环球金融海啸篇 - 海啸第二波之信用卡贷款

就关於住宅按揭质素，我有一点想补充。在金融海啸期间，香港失业率由2008年7月的3.2%急升至2009年8月的5.4%，期间住宅按揭的拖欠比率却可保持稳定并无上升，反映港人有足够储备且无借大左，有很好的抗逆能力，详情请看图12。

相反，在金融海啸及失业率急升的这段期间，覆盖普罗市民的信用卡贷款，其拖欠比率反而因失业率急升而轻微上升，如图13。从图12 - 13，可以看到普遍业主比普罗大众拥有较强的财力去应付逆境。

图12

图13

自从上次讲完利率后，其本上都冇乜新野要讲，因为真系大局已定，冇新既淡方论点，再交流都冇乜野学。不过见到有新博客入场，又去完外国有D新观察，希望可以有D理性讨论。

早轮去外国收楼顺便视察下，周未当然都会去睇下人地open house, 基本上系要排队入去睇（系得45分钟时间开放），条队多数系亚洲人（大陆人为主，另外有D星加坡口音）。大陆经济唔好，反而令更多钱流出外国，而家美英澳纽加既楼市都系一片繁荣。美国EB5投资移民visa最近仲爆左quota要等下个财政年度先有，之前几年都冇咁快用完（其实呢个只系两年既Visa，之后要加码投资）。

咁香港呢？其实当大陆客都适应3D，一手楼既溢价又会返来，而家地产商又投返地可能都系因为咁，到时就更加冇得跌。

咁大陆转势又会令香港，甚至世界PK吗？就目前所见，以大陆行政能力，2020年人口日本化前要保住基本既稳定唔系问题（系媒体开放绑手绑脚既香港，占中都比佢搅到溃不成军，大陆连google都上唔到就更加唔系问题），到2020后就算经济差人口都己经老到乱唔出样。

只要系大陆系慢慢地走下坡，钱慢慢流出，咁世界其他发达地方既经济都唔会有大问题，而香港既情况可能会有D似民国到日本侵华时期既租界咁，唔可以话好先进好有法治，但只要比中国其他地方好（即使香港变差），人同钱已经不断流入（实质上系避风港），当时几个租界每年都有高速增长直至日本全面侵华。而家好多人话大陆好香港好，但历史上都有唔少例子系大陆好香港差（97-03，因为输出通缩），更多系大陆差而香港冇差甚至好左，香港一直都系一个避风港。

睇返而家中俄美角力，结果唔单只冇令香港有钱外流，反而系有钱流入，情况令我谂起二战时，无论犹太人同希特拉都放钱入瑞士，结果瑞士就两面既钱都食哂（除左好彩死唔去果班），战后成为世上人均最有钱既国家。老实讲，如果普京一个唔觉意比人XX左，果D钱可能会一直留系香港.....

其实对於欧美来，丹麦都系一个避风港，2012年仲要出到负利赶钱走，但克朗都照升3成，不过楼就跌D，我search唔到有关既分析，可能系因为本身有租管同冇乜外来人口所以钱只系泊系货币度。

对中国富豪来讲，澳纽加又系有避风港既作用，金融海啸后人人以为PK，澳纽楼市都似香港咁短暂插一下(可以用noise去形用，市场本质系外围出事其实对呢D市场有利），之后就因为资金流入而大升，到而家美国好返D话资金回流都冇任何跌既迹象。所以要睇大陆走下坡对外围影响，唔可以只睇大陆内部，更重要系同时睇大陆外内既走势既相关性。由2013年中到而家，中外经济股楼都可以确定一个明显背驰既趋势，要改变呢个背驰，可能要等一D重大既改变，以大陆来讲，主要系政策改变，打贪同放水都唔系，因上年已经系咁，反而好似背驰走势既原因。

要断估的话，可能令呢个势逆转既，就系大陆加息去以做震荡治疗（系大陆放数既张化桥成日叫政府咁做，但唔好话政府，连财演界都冇人理佢，但我估佢作为放数佬接触面会比大部份人多）；习总而家要慢慢打贪（王岐山：以后你就慢慢懂），以中国官员数字计可能要打几年，有排都唔可以开多条战线，而且有呢个主张既李克强都靠边站，可能性就更加低。我仍然睇大陆只会慢慢走下坡而唔会有重大问题，甚至会有几个大反弹，因为可以freeride美国既科技创新（双马同近期既雷军都系high-tech freeriders, 为中国创造巨大财富），俄国既反美自保亦令中国多左个中间人角色。

加息问题都可以保充小小，而家中欧美都冇通胀压力，欧洲甚至系通缩，欧元走低令美国唔加息都吸引到人买债（最多蚀息赚汇），而中国放水可能有通胀压力，但又可以调节物价系通胀比例出个好D既数字令人民好过D，加上中共系以面子维持既政府，唔会比差既数字出玩，多数都会静静地放水去保一线楼市，连理财产违约影响咁多人都可以拆掂，楼市呢D可以case by case咁估价就更加唔系问题。

To 3 nobody兄

分析得好！又学到野！Thanks