App下载
财政司司长话按揭成数唔可以降低，因为未来利息会上升，
万一按揭成数放宽，那些刚刚好够钱上车嘅市民，就会第一个受害。但其实，无论按揭成数是多少，总有一批是掹掹紧嘅业主，用尽成副身家去供楼。利息加少少，呢批业主都会受害，好鬼辛苦。
反而系因为而家按揭成数太低，业主要攞好多钱做首期，一啲剩余资金傍身都冇，甚至要动用发展商贷款，令自己陷入高息漩涡。银行按揭成数太低系令业主毫无防守力，一下子加息或逆境打来，层楼就要急速沽售。
如果通过到银行压力测试，按揭成数提高只系怕楼价下跌，业主变负资产唔还钱，银主盘唔够还债。不过，实例证明，利息上升唔代表楼价一定跌，业主负资产都情愿续供死守，银行其实好安全。况且就算放宽按揭，最多咪加多一成，离九成按揭仲有好远。政府连少少按揭成数松绑都唔肯做，仲要以为咁样系对市民好，可见政府仲未知自己正在推市民去借贵利，加息嘅时候佢哋仲受害。买楼嘅需求唔会因按揭成数低而消减，反而令佢哋千方百计去借到更尽买楼，市民受害得更快。
唔放宽按揭嘅原因系利息将会上升，但美国加息咁耐香港都冇跟，原因正正系政府唔放宽按揭。银行大把钱，有能力俾一半首期再借银行钱嘅，愈嚟愈少，咁银行有乜法子加息？而家仲有H+1.27厘嘅优惠笋价，平过上年嘅H+1.28，证明银行为争生意，要量多过要价。你知唔知去银行借按揭几难，唔止业主想放宽按揭，银行仲想。
