地產博客 > 文亮言 返回
瀏覽人次:12578    回應:41
文亮言
自願性檢測效果不大
 
湯文亮博士
紀惠集團行政總裁
2020年9月9日

  昨日早上去到茶餐廳,見門口與枱面均有告示,茶餐廳內由老闆至伙計都做了新冠檢測,全部是陰性,老闆話近日很多客人在進入茶餐廳的時候,都會問所有工作人員是否做了檢測,即使老闆話只有一兩個伙計未做,客人都會掉頭離開,伙計有見及此,不用等他開聲,全部都自動自覺去做檢測。

  昨日早上,已經超過120萬人做了檢測,如果順順利利,最少有200萬人做檢測,在不少醫護人員,教協教師以及立法會議員反對之下,有這個成績是相當理想,林鄭應該多謝一些有心人,他們不斷在Facebook,WhatsApp等渠道發表,檢測是絕無痛苦,與不支持檢測人士的宣傳不同,如果冇了這班人,我相信檢測的人數可能只得五成,因為有不少人相信,檢測是很痛苦而唔敢去做。

  林鄭及一眾高官飲得杯落還飲得杯落,其實自願性檢測的效果不大,大家千祈唔好話我潑冷水,在我讀大學時,波士頓有一間女子大學替學生做驗孕,不過是自願性,參加的女大學生超過九成幾,結果是無人懷孕,幾個月之後,有幾十個女生申請退學,理由是要生小朋友,管理層當時很奇怪,明明九成幾女大學生都沒有懷孕,剩下的幾個百分點點解懷孕比率咁高,理由很簡單,去做檢測的女大學生是百分百有信心沒有懷孕,有猶豫的當然不會去做檢測,如果大學強制性檢測,即使只是在某一些學系進行,結果也不會全部女大學生沒有懷孕,所以,自願性檢測效果不大。

  如果政府推行分區強制性檢測,確診比率一定會大幅增加,但反對的聲音一定很大,所以,政府應該趁勢推行有需要的強制性檢測,例如公務員,醫護人員,教師學生,家庭傭工,尤其是教師學生,如果不做檢測,復課後大爆發的機會是很大,教育局亦發了指引,任何學校有師生確診,立刻要停課14日,既然如此,點解不下令所有教師學生檢測。

  政府不用擔心商業社會,我知道有不少老闆要求伙計提交檢測報告,伙計當然可以不提交,但如果他們確診,令到公司或者食肆要停業14日,我相信不用說,他們在康復後亦會自動辭職,政府如果不乘勝追撃,務求將確診人數降至零,到第四次大爆發,沒有人會承認責任,官員們又要孭多一次鑊。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2020-09-09 22:42:06
如果檢測完可以自由上落大陸,大把人去,俾錢都去。
2. 大陽春 2020-09-12 06:03:58
如果驗咗可以去日本,誘因比去大陸大得多。唉,紅葉季節又快到。
3. Hongkong People 2020-09-12 10:49:15
大陽春兄,

日本抗疫咁佛系,你敢去呀? 我聽刀兄講,只要做檢測,唔駛隔離14日,我即時啟程赴大灣區. 
4. 引刀一快 2020-09-13 16:33:30
Hong Kong people女士

我係咁望啫,事實唔係嘛,早兩個月深圳係試過做咗檢測就隔離兩日,點知幾日就改返14日。
去日本我一啲都唔驚,戴咗口罩,袋住支酒精,去菲律賓都唔怕,因為我好相信,雖然冇發過病,身體經過咁長時間微量病毒接觸,有一定免疫力,只要唔係高密度病原體接觸,風險好低。依家廣州都逐漸唔戴喇。
5. 向泛民说不 2020-09-14 01:06:54
引刀,特朗普上身。你觉得自己无问题,但是唔好害人啦。这个病对年轻人,对身体健康来说,和感冒差唔多,但是对老人家,长期病患者来说,危险很大。做人要负责任。
6. 向泛民说不 2020-09-14 15:59:42
证明饭民对大陆抹黑好成功,建制派点解可以比饭民贼抹黑20年,

其实到现在香港人还在loop 追撞事件,毒奶粉,等等抹黑大陆。大佬,这是10年前的事啦,如果话食物安全,大陆现在不会差过美帝。美帝的反式脂肪,瘦弱精还有大麻,毒品等等。比大陆黑暗的多,但是香港班废青还是崇拜美帝。

如果这故事发生在大陆,引刀和饭民都不知道会loop几耐,这姑娘都ok啦。

这姑娘够狠!故意锯断手骗保险 哪知最终白疼了一场…

https://www.wenxuecity.com/news/2020/09/13/9859940.html
7. 向泛民说不 2020-09-14 16:04:04
引刀,大美女啊,Julija Adlesic,何苦呢?

https://www.google.com/search?q=Julija+Adlesic&oq=Julija+Adlesic&aqs=chrome..69i57.598j0j7&sourceid=chrome&ie=UTF-8
8. 引刀一快 2020-09-15 00:47:58
向飯哥,又介紹靚女俾我識,多謝先,扯皮條我唔啱。

特朗普冇上身,我一般標童都係標列根、丘吉爾、白崇禧,特朗普未夠班。向飯哥真係羨慕你,請到陶三姑上身,永遠都在位保護你。

BTW,向飯哥係咪買唔到口罩呢?我日日戴口罩出街,反而人地叫我除喎,不如我用剩嘅俾曬你吖,咁你咪傳染唔到人地啲老人囉。
9. 元朗灣區人 2020-09-15 06:01:06
hk people,

日本,台灣,都是大騙子,就算泰國。

而家除咗内地,澳門外,其他都唔敢去。
10. 向泛民说不 2020-09-15 08:53:06
吾记得引刀喜欢普京。sorry 咯。
口罩呢?有中国工厂,几时都可以买到,所以引刀自嘴用下脑,大陆的口罩是外循环,今年赚不少。就是粮食欠收,也有钱买粮食。
11. 引刀一快 2020-09-17 04:44:21
向飯哥,君子不奪人所好,你個溫馨honey普京大帝,邊個都唔會染指,向飯哥繼續同普京譜出當代情歌,地產網所有論客齊慶賀。
一下忘記咗向飯哥係炒家,炒濃咗幾百萬個口罩喺屋企,向飯真係有同情心,知道有問題唔捐俾老人院,向飯哥,👍👍👍
12. 向泛民说不 2020-09-17 09:40:59
引刀,单思病,记住食药。

讲开今次检测,今次好成功,筛选出50个带病的。这个规模跟第一次爆发差吾多,第一次爆发外来的50左右,然后本地感染也是50个。
13. Hongkong People 2020-09-17 10:32:39
元朗灣區人兄,

同意, 得大陸同澳門可去. 我都想快D走,唔係有第四波疫情,咁多低能仔,都唔知點收科!

刀兄係度講風涼話, 廣東全景都只係有17xx確診,香港地方咁細都廣東三倍,佢居然話自己處係微量病毒中,腦迴路有點D奇!以佢咁講,全世界都百毒不侵, 仲會有疫情? 搞咩疫苗!
14. 元朗灣區人 2020-09-17 14:07:09
hk people兄,

引刀只是be water。内地實行的是隔离,抗乜鬼體。

自我抗體得嘅話,isa,三哥一早神功護體啦。
15. 引刀一快 2020-09-17 23:42:57
兩個都未讀過理科嘅。

向飯哥就唔同呢,美國留學生。
16. 元朗灣區人 2020-09-18 10:36:57
林引刀,

在下”前中大”理學院出身的,算唔算理科?

而家“暴中大”,不同路。

17. Hongkong People 2020-09-18 16:25:50
本人中學理科,當年六間大學全部有offer任揀,最後入讀港大商學院,當年都算尖子;會考理科成續應該唔算太差掛!
18. 自醉 2020-09-18 19:25:31
引刀兄,

原來個個扮高材生都要返大灣踎嘅! 元朗原始人高材生有丁權(如果是真的話)都要返大灣?! 等個衰十一仲成日出嚟灣水灣水灣灣水,原來好似佢咁小學畢業先愛住香港! 有公屋住嘛! 真勁! 哈哈哈!

今日玩鬥大啊! 你玩唔玩?  我係哈佛高材生,農務系(遙距) ,你呢?

哈爾濱佛教大學你應該聽過吧! 

記住今日自己講過咩,唔好學向飯咁次次出洋相哦!哈哈哈!

19. Hongkong People 2020-09-18 22:35:45
自醉兄,

港大好大咩?呢個就係你嘅視覺呀?失覺晒!我從來都覺得no big deal. 我係朋堆中只係普通貨色,大把碩士之外再加CFA, ACCA, LLB 之類!我算咩?唔會咁蛙攞D學歷同人鬥大囉!

不過,有人玻璃心要咁諗,我就控制唔倒囉!傷害倒人,我又唔介意講声對唔住!

認真講,我唔覺得學歷係咩一回事,呢個世界大把高學歷嘅無耻之輩,最重要係個品!刀兄question我哋無理科底,我只係回覆佢,同埋咁顯淺嘅嘢,需要咩理科底,rocket science 咩!
20. 自醉 2020-09-18 23:02:42
睇得出17樓已經好盡力謙虛啦,尖指!

呢句講得好,我buy: “呢個世界大把高學歷嘅無耻之輩” 哈哈哈!
21. 元朗灣區人 2020-09-18 23:19:28
而家大學生,麥記招牌掉下了都死三件。有乜要作假?

但腦殘就恐怖,大把大學教授…法官…腦生草。

仲要其他人,唔可以批評…

仲有集體免疫得嘅話…流感早消失咗啦。

一班唔帶口罩去抗議…防疫不力。
22. 引刀一快 2020-09-19 03:17:08
自我陶醉兄

你咪話呀,哈佛啲農務系好強。

大灣區人人有份,就算果個俄羅斯特派美籍專員向飯,都有份。
23. 引刀一快 2020-09-19 04:14:06
Hong Kong people女士

既然你讀商科出身,更加唔應該計錯呢啲數喇。我話你地冇理科底,係好忍手。
分析事件,視角要立體,我俾幾個hints你:

1,新冠病毒檢測技術發展進程
2,兩地檢測量
3,兩地使用檢測方法異同
4,當地大廈普遍排污結構
5,人口密度分佈與確診案例分佈之關係
6,疫情爆發之後人口流動情況


好,唔寫咁多,因為呢啲分析都只係舉反啫。
再簡單啲講,我話我長期接觸微量病毒環境,點解唔啱?我冇話香港就冇微量病毒喎。

大陸疫情爆發嘅時候,電梯按鍵有病毒,扶手有病毒,連進口凍肉海鮮都有病毒,氣霧氣溶膠有病毒,點解唔係喺微量病毒環境呢?如果唔係環境有病毒點解要戴口罩?點解要頻密消毒雙手?點解返屋企要鞋底同外衣都消毒?
到疫情後期,病發與確診人數大幅降低,但係你又點知隱性帶菌者有幾多?
挪威進口三文魚有病毒,咁挪威三文魚業從業員有幾多人病發?


灣元,你係咪真係理科生,唔重要,算你係理學教授,都一樣。
自身抗體唔得,會有咁多隱性帶菌者?會有咁多輕度患者?會有咁多自癒病例?
你讀乜都好,你完全冇展現過理科學生嘅應有素質,呢個係重點。

24. 自醉 2020-09-19 09:31:32
引刀兄

讀Law都唔一定代表識法律嘅,何況仲有啲叫高分低能呢! 成功嘅人好多都讀唔成書或者廢事嘥錢嘥時間金錢讀書嘅,Bill Gates, Steve Jobs, Mark Zuckerberg都係讀唔完大學嘅人。

有本書叫 Why A students work for C students, 窮爸爸富爸爸作者所著,可以參詳下。

25. Hongkong People 2020-09-19 09:45:22
刀兄,

原來你搞唔清我覺得你講边樣嘢有問題!

環境內有微量病毒唔出奇,你覺得你長期接觸病毒,体內會有抗體令你可去疫區而免於受感染,呢個講法有問題!

以確診數對比廣州,香港嘅地方細,環境應該比廣州毒N倍,以你邏輯,香港人体內應該比你高N倍嘅抗体,你都可以免疫,香港仲會有人受感染咩?

我都唔講香港有人3月中完招,好番,9月再中招嘅個案!睇怕体內抗体滴度應該比你高NxN倍都唔止!

理科嘅訓練,除咗本科知識外,更多係邏輯思維訓練,有D知識隨著時間會唔記得,但邏輯思維模式就一世受用!

讀理科成績好,記性唔係最重要,如果邏輯性唔好,一舊雲咁,冇可能讀得好!呢一方面,我唔會懷疑自己!
26. Hongkong People 2020-09-19 09:49:18
自醉兄,

窮爸爸富爸爸作者已破產,update下啦! 再攞出來講,就成笑話了!

而家你又講學歷唔代表咩,龍門搬得真快!
27. 元朗灣區人 2020-09-19 09:58:24
“自身抗體唔得,會有咁多隱性帶菌者?會有咁多輕度患者?會有咁多自癒病例?”

林引刀,大家討論嘅係“集體免疫” vs "病毒隔離"。

你d問題,
1.身體抗體清完病毒,不代表長期有效,存在。

2.隱性,即代表没有抗體,或抗體效用差。
28. 自醉 2020-09-19 11:32:03
HK people

傻侵破過幾多次產?  X哥都有兩次生意失敗記錄,update下啦! 哈哈哈!
29. 引刀一快 2020-09-19 18:08:05
自我陶醉兄

讀幾多書,只係用嚟大人啫,學以致用,觸類旁通,先至係真正實力。
A student以前見好多,的確係C student發嘅最多,我一直係E student,日子都幾自在,快快睇下你介紹果本書,睇下有冇機會升呢做C 班先。
30. 引刀一快 2020-09-19 19:12:22
Hong Kong people女士

本來要寫一大堆嘢駁你,嫌打字攰,直接俾個總結你,睇下你悟性如何。

你嘅推論,根本就建基一堆於妳唔熟悉、未確認、甚至係肯定錯嘅理論同資料上。如果咁樣嚟講邏輯,乜答案都可以隨意造出嚟。
為咗表示唔係靠嘴炮大你,我舉其中一例:

“以確診數對比廣州,香港嘅地方細,環境應該比廣州毒N倍,以你邏輯,香港人体內應該比你高N倍嘅抗体,你都可以免疫,香港仲會有人受感染咩?”

1,感染個案分佈,平均分佈還是有高發區域。(之前提過你冇回應)
2,人人體質唔同,受感染病毒數量下限唔同,免疫系統反應唔同,你點推抗原高就一定抗體高?又點推論不同機體感染機率係單純隨抗體數量負相關?


另外,“睇怕体內抗体滴度應該比你高NxN倍都唔止!”抗體滴度唔係咁用,使用呢類詞彙嚴謹啲,搞清定義為佳。

31. 自醉 2020-09-19 22:03:04
引刀兄

呢位女士並唔係一般商學院尖子,佢雖然分唔清個人破產同有限公司破產清盤有何分別,但係佢對病毒基因改造嘅內幕瞭如指掌㗎! 一般商學院畢業生邊有咁堅呀?! 哈哈哈!

32. 向飯民說不 2020-09-19 22:23:52
自嘴,引刀又抱作一团,磨吓豆腐,发吓烂渣,又係一日。
33. 元朗灣區人 2020-09-19 23:46:22
林引刀,

照你咁講“人人體質唔同”,你又憑乜推論,你地“"抗體""足够對抗病毒呢?

是否瞎子摸象,自相予盾?

學何黑醫咁,“”我判斷自己冇事”。

你就自己“判斷自己够抗體”?

那是“唔理三七廿一”科思維。
34. 元朗灣區人 2020-09-19 23:52:14
甲醇,
請聚焦“抗體話題”。

你對向飯的手斷,對於我是沒意義的。


35. 自醉 2020-09-20 11:18:08
32樓

係㗎! 邊有你一日走幾個場咁辛苦啫! 這幾毛錢唔易賺啊! 被高登仔玩殘未? 呢排仲有冇去連登踩場?
36. Hongkong People 2020-09-20 11:51:52
其實都幾無聊,D人為駁而駁.  刀兄又放Trump大招, 我有證據,不過唔話你知; 滴度唔係咁用,不過唔話你點用.

自醉兄, 你想話我知破產真係好勁呀?  Bezos 同Bill Gates 邊入流,都未破過產! 借用黃絲邏輯, 破產使你人生更精彩, 好好學習破產人士.

好啦!我已覺得夠皮了, 大家無謂再晒時間,就此打住.
37. 自醉 2020-09-20 13:51:17
Hk People

你在影射尊貴嘅前特首嗎? 因住要接受紀律處分喎! 哈哈哈!
38. 向泛民说不 2020-09-20 20:31:45
自醉,今日未食药啊。

又睇返历史,香港原来的语言,就是在67暴动之后被禁。
六七暴動後,香港政府欲統一中文語文。由於當時港九市區較多使用粵語廣州話,而省城廣州也是廣州話社會,便於通商。加上戰後至主權移交前的中國大陸移民羣內,較多人使用廣州話(佔當時人口四成),其次是潮州話和客家話,故港府遂以廣州話作為香港唯一的中文語言。原本在香港電台的潮州話和客家話新聞節目,也在1960年代後期取消,而電視台的中文頻道也清一色以廣州話廣播。在新界原居民鄉村,原本以圍頭話或客家話教學的私塾,也被迫令要使用粵語廣州話教學。自此,香港粵語成為了香港官方語言。
39. 引刀一快 2020-09-21 00:24:32
36樓嘅Hong Kong people係咪原裝?似冒牌。
40. 引刀一快 2020-09-21 00:40:29
灣元

照你咁講“人人體質唔同”,你又憑乜推論,你地“"抗體""足够對抗病毒呢?

我冇發病喎!咁都唔叫知??

仲有,“你地“"抗體""足够對抗病毒呢?
邊度揾出嚟?標示一下,唔該。

不過,預咗你九唔搭八喇。


41. 引刀一快 2020-09-21 00:42:51
自我陶醉兄

我早就預咗呢度有幾個人,連天體物理學都識。