1. 博士是慈父 2018-03-12 10:49:54
|
|
3. 真真薯片 2018-03-12 11:20:14
|
呢个地点, 呢口价都1Q清, 事实摆在眼前, 个市系劲
慈唔慈父都系人讲嫁者, 你比钱佢洗, 佢咪话你慈父罗, 叫埋你做圣母马利亚都仲得
不过话分两头, 唔好理慈父系真系帮仔买楼定系自己想投资就借仔女人头悭税, 总之上一代购买力甚劲, 系地霸囤货挤住牙膏咁黎卖既情况下, 除非股汇有大变, 否则港楼都系易升难跌
|
6. 傻牛 2018-03-12 15:16:31
|
薯片兄,今时今日,万四蚊一尺,重要新楼,真系平喎,你识唔识㗎?唔通开8千蚊一尺咩?
|
8. 博士粉丝 2018-03-12 16:41:13
|
旁边二手都唔算旧,成交尺价应该大约12000左右,开到14000,叫平定叫贵,睇你点睇
|
9. 香港土著 2018-03-12 17:21:40
|
旁边旧楼12000,新楼14000即系平...... 因为旧楼四百几万首期攞唔出,新楼百几有交易。哈哈~ 买家唔够厚底,冇办法。
|
10. 真真薯片 2018-03-12 20:56:32
|
14000蚊尺, 堆填区, 仲要接近3年楼花, 即系损失3年租金收入, 果度闲闲地70几万, 加返呢条数落去, 可以买对面tko站现楼立即收租了, 租值仲要高一线, 你识唔识嫁?
|
12. 博士粉丝 2018-03-13 00:07:10
|
除左因为首期拎唔出先买晋海/malibu之外,我谂问到为何唔买尺价12000楼下旁边10年楼龄内既楼,或者800 - 950万够买将军澳/坑口/宝琳三房,点都好过买两房半仲要开放式。
好似薯片兄咁讲,买楼花投资就少左几年收租/自住就交多几年租,一来(尺价唔平)一回(少左几年租,当月租2万,三年72万),差好远。。。如果买自住楼即供拎折扣既话,一边比租一边供楼,就算月入10万都已经唔见一半。
可能我比较实际啲,如果我一定要买,堆填区新楼唔会系我首选。
|
13. 回博士粉丝 2018-03-13 00:30:07
|
好奇一问,点睇将军澳长远楼市?
本人昰初哥一名,因有小朋友需要才开始留意楼市。住在这区十多年,以为供应这麽多一定无得升。结果……
最近睇楼(主要天晋、parkside) 发觉很多都是末入伙或租盘,而新盘过ssd将会不断增加,长远这区楼价会不会下调?
谢谢
欢迎其他人提供意见
|
14. 惊青 2018-03-13 07:19:37
|
Malibu 严格来讲系 18 个月楼花期 (09-2018 至 03-2020). 如果系投资客,当你两万月租,一共 36 万租金成本 (普通中产其实要交返 360000 x 0.17= 61200 税, 即系得返 30 万)
另外,佣金回赠 (一般 1%) 相比买二手要比1% ,一来一回已经 10 万+. 然后二手点都唔同全新既装修,不论自助或者出租,点都省回十最少五万至二十万装修费同一两个月装修期.
|
15. 博士粉丝 2018-03-13 10:50:53
|
13/F,楼市真心唔识睇,只能说可以参考番博士讲过既文章,自住楼,供得起,入息真系稳定,买得起可以积极考虑买,毕竟有小朋友如果搵将军澳大小小既3房月租2万up,一年就24万up,交租就会无哂。
将军澳楼价起将军澳区内最贵,亦比较新,潜力最大。如果for自住想平少少,有兴趣可以睇下坑口啲盘,一黎无咁贵,二黎行过去将军澳广场都系10分钟内,周边有运动场有小学多幼稚园有政府医院急诊有街症门诊有母婴健康院又近科大同西贡,自住应该都算舒服,有初生小朋友都方便。
我不是agent, 坑口都有弱点,周边无得再起新楼,可能吸引唔到眼球,升值潜力亦低啲,商场质素同将军澳pop corn 1 2, 完全无得比,又唔临海(不过部分坑口屋苑高层望到海景),会所无新楼咁grand。
想住得豪定住得平,睇个人选择,我只能将我对呢两个地区既睇法同你分享。买楼风险大,系太多人一生的投资,小弟唔够班唔敢比意见你参考呢。
|
16. 真真薯片 2018-03-13 12:29:28
|
我都睇唔通康城前景, 据闻康城再入面有块地叫佛堂澳, 系海边平地, 有两个康城咁大, 一定会起楼, 如果佛堂澳都起满楼, 咁康城应该就会相对方便, 好似马鞍山同乌溪沙咁?
不过以香港正苦既速度, 佛堂澳起满楼起码要等30年, 启德由98年搬走, 20年后先有第一个私楼入伙, 对出依家先卖紧地, 准备卖几年, 估计启德最后一个楼盘10年后可以入到伙已经非常乐观, 前前后后真系30年, 全世界最有效率公务员团队唔系浪得虚名
|
17. 回博士粉丝及真真薯片 2018-03-13 13:45:53
|
|
18. 引刀一快 2018-03-14 07:25:36
|
咁就更要买大湾区喇,依家去D一线边皮,或者二三线靓位,拣单价平平地嘅嚟买,买大D,到D细路大咗,果D就系豪宅。
|
|