2003: 沙士,听日都唔知会唔会死,唔买楼住! 2004:有自由行,但好惊带埋啲沙士再来,唔买楼住! 2005:美国加息,供楼负担大咗,好快会跌番沙士价,换特首,都唔知想点,唔买楼住! 2006:150万楼仔又细又旧又冇会所,再升阻力好大,一定会跌番落去,唔买楼住! 2007:大奇迹日再加上传闻港股直通车,炒下股票先,大手入了中资股,中寿,港交所,中交建,等食糊,租住等跌,唔买楼住!, 2008:美国金融海潚,楼好快跌回沙士价,美国虽然减息,但啲股票做晒蟹货,银行又唔借钱,睇定啲,唔买楼住! 2009:美国QE1,公司生意好差随时失业,曾荫权仲叫人去大西北买4000蚊尺楼,无能政府,医生律师都话买唔起呀,等跌,唔买楼住! 2010:美国QE2,楼价就升到97价,政府打击楼市炒家推行SSD!根据经验楼市好快爆煲,陈德霖同曾俊华话息口只会上升,零息系冇得再减,信佢哋,唔买楼住! 2011:楼价又升,唔追嘞,政府一定再打击楼市,陈德霖同曾俊华又日日话美国好快加番息,一定冇QE3,政府起置安心,好多人卖自住转租等大跌,跟大队,唔买楼住! 2012:支持梁振英做特首,1%土地住100万人,打残地产霸权。美国QE3+QE4月月印850亿都冇用,最少跌3成,愿景就快实现,唔买楼住! 2013:政府再加辣打击楼市,陈德霖同曾俊华改口话香港可自行加息,收紧咗按揭,日本欧洲无限QE都冇用,楼价就快大跌,唔买楼住! 2014:美国月月减债退市,而加息期就快到,伊波拉杀到来,占中业主一定大劈价3成4成,业主虽然暑假大幅加租2成,忍住先,反正就大跌,年尾又有2000间居屋平售,欧日QE都冇用,唔买楼住! 2015:等紧政府加辣,美国终於加息了(香港竟然唔加?),潜在新供应7万3千个,跌5成不是梦,唔买楼住! 2016:旺角暴动,本土掘起,社会大乱,潜在新供应9万3千个,等紧美国再加息 (香港银行按揭反而由H+1.7减到H+1.3), 供楼负担太重,又加3厘压测,仲边有人抢楼?英国脱欧,一定金融风暴,睇定啲先。15%印花税夹死你班收租佬同大陆客,仲唔轮到我买平野?颠佬都做到美国总统,顶死你地班大陆东南亚!CY忽然唔连任,财爷又辞职,政府大地震,唔知出年点!终於等到美国加息,耶伦仲话出年加3次,楼奴死硬!唔买楼住! 2017:供应开始多了,美国真系要加息(屌, 香港加唔加),特首大战一定乱,新人上台一定打楼价,金正男死左好易中韩大战,射飞弹就美韩大战,启德大卖仲唔系死前烟花?大湾区一通,搬去恩平好过。一带一路,我去马拉买间鬼城都好!大时代,炒股炒Bitcoin好过买楼!PP都系话170, 我冇理由165先黎入市卦?19大冇接班人,习总一定会打楼打贪多十年,有楼仲唔死?诚伯贱卖中环广场,一定有内情,我跟!香港楼价必然下跌,等跌9成,唔买楼住! 2018:恒指创新高,冇理由唔追股去买楼。Bitcoin一月出事,一定有人卖楼补仓。新律政司僭建,政府一定去打楼挽呢望,收租佬死梗。垃圾会补选年,政棍一定玩民生牌,政府焗住要做野支持建制派。平行时空去到IV, 坏钟都会中一次卦?Trump Trump开始颠,中美贸易战一开,香港实仆街!美国减税,痴根阁阿叔讲左咁多年嘅万剑归宗,港楼仲唔死?年纪开始大就到4张嘢,银行借唔到还款期三十年咁长,等跌10成,唔买楼住! …… …… 2019:两公婆齐齐唔做嘢,排紧公屋等3年上楼,希望派到启德新公屋,远望到海景维港,近就望到游轮码头,交通又方便有地铁巴士,点都好过10年前走去买大西北,仲有一年免两个月租,唔买楼住! 2020:沙田污水厂准备搬入岩洞,有平居屋靓海景,唔买楼住! 2021:新界东北发展用地就快可以启用了,靓公屋就快排到,排咗3年公屋就快到我,唔买楼住! …… …… 2047:周身病痛,行都行唔到,人都就死,下一世先谂买楼,都系唔买楼住!
|