前日,英国终於通过公投,决定脱欧啦!
响呢个大时代出文,大家唔好期望,我会就英国脱欧,提出啲乜嘢投资大计,或者有乜好买、好沽之类。认识我嘅人都知道,我喺唔会写埋啲咁嘢。
其实,呢篇只喺序,下一篇先至喺正文。分两次写,除咗因为篇幅太长之外,亦喺基於网站今日嘅环境,令我觉得有需要,响入正题之前,为大家清一清啲概念嘢。我会引用其他回应者,或专栏作者嘅言论,但为免令人觉得太针对性,对非公开身份嘅人,我一律唔会点名。不过,我仍然会一如既往,附加连结响关键词上面,俾各位参考。
楼市回调看人心每当人心异动,就会有事情发生。记得年半前,细价楼急升,令各方心绪不宁,个个礼拜,喺咁盯住个 CCL,搞到好似倒数咁。於是,我写咗篇回应,我话,
大势所趋,总要发生;成败得失,不在朝夕,意谓放低执著,顺其自然。可惜,要发生嘅,始终要发生;一个星期后,汤博士出
租管论,跟手再出
爆煲论,引嚟激辩;之后三傻引退,论坛变天。半年后,股市高位回落,经济放缓;三个月后,CCL 亦从高位回调。其间,网站人来人去,无论响气氛上,以及回应者种类上,都已经同以前唔一样。
我唔会以「好、坏」嚟形容今日嘅
地产网论坛;有朋友话,
近来留言一片乌烟瘴气,但我又唔会咁睇。其实,
网站,只喺社会嘅缩影,社会要变化,网站亦会随之改变。家阵好多香港人,
都好迷失,佢地睇唔清未来,甚至连现在发生紧乜事都唔知,佢地急於追寻一个答案,反而令自己失去方向。我话,
市场,喺需要明灯,而唔喺答案,所以我写嘢,
从来俾唔到大家答案。如果执著要响我嘅文章里面,搵出一个答案嘅话,喺冇可能睇得明我写乜。
所谓,知音难求,尤其就今日,社会嘅气氛,论坛嘅气氛,真喺好难出文,或者呢个就喺,
真正第十个人嘅命运。有时,出席公开场合,同陌生人讲开投资,对方好 BUY,仲要求交换电话、约出嚟食下饭之类。我唔惯同陌生人交换电话,更唔钟意啲人顺口开河,但见人地咁有诚意,又真喺几难推嘅。跟手,当然喺 WHATSAPP 我几篇大作嘅连结,俾佢叹一叹;作为第十个人,用呢招间接推人,九成会 WORK。正如,有网友话,无心机睇我啲长篇大论,所以从来唔回应,
可见将来都唔会喎!其实,高调写到咁绝,只喺自暴咗某种心态啫。公开网站,全地球都睇到,一个半个三唔识七,睇唔睇,回唔回应,有乜所谓?
或者佢自己好在意,但唔代表人地都喺一样嘛!
一个答案嘅执著果位网友,应该属数字派,而执著於数字、圗表嘅人,喺好难理解我嘅文章。因为数字,只可以俾到你客观嘅现实,俾唔到你主观嘅答案。例如,楼价究竟算唔算高,合唔合理,呢样好主观,亦冇一个既定嘅标准,
根本唔喺用边把尺嘅问题,而喺,点解夹硬要搵一把尺?为咗急於追求答案,就自然会导致因果误判,甚至喺是非、对错嘅矛盾。就正如,
一个弱势屋苑嘅师奶,俾记者摆上枱咬住唔放,可以为佢抱不平嘅,咁点解又唔抚心自问,家阵,
摆成个屋苑上枱,杀伤力大啲,定只喺摆个师奶上枱,杀伤力大啲?
唔喺强行追求答案,就唔会发生咁多,
令人唔开心嘅事。旧年,汤博士出爆煲论,部份好友支持者,离佢而去,甚至倒戈相向,而同时间,就引嚟咗一批淡友支持者。今年三月底,CCL 止跌,博士发表下对楼市较正面嘅睇法啫,呢批新嘅支持者,就开始不满啦!唔知咁算唔算喺,风水轮流转?例如佢话,冇证冇据,
楼价跌一半喺空谈,就即刻俾人窒,
话靠估使乜证据,跌一半唔出奇喎!咦?当日博士睇淡果阵,又唔话佢靠估?
忠告一下年青人趁机买楼,又俾人话乜乜,
送楼市最后一程、
血肉长城、之类之类。
叫政府恢复拍卖土地呢?就梗喺,
人不为己,天诛地灭啦!
见到呢堆回应,都几感慨,归根究底,都喺一个答案嘅执著。睇汤博士文章,例如爆煲论、财仔论之类,我见到嘅,喺有人带出咗「现实」嘅情况,至於佢预测「将来」会点,呢啲主观嘢,都只喺参考一下,完全唔会上心。我睇嘢嘅目的,
喺求真,而唔喺要人地,俾埋个答案自己。你睇得穿个现实嘅话,使乜人地话埋俾你知点做?他日个市,升定跌,几时升,几时跌,升几多,跌几多,今日,喺唔会有答案,有嘅,都只喺一系列「
如果」。你将自己嘅切身利益,押注哂响呢啲「如果」度,咁就唔怪之得,人地预测唔够准,就走去指责;人地俾唔到你,心目中预设嘅答案,又走去指责啦!
所以点解,有啲网友,宁愿返去 FB 度同朋友分享,都唔再公开写嘢。就好似一位朋友,今年二月底,响 FB 出咗个,
细价楼爆边论,话香港细价楼,八个月之内,即喺嚟紧十月底之前,会向上爆边喎!嗱嗱嗱,呢位朋友,我冇笃爆你架,个连结要用浏览器登入 FB,同埋喺你嘅 FB 朋友,先至会睇到。但如果有其他人,响度笃爆你嘅话,咁就唔关我事啦!
冇加息条件之下加息讲开又讲,近排有位网友,响
地产网回应区爆红,佢由今年二月底起,就开始话
CCL 会升到上火星,跟住就喺咁重复佢嘅火星论。呢位
火星网友,饱受抨击,不过我睇佢,除咗写嘢有啲夸张、HARD SELL 之外呢,又唔见得有乜问题噃。或者佢嘅讲法,令到心目中有预设答案嘅人,觉得好碍耳啦!例如,有网友话佢,
睇错美国再 QE 嘅新闻,其实我反而认为,可能喺呢位朋友自己,太深信所谓嘅,
传统主流经济学,认定美国跟手,只会进入加息周期,冇可能再 QE,先至会咁大反应。我冇兴趣去 CHECK 究竟有冇呢单新闻,但有又点?冇又点?
响新常态之下,莫讲话美国,全球各大经济体,都冇条件加息,
耶伦连负利率都讲得出口,咁再 QE,又有乜咁出奇?
最近有报导话,耶伦逐渐承认,
低增长可能喺新常态喎!得到耶伦嘅认同,即刻有啲飘飘然咁。哈哈!讲笑啫!全球焦点,集中哂响英国公投度,
最近呢次美国议息,市场简直当正佢透明。耶伦真喺可以松一口气,讲番啲似样嘅人话啦!旧年年底,美国加咗少少息,汤博士认为,
耶伦对果次后悔不已。其实冇话后悔唔后悔嘅,反正当时加息,喺嚟自
史无前例嘅庞大压力,唔加唔得。唔好以为,喺芳间讲果啲,乜乜政治压力,大选年前要加一次之类。实质上,果次嘅压力,喺嚟自投机市场,过度押注加息,以致联储局要做番啲表面功夫,避免市场过於波动。所以点解,美国十年债息,仲喺咁跌,依家仲低过未加息之前果阵。唔好话我马后炮,晨早都已经咁话啦,
加咗,都可以喺变相冇加嘅!
输与赢、对与错加息、唔加息,呢个答案,唔重要;最重要嘅喺,真正去了解市场。估赢,唔等於你啱,估输,亦唔等於你错;
赢咗,反而要认错,先至喺最难;执著於一个答案,只会令人更迷失。有位网友,好风骚咁话,
加四分一厘,楼市就跌成咁,加三厘至少跌六、七成啦,仲寸人地无知;见到呢种回应,又一个感慨。今次香港楼价回调,关美国加息乜事?唔去了解真相,而只喺将两个半年之内,出现嘅表面答案,炒埋一碟,咁嘅因果嘢都搞错,讲乜教人投资?仲够胆话,
如果有人听佢讲,旧年年初减持垃圾债,CCL140 以上减持物业,就唔使多谢佢,因为呢啲喺自己嘅英明决定喎!我就话,听佢讲嘅人,真喺多得佢唔少。
就先讲债,我买债几年,都喺有入冇沽,惟一嘅沽货,都只喺响今年四月,借
尾班车之势换货,乘机将一部份,较低息嘅投资级债券沽走,买入非投资级嘅高息债。关於尾班车,
我话过会作出交代,但因为今日嘅文章,只喺一篇序,所以我会响下一篇正文先至揭晓;总之,我以前讲话,
未达富豪级嘅 PI,同水鱼冇分别,呢句嘢,可以收番。回正题,2015 年,
我以非杠杆模式购入资产,只喺降 L/V,莫讲话冇沽货,仲喺咁增持,当中以非投资级别嘅高息债为主,即喺佢话嘅所谓垃圾债。今日,我嘅持货,受市场追捧,如果好似佢咁话去减持,就真喺错失哂机会啦!
至於楼呢?高过 CCL140,就要沽?冇事冇干,有得住,有租收,沽嚟做乜?政策之下,沽咗,买唔买得番先?要跌几多买番至有著数?楼价回调咗啲,但未跌够啫,家阵又升番啦!越等得耐,要跌更多至得架!咁吐咗啲现,就一定要玩下嘢罗!玩股票?赌英国公投?一定赢架?成日睇住个市?会唔会影响自己对事业、生意嘅专注架?将自己嘅切身利益,押注响社会、经济嘅损失度,煎熬几年,个人嘅心态,会变成点?咁嘅心态,会发达咩?俾你响 97 果阵,连自住楼都沽埋,都唔好以为自己好叻,到沙士果阵,咪一样唔够胆入!跟手梗喺话自己错失良机,或者唔好彩,直到今时今日,就成日想个市跌番五六七成。输,唔喺因为技术,喺因为心态!
都喺果句,一个答案嘅执著,导致因果误判,甚至喺是非、对错嘅矛盾。难怪,有人买咗楼,之后失业,做咗空中飞人,会俾人将个因,赖哂响买楼呢个决定度。我真喺唔识得,点样回应,惟有反问一句:
冇咗份工,唔怪自己做得唔好,反而怪自己点解买咗楼?
真正嘅楼市刚需讲番果位
火星网友,大家唔咁在意佢果啲,夸张同 HARD SELL 言论嘅话,就唔难睇得出,佢嘅中心思想,不外乎喺唔买都要租嘅刚需论。我以前都有提过,
刚需,只喺一个住嘅需求,一个唔买都要租嘅需求,就喺咁简单,唔使谂多。但喺有人呢,就将刚需同赚钱,混为一谈,讲埋哂啲乜嘢,
赚钱喺刚需中嘅刚需喎!其实,用呢种角度睇楼市,只会令自己距离市场嘅真相,越嚟越远。因为佢地忽略咗,物业市场最基础嘅推动力,而将物业同股票,视为同一物,喺严重嘅因果误判。正如我话,
一理通,百理明,好多时,问题都喺出响最基础嘅部份。所以点解,会有人讲埋哂啲乜嘢,
刚需意欲喺贪欲之类嘅谬误,又质疑,刚需咁强劲,
点解有啲楼落成后会冇人买?
网主话,房屋需求,可以响一夜之间急剧下降,甚至无影无踨。其实网主讲嘅,唔喺房屋需求,只喺购买行为啫。经济下滑、楼价跌所造成嘅消失,只在於购买行为,唔在於刚需。刚需,莫讲话冇消失过,仲不断咁增长紧,只喺数字上见唔到。但见唔到,唔代表唔存在,一旦市场转势,啲所谓「消失」咗嘅刚需,就会连同增长咗嘅刚需,一次过走番哂出嚟,即喺所谓嘅「
需求泡沫」罗!
不过,有趣嘅喺,果位将赚钱,讲成喺刚需中之刚需嘅网友,骨子里似乎喺一名大好友嚟。对香港嘅楼价,甚至睇得比火星网友更好。点解?
今年二月底起,佢就喺咁重复话,
放 BSD,CCL 会上 180 啦!咦?咁依家有 BSD,个 CCL 咪已经可以上到 156?唔好话我知,你唔识点计数,180 除以 1.15,咪即喺 156 罗!人地火星网友,旧年年底,话
CCL 会升到 170,都只喺讲紧两年后咋!呢位 180 网友仲话,大陆经济差,
但土豪买爆个市唔喺问题,咁唔放 BSD,又有几大分别?BSD,
根本就阻唔到内地投入香港楼市,唔好同我讲埋啲「心理上」嘅分别,呢个世界,好现实,全国十多亿人,冇 BSD,啲土豪就会多到买爆个市,咁唔介意俾 BSD 嘅土豪,就算少咗啲啲,都一样买得爆个市架!
有需求就有人做呢个世界,好多嘢,喺冇答案,尤其数字上嘅答案,更喺欠奉。不过作为长线投资者,持货,由几年,到几十年不等,咁喺唔喺即喺话,我地对未来嘅估算,一定要好叻好准?非也!我地赚钱,喺靠今日嘅决定,而唔喺靠将来跑出啲乜嘢,因为「如果」,喺冇保证,今日,亦唔会有答案。我地对投资物,睇嘅,喺佢个「
值」,而所谓「值」,喺好实在,唔会因为时间、环境而随便改变,同「价」唔一样。正如一个 500 平方尺嘅高层两房单位,楼价跌一半之后,唔通会缩咗做 250 平方尺、走咗落低层、又或者得番一个房咩?
我啱啱讲嘅「值」,大家都喺见得到,触摸得到。但有啲「值」,喺唔容易睇到,亦好难数字化,就好似需求咁。需求,喺一种无形嘅「值」,要了解需求,凭嘅,喺市场触觉。呢味嘢,数字、图表,帮唔到好多,关键,喺你有冇能力,睇得穿市场嘅行为,亦即喺人嘅行为。而睇穿「值」,只喺第一个层面,要赚钱,就要通过第二个层面,即喺有效同适当咁利用「值」,持续衍生回报,呢个就喺所谓嘅,
孳息。
有人引用首富嘅说话:「
边个话投资地产一定赚,我就话佢叻」。我讲过几多次,
唔好断章取义,曲解人地嘅言论?鬼唔知,任何生意,都冇话一定赚咩!但咁唔代表,人地就一定要蚀俾你。又正如我见,
王弼嘲笑收租佬,喺收三厘半,冇大志嘅砖头塔利班。其实市场,喺睇需求,只要有需求嘅生意,就会有人做,至於赚唔赚,赚几多,喺冇保证,睇唔穿呢个道理嘅,根本就唔了解市场,亦唔配做一个生意人。最差嘅投资心态,就喺成日谂住,靠人地蚀俾你去赚钱,呢种人,唔会成功。真正嘅投资者,响市场里面,
喺有清晰嘅角色。行使自己嘅角色,通过双赢,通过贡献,赚取回报,咁就算只喺得三厘半,都可以好成功。
欧洲市场嘅宏观值前日,英国以公投决定脱欧,
环球震荡,上午嘅恒生指数,喺咁跟住个点票走,真喺好似睇戏咁。早前汤博士话,公投支持脱欧嘅人,
唔会超过四成,又话脱欧之事,
今次一定唔会成功。其实,如果民众意愿,唔喺一半半嘅话,就唔使搞到要公投啦!所以公投得嘅,结果就会好难预测,博士话「
认错」,只喺承认估错,都还可以,但若果喺 SORRY 之类嘅话,我睇就不必。我见到有
被封嘅回应,指责博士估错;都喺果句啦,一个答案嘅执著罗!原来好多人,都想趁呢个关键时刻,捞番一笔,将佢地嘅投资,押注响自己心目中嘅答案度。我唔喺讲笑,呢铺同赌大细,喺冇分别,连大鳄都要输钱。所以做人呢,
真喺唔好咁投机。
今次,市场普遍低估咗难民问题,对英国人嘅切身影响。投机市场,可以通过押注,迫使美联储局加息,但就冇办法改变,英国脱欧嘅决定。因为决定加息嘅,喺财金官员,而决定脱欧嘅,喺羊群。就睇番香港自己,内地人走嚟买嘢,有经济效益之余,大家又喺中国人,都咁大抗拒,咁你话英国人,会点睇啲难民?佢地会点拣?投票支持脱欧嘅,有 52% 左右;而响香港,
十六万公民票,加六万六本土票,又喺 52% 左右喎。哗!乜咁巧合嘅?
至於英国脱欧,对香港嘅影响,我就非常同意博士讲嘅,
风马牛不相及,甚至对香港有利添。当日睇完首富嘅记者会,我就总结咗一句话,
环观四周,都喺香港最好!记得曾经劝谏朋友,都俾人话
唔尊重前辈,搞到自己好似后生咗十年咁;家阵我润全港最有钱嘅人,又唔知会唔会俾人话,冇大冇细?
虚心嘅,
小朋友一句戏言,亦可以毕生受用;唔喺嘅话,有高手教路,都可以一无所获。做得首富,点会冇呢种胸襟?好多人以为,低入高沽,就叫做投资,其实咁样只喺赌博啫!唔深入了解个「值」,而只喺睇住个「价」,根本就唔算投资。欧嘢几平,我都唔 BUY,喺因为欧洲,唔喺一个发展嘅地方,而喺一个,
烧钱嘅地方。唔好以为,烧人地嘅钱,可以唔使负责,你烧人地嘅钱,
即喺烧自己啲资源,削弱自己嘅「值」。
英国脱欧嘅启示全球一体化,喺大趋势,而欧盟嘅成立,亦喺顺势而行。可惜,呢个一体化,唔喺用嚟发展,而喺用咗嚟为佢地嘅,
民主、人权,呢啲奢侈品埋单,跟市场定律、
自然界定律,背道而驰。英国脱欧,引发欧盟解体嘅危机,正正喺漠视自然界定律嘅果,只有重回发展嘅正轨,先至可以有机会,收拾到呢个残局。
英国脱欧,究竟有乜嘢启示?其实,留欧、脱欧,都只喺一个答案,就算今次公投嘅结果,喺留欧又点?一个答案,喺改变唔到市场嘅基础现实。有啲嘢,今日唔发生,唔代表他日唔会。如果一个,开大嘅答案,同一个,开细嘅答案,令你对自己嘅投资目标个「值」,有截然唔同睇法嘅话,咁你见到嘅,根本就唔喺真正嘅「值」。点解我嘅投资,可以有
十倍嘅抗风险能力?作为长线投资者,我睇到嘅「值」,喺好实在。
正如我话,
香港,喺一处汇聚人才同投资嘅福地。就算经历咗股市大跌,楼市回调,到依家英国脱欧,香港嘅基础因素,仍然一样,而我见到,香港嘅「值」,都喺冇变。咁试问,我投资香港,有乜好惊?有人话,
香港人,似乎走在世界嘅前列。写得出呢句话嘅人,一啲都唔简单。
现实就只得一个答案,可以唔同,但现实,就只得一个。
今日呢篇序,已经写得太长,要告一段落啦!千言万语,都只喺想带出一个结论。早前有朋友,一针见血咁,
指出淡友嘅误区,其实好友,一样有误区。都喺果句,我地需要嘅,喺明灯,而唔喺答案,摒弃唔到一个答案嘅执著,就唔会睇得明我写乜,更枉论去睇得明我下一篇正文啦。
当有一日,你突然发觉,
个世界变咗;但其实,变果个,喺你,而个世界,始终如一。
只不过,之前,喺你自己,冇去睇清楚啫!