地產博客 > 文亮言 返回
瀏覽人次:27540    回應:7
文亮言

四巴疫市加價令政府大失民心

 

湯文亮博士

紀惠集團行政總裁
2021年3月22日

  有老友問四間巴士公司點解可以在疫市加價,唔怕失民心,老友應該知道,做獨市生意,只要跟足法例,隨時可以加價,在生意人來說,民心是不值錢,有一些小店就是怕街坊講閒話而唔敢加價,最後捱唔住而要執笠,所以,在適當時候加價是可以接受,最怕就是在不合適的時候加價,如果怕加價失民心就不如唔好做生意,更何況四間巴士公司今次加價,失民心的是香港政府,唔加就笨。

  陳帆話唔准四巴加價,唔通任由四巴蝕大本,陳帆的菩薩心腸令到不少人肅然起敬,不過就不適合做官,在疫市下,九成幾生意都蝕緊錢,政府究竟可以救得邊個,全香港人都知道,四巴蝕本是因為乘客量減少,政府的work from home 計劃亦是主要原因,十八萬公務員,大約有七、八萬可以work from home ,如果四巴有了這批乘客,加價幅度最少可以減1%,還有政府的限時限聚令,令到使用公共交通的人大幅減少,但疫情不會是永遠,當市況緩和,乘客數量又會回復正常,有足夠乘客量,就不用加價,如果現在讓四間巴士公司加價,到時盈利倍增,唔通要發盈喜。

  四間巴士公司話,如果政府唔准加價,就要降低服務質素,我認為是正常,在疫情下,每一間公司都會考慮開源節流,首先考慮的並不是開源,而是節流,什麼是節流,就是降低服務質素,巴士公司最直接就是削減班次,這是無可避免的事,在公司節流之後,他日疫情緩和,生意額提升,公司就可以在毋須加價之下繼續生存,如果到時仍然蝕大本,四間巴士公司才申請加價,市民就算唔滿意,但勉強都會接受,千祈唔好以為疫情緩和就可以立刻加價,因為在疫情緩和後,大多數公司就算生意有所改善,不但不會加價,甚至會減價做推廣,現在加價,即是話比人知四巴是卡塔爾式壟斷,市民條氣一定唔順。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 點解可以在疫市加價 2021-03-22 12:02:52
咪係滯脹囉。
2. 唔通任由四巴蝕大本 2021-03-22 12:05:18
九巴埋尾唔係賺兩億, 蝕個頭?
3. 菩薩心腸 2021-03-22 12:54:44
其實又唔係咁難明, 睇睇惡晒航空就知, 高位做左投資, 蠢投資, 客都冇或者係得果幾個, 唔容許加價唔通又貼埋俾佢? 通過交津補貼叫做有數維, 其實都係自己呃自己。
4. 惡晒航空 2021-03-22 12:59:34
就黎又一年, 土匪基金冇理由再科水矣, 惡晒同蝦人公園一樣, 燒晒又要科水, 科極都唔夠, 今次點都要英資科啦, 一係平賣大媽區航空廉價吞併之 。
5. 點都要英資科 2021-03-22 13:06:21
太古賣左太古城, 又賣左又一城, 又賣埋車位, 有幾百億, 僅次於成哥, 冇得收收埋埋。
6. 2元長者 2021-03-22 15:25:32
林鄭請客,唔通搵巴士公司付鈔咩。大家夾$幫補下60歲長者乘車優惠,大家開心
7. 大家夾$幫補下 2021-03-22 16:21:09
俾你玩埋今年下年就要擺張大頭相響八仔度。