今时今日，仲有太多太多香港人未睇清楚香港嘅价值。佢哋并唔相信，香港会发展成为世界级嘅国际大都会。但放眼全球，有边个地方及得上香港有此潜力？
回顾历史，所谓枝节、冲击，并冇能力扭转历史进程。
先讲天灾，答案好清晰。再讲人祸，小弟认为属於枝节。
中国国力冒起，可以由世界五百强企业里面睇到，铁证如山，你仲去否认，下场就系俾历史扫埋一边。
再讲统治阶级，党性，好多人认为魔都上海、首都北京，或新兴嘅深圳，会取代香港，其实早已超越，但另一方面，永远不可能超越，因为伟大的党性。只要你喺呢三个地方工作过生活过，你就知道同香港嘅分别。
伟大的党根本不会放西方世界真正进入国境，因为那是动摇政权的根源。
但一个大国，需要一个对外平台，於是香港成为必然之选。党可以俾香港乱，但绝唔容许北京上海深圳乱。呢个就系香港嘅价值，统治阶级俾咗佢最大嘅自由去发展，包括任由西方势力来发展、捣蛋同建设。小弟甚至认为，终有一日，香港会发展成为世界嘅中心点。
中资受命在回归20周年前夕来港响几个礼炮，目的明显，不外是为宣示主权。当中透露的只有一个讯息：国家爱你！上海、深圳、北京，地位不可能与香港比肩，管你GDP只占全国的几个巴仙。
以香港作为对外的平台，政治角色设定由始至终从来也没有改变！香港最终会成为「精致型」的国际大都会(暂时人口数目不足，只能成为精致型)，这是小弟的信念。
Begin with the end in mind，说穿了原来是对香港有否信心的问题。如果香港前途掂，以目前嘅货币浪，揸楼有乜理由唔掂？问题系你觉得香港掂唔掂。
跌市大家信心动摇，升市大家也信心动摇，奇哉，怪哉！不是说看长线的吗？小弟投注了余生的20年，希望可以亲眼见证香港迈向国际大都会的发展。
现在个「价」是否已远超个「值」，衆说纷纭，小弟愚见，入市或出货，如果计唔到primary gain，不妨睇吓自己嘅secondary gain。汪Sir话斋，点都有风险！
都市一直在换血，只系最近嘅速度比较明显。
路漫漫其修远兮，又到报税季节，本土香港人呀，加油，把根留住，共勉！
(接待完上海友人，醉后一派胡言，哈哈！)
App下载
