地产博客 > 文亮言 返回
浏览人次:11125    回应:20
文亮言
社会运动下的受惠者
 
汤文亮博士
纪惠集团行政总裁
2019年9月11日

  有做装修工程老友话趁中秋佳节,摆几围与各位老友共聚共醉,而摆酒的地点在香港南区,目的是离开港铁路线,示威的机会都会少很多,老友同时表示,离开示威区的食肆是相当爆棚,他费了九牛二虎之力才可以订到几席,从老友请客我了解到示威活动虽然破坏香港经济,但亦有受惠者,远离示威区的食肆就是其中的受惠者,不过,经营食肆的人不会承认,他们仍然会要求业主减租。

  老友话近日生意做唔切,由於示威者不断破坏港铁,而港铁在赎罪的心态下,即使示威者破坏至凌晨,港铁仍然可以在早上开出第一班列车,有此效率,港铁一定要付出为数不菲的维修费,甚至连价都唔敢讲,老友曾经暗示今年生意额大幅飙升,真的是要多谢那些示威者,我唔知道这算不算是发港难财,就算系,都是合理的。

  老友的生意额虽然大幅飙升,但相比另外一个搵港难钱的行业,简直是小巫见大巫,大家应该知道,香港地产在风雨飘零下仍然可以保持平稳,因为大约有六成业主没有利用他们的物业向银行借贷,但现在经济转坏,那些没有欠债的业主可能在迫不得已的情况下利用他们的物业向财务公司借贷,因为如果现在向银行借钱是需要相当时间,财务公司当然欢迎,那些其实是有抵押的私人贷款,因为在几个月之后,债仔就会将物业转按至银行,现在不但可以收取高息,亦不用担心债仔不还债。

  在过去几年,银行因为受到逆周期措施管制,很难将资金贷出,或者只能向按揭客户收取卑微利息,但经济转坏,贷款的人多了,即使他们有物业担保,银行仍然可以收取较高利息,如果经济没有起色,利用手上物业借钱的业主则会愈来愈多,银行有能力调高利息上限,换句话说,银行也是今次社运下的受惠者。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 鸟5 2019-09-11 11:32:28
十一哥 我啲牛仔今日食糊。I,m Looking 下次跌市做准备.. 维持年头原判 今年低位未见
2. 十一哥 2019-09-11 15:49:58
雀仔  鷄糊爆棚睇自己心水、赌…最紧要舍得食糊、十一哥呢排就一味储D高息蓝压仓。
静鷄鸡话你知…哪唔好笑小学鷄呀、呢排迷咗玩淘宝小米…原来好过瘾㗎 ! 谂到乜…就有乜、以前谂嘅古灵精怪嘢…淘宝帮你实现哂、领教埋D物流…真系天涯海角…一目了然效率奇高、千零人仔…试下只红米辘8(辘7辘9自己有)…啱收到…直情系冇谂住比生路其他人行、怪不得外夷一味要出茅招横手啦!真系好似D女友人闹十一哥咁…憎鬼死你呀!

3. 十一哥 2019-09-11 15:51:59
有负面嘢…就系比大老细省。
4. 鸟5 2019-09-11 15:59:10
淘宝我一早玩紧㗎啦... 玩咗半年后我已经知鸭寮街啲租死梗...
5. 鸟5 2019-09-11 16:01:16
在下太短玩唔到。。 唔系唔想玩短线。。 系能力问题, 本人自己知自己生
7. 鸟5 2019-09-11 16:09:18
更正。 自己知自己事
8. 鸟5 2019-09-11 19:52:41
香港交易所同伦敦交易所合并 ,仲话深圳 代替香港 做金融中心...谂下啦要用下脑呀... 输到仆*呀
9. 鸟5 2019-09-11 20:23:04
汇丰又带头加息, 抢钱呀行先。 全港 最大嘅零售银行手揸香港命脉数据最多。。。 后市点睇 你话佢点谂
 未上车千祈唔好上车
10. 鸟5 2019-09-11 20:26:05
咁大间bank. 都要玩转身.... 咁细Bank嗰啲窿使唔使call呢?
11. 鸟5 2019-09-11 20:54:19
地霸商会 今日华支持政府土地收回条例 起大量公屋 
未上车千祈唔好上车呀
12. 鸟5 2019-09-11 20:56:01
在下 开口 都中, 出年啲楼跳崖 唔好制呀
未上车千祈唔好上车呀
13. 鸟5 2019-09-11 20:58:00
早轮我都讲咗佢哋畀人打劫㗎啦 香港冇地 唔好信啦
14. 十一哥 2019-09-11 23:58:39
雀仔  点只鸭寮街…成个实体零售天翻地覆啦!先达直情天堂直落18层、呢轮喺淘宝/小米淘咗几十件嘢体验下…性价比真系天下无敌、件件使得又四正、就算打100%税都平通街、儍侵好古惑…上场就玩减税傻鬼、减咗就由加入口税攞番突…过埋阿爷一栋。

15. 鸟5 2019-09-11 23:59:00
其实2016年6成业主供满楼唔使供 有冇留意份系乜嘢报告嚟?明日我再详尽?。。 大家都吹咗咁耐 究竟大家知唔知呢份系乜嘢嚟呢? 明日我再讲
16. 鸟5 2019-09-12 00:03:43
撒地铺 消费地,其实系地把商场 啲大屋苑。。。 不过淘宝都有好大镬 因素。。
17. 十郎 2019-09-12 03:17:45


      11哥 , 前年(2017)我写过一则 , 我同亚仔去鸭寮街买一个大银一样大细嘅打磨布辘 , 要价6蚊一个 , 返屋企后 , 亚仔话网购卖6角 , 一模一样 , 我即刻叫佢买30个  , 过几日 , 集运送到。我要说 , 怎么办 ? 怎么办 ?


18. 十郎 2019-09-12 03:43:22


      大家有冇发觉 , 现在的东西例如电器系平左好多。

      三十年前 , 我工厂有一个乡下蠢婆女工 , 有一次闲谈间 , 佢话X声牌电饭煲冇贵过 , 因为十年前我做一个星期就够买一个 , 而家贵左好多 , 但系我做一个星期又可以够买一个 , 所以冇贵到。以前一个手提十寸电视要卖1500蚊 , 相等于一个师傅半月人工(不是工人) 。

      三十几年前 , 一个惠而浦或者飞歌洗衣机要3000至4000蚊 , 今时今日都系呢个价 , 人工高左10倍喎。

19. 十郎 2019-09-12 04:08:23


      美国减息 , 滙丰加息 , 究竟滙丰识唔识经济嚛 ? 哈哈哈哈哈哈。

      三十年前 , 有一日 , 一个做食蕉的同学找我 , 佢叫我在佢新任职嘅公司开户口 , 炒外币同伦敦金 , 佢而家系专家喎 , 我比佢吓死又激死 , 吊 , 我都未专家 , 佢仲叻过我。

      前几日我又睇到专家在报纸讲会有负利率。有可能嘅 , 不过留意下现在边 d 国家实行紧负利率先 , 德国、瑞士、日本 ?哈哈哈哈哈哈。

20. 十郎 2019-09-12 04:13:30


      佢地就好啦 , 出又刮 , 入又刮。😆😆😆😆😆😆



21. 十郎 2019-09-12 04:24:37


      好夜未瞓 , 系唔系 ? 我呢一排唔敢睇电视 , 新闻就更加唔驶喇 , 现在偏头痛 , 瞓唔到。