，坊間有識之士就話：呢個 SSD 的後果，會做成鎖盤效應，因為業主賣完楼若是要再買翻，咁就要鎖你兩年，那阿水賣楼變現？
之後劇情的發展，係2手成交急降，但個價就係咁升，政府继續睬你都優，「增地皮供應」、「復建居屋」。 到 CY「意外地」做咗特首，又拍心口會增加供應，同一段時間，CCL畀人為撳實，只是慢慢上升。
直到 12年 10月15日~21日嗰期，呢個 CCL又再次比一年平均升超過一成。 呢次梁班子效率真的好快，立即喺同月 27 日公告天下，「SSD 加夠 3年」，再私人醒你 「BSD」！
但因為呢個市底真係厚，大把剛需客繼續入市，楼市拒絕回落，因此CY再喺 13年 2月23出埋「DSD」！
呢次CY真的「打蛇打七寸」，呢下自殘攪到無論乜差嘢磚頭，那些買家立即一哄而散， 成交大幅回落，地代唯有齊齊返公司食蕉！
現在呢一刻，CCL現指数比一年平均要高出 7.71 %，呢次 CY 幾時再出蕉，小弟拭目以待！
|
|
45. 歷史長河 2015-02-04 15:32:57
|
|
|
46. 巿場供應依賴一手樓 2015-02-04 15:35:39
|
04/02/2015 10:54 《投資智慧－鄧聲興》「加辣」非為要令樓價下跌 《投資智慧》金管局總裁陳德霖日前出席立法會財經事務委員會會議時表示，本港樓市自去
年第二季起轉趨活躍，第二至第四季平均每月成交５９００宗，一手樓成交較暢旺，中小型單位
價格亦有明顯增幅。他表示，若樓市持續升溫，金管局會在適當時候推出逆周期指施，引起市場
猜測當局或再出「辣招」調控樓市。
＊應對美加息對港銀行體系影響＊
不過，金管局已推出了六輪逆周期措施，基本上已杜絕炒家，現時市場上買家主要為上車客
及長線投資者。筆者相信當局現時「加辣」非要令樓價下跌，而是為應對美國一旦加息對本港銀
行體系的影響，因預期若金管局在短期內加辣，措施包括收緊按揭成數、按揭保險、銀行壓力測
試等，這些措施對樓價影響不大，反而會提高入場門檻，令上車客更難上車。
由成本方面來看，現時本港隨美國逢行低息政策，美國在結束買債措施後雖然有加息預期，
但在歐洲等央行放水下，以及現時美國１０年期債息低於２厘以下，料美國難在首兩季度加息。
另一方面，本港租金水平持續有增幅，投資者自然傾向將資金投資於固定資產。
＊市場供應依賴一手樓＊
從供應面來看，港府雖然在剛公布的施政報告中表示，由２０１５至２０１８年每年房屋供
應目標２萬，但未能滿足每年２﹒８萬個的房屋需求。另外，受制於當局雙倍印花稅等「辣招」
令二手盤源減少，市場供應依賴一手樓，令整體供應更加緊張。歸根究柢，樓價高企主因在於供
應不足，要解決市民置業問題還需由增加供應著手。《ＡＭＴＤ證券業務部總經理 鄧聲興》
（筆者為證監會持牌人士及筆者未持有上述股份）
|
|
47. 我就係 2015-02-04 15:39:02
|
我三個月前買左樓但我希望樓價下跌三成!樓我要自住逼買,但如果樓再升香港亂對我黎講冇好處 唔好講話咩而家叫我平三成賣之類等廢話,不嬲覺得樓係用黎住,買多過一層就應該立極重稅!!多建公屋,減少海外移民先係防止社會分化既良策
|
|
48. 引刀一快 2015-02-04 15:51:20
|
打工仔兄
好嘢，學晒大陸嘅“上有政策，下有對策”，我都唔支持租管，破壞業主同租戶嘅關係。
|
|
49. to 18/f 2015-02-04 15:58:59
|
哈哈哈你估如果香港玩共產(記住唔係支持共產黨!)支持既人多定反對既人多？我驚最尾係業主集體被共鏟..
|
|
50. 引刀一快 2015-02-04 16:04:41
|
“ 我驚最尾係業主集體被共鏟..”
2047年，地契大量到期，你有機會預言實現。
|
|
51. 亮劍 2015-02-04 16:14:16
|
我、老婆及她的長輩，夾埋成十間，所有磚頭都是 999 年期，真「磚」不怕洪爐火。 但要是 2047 年的磚頭，真的沒收；唔續約；要畀超貴補地價，那麼持有呢 D 磚頭嘅業主，會坐喺度任人宰割吗？？
|
|
52. 師奶仔 2015-02-04 16:19:16
|
回歸民革年代, 全部有資產的都被批鬥, 批曬啲財產去.
2047年? 我都唔知係邊度囉 無眼睇
|
|
53. 打工仔 Andy 2015-02-04 16:26:02
|
引刀兄 兵來將擋、水來土掩, 我都係講下笑姐！ 哈哈哈！
|
|
54. 大寶二寶 2015-02-04 16:42:44
|
回刀兄
咪咁儍喇。試諗吓如果要補地價，D人個個沽哂D2047年到期樓而追棒D999 年期樓，到時樓市咪亂哂大籠？同一質素嘅樓係唔同地段起碼差四、五成？香港會大亂囉，我估唔會囉。
最有可能係喺2037 年開始放風/落實繼續續約落去也。
共勉之，哈哈！
|
|
55. CD ROM 2015-02-04 17:01:12
|
掉番轉咁講, 當宜家999同99年期既樓並無明顯折讓既時候, 純用投資果度ignore自住因素, 我老虎都hold 999年啦 !!!
我自己都剛從99轉999~~~~
話時話, 有無師兄知道薄扶林花園點解2006就夠期? 我都係呢排攪緊個車位先知要比埋地租... 睇漏眼......
|
|
56. 亮劍 2015-02-04 17:08:46
|
呢篇「地契年期危機」講嘅嘢，點睇？
自從由美國回歸香港以後，我住在西環已經有4年了。頭一年時租樓住，第二年就在堅尼地城購買了一個小單位自住。近年，我有見西環未來地鐵開通以後的發展，都打算在西環再置業。
近日與朋友談及置業這個問題，他帶出了2047地契年期的問題。他說甚麼我們現年3X歲，到2047年我們6X歲，地契年期到期，政府有權收回土地，到時便一無所有了，用數百萬去擁有一個物業數十年值得嗎? 那我們又為什麼要置業呢? 真是一連串的好問題!
於是我在網上尋找資料，找找我現時居住的物業以及一些西環名牌樓盤的地契年期資料，看看究竟!
現時居住的物業-------地契年期 2877 (尚餘 868年) 有興趣購入的物業 ----地契年期 2886 (尚餘 877年) 泓都 ------------------地契年期 2052 (尚餘 43年) 寶翠園----------------地契年期 2030 (尚餘 21年)
我現時居住的物業尚餘 868年，相信我那時候已經不在人世了! 而樓宇能否經歷一百年也成問題，2047地契年期危機看來與我現時居住的物業不太扯上關係。有趣的是一些近年新建的物業如寶翠園及泓都等，反而有地契年期危機!
好理論咁講，政府可以在 2030 年後收回寶翠園土地擁有權，因為土地是屬於政府的，我們是無擁有權的。但事實上政府收回的可能性不高，因為收回土地一定會引起社會動亂。因為這不是單單寶翠園的問題，而關係到香港很多很多物業，若真的有這一天，相信到時會有上百萬人上街遊行了。很多資料顯示政府多會以徵收地租方式向所謂業主交換土地使用權，所以也不用太擔心。
薄扶林花園地契在2006年6月11日已經到期，據了解薄扶林花園的地契租約沒有續期權，故須辦理延長租期50年事宜，並要繳納地租，差餉物業估價署會向業主徵收重估差餉的3%作為地租。
世事無絕對，續租與不續租根本沒有任何保証，一切都要看2047年的香港特首及中央政府的決定了。下列一篇轉載文章 "港島樓宇重建價高" 是很值得各位"業主"去看看! 祝各位"業主" 一切順利吧!!!
========= 參考相關討論 ===================== http://www28.discuss.com.hk/archiver/?tid-8596398.html
========= 轉載: 港島樓宇重建價值高 ============ SOURCE: http://hk.myblog.yahoo.com/kwoksirblog/article?mid=52
傳統智慧告訴我們, 港島樓價比九龍高, 而九龍樓價又比新界高, 原因之一是金融股票業, 大部份都在香港島, 再加上港島的土地供應非常有限, 要填海興建中環灣仔繞道已經這樣困難,更何況要填海增加土地供應呢!
香港島的重建價值高, 主要是在土地用途規劃及地積比率這兩點。 港島區的用途規劃比九龍及新界靈活, 如灣仔區及中上環區, 分區規劃大綱圖中顯示多個地段規劃作C/R, 即商住兩用, 地段在重建的時候, 發展商可因應市場需求, 發展商業大廈或商住兩用的樓宇, 而九龍區方面, 自1993年起, 所有地段均限定用途, 如R(A)代表甲類住宅用地, 而C則代表純商業用地,發展商並無其它選擇。當然他們可以向城規會申請更改土地用途, 但成功的機會, 可以說是微乎其微。
其次是地積比率, 香港島住宅用地的地積比率由八倍至十倍,視乎地盤的種類, 而九龍區商住用地的地積比率最高也不過是九倍, 至於商業用地的地積比率, 香港島是十五倍, 而九龍只是十二倍, 足足小了三倍, 這點正反映在港島及九龍商業物業的樓價上。 值得一提的是地契年期這個問題, 1842至1848年這些早期批出的港島區土地, 年期只有75年, 而由1848至1898年間批出的港島地段, 大多為999年期, 這些土地大都座落於北角、灣仔、中上環、半山及山頂等, 999年期可以說是香港島的特式,九龍則只有星光行及尖沙咀部份地段為999年期, 其餘的大多數為75年可續75年的年期。999年嚴格上說近乎永久地, 這點連國內的投資者也覺得驚訝, 因為國內土地的使用年期, 最多也不過是70年。 有人說國內樓價比香港平宜得多, 但當加上年期這個因素, 結果可能便不一樣, 筆者在2002年於上環購入一個地鐵站附近的商廈單位, 當時的呎價是一仟元, 現在已經升值三倍。當時我所考慮的就是年期, 一仟元一呎可用999年,即每年只需一元, 這樣平宜的租金, 為甚麼不買, 況且建築成本也要一千元一呎, 我買的物業沒有付出任何地價, 這些投資那有輸的道理。
筆者曾向傳媒表示, 政府致力重建灣仔, 背後可能別有用心, 因為灣仔區的土地很多都是999年期, 市區重建局把這些土地收回, 再賣給發展商的時候, 批租年期便由原來的999年變成50年, 如尚翹峰及嘉匯軒等物業, 小業主在這50年內, 都要好像新界的居民一樣, 每年繳付應課差餉租值百份之三給政府,作為地租。 本人相信政府會主力收回這些999年期的地來重建, 港島的居民應該及早自發起來, 重建物業, 否則到時後悔,便可能太遲了。
|
|
57. Oscar Lam 2015-02-04 17:18:33
|
回刀兄、孖寶兄，
同意孖寶兄的見解。穩定壓倒一切。地契之事牽連太廣，屬於政治問題多於經濟稅收問題，政治問題政治解決，少擔心！
|
|
58. CD ROM 2015-02-04 17:23:59
|
亮劍兄, 又受教了~~~ 雖然危機出現機率低, 但多一點資訊是做好風險管理的重要一步…… 呢3%地租對我來說是一個好好的教訓, 我真係去到律師樓簽野先知…真抵打~~~
|
|
59. 大寶二寶 2015-02-04 17:43:38
|
仲有呢個補地價問題都唔係咩秘密，你我都知。既然已知嘅資訊應該已反映係現價上。唔會去到2040年先至諗番起。現在唔同屋苑樓價高底分野就己經反映埋，所以現階段我地又何必庸人自擾呢。
共勉之，哈哈！
|
|
60. C老闆 2015-02-04 17:48:06
|
金管局總裁陳德霖日前表示︰若樓市升勢持續，不排除採用逆周期措施，去冷卻樓市。 近期樓市的升勢，的確有點瘋狂。一些遠離市區的細單位，也升到二萬元一呎，簡直是匪夷所思。 然而，由於供應仍處於低水平。香港的樓只需少數高收入的人追捧已可以消化掉，發展商無需理會其他的人是否負擔得起。要等到樓宇的供應量增加，發展商才不得不把銷售的對象擴闊。把那些收入較低的人也列為要爭取的對象；屆時，發展商就會按這批收入稍遜的人的負擔能力來訂價，樓價自然會向下調整。 可惜，要增加樓宇供應並非一兩年裏就可以做到的事。所以政府雖然出了這麼多辣招，樓價依然穩步上升。加上日本與歐洲都仍在拚命增加貨幣供應，資產價格焉能不升？所以金管局雖然不斷提醒市民，美國很快會加息，但市民卻認為美國加息的作用已被日歐的QE所沖淡，入市的興緻依然高漲。 我雖從事地產代理的工作，但從香港的整體利益出發，亦覺得日益偏高的樓價會對社會有很多負面的影響。讓這麼多的年輕人覺得自己一世都沒有機會置業，對前景感到失望，對社會並沒有好處。因此，我並不反對政府採取措施去遏抑樓市。但這些措施應由發展局與房屋局出手，而不是假手金管局。 金管局的工作是：維持貨幣與銀行系統的穩定，令香港的金融系統可以順暢地運作。金管局並沒法增加土地供應，亦沒法制訂資助住屋的政策，根本不可能從根本上去解決房屋問題。由金管局出手去遏抑樓價，不但出師無名，而且不會有實質的效果。 如果從銀行系統的安全角度來看，香港的存貸比例合理，銀行的風險可能是借了太多的錢給內地公司，而非香港的樓宇買家。香港的小業主超過一半已供完樓，餘下的小業主供樓也只佔他們家庭入息的三成左右，即使美國加息，亦不會有大量的供樓者沒法承擔。所以銀行系統應十分安全，金管局若然在這個時候出手，只會落錯藥。
金管局能做的，不外是加息與降低按揭成數。美國未加息，香港沒法加息，硬性要求銀行用某個按揭息率，會妨礙銀行之間的競爭，令消費者失去選擇。因此，金管局能夠做的，只會是要求銀行進一步降低按揭的成數。 現時，中小型住宅一般可借樓價的六至七成，如果降到只有五至六成，一定會有一大批準買家被排除出局，失去買樓資格，這只會令更多的市民感到不快。 要解決房屋問題，最為有效的方式是增加供應。現在發展局與房屋局不出手，改為靠金管局出手，不可能有好結果。
|
|
61. 威威食雞 2015-02-04 18:23:25
|
朝令夕改 , 人心惶徨 , 到時投資不如炒賣 ,滿城皆貨 , 贏錢笑呵呵 , 賠錢等接濟 , 無必要安居樂業做業主了 。
|
|
62. LYC 2015-02-04 19:51:12
|
|
|
63. 肥婆四 2015-02-04 20:05:25
|
陳德霖炒得？
撰文:曾智華
欄名:肥碌出馬
食得鹹魚抵得渴，做得公眾人物，尤其政府高官及議員，就要面對毫無情面公開批評、揶揄（當然間中都有讚嘅！）甚或俗語講——插！你收得公家人工，薪高糧準，福利羨煞外間打工仔，安全感百分百，又手執大權，自然引來人性妒忌及要求多多，理所當然。
所以，當金管局總裁陳德霖公布去年「渣斗」業績只得百分之一點四，我身邊所有財經界老友皆咕咕聲，大叫：「喂，炒得！一係自己辭職！」最㷫斗為粗口 L，此君乃金融界教父級人馬，如今退咗休，更可以肆無忌憚噓爆位高權重的財金官員。（退休前受得佢哋氣多？）
「大佬呀，Norman Chan 貴為金管局總裁，成千萬年薪，揸住萬億計錢玩，底下又有無數猛料分析員幫手。喂，如此條件，交嗰百分之一點四回報俾香港巿民？唔係 fa？」老李飲多兩杯，頭筋都現：「百分之一點四，仲渣過強積金回報，更跑輸大巿，根本無面見人啦！若果 Norman 任職證券集團基金經理，老闆及客戶點會收貨？巿場最無情，你收得千萬年薪，唔該醒醒定定 perform，證明你值，否則，out！」
粗口 L 出任國際證券集團高層 N 年，早已習慣冷血工作環境，一切只講效益，其他全屬廢話！本來，退休後重新變回一個「人」，追求正常而有人性嘅生活。但始終血液滿是炒家細胞，一講回老本行就扯火。
我肥碌點睇？哈哈，香港財金官員尤其財爺（歷任呀！）每年估錯巿已屬奉旨。佢下屬金管局老總久不久 underperform，算啦！不過，陳德霖應知，巿民耐性有限，千祈咪有下次。
|
|
64. 亮劍 2015-02-04 21:35:15
|
C老闆……在上年3 月中我這樣寫過……
以下 10 幅比較大件嘅「豪宅地」，由 09 年尾到 11 年中，共為庫房帶來共 58X 億收入，除紅磡灣填海區地皮樓面地價約 9,597元，以及科進路 23 号平均 7,2xx 元外，地產商地價成本最少都過万，現在都唔知點算！
--昨日(2009年12月28日) 舉行今年最後一次土地拍賣，推出大埔白石角最後兩幅臨海地皮，結果分別由信置及與嘉華國際合組的財團以共104億元奪得，平均每方呎樓面地價逾七千元，料兩地總投資額約180億元，建築費每方呎2,600至2,700元，較毗鄰三幅地皮貴四成至五成，樓面面積約1.48百万平方呎
(天賦早一排賣樓花還未清倉)。
--10年6月8日，港府首度透過不定期拍賣方式主動推售的何文田前山谷道邨二期豪宅用地，在多家大型發展商爭奪下，最終由新鴻基地產（00016）以109億元高價投得，不但超過市場預期上限，並且較底價高約60%，創歷來政府賣地第二高成交價紀錄。該地皮平均每方呎樓面地價達12,540元，創九龍區豪宅用地樓面呎價新高，新地預期項目總投資額達180億元，樓面面積約87万平方呎。
(總投資額達180億元，地價係109億，中間建築成本咪71億？樓面面積約87万平方呎。即每呎發展成本等如 8 K多)？？？
--備受市場注目的山頂聶歌信山道豪宅用地昨日(10年7月28日)拍賣，最終由首度合組財團的南豐及九倉（00004）斥資104億元投得，較開價高30%，平均每方呎樓面地價逾3.2萬元，業界預期物業落成後，分層單位及洋房售價每方呎可達4萬及5.5萬元，樓面面積約32.5万平方呎。
--長實於10年8月17日中兩件，第一幅拍賣為九龍亞皆老街204號前民安隊訓練中心地皮，開價為28.57億元，最終更以41億元成交，高勾地價43.5%，平均每方呎樓面地價約達10,398元，樓面面積約39.4万平方呎。
第二拍賣的紅磡灣填海區地皮，競投氣氛熱烈，最終以35.1億元售出，地皮平均每方呎樓面地價約9,597元，高勾地價約98.3%，樓面面積約36.6万平方呎。
--昨日(10年8月31日)拍賣的九龍塘義德道一號豪宅用地，拍賣氣氛熱烈，最終由嘉里投得以12.85億元成交，不但遠超市場預期上限，並較開價高95%，平均每方呎樓面地價逾1.65萬元，為歷來政府賣地呎價第四高，同時為九龍區新「地王」，樓面面積約7.79万平方呎。
--昨日(10年10月12日)拍賣九龍塘義德道三及五號豪宅用地，最後由華懋集團斥資16.3億元投得，較開價高約54.8%，樓面呎價約17,976元。成交價雖屬預期中位數，同時樓面呎價較義德道一號僅高約8.3%，但已再創九龍區新高。華懋稱，施政報告無影響意欲，料總投資約20億元，估計開售價每方呎最少2.2萬元，樓面面積約9万平方呎。
--昨日(11年5月12日)舉行的拍賣會吸引多家大型發展商到場競投，其中「打頭陣」的司徒拔道前嶺南書院豪宅地，由新地以44.9億元奪得，每方呎樓面地價約24,829元，預計連地價計算項目總投資額達80億元，樓面面積約18万平方呎。
(總投資額達 80億元，地價係 45億，中間係咪 35億？樓面面積約18万平方呎。即每呎發展成本等如 19 K多)？？？
--政府昨(11年6月9日)舉行本年度第三次地皮拍賣，波老道豪宅地以95億元開價，最終由長實擊以116.5億元奪得地皮，高開價約22.6%，樓面呎價約26,763元，樓面面積約43.5万平方呎。
人哋發展商出價投地那時，係預咗以溢價賣俾全個世界最頂尖，最有米嗰班人，但一年多前政府就話港人首置優先喎，仲要抽人 BSD 及 DSD！
--那麽上邊嗰啲樓的客路係咪窄咗先？
--發展商咁樣被人揾老襯法，唔通就要硬食？
--就唔可以通過補充翻啲「平地」來減少損失？？？
我上面幾段嘢所講，前幾年入咗香港豪宅地發展商，包括長江、新地、會德丰及信置等已經坐曬艇，喺度小露寶！
為求減少損失，他們已經或將會做嘅嘢係⋯⋯
--減少投地
--減慢建築進度
--樓盤唔平頂都唔攞出來賣
--放售其他資產及分拆子公司以改善盈利及現金流
--將落成嘅樓盤放租以避風頭
--搵人或親自披甲上陣，去區議會「發表意見」，以阻撓你波叔任何增加私樓土地嘅途徑
--發動輿論攻勢要求輸入外勞，呢一鑊人哥閒姊一定唔肯過你，咁就可將樓盤落成延誤嘅問題呢個燙手山芋拋咗去政府嗰度
--流你大西北及大埔標，因為呢兩度係 14－15 年供應重心，大把地排隊等推
--一喺落個半價標搏大霧，一係索性連意向書都唔交，標都唔落
--農地補地價當然睬你都有味
現在地產商俾人搵笨搵到頭上，佢哋唔發爛渣你波叔就當人流、會唖忍？
你政府想插人兩刀之後就行人，呢個世界那有如此便宜同着數嘅事？
呢班發展商惡慣，可是省油的燈？
總之你政府唔俾人「低價」補翻幾幅地，以溝淡土地成本價，咁你呢個財政年度，可推出倒萬四個單位嘅土地出來，都當我亮劍輸！
|
|
65. 三Ｔ 2015-02-04 22:07:36
|
作為一個有承擔的政府，該不是整天喊小心，出辣招，把住宅單位數目當成政績來吹噓。該是時候減少單位落成量，換取增加單位平均面積，免得今天的＂政績＂成為明天的詛咒
|
|
66. Beyondimagine 2015-02-04 22:15:25
|
租管兩萬樓下,好呀！
益左三萬那批, 例如紅山那批囉
大佬呀租管,你估古巴咩
|
|
67. 亮劍 2015-02-04 22:42:06
|
正如我喺64楼所寫，政府前幾年擺明揾人哋地產商老襯，所以四大之後根本就無去同政府傾農地補地價！
Cy又說甚麼補地價先導計劃，喺幾時先搅得成呀！
|
|
68. 引刀一快 2015-02-05 05:01:26
|
Oscar Lam兄
聽你講你投資上海寫字樓，咁你有冇同大陸物業補過地價？有嘅話你唔會咁老定。
|
|
69. 引刀一快 2015-02-05 05:10:11
|
大寶兄
我冇話呢個係秘密，不過係大家應該要留意嘅事項，大陸嘅政策其實咩都係國有嘅，所以亦造成投機者主導嘅社會風氣。 當然，三十年后咩世界大家都唔知。不過可以預計嘅係，不變嘅50年，最后幾年，政制同管理都會無限接近大陸。
|
|
70. 引刀一快 2015-02-05 05:11:57
|
亮劍兄
999年當然好，會唔會到時集體新定年期，將999年嘅地契封存喺歷史呢？拭目而待。
|
|
71. 引刀一快 2015-02-05 05:14:49
|
打工仔兄
你收緊大陸租，肯定充分吸收咗大陸嘅“靈活”喇！
|
|
72. 引刀一快 2015-02-05 05:58:04
|
其實係有人咁講，我隨口答下啫，唔駛咁認真。
|
|
73. 打工仔 Andy 2015-02-05 09:21:05
|
早晨引刀兄 我三十年前已經回內地自由行及工作, 內地一線城市真係進步咗好多好多！我是中國人, 哈哈哈！
|
|
74. bestapple 2015-02-05 12:36:55
|
自各下轉變看淡以後,智力有如開始衰退的老人.............
|
|
75. 引刀一快 2015-02-05 14:58:35
|
|
|
76. 引刀一快 2015-02-05 17:19:33
|
打工仔兄
咁你比引刀投身大陸仲要早十年喎，要多多指教。
|
|
77. Oscar Lam 2015-02-05 18:00:27
|
回刀兄，
在下在購入上海寫字樓時，中介有告訴我物業的產權年限很長，有46年，當時我也沒有在意這點。這次是我初次投資大陸房產，由於不太熟悉大陸房地產，我的想法很簡單，找中國最好、最有潛力的地方，所以我選擇上海。個人喜愛工商物業，且上海未來必定發展為國際金融中心，所以我選擇較簡單的寫字樓。在上海，我選擇最好的商業地段，所以我選擇南京西路商圈，地點類似香港的金鐘、中環，但價格相等於香港的三分之一，有大的基金公司租約，且有5.5%回報，所以我就買了。
當然我也考慮了上海買賣寫字樓不容易，按揭利率高，稅收較高等問題。反而產權年限則顯得相對不重要了。
|
|
78. CD ROM 2015-02-05 18:40:28
|
小弟也剛從上海回來, 現也身處深圳office準備收工回家吃飯~~~ 估唔到師兄們都係大陸工作/投資老手~~~
我只係80後一名, 不過呢5, 6年經常在大陸工作, 確實感到自己跟同年紀朋友對大陸既想法差天共地~~~ 更經常被定位為親中人仕.....
有機會詳談~~~
|
|
79. Oscar Lam 2015-02-05 19:35:38
|
|
|
80. 打工仔 Andy 2015-02-05 20:37:16
|
引刀兄, CD Rom兄
有機會要跟你地學下野至真! 你地會update d !
|
|
81. 引刀一快 2015-02-07 15:34:44
|
Oscar Lam兄
46年産權嘅寫字樓，即係喺黃金地段新起嘅，OL兄，睇嚟係重磅投資喎。 我聽到上海果邊嘅消息係兩極分化，齣年我要過去走走，已經4年冇過去，睇法唔係最新。
|
|
82. Oscar Lam 2015-02-07 20:05:07
|
引刀兄，
這次上海投資不算重磅，價值大約等於香港的一間三、四線民生舖，每平方米人仔56000，價格大概等於香港同質素寫字樓的三分之一。
上海的發展令我驚嘆，也使我擔心香港未來的發展。如果有時間，刀兄值得去上海走走，看看昔日十里洋埸今日的發展。相比香港，雖然現在投資上海房地產有一些不利的因素，包括二手買賣不如香港容易，稅率較高、按揭利率高，但我認為，既然全中國買家均面對相同的問題，而我自己又看好上海未來的發展，第一歩遲早要走，那不如早點進入這個市場。
刀兄熟悉大陸情況，有機會大家多交流、交流。
|
|
83. 引刀一快 2015-02-09 06:11:20
|
Oscar Lam 兄
如果56000一方，咁同我估計有距離，我唔敢亂下評語，至于3－4綫民生舖，實不相瞞，我諗我對民生舖嘅理解同定義多數唔準確，請OL兄指教一下，因爲大陸唔興呢種叫法。 租出咗未？個人建議租期可以彈性D。
|
|
84. Oscar Lam 2015-02-09 18:07:58
|
刀兄，
上海寫字樓已租給一家大型的基金公司，三加二，租金每平方每天人仔8.2，后二年加租15%。
民生舖沒有特定的定義，一般指經營民生為主的生意，例如：餐廳、醫務所、五金店、雜貨店、街市等，因這些是必需品，不太受經濟或自由行影響。但隨著通漲、自由行、舊區改造等，這些舖位很大機會升級，租金增加。
三、四線區一般指紅磡、土瓜灣、大角咀、深水埗等舊區，或者旺角、油麻地、元朗等一些二線街道。
|
|
| |
|
|
App下載
