|
博士, 天價不是指業主賺多少,是指新界公屋要每平方實用呎價1.2萬﹗
|
|
|
[既然是沒有太多人願意出售,公屋,居屋售價屢創新高又有什麼出奇。] 舉一反三,升市時亦沒有太多人願意出售私樓,售價屢創新高又有什麼出奇。 跌市時太多人爭相出售,售價屢創新低又有什麼出奇。 說笑,不要當真!
|
|
|
樓價高嘅時候幾乎半價買樓,仲可以住到樓價大跌嘅時候先低價補地價,呢個點解唔係優惠呢?
如果樓價再升,自住亦可以考慮唔補地價。
簡而言之,即係投資嘅金額俾少一半啫。
|
|
|
大多數公屋和居屋嘅業主都冇補地價嘅行為,得過且過,最後就恨錯難返!
|
|
|
公屋/居屋補地價: 好處 : 1. 如果樓價持續上升(長線),補地價可鎖定成本,以後賺價剩袋。 2. 可以出租
壞處: 1. 客源收窄。只得白表客路, 綠表客大多買唔起 2. 冇咗白居二客
所以補之前真係要諗清楚,係咪攞筆錢去買多間仲化算? 回報仲多?
共諗之,哈哈!
|
|
6.
打工仔 Andy |
|
2015-05-30 13:28 |
|
|
|
美國退市陰霾及港府維持壓抑樓市「辣招」下,業界普遍看淡住宅樓市前景,Look's Asset Management董事總經理兼投資總監陸東預期,未來兩年內,本港樓價最少會挫五成,有機會重返○六年水平 (2013年 3月 18日 xxx報)
|
|
8.
Stephen |
2015-05-30 15:05 |
|
一般買一手居屋的人,當初要抽居屋,原因係想改善居住環境,擁有物業和沒有能力買私樓 。
有部份公屋住户,不滿意公屋的環境(較舊的公屋質數的確麻麻地),對於私樓的環境亦很有期望,但又沒有能力買私樓,所以很熱衷於抽屋屋。腦海中所想的,主要係對居住環境的期望和抽中時如何供款,未及想到賺錢和升值。
還未停建居屋前,據我所知當時是高息年代,而且抽居屋的公屋屋主不少都有番咁上吓年紀,所以一般都會想盡快供完,而且銀行都未必批長年期按揭。所以,以當時來講,每月的供款可能已是個幾重的負擔,根本冇能力去補地價。如果有能力一買居屋就補地價的話,就無須要期期居屋都抽,又浪費時間,又要失望多次,直接買私樓便可。
又有人話高樓價時買居屋,樓價大跌時補地價。要申請抽居屋係有條件的,一般來說,即是沒有能力買私樓,財力和收入都較次。如果樓價大跌,經濟出現問題,這批財力較次的人,又有幾多個可以補地價呢?唔斷供可能已是行運了!
|
|
|
|
|
To 6/F
最近幫外母放緊間公屋。。。
因外父已過身多年,不想她孤獨自住。現已接回她同住,做個考順女(太太)!
最好天天天價啦,我地又唔急。。。
|
|
|
To 6/F. 打工仔兄
最近都幫外母放緊間公屋。。。
因外父已過身多年,不想她孤獨自住。現已接回她同住,做過考順女(太太)!
最好可以天天天價出售啦,我地又唔急賣!
|
|
12.
简单答案 |
2015-05-30 20:12 |
|
原因是香港人對生活没有要求, 又秉承了中国小農心態, 以为没有地就是失败者!问下鬼佬有冇人會買如此垃圾?有冇租楼會驚比人睇唔起?
|
|
|
8樓Stephen兄分析等好好,我之所以經常睇呢個網就係要睇呢D咁到位嘅分析。
|
|
|
TO:孖寶兄
據我所知補左地價嘅公及居屋,就变成自由市場,同私樓一樣可自由買賣,唔單止客源唔會少仲會多左,反而白表同白居二就唔會有興趣㨂呢D樓,因為無地價優惠。
另據我所知,未補地價之公及居屋之業主,再買多一層私樓係唔合法噃!
個人意見,如果經過一段時間之後有能力的話,越早補地價越好
|
|
|
我反而有興趣為何買家肯以天價接人貨, 雖則貨源少, 但始終要面對私樓的競爭罷。公屋一向不是自由市場的政府福利,是 "低一等" 人住的地方,跟本不能同私樓混為一談。 細心一想, 好多公屋地點一流, 依食住行一應俱備,反而好多旁邊的豪宅 "黐飲黐食",連一個商場都冇。
|
|
|
1樓講得啱,天價就是天價,後面唔理有幾多人如政府,银行,財仔,業主,三姑六婆等瓜分呢D賣樓錢係另外一個議题,係唔會影响呢個天價嘅。造成天價原因我個人認為有以下幾点,
1)雖然係呎價破顶但銀碼都係细,一般人可以負担
2)供應非常少,好少人放呢D单位出黎
3)有需求,好多分支家庭需要呢D單位,因方便照顾父母或想父母照顾自己小孩,又可天天回父母家食飯等等,加上佢哋習惯呢度嘅環境交通,再講呢D始终係细價樓,較易負担,分分鐘有父母幫忙,即使贵一点都大把人争
|
|
17.
大寶二寶 |
2015-05-30 21:35 |
|
回14 十兄弟兄 1. 可能我講得唔清楚。未補地價公/居屋除咗可以賣比綠表客(免補地價),也可在自由市場放賣,不過由買家幫佢補。但補咗地價嘅公/居屋,相信一般綠表客冇實力買。此所謂補咗地價之後客源少咗,少咗批綠表客也。
2. 據我所知未補地價公/居屋,业主可隨意買賣其他私樓,冇法例禁止, 反而掉轉如你有私樓就唔可以買公/居屋(自由市場除外)。
共勉之,哈哈!
|
|
18.
Marie |
2015-05-30 21:56 |
|
香港人現在就像每天只懂攤大手板乞錢的道友一樣
好感概現在香港人好像只會關心自己層樓同股票升幾多,政客只會關心政改敵對互抽,根本無人會關心香港本身真正需要關心嘅問題。
成個社會同政府只係不斷喺度"賭"財富效應同埋日日同阿爺乞錢乞政策,基層死活,經濟結構、民生問題尼啲根本性嘅問題完全冇人有興趣去理,資產泡沫對社會才是最重要課題!傳媒每天只會不斷報導股市樓市創新高、阿爺今日又施捨左乜嘢比香港阿、政改又點互片阿……大家一齊繼續攤大手板、汙腐內鬥、風流快活。
香港而家的普世價值觀就係有錢有樓有尊嚴,金融地產以外嘅全部都係losers都係廢請廢坑港女窮L……成個社會無論市民政府政客傳媒都係甘,好多真正民生問題都變得雞毛蒜皮……大家一日到黑股樓gogogo, 窮人越來越窮,貧富越來越懸殊,大家有冇留意到,香港經濟表面風光,但係出到去消費時啲基層員工個個黑口黑臉,態度惡劣……因為大家都對這個社會的不公義、扭曲的價值觀同人格墮落極度厭惡,甘樣始終有一日物極必反,只欠一個觸發點,就會演變成暴亂收場,佔中只是一個前菜而已。
而家香港人個個習慣每天都期望向阿爺乞錢乞到盤滿砵滿................一個飽肚嘅乞兒同日日吸飽毒嘅道友,講真仲邊有動力去改善經濟結構,改善民生同為下一代打算吖……阿爺就係想大家乞錢乞上癮,自甘墜落,好似道友一樣,每天迷迷糊糊甘向佢搖頭擺尾,甘政治問題自然解決,所以怪不得宜家啲年青人同低下階層甘絕望,甘反叛……因為香港宜家根本已完全走火入魔,但大家卻好像吸飽毒一樣,仍然蒙在鼓裏,自我陶醉。
當有一天我們發覺自己因為乞得太耐,失去了利用價值,驚覺香港連基本求生和自立能力也失去時,一切已經無可救藥,恨錯難返了......願共勉之。
|
|
|
回孖寶见,
第一點明白,关于第二點想請教一下,如果佢地唔補地價買左私樓,比政府知道有無權收番佢地間公或居屋呢?
|
|
20.
大寶二寶 |
2015-05-30 22:20 |
|
|