茶餐厅日志（324）如果以投资者角度来看楼市，现在是不值得入市

久未留言，最近留意到一个趋势，全世界开始有默契地合唱：唱跌。

好似所有灾难都将在今年、下年出现。

相当熟悉嘅气味，同样经历在三年前嘅5月。被操控嘅传媒，开始突然转向，铺天盖地反映坏消息。

搞到我呢个立志做收租佬嘅耕田佬相当兴奋，什至有d动摇，蠢蠢欲动。手上3块砖就快过3年禁售期，心思思想丢两块。地产A老友拍心口话如果肯低市价3-5%，3日内即刻签约，包卖。

多口问一问老叔父意见，点知俾佢省到晕。结尾一句系：买咗就好好过日子，安心做人，做嘢最忌半途而废。识跳上跳落系叻仔，但多数会跌亲，君不见股市专收叻仔？

我抗辩：投资者角度吖嘛！

结果差d被一个酒樽扑落来。

叔父大闹：你老豆当日就系贪图眼前嘅反谓暴利，所以卖田卖地，大大声话日后跌咗再卖返，结果呢？d钱咪跌左罗！过去10年有几十万你呢d儍high！

我即刻笠水唔讲，但心底计数，来回手续费三成，但保守估计会跌5成，乐观d会跌7成，所以静静鸡打电话俾地产A，话我预备好利是，叫佢发散手足金睛火眼𥄫实，呢排唱淡d专家嘅动向，睇下佢地点样沽一间买3间，沽一幢入3幢。

边有理由唔跌呢？衆志成城，麻烦大家一起嗌，一定跌⋯⋯ 七成！七成！七成！

哈哈，刀兄别来无恙！

小弟真系吹大咗，边有3块砖吖，得3块瓦片仔，啱啱够遮头咋。刀兄攞来养猫狗都几十万尺地，边有得同刀兄比吖。刀兄见谅，都怪小弟夜郎自大，有怪勿怪！

不过都系要怨刀兄，3年前日日夜夜出来吓鬼，话赌乜Q118，又什么再下一浪97，搞到当时小弟惊到手腾脚震，入市时慌慌张张，走咗去买大，如果走去买细，你话几好呢？依家谂返起，真系「多得你唔少」！哈哈！嗰阵时如果肯听你老哥点，而家⋯⋯，唉，总之⋯⋯ 总之⋯⋯命也！

刀兄转型去大湾区洗底后，小弟又冇跟，错失发财大浪，唉，总之⋯⋯总之⋯⋯ 就系悔恨啦！今见刀兄又日夜论坛出动，卖力依旧，天道酬勤，刀兄加油呀！共勉之，共勉之！

答刀兄第2个问题：

如果刀兄你明，咁刀兄已经系波叔或者菜生李生啦，明冇？(绝对冇得罪之意，实乃系真心话。）

不过阿刀兄，捞到个大湾区波叔都唔错啦，我真系信你喺大湾有几十万尺养紧猫狗㗎！(呢句都系真心话)。)

自住楼都沽埋佢？

刀兄真系睇得咁灰？小弟最尽都只系谂住放一间出来，然后攞来full pay剩低两间，学东尼嘅零成本操作咋，然点知俾老叔父省咗镬甘！

老叔父话唔趁低息借钱几时借钱？我话来紧息口将会升，佢就叫我走出去呢个世界望吓比较吓之后先讲，唉！

刀兄真系睇得咁灰？真系咁灰？你知我一直都信你㗎，咁呢浪跌几多？七成？