叮！阿爷敲钟，财爷曾正式宣布参选特首，四位候选人，终於全部出阵啦！
既然，已经尘埃落定，咁两个多月前，话唔讲得果样嘢，今日就可以开估。
某人嘅揭盅
旧年十一月初，政府对楼市出招加辣，两日后，我写咗篇《加辣．砖家》，文中出现咗两次「某人」，但我就冇话「某人」喺边个。关於呢个 SKIP 咗嘅，最关键重点，只要大家将呢两个「某人」，代入「财爷曾」，就会水落石出。
简单而言，今次加辣，完全喺财爷曾嘅意思，同 CY 无关。提出加辣、设计加辣嘅内容、执行嘅细节，都喺财爷曾一手包办，甚至连宣布同执行嘅时间，都要排响佢自己出 TRIP 之前，以防形势有变。唔好问我点样睇得出，大家可以重温一下，当日记者会嘅新闻片，比较两位嘅发言内容，究竟边个喺庄，其实唔难分辨出嚟。当时唔讲，喺因为加辣呢单嘢，引起业界好大回响，亦影响咗好多人嘅利益。几乎所有人，都认定喺 CY 为咗邀功而出招。我唔想自己嘅公开言论，引发难以估计嘅蝴蝶效应，以致左右到一啲关键人士嘅决定。
希望呢单嘢，唔会破坏财爷曾嘅形象啦。反正响特朗普当选，美国加息呢两大负面阴影之下，楼市仍然坚固，似乎的确如佢所讲，已经仔细考虑咗一蓝子嘅宏观因素。
选战风云
好多人唔为意，其实大战，早就开始咗。CY 高调打港独，财爷低调出加辣；大战之初，前者就已经失咗胜算，结果董系弃 CY，换上林郑。两日后，财爷闪电请辞，董系即时高调确认林郑，跟手，叶刘就出战。胡官、叶刘，率先发表政纲，不过好明显，两位都冇将对方放在眼内。就睇叶刘，一跳上擂台，二话不说就向某人挥拳，点知扑个空喎！吓？人呢？原来财爷好 HEA 咁，坐紧响观众席度，仲阴阴笑住咁问佢：连对手都未知喺边个，你究竟打紧乜嘢？
之后，全部人静哂，但谣言就满天飞，一时红灯，一时又绿灯。都喺果件离咗场嘅 CY，放低哂包袱，心水够清，一句话啫，已经准过哂啲唔知乜消息人士，转个头，阿爷就敲咗钟。
写到呢度，又喺时候作番啲，免责声明啦。以上纯熟猜测，如有类同嘅话，一定喺巧合！
大师嘅还俗
如果你今日问我，撑边个做特首，我会好直接咁答你：财爷曾罗！有睇地产网嘅朋友，都应该好清楚我嘅立场。记得我曾经封佢为，真正嘅大师，仲话过，如果佢真喺参选特首嘅话，我一定撑佢。
至於，我会唔会转軚？转軚呢家嘢，从来都喺一个机率问题。盛智文都转咗軚，由支持叶刘，改成未表态。佢话要等埋林郑、财爷曾出嚟先至决定喎，仲话会乐意考虑撑林郑添。讲番自己，我九成唔会转軚，而剩低果一成，就要睇财爷曾往后嘅表现，而本文最后一段，就喺关键。
以前我话，财爷曾退休之后，应该会好有潜质，成为一个真正嘅大师；但当大师嘅第一个条件「唔关佢事」，唔再成立之后，佢能否成功化身为一位，真正嘅领导者？
答案言之尚早，不过我认为，截至今日，做特首嘅六项条件里面，财爷曾已经合格咗头四项，至於最后果两项，就有待时间去考验。
特首条件一：中央嘅支持
芳间言论普遍认为，中央唔支持财爷曾，因为左派几乎一面倒撑林郑，不过我又唔喺咁睇。中央唔支持嘅话，佢喺唔会出嚟参选，亦冇可能出得嚟参选。支持林郑嘅，所谓董系，极其量为一个派别，唔代表中央，只不过今日嘅香港，喺由呢个派别执政。就好似美国大选咁，执政嘅奥巴马同民主党撑希拉里，声势自然就一面倒。当年唐梁之争，未到最后，都未知鹿死谁手啦！
但话虽如此，董系嘅洪荒之力，的确对财爷曾非常不利。所以呢方面，佢都只喺猛车边合格。
特首条件二：口才
口才，喺非常重要，就睇奥巴马，冇嘢叻，把口最叻。财爷曾嘅出阵演辞，赢哂其他三位候选人，唔止喺有准备咁简单，就连急才都咁了得。作为领导人，烽头火势之际，好多时都喺靠把口去摆平。财爷曾嘅口才有几掂，单喺 YOUTUBE 度就搵到一大把，佢嘅民望，唔喺靠盲碰运气就呃得番嚟嘅。
唔止喺咁，佢果种深不可测，更喺难得嘅奇才。加辣呢单嘢，就唔在讲，最近唔答某议员嘅问题，有人以为佢俾人跣，仲话佢冇料到、政治智慧欠奉、之类之类。我谂大家要搞清楚，政治智慧，同办公室政治，完全喺两码事。家阵人地揸住咗个「庄」，你就斟酌埋啲技术性嘅「闲」？知唔知人地玩紧啲乜嘢？FOLLOWER？扮出嚟咋！你估真喺 ALWAYS AGREE WITH YOUR BOSS 咩！究竟背后，喺咪真喺有人叫佢唔好答，都成疑啦！财爷抛个「庄」出嚟，成班高官，边个敢话冇？CY？踩多一脚？硬食似啲！所谓硬净、所谓强人，唔在於你几大声，而喺睇你手上揸住啲乜嘢。
口才、政治智慧、硬净呢几味，都喺相辅相成。不如睇下叶刘，CY 言中有骨，又听唔出，仲要傻下傻下讲哂俾啲传媒听；咁都算啦，人地赞下林郑啫，搞乜拉埋自己落水？点解要咁著眼 CY 嘅睇法？董系唔撑你，有乜咁出奇？有几失望？又唔见财爷曾喊哂口咁？出师不利，都仲要输埋个势。咁嘅格，点领导香港？
特首条件三：外交能力
除口才之外，仲要够料、够体面，唔喺点同啲元首级嘅强人沟通？财爷曾呢方面嘅能力，明显比其他三位候选人强。出席、主持国际性会议，就好似生菜咁食；面见耶伦，完全冇难度，使乜担心佢唔够班。
讲开又讲，财爷辞职之后，本来好好地 PASS 哂啲嘢俾陈家强，点知个 CY 临尾竟然举亚茂出嚟接棒，唔通以为财政司只喺佢秘书，年年跟足佢份施政报告去写预算就得？真喺唔敢想像，俾亚茂去见耶伦嘅话，会倾啲乜嘢话题，CY 果然名不虚传，用人唯亲是也！
特首条件四：施政理念
呢家嘢，又喺财爷曾胜出，佢思维清晰，透彻了解香港嘅角色，对宏观发展，亦有明确嘅目标。胡官、叶刘连政纲都出埋，都见唔到真喺可以令到香港整体发展嘅大方向。似乎除咗财爷曾之外，其他三位候选人都认为，国际金融中心呢个地位，已经喺香港嘅囊中之物，大家冇必要居安思危啦！
至於林郑，最大嘅问题，就正正喺响个施政理念度。所谓「巨大变化，不得不重新考虑」参选，就喺因为董系后继无人？你嘅施政理念，只喺要延续现届嘅政策？咁算乜嘢施政理念？你决定参选，喺效忠边个？同边个交代？同 CY 交代？同董系交代？乜唔喺同香港、同国家交代咩？唔通同神交代？OMG！我尊重你嘅信仰，但唔好攞香港嚟较非。估勿论现届嘅施政喺好定喺丑，就算你咁巧合，同 CY、董系一模一样，咁使唔使讲埋出口？你当喺自己嘅得唔得？所谓，八大愿境，喺你自发嘅，定只喺成就紧人地嘅愿境？
好多人，都认同林郑够硬净，具工作能力。不过，领导能力，又喺另一回事。跟从上司既定嘅实质目标，领导一个 PROJECT，成功执行，同把持一个无形嘅施政理念，对住无止境嘅目标，带领香港呢个国际商业城市，向前发展，呢两样嘢，完全喺天渊之别。到今日为止，我见到嘅林郑，作为司长，称职有余，但做特首呢，就未敢恭维啦！
特首条件五：团队
都喺果句，工作能力，唔等於领导能力。特首唔喺万能，更加唔可以自以为万能，家阵喺要啲人才，甘心情愿为自己卖命，而唔喺搵埋哂啲听话但唔掂嘅庸人，搞到要自己做埋下面果份。前者当上特首，HEA 做都可以好出色；至於后者呢？就真喺要够硬净、够工作能力至得罗！
关於团队方面，呢个时刻，的确喺言之过早。不过，特首要到选咗出嚟，先至会任命主要官员噃！其实，所谓物以类聚，只要留意表态支持、助选嘅各界人士，就已经可以推断出，将来团队嘅质素。就好似当年我评 CY 咁，恶者奉之、贤者拒之，就已经可以判定佢唔合格。
特首条件六：政纲
政纲，其实即喺第五项。都喺果句，特首唔喺万能，要从各大小范畴，实现施政理念，一定喺团队嘅 OUTCOME，所以政纲嘅质素，亦即喺团队嘅质素。施政理念之下嘅具体政纲，喺要通过收集各界人士嘅意见，与一众人才共同拟定出嚟，即喺唔可以太早公布。胡官、叶刘一开波就发表政纲，唔喺个人作品，就喺对可执行性、成效等未有充分评估嘅粗略之作，所以都喺唔合格。
最后嘅关键
无疑，今届特首选举，将会喺林郑同财爷曾之间嘅角力。迟下当各界人士，陆续表态之际，个形势就会越嚟越清晰。我地睇公众人物，都只喺见到表面，但一个人嘅气场，汇聚边一类支持者，喺呃唔到人嘅！
依家嘅选战，只喺雏形，各位拭目以待啦！
火影忍者：出阵
App下载
