地产博客 > 文亮言 返回
浏览人次:17976    回应:9
文亮言
如何做一个优质解签师傅
 
汤文亮博士
纪惠集团行政总裁
2019年2月11日

  唔知边个将「每逢佳节倍思亲」改为「每逢佳节重几斤」,在农历新年后,几乎唔敢上磅,好彩在极度忍口节制之下,重了唔够一公斤,虽然满意,但仍然坚持在星期日早上跑十公里,其实近日天气非常适合跑步,跑十公里不是太辛苦,跑完步去茶餐厅食个早餐,吹下水,都几开心。

  正当我同茶餐厅老板吹水时,听到隔离枱有个类似阿妈女人,叫个仔唔好读书,走去学做解签师傅,仲话这个行业当旺,宁买当头起,阿妈仲叫个仔问我讲得啱唔啱,我当然话啱,不过,大家所见,现在解签佬的学问水准太低,要在这行业出类拔萃,一定要入大学读书,主修中史,副修英语,以后中外人士都杀,生意无忧,佢阿妈竟然话我讲得啱,如果唔做一个本科生,以后有人以硕士甚至博士身分去做解签佬,个仔要搵食就很艰难,仲多谢我解决了他们的难题,其实我唔知道他们多谢什么。

  我讲大家或者未必相信,我有一个小学老师,他声学毕业,唱男高音,每年校庆都是由他领唱,后来话教字不出头,走左去黄大仙做解签师傅,真的是发过猪头,十年前已经有几层楼收租,老师咁发原来他发明了一套解签秘芨,不会梗唱好或者唱淡,任何签去到他的手中,无论是大吉或者下下,如果问家宅,一定会答平安,问自身就难保,问前程当然锦绣,求财就会答不遂,理由很简单,问家宅代表很多人,如果话家宅不吉,就会搅到人心惶惶,如果问自身,即是有困难,答难保只不过是叫求签者小心一些,前程是很遥远的事,如果勤勤力力,加上一点运气,一定会是锦绣,求财即是要个天跌钱落嚟,当然是不遂,人无辛苦力,那得世间财,老师凭这四招食尽解籖界,不过老师同我讲,这四招是基本功,最紧要是学问水平够,尤其是中史,死都可以拗番生,很可惜老师现在唔做,否则今年由佢解签,虽然全部都是下下,老师一定讲到是中吉甚至上上,而且不会露出破绽,全香港人都会很开心,不似得现在俾几支签搅到一镬粥。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 腥港人 2019-02-11 08:58:48
签无上下,你信佢,佢都系俾个意见你,无话好唔好,尤其阿主席系问时局。

画饼充唔到饥唔驶车公勃,人人都识,咁你肚饿,当然系焗个饼/买个饼先会饱肚啦。依家无屋住,你话起明日大愚,起完我都饿死左,咪画饼充饥罗。

流感高峰期,医生护士做到无停手,仲要有班胶层谂出用拍片、鱼蛋烧卖嚟提高效率,当然亦系石田种唔出菜。

佢话你知咁做唔work唔代表一定系下签,咁你听佢讲,及时修正返都得嘛。你今日截中国殖民,下年继续有楼落成,已经舒缓到房屋、医疗啦,系咪?
2. 十年前已经有几层楼收租 2019-02-11 09:02:14
又一例证,无论做边行,财富是要累积,而累积财富的方法是……
3. 很可惜老师现在唔做 2019-02-11 09:26:13
Lucy 唔止解, 连签文都自己写埋。
4. 李泽西 2019-02-11 10:35:34
今时今日,神棍同解籖佬都系读书唔成,不学无术之人。所以咪一犬吠形百犬吠声,人云亦一云罗。哈哈
5. 引刀一快 2019-02-11 11:25:00
呢个解签事件真系过瘾,咁样解签法,仲劲过人大释法,哈哈哈哈
6. 自我陶醉 2019-02-11 14:23:41
所谓解签佬,系帮善信了解签文意思嘅人,如果任意发挥,随意演绎,这人绝对系神棍。

如果只选择爱听的话去听,其实何必去求签,不求不是更心安理得吗?
7. 好心着雷劈 2019-02-11 18:17:07
同意6楼

唔信就唔好问,更加唔应该求签。

乱吹24才是神棍(唔单止系讲解签佬)
8. 有楼收租 2019-02-11 18:38:51
有几层楼收租才是重点。香港地砖头是王道,有楼收租,正职做唔掂都冇所谓,妈叉老板都大声啲。
9. 引刀一快 2019-02-14 01:54:03
杂音

想要几层楼就一定要睇价入货。