地產博客 > 文亮言 返回
瀏覽人次:23089    回應:2
文亮言

能夠話撤資的公司都是賺緊錢

 

湯文亮博士

紀惠集團行政總裁
2021年3月24日

  香港是一個很奇怪地方,如果身處其中,會覺得很危險,所以出現移民,撤資等現象,如果在外地,就會覺得香港充滿機會,想盡辦法要嚟香港,我從來都唔敢叫人唔好移民,亦不會叫人唔好撤資,因為他們是有需要才會做,我反而會講,決定移民撤資後就千祈唔好後侮,否則就好似賣仔摸頭,摸親眼涙流。
   
  張建宗話,現在撤資的人會後悔,我認為又唔能夠這樣說,或者那些撤資的公司搵到盤滿砵滿,早已打算離開,現在適逢其會,趁香港完善選舉制度撤資,即是話並不是他們想走,而是香港政府迫他們走,其意已決,就算張建宗怎樣說也不能改變他們的心意,倒不如話,棄我去者昨日之日不可留,祝撤資者有美好前景,香港隨時會歡迎他們回來,生意人來來去去根本是閒事,有錢搵自然有資金流入,包括今日撤離的資金。

  在2008環球金融海嘯時,有不少持有優質物業的外資基金撤資,他們坐言起行,將手上的甲廈豪宅賣走,並且預言香港的經濟轉壞,樓價會跌一半,他們的撤資行動並不是好似現在得個噏字,而是實實在在,但結果如何,我也不敢刺激他們,因為大多數外資基金並沒有撤出香港,但身份就由業主變成租客,當日的話事人亦換了另外一個人,但又唔好以為當日決定撤資的人是被炒,因為賣走的物業是有龐大利潤,那人可以得到合理花紅,如果唔撤資,他未必可以有巨額花紅,由此可見,能夠話撤資的公司大多數有龐大利潤,撤資只是一個結算期,不過,既然賺緊大錢,又會唔會撤資,這是一個艱難決定。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2021-03-24 13:38:19
贏咗任去留/輸清冇怨尤、最緊要大大都殺得起…贏幾多都唔怕比人照肺敲腳骨、賭仔如水…最怕睇場唔夠照…贏家最怕比人私了、睇場手瓜硬..比到安全感…話之10號風球都嚟趕注。

啱先鴉片鬼又諗緊計…抽磚頭有租收嘅水。
2. 引刀一快 2021-03-25 17:10:33
楓葉鬼,你啲溢價磚頭榨唔出水喎。