【名家搶先睇】買樓要大賺最緊要懶（何熊輝）

股市進入大時代後即出現一批股神，樓市持續上升也持續有樓神出現，當樓神出現時，例必對樓市升跌作出點評，但自三年前開始，各種樓神都以看淡為主，今年亦不例外，對一般小業主，每年升跌實質意義不大，因買賣物業，總不像股票般隨時可「高沽低買」。因此作為業主，最緊要懶理這些短期看好看淡的噪音。

事后孔明！

回顧歷史，1997至2003年是本港樓市近年最大的跌市，樓價跌足七年，跌幅達六成半。筆者認識一位小業主，早年以50萬元於市區購入一細單位自住，1997年間單位市值升至400萬元，但業主仍不沽出物業變現。期後的跌市樓價跌至130萬元。當時筆者問該位物業，會否感到不開心不賣樓。該業主簡單回覆：我買樓是自住的。

多年後今日，該名業主的單位已升至600餘萬元。最近筆者見到該業主，又問他會否賣樓變現。他答說，樓價確實很高，但仍不賣樓。筆者再問，甚麼時間會賣。他答：70歲後才決定。

牛頭角陳師奶，香港仔麥先生，呢類冇個人背景、冇理據分析嘅舉例，根本就毫無參考價值！

2003年沙士時有逾萬個銀主盤，但相較本港逾百萬業主計，佔比只約百分之一，即99%業主都繼續供樓，那怕所持有的單位已變成負資產。今時今日再看，那批仍未賣樓的業主，現今全部反手大賺。所以說，買樓要大賺，最緊要懶理樓價短期升跌。 

全港同時有100萬個按揭咩？“99%業主都繼續供樓”何來一萬銀主盤以外嘅99％？亂寫歪理！咪當人白痴喇！要計就計負資産總數同銀主盤嘅比例。當時十多萬負資産，萬幾銀主盤，粗略計即係約十分一。未計黐咗線、屈到病、BBQ。

2003年嘅負資産個案，并非全部都係1997年入貨，亦有2000年以爲係底嘅人。

“最緊要懶理樓價短期升跌。 ”呢句嘢大前提係冇人call loan，同埋唔介意別人賺得比你多好多。