地產博客 > 文亮言 返回
瀏覽人次:9948    回應:6
文亮言

恆大債券事件會不會令港樓下跌

 

湯文亮博士

紀惠集團行政總裁
2021年9月16日

  對於一個睇淡香港樓市的評論員來說,恆大事件是千載難逢機會,根本不用考慮就可以話恆大債券事件,令到不少香港人遭受巨額損失,他們甚至會被銀行追數而不得不賣樓,供應增加,樓市自然下跌。

  這是一個合情合理假設,但忽略了一件事,香港作為一個金融中心,無論是外來人或者香港人都清楚一件事,就是自己投資自己負責,不能諉過於人,就好澳門人輸錢,唔通走去賭場抗議,澳門人不但不會抗議,甚至會自嘲話輸完又嚟賭過,作為一個成熟投資市場,投資者只關心贏咗錢可唔可以攞得走,而非輸咗錢可唔可以攞得返。

   香港銀行家的確有叫客戶買投資產品,甚至借埋錢俾客戶,但不會集中在一兩隻投資產品,最低限度都有五六隻,就算當中一隻有乜冬瓜豆腐,輸到盡都是輸十幾個%,況且,銀行家是很穩陣,見勢色唔對就叫客戶斬纜,如果客戶唔斬甚至趁低吸納,風險就由客戶自己負責,但無論如何,如果只是得一隻債券出事,未至於有銀行要向客戶追數,如果陸陸續續有其他債券出事就難講,所以,恆大債券出事,不但不會令香港樓市下跌,反而會被國內人認識香港是一個成熟投資市場,無論股票債券樓宇,贏咗錢一定可以攞走,不過,輸咗錢就攞唔返。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2021-09-17 09:38:10
恒大債券未必關香港事,但係如果恆大爛尾就九成九影響香港樓市。
4. 十一哥 2021-09-17 11:13:14
跌咗錢袋就冇洗再怕跌…得閒可以擔心下香港錢袋跌、刀刀…有深度.…有哲理…有遠見…

塘邊鶴…莊閒…好有見地嘅…


5. 引刀一快 2021-09-17 11:18:49
“刀刀…有深度.…有哲理…有遠見…”

朝早起身眼花花,淨係睇到呢句咊,咪講咁多,去飲茶先。
6. 鳥6 2021-09-18 06:56:33
恆大爆煲,令大灣區民眾知道始終都係香港樓才有投資價值。大灣地霸實力太弱,不堪一擊,樓盤多爛尾收場。


7. 鳥6 2021-09-18 07:20:26
有別於大灣地霸,香港地產公司如新地新世界等,財力雄厚,間間公司手上都大把現金,欠債比例低到不得了。香港地產商們一早就去槓桿,嚴守中央定下的三條紅線,貫徹房住不炒。所以話比起建築在浮沙上的大灣樓市,香港樓市槓杆低,好健康。




8. 引刀一快 2021-09-19 09:14:24
人地賣300蚊呎,你賣21000蚊呎,兩地出現70倍價差,咁都影響港樓唔到?除非將限價令寫埋入各Xon髮喇。